وجود

... loading ...

وجود
وجود
ashaar

ناکام بغاوت

جمعه 29 جولائی 2016 ناکام بغاوت

turkey

یہ ایک اوسط درجے سے بھی کم ذہانت کا مظاہرہ ہے کہ یہ سوال بھی اُٹھایا جائے کہ بغاوت تو فوج نے کی اور سزا ججوں کو کیوں دی جارہی ہے۔ اول تو کسی بھی بغاوت سے پہلے اُس کے معمار اسی پر غور کرتے ہیں کہ بغاوت کے بعد خود کو قانونی شکنجے سے بچانے اور آئینی خرخرے سے سنبھالنے کا طریقہ کیا ہوگا؟ اور ظاہر ہے کہ یہ طریقہ عدلیہ سے ہی نکالا جاتا ہے۔

مگر ترکی میں بغاوت سے پہلے کے حالات میں اس سے زیادہ ہی کچھ ہوا۔ جب رجب طیب اردوان کو روسی صدر کے خصوصی نمائندے الیگزینڈر ڈیوگِن (Aleksandar Dugin) نے تمام صورت حال سے آگاہ کردیا تو ترکی کی حکومت نے حقائق کا اپنے طور پر بھی جائزہ لیا ۔ ترک حکومت نے فوج کی جانب سے بغاوت پکنے کے شواہد پانے کے بعد خفیہ طور پر اعلیٰ عدلیہ سے رابطہ کرتے ہوئے یہ درخواست کی کہ وہ ممکنہ بغاوت کو منظم کرنے والے دو ہزار بری ، بحری اور فضائی افسران کو گرفتار کرنے کا ایک حکم نامہ جاری کرے۔عدلیہ نے اس درخواست کو حقارت سے ٹھکرا دیا، ترک حکومت کو یہ جاننے اور جانچنے میں ذرا دیر بھی نہیں لگی تھی کہ اعلیٰ عدلیہ کے کچھ جج صاحبان بھی ترکی کی ممکنہ بغاوت میں فوج کے ساتھ شریک ہیں ۔ کیونکہ اُن ہی عدلیہ کے جج صاحبان نے خاموشی سے اُن جرنیلوں کو فوراً آگاہ کیا کہ حکومت نہ صرف ممکنہ فوجی بغاوت سے باخبر ہو چکی ہے بلکہ ملوث فوجیوں کو گرفتار کرکے اُن کے خلاف سبق آموز اور سخت ترین مقدمات بھی چلانے کے لیے کمربستہ ہے۔ یہی وہ وجہ تھی جس پر اگست میں طے کی گئی فوجی بغاوت کو قبل ازوقت کرنے کا عجلت میں فیصلہ کیا گیا۔ جو پوری طرح ابھی پک نہیں سکی تھی۔معتدل دانشوروں کی خدمت میں عرض ہے کہ بغاوت کو قبل ازوقت مہمیز دینے کے محرک کوئی اور نہیں عدلیہ کے اہم ترین افراد بنے تھے جو حکومت کی طرف سے بغاوت کو کچلنے کے لیے قانونی راستا اختیار کرنے کی مشاورت میں شریک کیے گیے اور باغی فوج کے ’’مخبر‘‘ نکلے۔

ابھی پوری طرح لوگ اس سے بھی آگاہ نہیں کہ روسی ایس یو 24 جیٹ طیارہ گرانے والا پائلٹ بھی دراصل اس بغاوت کا حصہ تھا۔اس سے متعلق تمام حقائق تک بھی روس نے رسائی حاصل کر لی تھی۔ واقعہ یہ تھا کہ ترک پائلٹ سے متعلق معلومات کی چھان بین اور اُس کی گفتگو کا ریکا رڈ جب حاصل کیا گیا تو یہ معلوم ہوا کہ روسی ایس یو 24جیٹ کو گرانے والا پائلٹ دو امریکی پائلٹوں کے ساتھ مستقل رابطے میں تھا اور اُن سے مسلسل گفتگو کا یکارڈ رکھتا تھا۔ اس سے قبل ماسکو اور انقرہ کے تعلقات ایک دوسرے کے لیے کافی آرام دہ تھے۔ روس نے ان حقائق تک پہنچنے کے بعد اپنے سخت رویئے میں نرمی پیدا کر لی تھی۔ اور ترک صدر نے کچھ وقت گزرنے کے بعد خاموشی سے معذرت کر لی تھی۔یہ وہ وقت تھا جب پاکستان میں مخصوص عناصر ترک صدر کی روس سے معذرت کا مزاق اڑا رہے تھے۔ کوئی پس منظر جاننے میں دلچسپی رکھتا ہی نہیں تھا۔ترک صدر نے ایک حقیقی قیادت کے طور پراپنے ملک کے ایک آلہ کار پائلٹ کے غیرذمہ دارانہ اقدام کی بھی ذمہ داری خود قبول کی تھی۔اورمتعین معلومات کے باوجود اپنی جان چھڑانے کی کوشش نہیں کی ۔ یہ کوئی ایسے حقائق نہیں جو جانے نہیں جاسکتے تھے۔ اس ضمن میں بنیادی معلومات پہلے سے مختلف ویب سائٹس اور متوازی ذرائع ابلاغ کے دھاروں میں دستیاب تھیں۔ روسی اخبارات میں کچھ حقائق شائع ہو رہے تھے اور مقدونیہ (macedonia) کی ایک آن لائن نیوز ایجنسی نے ناکام بغاوت کے بالکل ابتدائی ایام میں پس پردہ بنیادی حقائق شائع کر دیئے تھے۔ مگر پاکستانی دانشور، کالم نگار اور تجزیہ کار اس سے تو دلچسپی رکھتے ہیں کہ اُنہیں دوردراز کے مشاہداتی سفر کرائے جائیں ، مگر اُنہیں اس سے کوئی دلچسپی نہیں کہ وہ پروپیگنڈے پر مبنی مواد کی ذرا سی چھان بین کر لیں اور حقیقی خبروں کی تلاش کے لیے کچھ غیر متعصبانہ جدوجہد کر لیں۔

مثلاً ایک بلقانی ویب سائٹ نے روسی صدر کے قابل اعتبار نمائندے الیگزینڈر ڈیوگِن (Aleksandar Dugin)کے ذریعے ترک صدر کو بغاوت سے قبل بغاوت کی تیاریوں کی معلومات پہنچانے کا پورا ماجرا بیان کیا ہے۔ پیوٹن کے اس نمائندے نے کس طرح اس دورے کو غیر معمولی طریقے سے انجام دیاتاکہ اردگرد کے ممالک یا امریکا اس سرگرمی پر متوجہ نہ ہو سکے۔ وہ پہلے ماسکو سے قازقستان کے دارالحکومت استاناپہنچا ، جہاں سے وہ تہران ، دمشق اور نکوشیا سے ہوتے ہوئے انقرہ وارد ہوا۔ جہاں وہ ترک صدر رجب طیب اردوان کے سب سے قابل اعتبار نمائندے میئر ابراہیم ملیح گوچک سے ملا تھا۔ اور اُن کے گوش گزار وہ تمام حقائق بیان کیے تھے جو امریکا ترک فوج کے ذریعے رجب طیب اردوان کی حکومت کے خلاف فوجی بغاوت کی صورت میں برپا کرنے کے لیے ایک حکمت عملی کے طور پر اختیار کرچکا تھا۔ بلقانی ویب سائٹ کے علاوہ روسی اخبارات نے بھی بعد ازاں یہ انکشاف کیا کہ مذکورہ روسی نمائندے نے ترک صدر کے قابل اعتماد میئر ابراہیم ملیح گوچک کو اس ممکنہ بغاوت کے متعلق تمام معلومات سے آگاہ کیا جو روس کے خفیہ اداروں نے کئی مہینوں پر محیط سرگرمیوں کے مکمل محفوظات (ڈیٹا) سے اخذ کر رکھی تھیں۔ روسی نمائندے کے پاس یہ معلومات بھی تھیں کہ بغاوت کا آغاز کیسے اور کب ہوگا جبکہ باغی اس سے پہلے اور بعد میں کیا طریقہ کاراختیار کریں گے۔روسی نمائندے کے پاس اس بغاوت میں شامل مختلف شعبہ ہائے حیات کے تمام افراد کی نہ صرف فہرستیں تھیں ، بلکہ اُن کے کوائف تک تھے۔ حیرت انگیز طور پر ان معلومات کا تبادلہ بغاوت سے بہت پہلے دونوں ممالک میں ہو چکا تھا۔ اور ترکی نے ان معلومات کی اپنے طور پر پڑتال بھی کررکھی تھی۔ مگر پاکستانی ذرائع ابلاغ میں انتہائی متعصبانہ طور پر یہ عامیانہ سوال اُٹھایا گیا کہ بغاوت کے بعد اتنے کم عرصے میں ترک حکومت کے پاس اتنے سارے لوگوں کی معلومات کیسے اکٹھے ہوگئیں؟

ترکی میں فوجی بغاوت کا کوئی معمولی پس منظر نہیں تھا جسے ترکی کے طاہر القادری یعنی فتح اﷲ گولن کے حامیوں نے بہت نچلی سطح سے اوپر تک حمایت مہیا کررکھی تھی۔یہ تیسری عالمی جنگ کے ممکنہ عالمی ماحول میں روس امریکا کے مابین بننے والی سرد وگرم جنگ کا پیش نامہ تھا۔ جس میں ترکی کو امریکا کے مکمل رہین منت یورپ کے لیے روس اور اُن کے حامیوں کے خلاف مستقل محافظ کے طور پر کردار ادا کرنے کے لیے ایک آلۂ کار کے طور پر کھڑا کرنا تھا۔ اس میں فتح اﷲ گولن وہی کردار ادا کررہا ہے جو برصغیر میں تاج برطانیا کی حفاظت کے لیے انگریزوں نے ایسے مذہبی رہنماؤں سے لیا تھا جو بہت بااثر بھی تھے اور جن کی جڑیں اب بھی برصغیر کے منقسم معاشروں میں موجود ہیں۔ کسی شخص کی گہری تائید اُس کی دیانت یا اخلاص کی سند نہیں ہوتی۔ اور یہ فتح اﷲ گولن کی بھی نہیں ہے۔

امریکا اس فوجی بغاوت میں مکمل ناکام ہوا۔ مگر یہ اُس کی کامیابی ہے کہ اُس نے مغربی ذرائع ابلاغ کے ذریعے اس بغاوت اور اُس کے بعد کے حالات کو اپنی مرضی کی تعبیر وتفہیم مہیا کی۔ پاکستان کے کج فہم دانشور اور سادہ لوح تجزیہ کار اس کے شکار دکھائی دیئے۔ اُنہوں نے یہ جاننے کی کوشش ہی نہیں کی کہ ترکی میں بغاوت کے بعد اُٹھائے گیے اقدامات کی حقیقی وجوہات کیا ہیں ؟ اس پر بحث پھر کبھی!


متعلقہ خبریں


خطابت روح کا آئینہ ہے !
(ماجرا۔۔۔محمد طاہر)
وجود - پیر 30 ستمبر 2019

کپتان حیرتوں کی حیرت ہے!!! وہ ایک بار پھر سرخروہوا۔ پاکستان کی تاریخ کا یہ ایک منفرد تجربہ ہے جب اقوام متحدہ کی جنرل اسمبلی سے خطاب میں کسی بھی سربراہ حکومت نے ایسا جاندار ، شاندار اور شاہکار خطاب کیا ہے۔ قبل ازمسیح کے پوبلیوس سائرس اچانک ذہن کے افق پر اُبھرتے ہیں، ایک آزاد شامی جنہیں غلام بناکر رومن اٹلی میں پہنچا دیا گیا۔ اپنی حس و صلاحیت سے آقانے اُنہیں تعلیم آشنا ہونے دیااور پھر وہ اپنے غیر معمولی ذہن سے لاطینی مصنف بن کر اُبھرا۔خوبصورت فقروں، محاوروں اور ضرب الامثال...

خطابت روح کا آئینہ ہے ! <br>(ماجرا۔۔۔محمد طاہر)

خاتمہ وجود - جمعرات 29 ستمبر 2016

کیا بھارت سوویت یونین کی طرح بکھر جائے گا؟ خوشونت سنگھ ایسے دانشور بھارت کو زیادہ سمجھتے تھے۔ اُن کا جواب تھا : ہاں، بھارت باقی نہیں رہے گا۔ اُنہوں نے ایک کتاب ’’دی اینڈ آف انڈیا‘‘ تحریر کی، جس کے چمکتے الفاظ دامنِ توجہ کھینچتے ہیں۔ ’’بھارت ٹوٹا تو اس کا قصوروار پاکستان یا کوئی اور بیرونی قوت نہیں، بلکہ خود جنونی ہندو ہوں گے۔ ‘‘ بھارتی آبادی کا اسی فیصد ہندو ہیں جن میں ہر گزرتے دن مذہبی جنون بڑھتا جارہا ہے۔ ڈاکٹر راجندر پرشاد بارہ برس کی سب سے طویل مدت گزارنے والے بھار...

خاتمہ

جوتے کا سائز وجود - منگل 13 ستمبر 2016

[caption id="attachment_40669" align="aligncenter" width="640"] رابرٹ والپول[/caption] وزیراعظم نوازشریف کی صورت میں پاکستان کو ایک ایسا انمول تحفہ ملا ہے، جس کی مثال ماضی میں تو کیا ملے گی، مستقبل میں بھی ملنا دشوار ہوگی۔ اُنہوں نے اپنے اِرد گِرد ایک ایسی دنیا تخلیق کر لی ہے جس میں آپ اُن کی تعریف کے سوا کچھ اور کر ہی نہیں سکتے!اگر حالات ایسے ہی رہے، اور تارکول کی سڑکوں کے ساتھ اقتصادی راہداری کی معاشی فضیلتوں کا جاپ جاری رہاتو لگتا ہے کہ وہ سررابرٹ والپول کا ریکارڈ ...

جوتے کا سائز

نوگیارہ وجود - اتوار 11 ستمبر 2016

ہم وہ دن پیچھے چھوڑ آئے،جو دراصل ہمارے ساتھ چمٹ چکا ہے۔ ہماری تاریخ وتہذیب کے لئے سب سے بڑا امتحان بن چکا ہے اور قومی حیات سے لے کر ہمارے شرعی شب وروز پر مکمل حاوی ہو چکا ہے۔یہ مسلم ذہن کے ملی شعور کی سب سے بڑی امتحان گاہ کا خطرناک ترین دن ہے۔ امریکامیں نوگیارہ سے قبل جاپان کی طرف سے7دسمبر1941ء کو پرل ہاربر پر ایک حملہ ہوا تھا۔ تب امریکی صدر فرینکلن روز ویلٹ تھا، مگر تقریباً چھ دہائیوں کے بعد جب امریکی تجارتی سرگرمیوں کے مرکز ورلڈ ٹریڈ ٹاور اور دفاعی مرکز پینٹاگون کو نشانا...

نوگیارہ

دائرے وجود - جمعه 02 ستمبر 2016

وقت کے سرکش گھوڑے کی لگامیں ٹوٹی جاتی ہیں۔ کوئی دن جائے گا کہ تاریخ اپنا فیصلہ صادر کرے گی۔ اجتماعی حیات کو بدعنوانوں کے اس ٹولے کے حوالے نہیں کیا جاسکتا جو اپنا جواز جمہوریت سے نکالتے ہیں مگر جمہوریت کے کسی آدرش سے تو کیا علاقہ رکھتے ، اس کے اپنے بدعنوان طریقۂ اظہار سے بھی کوئی مناسبت نہیں رکھتے۔ الامان والحفیظ! تاریخ میں حکمرانوں کے ایسے طرز ہائے فکر کم کم ہی نظر آتے ہیں۔ جو اپنی بدعنوانیوں کے جواز میں ریاست تک کو برباد کرنے پر تُل جائیں۔ پاناما لیکس کوئی چھوٹا معاملہ نہیں۔...

دائرے

امریکا مجھے بے دخل نہیں کرے گا! فتح اللہ گولن کا امریکا پر اظہاراعتماد وجود - پیر 22 اگست 2016

ترکی میں فوج کی ناکام بغاوت کے بعد اب یہ بات ہرگزرتے دن پایہ ثبوت کو پہنچ رہی ہے کہ اس کی پشت پر فتح اللہ گولن اور امریکا کی مشترکہ منصوبہ بندی موجود تھی۔ اس تاثر کو مضبوط کرنے میں خود فتح اللہ گولن کے بیانات نے بھی خاصا کردار ادا کیا ہے۔ اب فتح اللہ گولن نے العربیہ نیوز چینل سے گفتگو کرتے ہوئے واضح الفاظ میں کہا ہے کہ امریکا اُنہیں ہرگز ترکی کے حوالے نہیں کرے گا۔اُن کے اپنے الفاظ اس ضمن میں یہ تھے کہ "امریکا ترکی کی جانب سے باضابطہ درخواست کے باوجود اُنہیں بے دخل نہیں کرے گ...

امریکا مجھے بے دخل نہیں کرے گا! فتح اللہ گولن کا امریکا پر اظہاراعتماد

ترکی میں ناکام انقلاب : امریکا اور روس میں براہ راست ٹکراؤ کے امکانات محمد انیس الرحمٰن - منگل 16 اگست 2016

ترکی کے صدر طیب اردگان نے گزشتہ دنوں امریکی سینٹرل کمانڈ کے چیف جنرل جوزف ووٹیل پر ناکام بغاوت میں ملوث افراد کی معاونت کا الزام عائد کرتے ہوئے کہا تھا کہ امریکا کو اپنی اوقات میں رہنا چاہئے۔ اس سے پہلے جنرل جوزف نے اپنے ایک بیان میں کہا تھا کہ ترکی میں بغاوت میں ملوث سینکڑوں ترک فوجی افسروں کی گرفتاری سے دونوں ملکوں کے تعلقات متاثر ہوسکتے ہیں۔ترکی میں بغاوت کی ناکامی کے بعد اسے امریکا کی جانب سے دھمکی قرار دیا جاسکتاہے جبکہ ترک صدر طیب اردگان کا کہنا ہے کہ امریکا پہلے ہی اس ...

ترکی میں ناکام انقلاب : امریکا اور روس میں براہ راست ٹکراؤ کے امکانات

آزادی سے بیگانگی وجود - اتوار 14 اگست 2016

تاریخ پر اب تاریخ گزرتی ہے مگر کبھی تاریخ کے اوراق کھنگالے جائیں تو ایک رائے بہادر یار جنگ کی ملتی ہے، جسے اُنہوں نے کسی اورسے نہیں خود قائداعظم محمد علی جناح کے سامنے ظاہر کیا تھا:’’پاکستان کو حاصل کرنا اتنامشکل نہیں جتنا پاکستان کو پاکستان بنانا مشکل ہو گا۔" اب دہائیاں بیت گئیں اور ایک آزاد ملک کا مطلب کیا ہوتا ہے اس کا وفور بھی کہیں غتربود ہو گیا۔ گستاخی معاف کیجئے گا، 14؍ اگست اب کچھ اور نہیں، بس عادتوں کی ایک ورزش ہے۔یومِ آزادی کے ہر شہری پر دو حق ہیں۔ ایک یہ کہ وہ اس...

آزادی سے بیگانگی

تمہارے جوان، اب کے نہ جیت پائے! محمد دین جوہر - جمعرات 11 اگست 2016

مروہ شبنم اروش ترجمہ: محمد دین جوہر تمہید [ترکی کی ناکام فوجی بغاوت پر ہمارے ہاں تبصرے اور اظہار خیال ابھی جاری ہے۔ ہم نے وجود ڈاٹ کام پر شائع ہونے والے اپنے ایک گزشتہ مضمون میں قومی میڈیا کے ”تجزیاتی رویوں“ کا ایک مختصر جائزہ لینے کی کوشش کی تھی۔ لبرل، سیکولر اور مارکسی تجزیوں کی شورہ پشتی متوقع تھی، لیکن استعماری متجددین اور جدیدیت پرست مذہبی حلقوں کے تجزیے تو بددیانتی کے ”شاہکار“ بن گئے۔ یہ کئی اعتبار سے نہایت اہم ہیں۔ ان تجزیوں میں بھرپور کوشش کی گئی کہ امریکااور یور...

تمہارے جوان، اب کے نہ جیت پائے!

دہشت ناک رویے وجود - بدھ 10 اگست 2016

چرچل نے کہا تھا: رویہ بظاہر ایک معمولی چیز ہے مگر یہ ایک بڑا فرق پیدا کرتا ہے۔ ‘‘دہشت گردی کے متعلق ہمارا رویہ کیاہے؟ اگر اس ایک نکتے پر ہی غور کر لیاجائے تو ہماری قومی نفسیات ، انفرادی عادات اور اجتماعی حرکیات کا پورا ماجرا سامنے آجاتا ہے۔ پاکستان دہشت گردی کا شکار آج سے تو نہیں ہے۔1971 میں سقوط ڈھاکا کے بعد یہ طے ہو گیا تھا کہ اب پاکستان اور بھارت ایک دوسرے سے روایتی جنگوں میں نہیں بلکہ غیر روایتی میدانوں میں مقابل ہوں گے۔ غیر واضح چہروں اور نامعلوم ہاتھوں کی لڑائی کا...

دہشت ناک رویے

ترکی بغاوت امریکا اور سعودی عرب کی ملی بھگت سے ہوئی: جولین اسانج وجود - منگل 09 اگست 2016

وکی لیکس کے بانی جولین اسانج نے امریکی سابق وزیر خارجہ اور موجودہ صدارتی امیدوار ہلیری کلنٹن پر الزام لگایا ہے کہ وہ سعودی عرب کی ملی بھگت کے ساتھ ترکی میں میں بغاوت کی کوشش کر رہی تھیں، جو ناکام بنا دی گئی۔ سابق امریکی وزیر خارجہ کے امریکا میں مقیم ترک رہنما فتح اللہ گولن کے ساتھ خفیہ و خصوصی تعلقات ہیں، جن کے بارے میں اسانج کا کہنا ہے کہ وہ ثابت کرتے ہیں کہ ہلیری نے گولن کے حامیوں کی حمایت کی اور یہ حرکت ترکی کے مستقبل کی ممکنہ امریکی صدر کے ساتھ تعلقات کے حوالے سے خدشا...

ترکی بغاوت امریکا اور سعودی عرب کی ملی بھگت سے ہوئی: جولین اسانج

جمہور کی طاقت کا عظیم مظاہرہ، استنبول میں 10 لاکھ افراد کا سمندر وجود - پیر 08 اگست 2016

ترکی میں 15 جولائی کی فوجی بغاوت سے لے کر اب تک ہر رات عوام سڑکوں پر بیٹھ کر جمہوریت کی حفاظت کا فریضہ انجام دیتے رہے اور اب 10 لاکھ سے زیادہ افراد نے طاقت کے ایک عظیم الشان مظاہرے کے ساتھ اپنا فرض مکمل کردیا ہے۔ 15 جولائی کی شب ہونے والی بغاوت کے دوران 270 لوگ مارے گئے تھے لیکن عوام کی بھرپور مداخلت کی وجہ سے حکومت بغاوت کا خاتمہ کرنے میں کامیاب ہوگئی۔ شہدائے جمہوریت کی یاد میں حکومت نے طاقت کا ایک عظیم الشان مظاہرہ کیا۔ بحیرۂ مرمرہ کے کنارے پر ینی قاپی کے علاقے میں دنیا...

جمہور کی طاقت کا عظیم مظاہرہ، استنبول میں 10 لاکھ افراد کا سمندر

مضامین
دوگززمین وجود پیر 06 دسمبر 2021
دوگززمین

سجدوں میں پڑے رہناعبادت نہیں ہوتی! وجود پیر 06 دسمبر 2021
سجدوں میں پڑے رہناعبادت نہیں ہوتی!

چین کی عسکری صلاحیت’’عالمی رونمائی‘‘ کی منتظر ہے! وجود پیر 06 دسمبر 2021
چین کی عسکری صلاحیت’’عالمی رونمائی‘‘ کی منتظر ہے!

دوگززمین وجود اتوار 05 دسمبر 2021
دوگززمین

یورپ کا مخمصہ وجود هفته 04 دسمبر 2021
یورپ کا مخمصہ

اے چاندیہاں نہ نکلاکر وجود جمعه 03 دسمبر 2021
اے چاندیہاں نہ نکلاکر

تاریخ پررحم کھائیں وجود جمعرات 02 دسمبر 2021
تاریخ پررحم کھائیں

انوکھی یات۔ٹو وجود جمعرات 02 دسمبر 2021
انوکھی یات۔ٹو

وفاقی محتسب واقعی کام کرتاہے وجود جمعرات 02 دسمبر 2021
وفاقی محتسب واقعی کام کرتاہے

ڈی سی کی گرفتاری اور سفارشی کلچر وجود جمعرات 02 دسمبر 2021
ڈی سی کی گرفتاری اور سفارشی کلچر

ماں جیسی ر یاست اور فہیم۔۔۔ وجود جمعرات 02 دسمبر 2021
ماں جیسی ر یاست اور فہیم۔۔۔

انسانیت کی معراج وجود اتوار 28 نومبر 2021
انسانیت کی معراج

اشتہار

افغانستان
طالبان کے خواتین سے متعلق حکم نامے کا خیرمقدم کرتے ہیں، تھامس ویسٹ وجود اتوار 05 دسمبر 2021
طالبان کے خواتین سے متعلق حکم نامے کا خیرمقدم کرتے ہیں، تھامس ویسٹ

15 سالہ افغان لڑکی برطانوی اخبار کی 2021 کی 25 با اثر خواتین کی فہرست میں شامل وجود هفته 04 دسمبر 2021
15 سالہ افغان لڑکی برطانوی اخبار کی 2021 کی 25 با اثر خواتین کی فہرست میں شامل

طالبان کی خواتین کو جائیداد میں حصہ دینے،شادی مرضی سے کرانے کی ہدایت وجود جمعه 03 دسمبر 2021
طالبان کی خواتین کو جائیداد میں حصہ دینے،شادی مرضی سے کرانے کی ہدایت

جھڑپ میں ایران کے 9سرحدی گارڈز ہلاک ہوئے،طالبان وجود جمعه 03 دسمبر 2021
جھڑپ میں ایران کے 9سرحدی گارڈز ہلاک ہوئے،طالبان

افغان طالبان اور ایرانی بارڈر گارڈز کے درمیان شدید جھڑپیں، بھاری اسلحہ کا استعمال وجود جمعرات 02 دسمبر 2021
افغان طالبان اور ایرانی بارڈر گارڈز کے درمیان شدید جھڑپیں، بھاری اسلحہ کا استعمال

اشتہار

بھارت
بھارت ، ٹیکس میں کمی، پیٹرول 8روپے فی لیٹرسستا ہوگیا وجود جمعرات 02 دسمبر 2021
بھارت ، ٹیکس میں کمی، پیٹرول 8روپے فی لیٹرسستا ہوگیا

بھارت میں مشتعل ہجوم کی چرچ میں تھوڑ پھوڑ ،عمارت کو نقصان،ایک شخص زخمی وجود بدھ 01 دسمبر 2021
بھارت میں مشتعل ہجوم کی چرچ میں تھوڑ پھوڑ ،عمارت کو نقصان،ایک شخص زخمی

بھارت میں نفرت جیت گئی، فنکار ہار گیا،مسلم کامیڈین وجود پیر 29 نومبر 2021
بھارت میں نفرت جیت گئی، فنکار ہار گیا،مسلم کامیڈین

بھارت میں ہندوانتہا پسندوں کی نماز جمعہ کے دوران ہلڑ بازی وجود هفته 27 نومبر 2021
بھارت میں ہندوانتہا پسندوں کی نماز جمعہ کے دوران ہلڑ بازی

چیئرمین سینیٹ صادق سنجرانی نے بھارتی دعوت نامہ مسترد کر دیا وجود جمعرات 25 نومبر 2021
چیئرمین سینیٹ صادق سنجرانی نے بھارتی دعوت نامہ مسترد کر دیا
ادبیات
جرمن امن انعام زمبابوے کی مصنفہ کے نام وجود منگل 26 اکتوبر 2021
جرمن امن انعام زمبابوے کی مصنفہ کے نام

پکاسو کے فن پارے 17 ارب روپے میں نیلام وجود پیر 25 اکتوبر 2021
پکاسو کے فن پارے 17 ارب روپے میں نیلام

اسرائیل کا ثقافتی بائیکاٹ، آئرش مصنف نے اپنی کتاب کا عبرانی ترجمہ روک دیا وجود بدھ 13 اکتوبر 2021
اسرائیل کا ثقافتی بائیکاٹ، آئرش مصنف نے اپنی کتاب کا عبرانی ترجمہ روک دیا

بھارت میں ہندوتوا کے خلاف رائے کو غداری سے جوڑا جاتا ہے، فرانسیسی مصنف کا انکشاف وجود جمعه 01 اکتوبر 2021
بھارت میں ہندوتوا کے خلاف رائے کو غداری سے جوڑا جاتا ہے، فرانسیسی مصنف کا انکشاف

اردو کو سرکاری زبان نہ بنانے پر وفاقی حکومت سے جواب طلب وجود پیر 20 ستمبر 2021
اردو کو سرکاری زبان نہ بنانے پر وفاقی حکومت سے جواب طلب
شخصیات
نامور شاعر ، مزاح نگار پطرس بخاری کی 63 ویں برسی آج منائی جائیگی وجود اتوار 05 دسمبر 2021
نامور شاعر ، مزاح نگار پطرس بخاری کی 63 ویں برسی آج منائی جائیگی

سینئر صحافی ضیاءالدین ا نتقال کر گئے وجود پیر 29 نومبر 2021
سینئر صحافی ضیاءالدین ا نتقال کر گئے

پاکستانی سائنسدان مبشررحمانی مسلسل دوسری بار دنیا کے بااثرمحققین میں شامل وجود جمعرات 25 نومبر 2021
پاکستانی سائنسدان مبشررحمانی مسلسل دوسری بار دنیا کے بااثرمحققین میں شامل

سکھ مذہب کے بانی و روحانی پیشواباباگورونانک کے552ویں جنم دن کی تین روزہ تقریبات کا آغاز وجود جمعه 19 نومبر 2021
سکھ مذہب کے بانی و روحانی پیشواباباگورونانک کے552ویں جنم دن کی تین روزہ تقریبات کا آغاز

صحافتی بہادری کا ایوارڈ، چینی اور فلسطینی خواتین صحافیوں کے نام وجود جمعه 19 نومبر 2021
صحافتی بہادری کا ایوارڈ، چینی اور فلسطینی خواتین صحافیوں کے نام