وجود

... loading ...

وجود

خودرا فضیحت

اتوار 12 جون 2016 خودرا فضیحت

urdu words

فارسی کی ایک مثل ہے ’’خودرا فضیحت دیگراں را نصیحت‘‘۔ یعنی خود تو غلط کام کرنا، دوسروں کو نصیحت کرنا۔ فضیحت کا مطلب رسوائی، ذلت، بدنامی بھی ہے۔ یہ محاورہ یوں یاد آیا کہ کچھ قارئین غلطیوں کی نشاندہی کرکے یہی مثل سنا دیتے ہیں۔ اب ہم کیا کریں کہ اپنے جن صحافی ساتھیوں کی زبان درست کرنے کی سعیٔ نامشکور کرتے ہیں وہی پڑھنے کی زحمت نہیں کرتے اور طعنہ ہمیں سننا پڑتا ہے۔

’’ہبہ‘‘ عطیے وغیرہ کو کہتے ہیں۔ لڑکیوں کے نام بھی رکھے جاتے ہیں کہ وہ بھی عطیۂ خداوندی ہیں۔ لیکن جانے کیوں یہ نام ’’حبہ‘‘ لکھا جانے لگا ہے۔

مثال کے طور پر منگل 3 مئی کے اخبار میں کھیلوں کے صفحے پر صحافیوں ہی سے متعلق خبر میں کراچی پریس کلب کے سیکرٹری کا نام ’’علاؤ الدین‘‘ چھپا ہے تو کیا کیا جا سکتا ہے! جو صاحب اس صفحے کے نگران ہیں انہوں نے کبھی یہ پڑھا ہی نہیں ہوگا کہ علاء الدین میں واؤ نہیں آتا۔ ہمیں یقین ہے کہ خود علاء الدین خانزادہ بھی یہ غلطی نہیں کرتے ہوں گے۔ اسی خبر میں ’’سپر سیکس‘‘ کرکٹ ٹورنامنٹ کا حوالہ ہے۔ اب کون پوچھے کہ یہ سپرسیکس کیا ہے اور کیا یہ فحش نہیں ہے! یعنی اردو بھی غلط اور انگریزی بھی غلط۔ کھیلوں کے صفحے کے نگران کے پاس تو یہ دلیل ہوسکتی ہے کہ کھلاڑیوں یا کھیل کے صفحے کے نگران کا زبان سے کیا تعلق! دورۂ انگلستان کے لیے 35 کھلاڑیوں کے انتخاب کی خبر میں بار بار یہ بتایا گیا ہے کہ انضمام الحق چیف سلیکٹر ہیں۔ غالباً ایک بار لکھنے سے تسلی نہیں ہوئی۔ یہ الفاظ کی فضول خرچی ہے جو دیگر خبروں میں بھی نظر آتی ہے۔ رکن کو ممبر لکھنا تو شاید کوئی مجبوری ہے۔ ہمیں یہ بھی یقین ہے کہ یہ سطور بھی متعلقہ افراد نہیں پڑھیں گے۔

’’ہائے‘‘ کا استعمال عموماً جمع بنانے کے لیے کیا جاتا ہے، جیسے مرزا غالب کا مصرع ہے

کاو کاو سخت جانی ہائے تنہائی نہ پوچھ

یا ’’شب ہائے جدائی‘‘ وغیرہ۔ لیکن جہاں جمع کا صیغہ ہو وہاں ’’ہائے‘‘ استعمال نہیں کی جاتی، جیسے یہ جملہ ’’رشحات ہائے قلم‘‘۔ رشحات خود جمع ہے اس لیے یہاں ہائے ہائے کرنے کی ضرورت نہیں تھی۔ رشحات ’’رشحہ‘‘ کی جمع ہے، عربی کا لفظ ہے جس کا مطلب ہے ٹپکنا، قطرہ، پسینہ وغیرہ۔

آج کل ٹی وی چینلوں اور بیانات میں اے ٹی ایم مشین کا بڑا تذکرہ ہے۔ وزیراعظم ہوں، وزیراطلاعات ہوں یا دیگر وزراء، حتیٰ کہ مولانا فضل الرحمن بھی…… سب اے ٹی ایم مشین کی بات کررہے ہیں اور اتنا نہیں معلوم کہ اس میں ’’ایم‘‘ مشین ہی کے لیے ہے۔ لیکن شاید صرف ATM کہنے سے بیان میں زور پیدا نہیں ہوتا۔ اسی طرح بارہا کراچی کے علاقے پی ای سی ایچ ایس سوسائٹی کا نام نظر سے گزرا۔ اس میں بھی آخری ایس (S) سوسائٹی ہی کے لیے ہے۔ چنانچہ آخر میں سوسائٹی لکھنا، کہنا غلط ہے۔ یہ چھوٹی چھوٹی باتیں ہیں، ان کا خیال رکھنے سے کچھ نہیں بگڑتا۔

’’تمغا‘‘ صحیح ہے یا ’’تغما‘‘؟ کئی لغات میں تغما کو صحیح قرار دیا گیا ہے، تاہم فرہنگ آصفیہ کے مطابق ترکی میں صحیح تمغا ہے، جب کہ اردو میں تغما ہے۔ یہ بات بالکل الٹ گئی ہے کیونکہ اردو میں عموماً تمغا بولا اور لکھا جارہا ہے۔ لیکن اخبارات میں تمغہ بھی نظر سے گزرتا ہے جو بالکل غلط ہے اور اسے غلط العام بھی نہیں کہا جا سکتا۔ ایک اور مزے کا لفظ اخبارات میں نظر آتا ہے ’’پانی والا تالاب‘‘۔ تالاب میں تو پہلے ہی پانی موجود ہے۔ یہ دو الفاظ کا مرکب ہے یعنی تال۔آب۔ تالاب کے لیے صرف تال بھی مستعمل ہے جیسے ’’تالوں میں تال بھوپال تال باقی سب تلیاں‘‘۔ سنا ہے کہ بھارتی ریاست بھوپال میں بہت بڑا تالاب ہے۔

حکمران اپنے جلسوں کو تو بہت بڑا بناتے ہیں تاہم دوسروں کے جلسوں کو ’’جلسی‘‘ کہتے ہیں۔ یہ حکمرانوں کا حق ہے۔ لیکن عربی میں ایک لفظ ’’جلوسی‘‘ ہے۔ یہ صفت ہے اور منسوب بہ جلوس ہے۔ مطلب ہے سامانِ جلوس، شاہی جلوس کے ملازم۔ اب اگر اردو میں ’جلوس‘ شان و شوکت، کروفر کے جلوس نکلنے اور نکالنے کے معنوں میں آگیا ہے تو ’’جلوسی‘‘ بھی لے لینا چاہیے، اور سامان جلوس کے بجائے اسے کسی چھوٹے جلسے کے لیے بطور طنز استعمال کیا جا سکتا ہے۔

سنڈے میگزین یکم تا 7 مئی کے شمارے میں صفحہ دو پر ایک سرخی ہے ’’آلاتِ موسیقی سنبھال کر رکھیں جائیں گے‘‘۔ سرخی سجانے والے صاحب اگر ’’رکھیں‘‘ کی جگہ ’’رکھے‘‘ لکھ دیتے توکوئی حرج نہیں تھا۔ جب آگے جمع آرہی ہو تو اس سے پہلے واحد آتا ہے یعنی ’’رکھے جائیں گے‘‘ ہونا چاہیے تھا۔

’’ہبہ‘‘ عطیے وغیرہ کو کہتے ہیں۔ لڑکیوں کے نام بھی رکھے جاتے ہیں کہ وہ بھی عطیۂ خداوندی ہیں۔ لیکن جانے کیوں یہ نام ’’حبہ‘‘ لکھا جانے لگا ہے۔ سنڈے میگزین میں بچوں کے صفحہ پر ایک نام ’حبہ‘ ہے جب کہ اس کا مطلب کچھ اور ہی ہے۔ عربی میں حَب گولی، قرص یا گول ڈھکن کوکہتے ہیں۔ حب ہی حبہ ہے جو بطور نام کسی طرح بھی مناسب نہیں ہے۔ ایک دواخانے کی مشہور دوا ہے ’’حب کبد نوشادری‘‘۔ یہ گولیاں ہیں اور کبد جگر کو کہتے ہیں، نوشادر اس کا ایک جزو ہے۔

حب کی ’ح‘ پر اگر پیش لگا دیا جائے تو یہ حُب ہوجائے گا جس کا مطلب ہے محبت۔ حُب اﷲ تو سنا ہی ہوگا۔ اسی سے محب، محبت، محبوب وغیرہ الفاظ بنتے ہیں۔ محب اﷲ بھی نام ہوتا ہے۔

سہ ماہی ’بیلاگ‘ کراچی کے جنوری تا مارچ کے شمارے میں محترم عزیز جبران انصاری نے وہ الفاظ درج کیے ہیں جن کا استعمال تشدید اور بغیر تشدید دونوں طرح جائز ہے مثلاً کیفیت۔ بطور دلیل دو شعر دیے ہیں:

کیفیت خاص ہے گویا مری مجبوری کی
حال جو یار کا ہنگامِ قسم ہوتا ہے

داغ دہلوی

دوسرا شعر اشرف کا ہے:

ہمارے ساتھ وہ گل رو نکھر کے آیا تھا
چمن کی کیفیت اٹھتی جو ابر چھا جاتا

اسی طرح حیثیت اردو میں بغیر تشدید کے مستعمل ہے:

چلے گی سامنے میرے نہ تمکنت تیری
رقیب مجھ کو ہے معلوم حیثیت تیری

انسانیت کا معاملہ بھی یہی ہے، گو کہ آج کل انسانیت تشدید کے ساتھ ہی نظر آرہی ہے اور انسان متشدد ہوگیا ہے۔


متعلقہ خبریں


فصل کی برداشت اور تابع دار اطہر علی ہاشمی - بدھ 22 جون 2016

پنجاب میں زراعت کے تعلق سے ایک اصطلاح نظر سے گزری جو ہمارے لیے نئی ہے اور ممکن ہے بہت سے لوگوں کے لیے بھی نئی ہو۔ یہ ہے ’’برداشت‘‘ کا استعمال۔ ویسے تو عوام ہی بہت کچھ برداشت کررہے ہیں اور صورتِ حال پر برداشتہ خاطر (بیزار، اداس، آزردہ) بھی ہیں۔ لیکن ایوب زرعی تحقیقاتی ادارے، فیصل ...

فصل کی برداشت اور تابع دار

’’غیر معمولی ترقیاں و مراعاتیں‘‘ اطہر علی ہاشمی - بدھ 20 اپریل 2016

ایک ہفت روزہ کے سرورق پر سرخی ہے ’’پیپلزپارٹی تتّر بتّر ہوسکتی ہے‘‘۔ یعنی دونوں جگہ ’ت‘ پر تشدید ہے۔ پڑھ کر خوشگوار حیرت ہوئی، کیونکہ عموماً لوگ بغیر تشدید کے تتربتر کردیتے ہیں جب کہ تشدید کے ساتھ ہی صحیح ہے۔ فرہنگ آصفیہ، فیروزاللغات وغیرہ میں بھی اسی طرح ہے، اور اردو کی کلاسیکی ...

’’غیر معمولی ترقیاں و مراعاتیں‘‘

دار۔و۔گیر پر پکڑ اطہر علی ہاشمی - بدھ 03 فروری 2016

گزشتہ تحریر میں ہم نے ’دارو‘ کا ذکر کرتے ہوئے لکھا تھا کہ ’’یاد رہے دارو گیر میں بھی دارو موجود ہے لیکن یہ ایک الگ لفظ ہے۔ دارو گیر کا دارو سے کیا تعلق ہے، یہ ماہرین ہی بتاسکتے ہیں‘‘۔ یہ معاملہ ازراہِ تفنن ہم نے ماہرین پر چھوڑ دیا تھا۔ چنانچہ سب سے پہلے تو جسارت کے پروف ریڈر گزجن...

دار۔و۔گیر پر پکڑ

’’مولک‘‘ اور ’’ایلم‘‘ اطہر علی ہاشمی - جمعه 29 جنوری 2016

علامہ طاہر اشرفی علماء کے سرخیل ہیں۔ انہوں نے غالباً عربی بھی پڑھی ہوگی، ورنہ اردو تو ضرور پڑھی ہوگی۔ اب اگر اتنے کلّے‘ ٹھلے کے اور جسیم عالم بھی ملک کو ’’مولک‘‘ کہیں تو تھوڑی سی حیرت تو ہوگی۔ اگر پنجاب کے وزیر قانون رانا ثنا اﷲ علم کو ’’ایلم‘‘کہیں تو یہ اُن کو زیب دیتا ہے بلکہ ا...

’’مولک‘‘ اور ’’ایلم‘‘

یہ وطیرہ کیا ہے؟ اطہر علی ہاشمی - پیر 16 نومبر 2015

جناب پرویز رشید وفاقی وزیر اطلاعات ہیں اور اس لحاظ سے تمام صحافیوں کے سرخیل ہیں۔ ان کا فرمانا ہمارے لیے سند ہے۔ لاہور کا معرکہ جیتنے پر وہ فرما رہے تھے کہ فلاں کی تو ضمانت تک ضَبَطْ (بروزن قلق‘ شفق‘ نفخ وغیرہ یعنی ضَ۔بَط) ہوگئی۔ اب جو مثالیں ہم نے دی ہیں نجانے ان کا تلفظ وہ کیا ک...

یہ وطیرہ کیا ہے؟

پرشکوہ بروزن جوابِ شکوہ اطہر علی ہاشمی - هفته 07 نومبر 2015

ہمارے وفاقی وزیر چودھری نثار تو ذمہ داری کو ذمہ واری کہتے رہیں گے، انہیں ان کی ذمہ واری پر چھوڑتے ہیں۔ وزیراعلیٰ پنجاب جناب شہبازشریف شمسی توانائی کی کارکردگی پر وضاحت پیش کرتے ہوئے ’’اوسط‘‘ کو بروزن دوست‘ گوشت وغیرہ کہتے رہے اور بار بار کہتے رہے۔ لیکن یہ تو حکمران طبقہ ہے۔ اسے ز...

پرشکوہ بروزن جوابِ شکوہ

لالچ مذکر یا مونث؟ اطہر علی ہاشمی - جمعرات 05 نومبر 2015

آئیے، آج ایک بچے کے خط سے آغاز کرتے ہیں جو غالباً بچوں کے رسالے ’ساتھی‘ کا قاری ہے۔ برخوردار نے لکھا ہے کہ ’’انکل‘ آپ ہمیں تو سمجھاتے ہیں کہ ’’لالچ‘‘ مونث نہیں مذکر ہے، لیکن سنڈے میگزین (6 تا 12 ستمبر) میں ایک بڑے قلمکار نے صفحہ 6 پر اپنے مضمون میں کم از کم چھ بار لالچ کو مونث لک...

لالچ مذکر یا مونث؟

نقص ِامن یا نقضِ امن اطہر علی ہاشمی - هفته 31 اکتوبر 2015

عدالتِ عظمیٰ کے حکم پر آئین کے مطابق قومی زبان اردو کو اس کا جائز مقام دینے کی کوششیں شروع ہوگئی ہیں۔ 1973ء کے آئین میں اردو کو سرکاری زبان بنانے کے لیے غالباً 10 سال کی مدت طے ہوئی تھی۔ ایسے کئی دس سال گزر گئے۔ لیکن اب عدالت نے نہ صرف حکم جاری کیا ہے بلکہ نئے منصفِ اعلیٰ نے اپنا...

نقص ِامن یا نقضِ امن

امرت سر اطہر علی ہاشمی - جمعرات 15 اکتوبر 2015

محترم عمران خان نیا پاکستان بنانے یا اسی کو نیا کرنے کی جستجو میں لگے ہوئے ہیں۔ اس کے ساتھ ہی انہوں نے ایک نیا محاورہ بھی عنایت کردیا ہے۔10 اگست کو ہری پور میں خطاب کرتے ہوئے سانحہ قصور کے حوالے سے انہوں نے پُرجوش انداز میں کہا ’’میرا سر شرم سے ڈوب گیا‘‘۔ انہوں نے دو محاوروں کو ی...

امرت سر

اینچا تانی کی کھینچا تانی اطہر علی ہاشمی - پیر 12 اکتوبر 2015

عزیزم آفتاب اقبال معروف شاعر ظفر اقبال کے ’’اقبال زادے‘‘ ہیں۔ اردو سے محبت اپنے والد سے ورثے میں پائی ہے۔ ایک ٹی وی چینل پر پروگرام کرتے ہیں۔ پروگرام کی نوعیت تو کچھ اور ہے تاہم درمیان میں آفتاب اقبال اردو کے حوالے سے چونکا دینے والے انکشافات بھی کر جاتے ہیں۔ گزشتہ دنوں انہوں نے ...

اینچا تانی کی کھینچا تانی

بیرون ممالک اطہر علی ہاشمی - بدھ 16 ستمبر 2015

چلیے، آغاز اپنی غلطی سے کرتے ہیں اور اس یقین کے ساتھ کہ آئندہ بھی کریں گے۔ پچھلے شمارے میں سرزد ہونے والے سہو کی نشاندہی روات سے ایک ذہین شخص ذہین احمد نے کی ہے۔ روات اسلام آباد کے قریب ایک چھوٹا سا قصبہ تھا، ممکن ہے اب بڑا شہر ہوگیا ہو، اسلام آباد کی قربت کا فائدہ ضرور ہوا ہوگا۔...

بیرون ممالک

رفاعی یا رفاہی اطہر علی ہاشمی - اتوار 06 ستمبر 2015

صوبہ خیبرپختون خوا کے شہر کرک سے ایک اخبار ’’دستک‘‘ کے نام سے شائع ہوتا ہے۔ زبان کے حوالے سے یہ سلسلہ وہاں بھی شائع ہورہا ہے، جس کا فائدہ یہ ہے کہ پشتو بولنے والے اُن بھائیوں سے بھی رابطہ ہورہا ہے جو اردو میں دلچسپی رکھتے ہیں۔ اردو کو قومی سطح پر تو اب تک رائج نہیں کیا گیا لیکن ا...

رفاعی یا رفاہی

مضامین
مدینے کی اسلامی فلاحی ریاست ، غزہ میں نسل کشی وجود هفته 09 دسمبر 2023
مدینے کی اسلامی فلاحی ریاست ، غزہ میں نسل کشی

خطرے کی گھنٹی وجود هفته 09 دسمبر 2023
خطرے کی گھنٹی

بدلہ نہیں بدلاؤ وجود جمعه 08 دسمبر 2023
بدلہ نہیں بدلاؤ

پنو اور نجر پر 'ہنگامہ ہے کیوں برپا'؟ وجود جمعه 08 دسمبر 2023
پنو اور نجر پر 'ہنگامہ ہے کیوں برپا'؟

جنگ بندی کے بعد اہل غزہ کا قتل عام وجود جمعه 08 دسمبر 2023
جنگ بندی کے بعد اہل غزہ کا قتل عام

اشتہار

تجزیے
غزہ موت وزیست کی کشمکش میں وجود بدھ 25 اکتوبر 2023
غزہ موت وزیست کی کشمکش میں

فلسطینیوں کے خلاف سفاکانہ کارروائیاں اور مغربی ممالک کا مجرمانہ کردار وجود بدھ 18 اکتوبر 2023
فلسطینیوں کے خلاف سفاکانہ کارروائیاں اور مغربی ممالک کا مجرمانہ کردار

متوسط طبقہ ختم ہو رہا ہے، کچھ فکر کریں!! وجود هفته 23 ستمبر 2023
متوسط طبقہ ختم ہو رہا ہے، کچھ فکر کریں!!

اشتہار

دین و تاریخ
مسجد اقصیٰ کی فضیلت وجود جمعه 20 اکتوبر 2023
مسجد اقصیٰ کی فضیلت

اسلام اور طہارت وجود منگل 17 اکتوبر 2023
اسلام اور طہارت

حضور سرور کونین،تاجدار مدینہ،خاتم النبیین حضرت محمدﷺکی سیرت طیبہ وجود جمعه 29 ستمبر 2023
حضور سرور کونین،تاجدار مدینہ،خاتم النبیین حضرت محمدﷺکی سیرت طیبہ
تہذیبی جنگ
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی وجود اتوار 19 نومبر 2023
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی

مسجد اقصیٰ میں عبادت کے لیے مسلمانوں پر پابندی، یہودیوں کو اجازت وجود جمعه 27 اکتوبر 2023
مسجد اقصیٰ میں عبادت کے لیے مسلمانوں پر پابندی، یہودیوں کو اجازت

سوئیڈش شاہی محل کے سامنے قرآن پاک شہید، مسلمان صفحات جمع کرتے رہے وجود منگل 15 اگست 2023
سوئیڈش شاہی محل کے سامنے قرآن پاک شہید، مسلمان صفحات جمع کرتے رہے
بھارت
بھارتی ریاست منی پور میں باغی گروہ کا بھارتی فوج پر حملہ، فوجی ہلاک وجود بدھ 22 نومبر 2023
بھارتی ریاست منی پور میں باغی گروہ کا بھارتی فوج پر حملہ، فوجی ہلاک

راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات وجود جمعه 27 اکتوبر 2023
راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات

مودی اور احمد آباد اسٹیڈیم کو دھماکے سے اڑانے کی دھمکی وجود هفته 07 اکتوبر 2023
مودی اور احمد آباد اسٹیڈیم کو دھماکے سے اڑانے کی دھمکی

بھارت کی سیکم ریاست میں سیلاب ،23 فوجی لاپتا وجود بدھ 04 اکتوبر 2023
بھارت کی سیکم ریاست میں سیلاب ،23 فوجی لاپتا
افغانستان
افغانستان میں پھر شدید زلزلے کے جھٹکے وجود بدھ 11 اکتوبر 2023
افغانستان میں پھر شدید زلزلے کے جھٹکے

افغانستان میں زلزلے سے تباہی،اموات 2100 ہوگئیں وجود اتوار 08 اکتوبر 2023
افغانستان میں زلزلے سے تباہی،اموات 2100 ہوگئیں

طالبان نے پاسداران انقلاب کی نیوز ایجنسی کا فوٹوگرافر گرفتار کر لیا وجود بدھ 23 اگست 2023
طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شخصیات
بھاری بھرکم آواز کے مالک عزیز میاں قوال کی 23 ویں برسی آج منائی جائے گی وجود بدھ 06 دسمبر 2023
بھاری بھرکم آواز  کے مالک عزیز میاں قوال کی 23 ویں برسی آج منائی جائے گی

ملی نغموں کے خالق نامور شاعر جمیل الدین عالی کی آٹھویں برسی آج منائی جائے گی وجود جمعرات 23 نومبر 2023
ملی نغموں کے خالق نامور شاعر جمیل الدین عالی کی آٹھویں برسی آج منائی جائے گی

دنیا کی 100 با اثر خواتین کی فہرست جاری، 2 پاکستانی بھی شامل وجود بدھ 22 نومبر 2023
دنیا کی 100 با اثر خواتین کی فہرست جاری، 2 پاکستانی بھی شامل
ادبیات
سولہویں عالمی اردو کانفرنس خوشگوار یادوں کے ساتھ اختتام پزیر وجود پیر 04 دسمبر 2023
سولہویں عالمی اردو کانفرنس خوشگوار یادوں کے ساتھ اختتام پزیر

مارکیز کی یادگار صحافتی تحریر وجود پیر 25 ستمبر 2023
مارکیز کی یادگار صحافتی تحریر

فیصل آباد کے ریٹائرڈ ایس ایچ او بچوں کی 3500 کتابوں کے مصنف بن گئے وجود پیر 11 ستمبر 2023
فیصل آباد کے ریٹائرڈ ایس ایچ او بچوں کی 3500 کتابوں کے مصنف بن گئے