... loading ...
... loading ...
امریکامیں نومنتخب صدر ڈونلڈ ٹرمپ نے اقتدار سنبھالتے ہیں اپنی انتخابی تقریروں کے مطابق کام کا آغاز کیاہے اور سب سے پہلا حکم صدر اوباما دور میں شروع کیے جانے والے کیئر پروگرام کو ختم کرکے اس کی جگہ متبادل نظام پیش کرنے کا دیا۔وہائٹ ہائوس کی ویب سائٹ پرجاری کیے گئے ایک بیان کے مطابق صدر ڈونلڈ ٹرمپ نے حلف اٹھانے کے چند ہی منٹ کے بعدہی ایران اور شمالی کوریا کی جانب سے حملوں کے تحفظ کے لیے جدید طرز کا میزائل ڈیفنس سسٹم تیار کرنے کا ارادہ ظاہر کیا ہے۔یہ بات وہائٹ ہاؤس کی ویب سائٹ پر شائع کیے جانے والے ایک پالیسی بیان میں کہی گئی ہے۔وہائٹ ہاؤس کی ویب سائٹ پر یہ بیان جمعے کوصدر ڈونلڈ ٹرمپ کے حلف اٹھانے کے چند ہی منٹوں کے بعد شائع کیا گیا۔بیان میں میزائل ڈیفنس سسٹم کے متعلق یہ نہیں بتایا گیا کہ آیا نصب کیا جانے والا دفاعی نظام اسی طرح کا ہے جو اس وقت تیاری کے مراحل میں ہیں یا ان سے مختلف ہو گا۔وہائٹ ہائوس کے اس بیان میں دفاعی نظام کے بارے میں کسی طرح کی تفصیل فراہم نہیں کی گئی اور نہ ہی یہ بتایا گیا کہ اس پر کتنی لاگت آئے گی تاہم اس اعلان سے یہ ظاہر ہوتاہے کہ ڈونلڈ ٹرمپ انتخابی مہم کے دوران اپنے کیے ہوئے وعدوں اور دعووں پر عمل کرنے میں سنجیدہ ہیں اور اس حوالے سے ظاہر کیے جانے والے یہ خیالات کہ وہ اقتدار سنبھالنے کے بعد اپنے بہت سے وعدوں کو بھول جانے یا طاق نسیاں کے حوالے کرنے پر مجبور ہوں گے،خیال خام سے زیادہ نہیں تھے۔
جنوبی کوریا کی صدر پارک گیون ہئی نے امریکی ساختہ میزائل دفاعی نظام کی تنصیب کے فیصلے کا دفاع کیا ہے جب کہ اس ممکنہ تنصیب کے خلاف جنوبی کوریا کے عوام نے شدید ردعمل کااظہار کرتے ہوئے میزائل دفاعی نظام کی تنصیب کے خلاف پورے ملک میں مظاہرے شروع کردیے ہیں۔جنوبی کوریا کی صدر پارک گیون ہئی نے گزشتہ روزقومی سلامتی کونسل کے اجلاس کی صدارت کرتے ہوئے کہا تھا کہ شمالی کوریا کی طرف سے بیلسٹک میزائل کی بڑھتی ہوئی صلاحیت کے باعث ان کی حکومت کے پاس اور کوئی چارہ نہیں کہ وہ ٹرمینل ہائی آلٹیٹیوڈ ایریا ڈیفنس سسٹم “تھاڈ” نصب کرے۔یہ میزائل دفاعی نظام جنوب مشری علاقے سیونگجو میں لگائے جانے کا منصوبہ ہے۔اس فیصلے کے خلاف سیونگجو کی مقامی آبادی میں خاصی تشویش پائی جاتی ہے اور انھیں خدشہ ہے کہ راڈار پر مبنی یہ نظا م ماحولیات اور ان کی تصدیق کے لیے مضر ہو سکتا ہے۔اس فیصلے کے خلاف سیونگجو سے تعلق رکھنے والے ہزاروں افراد نے گزشتہ روز دارالحکومت سیول میں احتجاجی مظاہر بھی کیا۔صدر پارک نے اس منصوبے کے مخالفین کو متنبہ کیا ہے کہ اس بارے میں اختلاف سے جنوبی کوریا کے لوگ “تقسیم” اور “الجھن کا شکار” ہو سکتے ہیں جو کہ ان کے بقول یہ شمالی کوریا کے ہاتھوں میں کھیلنے مترادف ہوگا۔واضح رہے کہ گزشتہ ہفتے ہی پیانگ یانگ نے سیئول کومیزائل دفاعی نظام نصب کرنے کے فیصلے پرسنگین خطرات سے خبردار کیا تھا۔
ایک طرف ڈونلڈ ٹرمپ ایران اور شمالی کوریا کی جانب سے متوقع حملوں سے دفاع کے لیے جدید طرز کامیزائل ڈیفنس سسٹم تیار کرنے کاارادہ رکھتے ہیں،جبکہ دوسری جانب جنوبی کوریا کے جوائنٹ چیفس آف اسٹاف نے ایک بیان میں کہا کہ یہ میزائل شمالی کوریا کے ہوانگ ہئی کے صوبے سے مقامی وقت کے مطابق پیر کی دوپہر کو داغے گئے۔جنوبی کوریا کی فوج کا کہنا ہے کہ شمالی کوریا نے تین بیلسٹک میزائل فائر کیے ہیں۔جنوبی کوریا کے جوائنٹ چیفس آف اسٹاف نے پیر کو جاری ایک بیان میں کہا کہ یہ میزائل شمالی کوریا کے ہوانگ ہئی صوبے سے مقامی وقت کے مطابق پیر کی دوپہر کو داغے گئے۔جنوبی کوریا کے خبررساں ادارے یونہاپ کا کہنا ہے کہ فوری طور پر یہ معلوم نہیں کہ یہ کس نوعیت کے میزائل تھے اور اْنھوں نے کتنے فاصلے تک مار کیا۔
پیر کو یہ میزائل ایک ایسے وقت داغے گئے جب دنیا کی سرکردہ اور ابھرتی ہوئی معیشتوں کے گروپ آف 20 کے رہنما چینی شہر ہانگزو میں ہونے والے دو روزہ اجلاس میں شریک تھے اور امریکا میں صدر کی ذمہ داریوں کی منتقلی کا عمل جاری تھا۔شمالی کوریا کی طرف سے داغے جانے والے میزائلوں سے چند گھنٹے قبل ہی جنوبی کوریا کی صدر پارک گیون ہیئی اور چینی صدر ڑی جن پنگ نے اس اجلاس کے موقع پر ملاقات کی۔یونہاپ کے مطابق پیانگ یانگ کی طرف سے جوہری اور میزائل تجربات سمیت ان کی بڑھتی ہوئی اشتعال انگیزی کے بارے میں جنوبی کوریا کی صدر پارک گیون ہئی نے چینی صدر کو آگاہ کرتے ہوئے کہا کہ ان کی وجہ سے خطے کے امن کو خطرات لاحق ہو گئے ہیں اور ان کے بقول یہ سیئول اور بیجنگ کے تعلقات کے لیے ایک چیلنج بن گیا ہے۔دوسری طرف چین کی سرکاری خبر رساں ایجنسی ‘شینخوا’ کا کہنا ہے کہ صدر زی نے جنوبی کوریا کی صدر کو بتایا کہ بیجنگ امریکا کے بنائے گئے تھاڈ (ٹرمینل ہائی آلٹیٹیوڈ ایریا ڈیفنس سسٹم) میزائل شکن نظام کو جنوبی کوریا میں نصب کرنے کے خلاف ہے۔ سیئول کا کہنا ہے کہ تھاڈ شمالی کوریا سے ممکنہ میزائل حملوں کے سدباب کیے لیے ضروری ہے۔
ایک اور خبر یہ ہے کہ میزائل دفاعی نظام کے حوالے سے چین اور ترکی کے درمیان جلد ہی معاہدہ متوقع ہے،امریکا ترکی کی جانب سے ایک چینی کمپنی سی پی ایم آئی ای سی کے ساتھ میزائلوں کی تنصیب کے حوالے سے معاہدے کیلئے مذاکرات پر ناراض ہے ،کیونکہ ایران، شمالی کوریا اور شام سے متعلق قوانین کی خلاف ورزیوں پر امریکا نے چین کی اسی کمپنی سی پی ایم آئی ای سی پرقدغن عاید کی تھی اور اسی بنا پر ترکی کے سی پی ایم آئی ای سی کے ساتھ تعاون پر واشنگٹن’سنگین تحفظات‘‘ کا اظہار بھی کر چکا ہے۔ترکی کے ایک سینئر
عہدیدار نے کہا کہ ان کا ملک آئندہ 6 ماہ میں ایک چینی کمپنی کے ساتھ میزائل کے دفاعی نظام کی مشترکہ تیاری سے متعلق معاہدے کو حتمی شکل دے سکتا ہے۔
معاون وزیر برائے دفاعی صنعت مراد بیار نے گزشتہ روزانقرہ میں صحافیوں سے گفتگو کرتے ہوئے بتایا کہ اس منصوبے کے لیے اپنے مدمقابل کمپنیوں کی نسبت چائنا پریسیشن مشینری امپورٹ اینڈ ایکسپورٹ کارپوریشن (سی پی ایم آئی ای سی) کی بولی ’’قابل ذکر‘‘ حد تک کم تھی۔ اس منصوبے میں دلچسپی رکھنے والی دیگر کمپنیوں میں امریکا، روس اور دیگریورپی ممالک کی کمپنیاں شامل تھیں۔بیار کا کہنا تھا کہ ترکی نیٹو ڈیفنس سسٹم کی معلومات کا تبادلہ چین کے ساتھ نہیں کرے گا اور اگر یہ معاہدہ ہوگیا تو تقریباً تمام پیداوار ترکی ہی میں ہوگی۔چین کے لیے یہ منصوبہ جدید ہتھیاروں کی فراہمی کے تناظر میں ایک بڑی پیش رفت سمجھا جا رہا ہے۔
٭٭
[caption id="attachment_44056" align="aligncenter" width="784"] ابھی تک امریکی صدر نائب وزیر خزانہ کے عہدے پر کسی کو نامزد نہیں کرسکے جسے ٹیکسوں میں ردوبدل کے کام کی نگرانی کرنا اورنئی حکمت عملی تیار کرنا ہے کئی ماہ گزرنے کے باوجودنئے امریکی صدرڈونلڈ ٹرمپ کاٹیکسوں کے نظام کی تنظی...
امریکی صدر ڈونلڈ ٹرمپ نے برسر اقتدار آنے کے بعد فوری طورپر جس بجٹ کااعلان کیاہے وہ اُن کے دیگر اعلانات کی طرح متنازع بن گیاہے ، ڈونلڈ ٹرمپ کی انتظامیہ نے اپنے پہلے بجٹ میں ٹرمپ کے انتخابی اعلانات کے مطابق میکسکو کی سرحد پر دیوار تعمیر کرنے اور امیگرنٹس کو امریکا میں داخلے سے روک...
امریکا کے نومنتخب صدرڈونلڈ ٹرمپ کے غیر ذمہ دارانہ بیانات خاص طورپر غیر ملکیوں کے بارے میں ان کے خیالات اور اس کے پرتشدد انداز میں اظہار امریکی معیشت کے لیے بوجھ بنتے جارہے ہیں،امریکی ماہرین معاشیات کا کہناہے کہ ڈونلڈ ٹرمپ کے تندوتیز بیانات سے سب سے پہلے سیاحت کے شعبے پر منفی اثرا...
امریکا میں نسل پرستی کی بنیاد پر نفرتوں کاپرچار کرنے والے گروپ یوں تو ہمیشہ ہی سے سرگرم رہے ہیں ، یہ کبھی’’ اسکن ہیڈ ‘‘کے نام سے سامنے آتے ہیں اور کبھی ’’لیو امریکا‘‘ کے نام پر مہم چلاتے نظر آتے ہیں لیکن ڈونلڈ ٹرمپ کے برسراقتدار آنے کے بعد ان نسل پرست نفرت کے پرچارک گروپوں کی ...
امریکا کے نئے صدر ڈونلڈ ٹرمپ کی جانب سے ملکی دفاعی بجٹ میں اضافے کے فیصلے کے چند روز بعد ہی چین نے بھی رواں برس کے دوران دفاعی اخراجات میں 7 فیصد اضافے کا اعلان کردیا۔چین کی جانب سے اضافے کا اعلان بیجنگ میں سالانہ نیشنل پیپلز کانگریس (این پی سی) کے انعقاد سے قبل سامنے آیا۔دفاعی ...
امریکا کے نو منتخب صدر ڈونلڈ ٹرمپ گزشتہ روز ارکان کانگریس سے خطاب کرتے ہوئے دعویٰ کیا ہے کہ وہ داعش کو کرہ ارض سے ختم کرکے دم لیں گے۔امیگریشن پر کنٹرول کے حوالے سے انھوں نے کہا کہ ملازمتوں کے مواقع میں اضافے، سیکورٹی اور ملک میں قانون کی پاسداری کی صورت حال کو بہتر بنا کر حقیقی م...
امریکی اخبار واشنگٹن پوسٹ نے اپنے حالیہ شمارے میں نئے امریکی صدر ڈونلڈ ٹرمپ پر پھبتی کستے ہوئے لکھا ہے کہ ’’ڈونلڈ ٹرمپ نے دنیا کی طاقتور شخصیت یعنی امریکا کے صدر کا عہدہ سنبھالنے کے بعد کوئی دن بغیر غلطی کے نہیں گزارا،ایک ماہ سے زائد عرصہ گزارنے والے صدر نے اس دوران 132غلطیاں یا ...
جارج برنارڈشا نے بہت پہلے یہ راز بتادیاتھا کہ میں نے بہت پہلے یہ سیکھ لیاتھا کہ خنزیر سے کبھی نہ لڑنا کیونکہ اس سے لڑنے کی صورت میں تم گندگی میںلتھڑ جائو گے اور خنزیر کا اصل مقصد یہی ہوتا کہ آپ کو گندا کردے۔ امریکا کے صدر ڈونلڈ ٹرمپ نے امریکی میڈیا کو بہترین انداز میں بے نقاب کی...
امریکا کی شمال مغربی ریاست واشنگٹن میں ایک وفاقی جج نے7 مسلم اکثریتی ممالک کے شہریوں کے امریکا میں داخلے پر پابندی کے صدر ڈونلڈ ٹرمپ کے حکم نامے کو عارضی طور پر معطل کر دیا ہے اور اس کا اطلاق پورے ملک میں ہو گا۔وہائٹ ہاﺅس کی ہدایت پر" اس عدالتی فیصلے کے خلاف اپیل دائر کی گئی لیکن...
امریکا کے معروف فلم ساز اور صحافی مائیکل مور ، جنھوں نے ڈونلڈ ٹرمپ کی انتخابی مہم کے دوران جب کسی کو بھی ان کی کامیابی کا کوئی امکان نظر نہیں آتاتھا ،ڈونلڈ ٹرمپ کی کامیابی کی پیش گوئی کی تھی لیکن ساتھ ہی متنبہ کیا تھا کہ امریکا ایک خطرناک انقلاب کے دوراہے پر کھڑا ہے اور امریکی ع...
امریکی ماہرین نفسیات نے نومنتخب صدر ڈونلڈ ٹرمپ کی ذہنی صحت پر شکوک کا اظہار کرتے ہوئے انھیں خطرناک حد تک خود پسندی اور خوشامد پسندی کا مریض قرار دیاہے۔ ماہرین نفسیات نے ڈونلڈ ٹرمپ کی شخصیت کا تجزیہ کرتے ہوئے ان کی شخصیت اینٹی سوشل ،جارحیت پسند،اپنی تسکین کیلئے دوسروں کو اذیت پہنچ...
امریکی صدر ڈونلڈ ٹرمپ نے نئے ایگزیکٹو آرڈر پر دستخط کرکے امریکا میں تارکین وطن کے داخلے کے پروگرام کو معطل کرتے ہوئے 7 مسلمان ممالک کے شہریوں کے امریکا میں داخلے پر پابندی عائد کردی ہے۔خبر رساں ادارے اے ایف پی کے مطابق پینٹاگون میں وزیر دفاع جیمز میٹس کی تقریب حلف برادری کے بعد ...
