... loading ...
... loading ...
فلسطین کے نہتے عوام کے خلاف اسرائیل کی سفاکانہ کارروائیاں جاری ہیں اور عالمی برادری خاموشی سے یہ مناظر دیکھ رہی ہے یہاں تک کہ ایران کے سواکوئی اسلامی ملک بھی ایسا نہیں ہے جس نے اب تک کھل کر فلسطینیوں کی حمایت کا اعلان کیا ہو،تاہم پوری دنیا کے آزادی اور انصاف پسند عوام نے اسرائیل کی سفاکانہ کارروائیوں کے خلاف اپنے جذبات کا اظہار شروع کردیاہے اورمسلم ممالک کے علاوہ اب یورپی ممالک میں بھی اسرائیل کے خلاف بڑے بڑے مظاہروں کی خبریں آرہی ہیں جن کا مقصد اپنی حکومتوں کو اسرائیل کی سفاکیوں کا راستہ روکنے اور نہتے فلسطینیوں کی حمایت اور امداد پر مجبور کرنا ہے،دیگر ممالک کی طرح گزشتہ روز جماعت اسلامی کے زیر اہتمام بھی پورے ملک میں بھرپور احتجاجی ریلیاں نکالی گئیں،ان ریلیوں سے خطاب کرتے ہوئے ا میر جماعت اسلامی پاکستان سراج الحق نے مسلم ممالک کے حکمرانوں کو ہوش کے ناخن لینے کا مشورہ دیتے ہوئے کہا کہ مسلم حکمران غزہ کے ملبے کا ڈھیر بننے کا انتظار نہ کریں۔ انھوں نے کہا کہ غزہ کے مجاہدین ہمارا روشن مستقبل ہیں، اسرائیل کی شکست یقینی ہے، روز غزہ پر بمباری ہوتی ہے، جس میں ہزاروں فلسطینی شہید ہوچکے ہیں۔ اقوام متحدہ نے ایک ہزار بار فلسطین کے حق میں قرار دادیں منظور کی ہیں،دنیا نے دیکھا ہے کہ فلسطینی نوجوانوں نے غلیلوں سے ٹینکوں کا مقابلہ کرکے مسجد اقصیٰ کے تقدس کا حق ادا کیا ہے، پاکستان کے عوام نے بھی ہر موقع پر فلسطینی عوام کی حمایت کرکے ثابت کیا ہے کہ ان کا جینا مرنا بیت المقدس کے ساتھ ہے۔سراج الحق نے کہا کہ فلسطینیوں پرظلم کی نئی داستان رقم کی جا رہی ہے لیکن مسلم حکمران ٹس سے مس نہیں ہو رہے، امت کو اس وقت صلاح الدین ایوبی کی ضرورت ہے۔جماعت اسلامی کے زیر اہتمام فلسطینیوں کے ساتھ یکجہتی کے اظہار کیلئے نکالی جانے والی ریلی میں بڑی تعداد میں لوگوں کی شرکت سے یہ واضح ہوگیاکہ پاکستان کے عوام نے اللہ کے حضور یہ ثابت کیاہے کہ وہ اپنے بزدل اور موقع پرست حکمرانوں کی وجہ سے عملاً فلسطینی عوام کی مدد نہیں کرسکتے لیکن ان کے دل اپنے فلسطینی بھائیوں کو درپیش صورت حال کی وجہ سے لہو لہو ہورہے ہیں،پاکستان کے عوام جانتے ہیں کہ ظالم اور سفاک اسرائیلی رہنماؤں نے غزہ کی ناکہ بندی کرکے فلسطینیوں کا پانی تک بند کردیاہے جس کی وجہ سے غزہ کے لیے پانی زندگی اور موت کا مسئلہ بن گیا ہے۔اقوام متحدہ کے مطابق اسرائیلی فوج محاصرے کے بعد غزہ کے لیے پانی زندگی اور موت کا مسئلہ بن گیا ہے۔فلسطینیوں کے لیے اقوام متحدہ کی پناہ گزین ایجنسی کے کمشنر جنرل فلپ لازارینی کا کہنا ہے کہ اسرائیل نے غزہ پر حملے کرکے پانی کی سپلائی بند کر دی ہے۔جس کی وجہ سے اس وقت 2 ملین لوگوں کو پانی دستیاب نہیں ہے جس کی وجہ سے ان کی زندگی میں مشکلات مزید بڑھ گئی ہیں جس کیلئے ضروری ہے کہ غزہ میں ایندھن کو پہنچانے کی اجازت دی جائے۔انہوں نے مزید بتایا کہ ایک ہفتے سے غزہ میں انسانی امداد کی اجازت نہیں ہے، صاف پانی کی عدم دستیابی کے باعث فلسطینیوں کو گندا پانی پینے پر مجبور کیا گیا ہے جس سے بیماریاں بھی پھیل رہی ہیں۔
اس صورت حال سے ظاہر ہوتاہے کہ فلسطین میں اسرائیلی دہشت گردی رکنے کا نام نہیں لے رہی ہے، اس جنگ میں دونوں اطراف 3600 سے زائد لوگ مارے جا چکے ہیں۔ اسرائیل میں مرنے والوں کی تعداد 1300 سے زائد جبکہ غزہ میں اسرائیلی فوج کی بمباری سے مرنے والوں کی تعداد 2300 سے زائد ہو گئی۔سرائیل فوج کی جانب سے جاری کیے گئے ایک بیان میں کہا گیا ہے کہ وہ زمینی آپریشن میں بڑے پیمانے پر توسیع کرنے کی تیاری کر رہی ہے جس میں ہزاروں ریزرو فوجی بھی شامل ہوں گے۔اس حوالے سے کوئی وقت نہیں دیا گیا ہے۔ زمینی حملے کے لیے اسرائیل نے غزہ کے رہائشیوں سے شمالی حصے کو خالی کرنے کا کہا تھا۔اسرائیلی فوج کے ترجمان نے یہ اعلان کیا ہے کہ عام شہری اس رستے سے صبح 10 بجے سے دوپہر2بجے تک باہر جا سکتے ہیں۔ اس دوران اسرائیل کی فوج انھیں نشانہ نہیں بنائے گی۔یہ رستہ بیعت حنون سے خان یونس کی طرف جاتا ہے۔ڈاکٹروں کی عالمی تنظیم میڈیسن سینس فرنٹیئرز، ایم ایس ایف، کے ایگزیکٹو ڈاکٹر نتالی روبرٹس نے کہا ہے کہ غزہ کے ہسپتالوں کو چند گھنٹوں کے نوٹس پر خالی کرنا ناممکن سی بات ہے۔عالمی ادارہ صحت نے انخلا کے اس حکم کی مذمت کرتے ہوئے کہا ہے کہ ہسپتال میں داخل مریضوں کو وہاں سے زبردستی نکلنے پر مجبور کرنا انھیں سزائے موت دینے کے مترادف ہے۔اسرائیلی میڈیا رپورٹ کے مطابق اسرائیلی فوج کے درجنوں ٹینک غزہ میں داخل ہوگئے، جہاں وہ مختلف علاقوں میں لوگوں کو نشانہ بنارہے ہیں۔صورتِ حال سنگین ہے، اسرائیلی حملوں کے متاثرین کی تعداد بڑھ کر 8 ہزار سے زائد ہوگئی ہے، جن میں 2 ہزار بچے اور 1500 سے زائد خواتین شامل ہیں۔ خبر کے مطابق تازہ حملوں میں قابض فوج نے ایک ایسا قتل ِ عام کیا جس میں تقریباً 200 شہریوں کی جانیں گئیں۔ دنیا نے دیکھا کہ اس حملے کا نشانہ بننے والے تمام افراد پورے خاندان تھے۔ کئی حاملہ خواتین تھیں۔ یہاں تک کہ زخمیوں کو نکالنے کے دوران 3 ایمبولینسوں کو نشانہ بنایا گیا اور ان کے عملے کے 10 افراد زخمی ہوئے۔ اسپتالوں اور صحت کی سہولتوں کو قابض دشمن کی جانب سے مسلسل نشانہ بنانے سے بیماروں اور زخمیوں کی زندگیوں کو خطرات لاحق ہیں۔ عالمی تنظیم ہیومن رائٹس واچ نے اسرائیلی فوج کی جانب سے غزہ اور لبنان میں سفید فاسفورس بم استعمال کرنے کی تصدیق کی ہے۔ بین الاقوامی ریڈ کراس کمیٹی نے خبردار کیا ہے کہ غزہ کے ہسپتالوں میں بجلی کی کمی کی وجہ سے ان کے مردہ خانوں میں تبدیل ہونے کا خطرہ ہے اگر غزہ کی پٹی میں ایندھن کے داخلے پر پابندی برقرار رہی تو ایمبولینس کی خدمات 4دن کے اندر بند کر دی جائیں گی، یہ وارننگ ایک ایسے وقت میں سامنے آئی ہے جب زخمیوں اور مرنے والوں کی تعداد روزانہ کی بنیاد پر بڑھ رہی ہے۔ دنیا کو شاید آج معلوم ہوا ہے کہ فلسطین میں حالات خراب ہیں، خود اقوام متحدہ کی ایک رپورٹ کے مطابق صرف رواں سال کے دوران اب تک 600 حملے ریکارڈ کیے گئے ہیں۔ اسی رپورٹ کے مطابق 2022ء میں 399 فلسطینیوں کے گھروں پر قبضے کیے گئے۔ اسرائیل کی جانب سے یہ حملے مسیحیوں پر بھی جاری رہتے ہیں۔ فلسطینیوں کو تو اْس وقت بھی دہشت گرد کہا جاتا تھا جب وہ غلیلوں اور پتھروں سے اسرائیلی ٹینکوں کا مقابلہ کررہے تھے۔ ایسے میں مغربی ممالک فلسطینیوں سے یہ توقع کیوں رکھتے ہیں کہ وہ یہ سب کچھ دیکھتے رہیں گے، اسرائیلی دہشت گردی کے سامنے خاموش رہ کر امن کا راگ الاپتے رہیں گے اور روزانہ کی بنیاد پر محاصرے اور مسلط کردہ موت کے سامنے ہاتھ پر ہاتھ دھرے بیٹھے رہیں گے اس حوالے سے خود برطانوی رکن پارلیمنٹ جارج گیلوے نے اپنی میڈیا گفتگو میں اعتراف کیاہے کہ ”مسئلہ آج شروع نہیں ہوا، یہ اْس وقت سے چل رہا ہے جب اسرائیل نے فلسطین پر قبضہ کیا تھا، یہ مسئلہ تب سے چل رہا ہے جب فلسطینیوں کو اْن کی سرزمین اور گھروں سے بے دخل کردیا گیا تھا، جب فلسطینیوں کا قتل ِ عام کیا گیا تھا۔ اس لیے مسئلے کو ہفتے کے دن سے جوڑ کر اسرائیل کا غلط دفاع نہ کیا جائے“۔ اس سارے اسرائیلی کھیل میں امریکہ اسرائیل کے ساتھ جھوٹ کی بنیاد پر کھڑا ہے، وہ اسرائیل کے نقصان پر تو غم زدہ ہے اور اس کے عہدے دار ٹی وی اسکرین پر رو رہے ہیں، لیکن فلسطین میں انہیں اسرائیل کا ظلم نظر نہیں آتا۔ روزانہ معصوم بچے تہہ تیغ ہورہے ہیں وہ نظر نہیں آتا۔ اس پوری صورتحال میں مسلم ممالک اور اقوامِ متحدہ کٹھ پتلیوں کا کردار ادا کررہے ہیں جبکہ امریکا سمیت کئی مغربی ممالک آگے بڑھ کر غاصب اسرائیلیوں کے ہاتھ مضبوط کررہے ہیں۔ ان حالات میں اگر مظلوم فلسطینی اپنے دفاع کیلئے غاصب اسرائیلی سیکورٹی فورسز کے خلاف مزاحمت بھی نہ کریں تو اور کیا کریں۔ اگر اقوامِ متحدہ واقعی اس مسئلے کو مستقل بنیادوں پر حل کرانے میں سنجیدگی رکھتا ہے تو اسے بین الاقوامی طور پر مسلمہ دو ریاستی فارمولے پر عمل درآمد یقینی بنانا ہوگا۔
مولانا محمد سلمان عثمانی حضرت سیدناعمربن خطاب ؓاپنی بہادری، پر کشش شخصیت اوراعلیٰ اوصاف کی بناء پر اہل عرب میں ایک نمایاں کردار تھے، آپ ؓکی فطرت میں حیا ء کا بڑا عمل دخل تھا،آپ ؓ کی ذات مبارکہ کو یہ اعزاز بھی حاصل ہے کہ نبی مکرم ﷺ خوداللہ رب العزت کی بارگاہ میں دعا مانگی تھی ”...
بھارت میں عام انتخابات کا دوسرا مرحلہ بھی اختتام کے قریب ہے، لیکن مسلمانوں کے خلاف مودی کی ہرزہ سرائی میں کمی کے بجائے اضافہ ہوتا جارہاہے اورمودی کی جماعت کی مسلمانوں سے نفرت نمایاں ہو کر سامنے آرہی ہے۔ انتخابی جلسوں، ریلیوں اور دیگر اجتماعات میں مسلمانوں کیخلاف وزارت عظمی کے امی...
مولانا زبیر احمد صدیقی رمضان المبارک کو سا ل بھر کے مہینوں میں وہی مقام حاصل ہے، جو مادی دنیا میں موسم بہار کو سال بھر کے ایام وشہور پر حاصل ہوتا ہے۔ موسم بہار میں ہلکی سی بارش یا پھو ار مردہ زمین کے احیاء، خشک لکڑیوں کی تازگی او رگرد وغبار اٹھانے والی بے آب وگیاہ سر زمین کو س...
نگران وزیر توانائی محمد علی کی زیر صدارت کابینہ توانائی کمیٹی اجلاس میں ایران سے گیس درآمد کرنے کے لیے گوادر سے ایران کی سرحد تک 80 کلو میٹر پائپ لائن تعمیر کرنے کی منظوری دے دی گئی۔ اعلامیہ کے مطابق کابینہ کمیٹی برائے توانائی نے پاکستان کے اندر گیس پائپ لائن بچھانے کی منظوری دی،...
سندھ ہائیکورٹ کے حکم پر گزشتہ روز سوشل میڈیا پلیٹ فارم ٹوئٹر جسے اب ا یکس کا نام دیاگیاہے کی سروس بحال ہوگئی ہے جس سے اس پلیٹ فارم کو روٹی کمانے کیلئے استعمال کرنے والے ہزاروں افراد نے سکون کاسانس لیاہے، پاکستان میں ہفتہ، 17 فروری 2024 سے اس سروس کو ملک گیر پابندیوں کا سامنا تھا۔...
ادارہ شماریات کی تازہ ترین رپورٹ کے مطابق جنوری میں مہنگائی میں 1.8فی صد اضافہ ہو گیا۔رپورٹ کے مطابق گزشتہ ماہ شہری علاقوں میں مہنگائی 30.2 فی صد دیہی علاقوں میں 25.7 فی صد ریکارڈ ہوئی۔ جولائی تا جنوری مہنگائی کی اوسط شرح 28.73 فی صد رہی۔ابھی مہنگائی میں اضافے کے حوالے سے ادارہ ش...
عالمی جریدے بلوم برگ نے گزشتہ روز ملک کے عام انتخابات کے حوالے سے کہا ہے کہ الیکشن کے نتائج جوبھی ہوں پاکستان کیلئے آئی ایم ایف سے گفتگو اہم ہے۔ بلوم برگ نے پاکستان میں عام انتخابات پر ایشیاء فرنٹیئر کیپیٹل کے فنڈز منیجر روچرڈ یسائی سے گفتگو کرتے ہوئے کہا کہ پاکستان کے بیرونی قرض...
علامہ سید سلیمان ندویؒآں حضرت صلی اللہ علیہ وسلم کی بعثت تعلیم او رتزکیہ کے لیے ہوئی، یعنی لوگوں کو سکھانا اور بتانا اور نہ صرف سکھانا او ربتانا، بلکہ عملاً بھی ان کو اچھی باتوں کا پابند اور بُری باتوں سے روک کے آراستہ وپیراستہ بنانا، اسی لیے آپ کی خصوصیت یہ بتائی گئی کہ (یُعَلِّ...
بلوچستان کے اضلاع پشین اور قلعہ سیف اللہ میں انتخابی امیدواروں کے دفاتر کے باہر دھماکے ہوئے ہیں جن کے سبب 26 افراد جاں بحق اور 45 افراد زخمی ہو گئے۔ تفصیلات کے مطابق بلوچستان اور خیبر پختون خوا دہشت گردوں کے حملوں کی زد میں ہیں، آج بلوچستان کے اضلاع پشین میں آزاد امیدوار ا...
مولانا محمد نجیب قاسمیشریعت اسلامیہ نے ہر شخص کو مکلف بنایا ہے کہ وہ حقوق اللہ کے ساتھ حقوق العباد یعنی بندوں کے حقوق کی مکمل طور پر ادائیگی کرے۔ دوسروں کے حقوق کی ادائیگی کے لیے قرآن وحدیث میں بہت زیادہ اہمیت، تاکید اور خاص تعلیمات وارد ہوئی ہیں۔ نیز نبی اکرم صلی اللہ علیہ وسلم،...
پاکستان میں صارفین کے حقوق کی حفاظت کا کوئی نظام کسی بھی سطح پر کام نہیں کررہا۔ گیس، بجلی، موبائل فون کمپنیاں، انٹرنیٹ کی فراہمی کے ادارے قیمتوں کا تعین کیسے کرتے ہیں اس کے لیے وضع کیے گئے فارمولوں کو پڑتال کرنے والے کیا عوامل پیش نظر رکھتے ہیں اور سرکاری معاملات کا بوجھ صارفین پ...
خبر ہے کہ سینیٹ میں عام انتخابات ملتوی کرانے کی قرارداد پر توہین عدالت کی کارروائی کے لیے دائر درخواست پر سماعت رواں ہفتے کیے جانے کا امکان ہے۔ اس درخواست کا مستقبل ابھی سے واضح ہے۔ ممکنہ طور پر درخواست پر اعتراض بھی لگایاجاسکتاہے اور اس کوبینچ میں مقرر کر کے باقاعدہ سماعت کے بعد...
