... loading ...
... loading ...
کراچی کے انتخابی نتائج پر لوگ حیران ہیں! حالانکہ اس میں کوئی چیز بھی غیر منطقی نہیں۔ ملک بھر میں بلدیاتی انتخابات کے جو نتائج آئے ہیں، وہ دنیا میں رائج اس مخصوص نوعیت کی انتخابی جمہوریت میں ایسے ہی آسکتے ہیں۔ یہ مسئلہ حالات یا سیاسی جماعتوں کا نہیں بلکہ دراصل اس جمہوری نظام سے جڑا ہے جس میں جمہوریت کو کُل انتخابی جمہوریت کے رحم وکرم پر چھوڑد یا گیا ہے۔ اور اس کے دیگر اجزا کو مکمل فراموش کردیا گیا ہے۔
معلو م نہیں کیوں لوگوں کی سمجھ میں نہیں آرہا کہ قتل وغارت گری کا جمہوریت کے ساتھ ایک نامیاتی رشتہ ہے۔ انتخابی مہمات دراصل جنگوں کی طرح ہوتی ہیں۔ بھارت سمجھنے کے لئے ایک زبردست مثال ہے۔تقسیمِ ہند کے دوران میں تقریباً دس لاکھ انسان اپنی جانوں سے ہاتھ دھو بیٹھے تھے۔ بھارت میں کانگریس نے کبھی بھی قتل وغارت گری کے اِن زخموں کو بھرنے نہیں دیا۔ بلکہ اس نفرت کو تاریخ میں زندہ رکھتے ہوئے انتخابی جمہوریت کا ایک اثاثہ بنائے رکھا۔ بھارتیہ جنتا پارٹی اور کانگریس دونوں ہی ہندوکارڈ کا بھرپور استعمال کرتی ہیں۔ جو کام بی جے پی دن کے اجالے میں کرتی ہے وہی کام کانگریس رات کی تاریکی میں کرتی ہے۔ دہلی میں سکھوں کے قتل عام کے بعد ۱۹۸۴ء میں کانگریس نے فتح کا تاج سر پر پہنا۔ گجرات میں نریندر مودی نے قتل وغارت گری کے بعد ناقابل تسخیر ہونے کا مقام حاصل کیا۔ اورپے درپے انتخابات جیتتا رہا۔
بابری مسجد کی شہادت کو آج ۲۳ برس گزرگیے۔ بھارتی شہر ایودھیا میں ۶؍دسمبر ۱۹۹۲ء کو ہزاروں ہندو جنونیوں نے سولہویں صدی کی عظیم ترین مسجد کو شہید کردیا تھا۔ مگر کم لوگ اس پر دھیان دیتے ہیں کہ یہ مسئلہ بھارت کی انتخابی جمہوریت سے کس طرح جڑا ہوا ہے۔ بابری مسجد کی شہادت کے وقت بھارت میں کانگریس کے پی وی نرسہماراؤ وزیراعظم تھے۔ بابری مسجد کی شہادت کا بوجھ اور بھارتی جمہوریت کا اس پر انحصار اس قدر مکروہ ترین انداز میں تھا کہ اُنہیں اس مسئلے پر ایک مستقل کتاب لکھنی پڑی ۔ جو اُن کی ۲۰۰۴ء میں وفات کے بعد شائع ہو سکی۔ بھارتیہ جنتا پارٹی نے اُن کے دور میں ہی بابری مسجد میں رام کی جنم بھومی کا تنازع اُٹھا کر ایک سیاسی جماعت کے طور پر کانگریس کی متبادل جماعت کے طور پر خود کو اُبھار ا۔ تب گجرات میں نریندر مودی اور اُتر پردیش میں کلیان سنگھ ہندو مسلم فسادات کو ہوا دے رہے تھے۔ یہ کہنے کی ضرورت نہیں کہ دونوں منتخب وزرائے اعلیٰ تھے۔ عام طور پر بھارت میں مسلم کش فسادات کے ذکر میں گجرات کا بھی ذکر آتا ہے مگر اُس پیش منظر، پسِ منظر اور تہِ منظر کو فراموش کردیا جاتا ہے جو جمہوریت کے ساتھ اس قتل وغارت گری اور بابری مسجد کی چلی آتی مسلسل تاریخ سے مربوط ہے۔
دراصل فروری ۲۰۰۲ء میں بھارتیہ جنتا پارٹی یوپی میں انتخابی دنگل میں اُترنے کی تیاریاں کر رہی تھی۔تب انتخابی مہم کے لیے ایک بار پھر ایودھیا میں (جہاں بابری مسجد کو ۱۹۹۲ء میں شہید کیا گیا تھا) رام مندر کی تعمیر کا مسئلہ چھیڑ دیا گیااور اسے ایک انتخابی ایجنڈا بنا دیا گیا ۔ اُن دنوں بی جے پی کی حکومت صرف گجرات میں تھی۔ ٹھیک اُن ہی دنوں فروری کے اواخر میں گودھرا اسٹیشن کے باہر اُس ریل گاڑی کو نشانہ بنایا گیا جس میں وشواہندو پریشد اور بجرنگ دل کے وہ مسلح جتھے سوار تھے جو رام مندر کی تعمیر کے لئے گھروں سے باہر نکلے تھے۔ اُس ریل گاڑی کے ایک ڈبے میں اچانک اور پراسرار طور پر آگ لگا دی گئی ، جس میں ۵۸ افراد زندہ جلا دیئے گیے۔ اس کے فورا بعد ہندو انتہا پسند گجرات کے صوبے میں گھروں سے باہر نکلے۔ بھارتی دانشورارون دھتی رائے اس کے بعد کا جو نقشہ کھینچتی ہے وہ اُن کے الفاظ میں دیکھتے ہیں:
’’چند گھنٹو ں کے اندر مسلمانوں کے قتل عام کا ایک جامع منصوبہ تیار کر لیا گیا، منصوبہ بندی میں انتہائی باریک
بینی سے کام لیا گیا، دوہزار کے قریب مسلمانوں کی جانیں لے لی گئیں۔ ڈیڑھ لاکھ افراد کو اُن کے گھروں سے
بے دخل کر دیاگیا۔بے شمار عورتوں کی سرِعام آبروریزی کی گئی، والدین کو اُن کے بچوں کے سامنے موت کے
گھاٹ اتارد یا گیا۔ اس ہجوم کے پاس کمپیوٹرائزڈ فہرستیں موجود تھیں، جن میں اُن گھروں اور دُکانوں کی نشاندہی
کی گئی تھی جو مسلمانوں کی ملکیت تھے۔ ان سب کو راکھ کا ڈھیر بنا دیا گیا۔ مسلمانوں کی عبادت گاہوں کا تقدس پامال
کیا گیا۔ ہجوم ٹرکوں سے لیس تھاجن پر ہزاروں کی تعداد میں ایسے گیس سلنڈر لدے تھے، جن کو کئی ہفتوں قبل
ذخیرہ کیا گیا تھا۔پولیس نے نہ صرف ہجوم کو تحفظ دیا بلکہ کورنگ فائر(covering fire ) بھی فراہم کیا۔‘‘
یہ اُترپردیش کی انتخابی مہم تھی، مگر اس نے گجرات میں نریندر مودی کو بھی ناقابل شکست بنا دیا۔ چنانچہ اس بڑے پیمانے پر مسلمانوں کے کھلے قتل عام سے مودی کی انتہا پسند ہندوؤں میں جو زبردست پزیرائی ہوئی اُس کی وجہ سے گجرات کے وزیراعلیٰ کے طور پر اُس نے اعلان کیا کہ وہ انتخابات قبل از وقت کرانا چاہتے ہیں۔ انتخابی جمہوریت دراصل عصبیت کے فروغ ، گروہوں کی اپنی بقاسے متعلق نفسیات اور مفروضہ دشمنوں کے خوف پر انحصار کرتی ہے۔ یہ سوال بھارت میں نہیں خود پاکستان میں بھی انتہائی اہم ہے کہ جمہوریت کی اس قسم میں ایسا کون سا بنیادی اور عملی خلا ہے جس کے باعث سیاست دان رائے دہندگان کو طبقاتی ، علاقائی، لسانی، اور ذات پات کے خانوں میں تقسیم کرنے کے لئے اُکساتے ہیں۔ بھارت میں نرسہماراؤ کے زمانے میں اسی قتل وغارت گری سے ہندو انتہاپسندی کو اس قدر فروغ ملا کہ بی جے پی اس قابل ہوئی کہ وہ کانگریس کو اکھاڑ کر تاریخ میں پہلی مرتبہ وزارتِ عظمیٰ کے منصب تک جاپہنچی۔ آج بھی یہی انتہاپسندی نریندر مودی کی طاقت ہے۔ اور وہ بھارت کے سب سے بڑے منصب پر انتخابی طاقت سے براجمان ہیں۔ستم ظریفی کی بات یہ ہے کہ بابری مسجد کے ملبے پر کھڑی ایسی جمہوریت پر مسلمان ایمان بھی رکھتے ہیں۔ پاکستان کا ماجرا بھی مختلف نہیں۔
علامہ اقبال نے راز کھولا تھا تھا جو ، ناخوب، بتدریج وہی خوب ہُوا کہ غلامی میں بدل جاتا ہے قوموں کا ضمیر زیادہ وقت نہیں گزرا، آئی ایم ایف سے معاہدے خفیہ رکھے جاتے تھے، عوام کے سامنے پیش کرتے ہوئے یہ ایک سیاسی یا قومی عیب لگتا تھا۔ آئی ایم ایف کی شرائط ملک کی فروخت سے تعبیر ک...
یہ لیجیے! پندرہ برس پہلے کی تاریخ سامنے ہے، آج 3 نومبر ہے۔ کچھ لوگوں کے لیے یہ اب بھی ایک سرشار کردینے والی تقویم کی تاریخ ہے، جو چیف جسٹس کے''حرفِ انکار'' سے پھوٹی۔ مگر دانا اور اہلِ خبر اسے اژدھوں کی طرح نگلتی، حشرات الارض کی طرح رینگتی اور پیاز کی طرح تہ بہ تہ رہتی ہماری سیاسی...
حقارت میں گندھے امریکی صدر کے بیان کو پرے رکھتے ہیں۔ اب اکہتر (71)برس بیتتے ہیں، لیاقت علی خان 16 اکتوبر کو شہید کیے گئے۔ امریکی صدر جوبائیڈن کے موجودہ رویے کو ٹٹولنا ہو تو تاریخ کے بے شمار واقعات رہنمائی کے لیے موجود ہیں۔ لیاقت علی خان کا قتل بھی جن میں سے ایک ہے۔ یہاں کچھ نہیں ...
سیاست سفاکانہ سچائیوں کے درمیان وقت کی باگ ہاتھ میں رکھنے کا ہنر ہے۔ صرف ریاضت نہیں، اس کے لیے غیر معمولی ذہانت بھی درکار ہوتی ہے۔ رُدالیوں کی طرح رونے دھونے سے کیا ہوتا ہے؟ میاں صاحب اب اچانک رونما ہوئے ہیں۔ مگر ایک سوال ہے۔ کیا وہ سیاست کی باگ اپنے ہاتھ میں رکھتے ہیں؟ کیا وہ اپ...
پرویز مشرف کا پرنسپل سیکریٹری اب کس کو یاد ہے؟ طارق عزیز!!تین وز قبل دنیائے فانی سے کوچ کیا تو اخبار کی کسی سرخی میں بھی نہ ملا۔ خلافت عثمانیہ کے نوویں سلطان سلیم انتقال کر گئے، نوروز خبر چھپائی گئی، سلطنت کے راز ایسے ہی ہوتے ہیں، قابل اعتماد پیری پاشا نے سلطان کے کمرے سے کاغذ س...
مقتدر حلقوں میں جاری سیاست دائم ابہام اور افواہوں میں ملفوف رہتی ہے۔ یہ کھیل کی بُنت کا فطری بہاؤ ہے۔ پاکستان میں سیاست کے اندر کوئی مستقل نوعیت کی شے نہیں۔ سیاسی جماعتیں، اقتدار کا بندوبست، ادارہ جاتی نظم، فیصلوں کی نہاد ، مقدمات اور انصاف میں ایسی کوئی شے نہیں، جس کی کوئی مستقل...
پاکستانی حکومت نے 12 ستمبر کو قومی پرچم سرنگوں کرلیا۔ یہ ملکہ برطانیا الزبتھ دوم کی موت پر یومِ سوگ منانے کا سرکاری اظہار تھا۔ ہم بھی کیا لوگ ہیں؟ ہمارے لیے یہ یوم سوگ نہیں، بلکہ استعمار کو سمجھنے کا ایک موقع تھا۔ یہ اپنی آزادی کے معنی سے مربوط رہنے کا ایک شاندار وقت تھا۔ یہ ایک ...
پاکستانی سیاست جس کشمکش سے گزر رہی ہے، وہ فلسفیانہ مطالعے اور مشاہدے کے لیے ایک تسلی بخش مقدمہ(کیس) ہے ۔ اگرچہ اس کے سماجی اثرات نہایت تباہ کن ہیں۔ مگر سماج اپنے ارتقاء کے بعض مراحل میں زندگی و موت کی اسی نوع کی کشمکش سے نبرد آزما ہوتا ہے۔ پاکستانی سیاست جتنی تقسیم آج ہے، پہلے کب...
وزیراعظم عمران خان کی جانب سے وزراء کی فہرستِ کارکردگی ابھی ایک طرف رکھیں! تھیٹر کے متعلق کہا جاتا ہے کہ یہ سماجی روز مرہ اور زندگی کی سچائی آشکار کرنے کو سجایا جاتا ہے۔ مگر سیاسی تھیٹر جھوٹ کو سچ کے طور پر پیش کرنے کے لیے رچایا جاتا ہے۔ وزیراعظم عمران خان سوانگ بھرنے کے اب ماہر...
بھارت میں ہندو انتہاپسندوں نے متھرا کی عید گاہ پرقبضے کی دھمکی دے دی۔ بھارتی شہرمتھرا میں ہندو انتہا پسندوں نے 17 ویں صدی میں بنائی گئی شاہی عیدگاہ پرقبضہ کرنے اور پوجا کرنے کا اعلان کیا ہے۔متھرا کی شاہی عیدگاہ مسجد میں متھرا کے مسلمان پانچ وقت کی نمازوں کے علاوہ نمازجمعہ اور عید...
کپتان حیرتوں کی حیرت ہے!!! وہ ایک بار پھر سرخروہوا۔ پاکستان کی تاریخ کا یہ ایک منفرد تجربہ ہے جب اقوام متحدہ کی جنرل اسمبلی سے خطاب میں کسی بھی سربراہ حکومت نے ایسا جاندار ، شاندار اور شاہکار خطاب کیا ہے۔ قبل ازمسیح کے پوبلیوس سائرس اچانک ذہن کے افق پر اُبھرتے ہیں، ایک آزاد شا...
کیا بھارت سوویت یونین کی طرح بکھر جائے گا؟ خوشونت سنگھ ایسے دانشور بھارت کو زیادہ سمجھتے تھے۔ اُن کا جواب تھا : ہاں، بھارت باقی نہیں رہے گا۔ اُنہوں نے ایک کتاب ’’دی اینڈ آف انڈیا‘‘ تحریر کی، جس کے چمکتے الفاظ دامنِ توجہ کھینچتے ہیں۔ ’’بھارت ٹوٹا تو اس کا قصوروار پاکستان یا کو...
