وجود

... loading ...

وجود
وجود

’’معاملات ٹھن گئے‘‘

منگل 08 دسمبر 2015 ’’معاملات ٹھن گئے‘‘

urdu words

عدالتِ عظمیٰ کے منصفِ اعظم جناب انور ظہیر جمالی نے گزشتہ منگل کو ایوانِ بالا سے بڑی رواں اور شستہ اردو میں خطاب کرکے نہ صرف عدالتِ عظمیٰ کے فیصلے کی لاج رکھی بلکہ یہ بڑا ’’جمالی‘‘ خطاب تھا اور اُن حکمرانوں کے لیے آئینہ جو انگریزی کے بغیر لقمہ نہیں توڑتے۔ حالانکہ عدالتِ عظمیٰ کے اعلیٰ ترین منصب پر پہنچنے والوں کا تو اوڑھنا، بچھونا ہی انگریزی ہوتا ہے۔ قانون کی تعلیم، وکالت اور پھر عدالتوں میں دائر درخواستیں پڑھنا، جو عموماً انگریزی میں ہوتی ہیں۔ ایک عام جج بھی میاں نوازشریف سے زیادہ انگریزی پڑھ اور سمجھ لیتا ہے۔ لیکن کچھ لوگ اس وہم میں مبتلا ہیں کہ انگریزی بولے بغیر وہ پڑھے لکھے نہیں سمجھے جائیں گے۔ بعض لوگ تو شمالی علاقوں کے زلزلہ زدگان کو بھی انگریزی میں سمجھانے کی کوشش کررہے تھے۔

یہ خطاب سننے کے بعد اب ہم کامران خان کے ’’ماروائے‘‘ کہنے پر اپنا اعتراض واپس لیتے ہیں کہ اب اسے عدالتی توثیق حاصل ہوگئی ہے اور اعتراض توہینِ عدالت سمجھا جائے گا۔

منگل کو ایک کثیرالاشاعت اخبار میں بڑی دلچسپ سرخی دیکھی، ’’سندھ حکومت اور رینجرز کے درمیان معاملات ٹھن گئے‘‘۔ خبر کے مطابق ’’معاملات کے ٹھن جانے کا ایک اور معاملہ سامنے آگیا۔‘‘

’’معاملات کا معاملہ‘‘ بالکل نئی چیز ہے اور جہاں تک معاملات ٹھن جانے کا تعلق ہے تو یہ بھی نیا محاورہ ہے۔ ہمارے خیال میں تو اردو میں ایسے اضافے ہوتے رہنے چاہئیں۔ ویسے ’’سندھ حکومت اور رینجرز میں ٹھن گئی‘‘ لکھنے میں کیا قباحت تھی! معاملات کا ذکر ضروری تھا تو ’’معاملات خراب ہوگئے‘‘ سے کام چل سکتا تھا۔ لیکن لگتا ہے کہ ’ٹھن‘ صوتی اعتبار سے اچھا لگا اس لیے معاملات بھی ٹھنا دیے گئے۔ ویسے ٹھن اور ٹھن جانا اردو ہی کے الفاظ ہیں اور اس کے کئی معانی ہیں، مثلاً گھنٹے کی آواز، شورغل۔ ٹھناٹھن یا ٹھن ٹھن کا مطلب ہے: گھڑیال یا گھنٹے کی مسلسل آواز، دھات کے برتن پر ضرب لگنے کی آواز، جھنکار وغیرہ۔ عام طور پر دو برتنوں کے ٹکراؤ کی آواز سے دو افراد یا اداروں میں ٹھن جانے کا محاورہ بن گیا ہے۔ میاں، بیوی میں بھی کسی بات پر ٹھن جاتی ہے اور معاملات خراب ہوجاتے ہیں لیکن معاملات نہیں ٹھنتے۔

پچھلے شمارے میں ہم نے آشوبِ شہر، آشوبِ آگہی وغیرہ کو ’’مشتقات‘‘ لکھ دیا تھا۔ اسلام آباد سے جناب عبدالخالق بٹ نے توجہ دلائی ہے کہ انہیں مشتقات نہیں، مرکبات کہتے ہیں۔ بٹ صاحب، بہت شکریہ۔ انہیں بھی زبان و بیان سے بڑی دلچسپی ہے بلکہ عبور ہے۔ ہماری تصحیح تو جناب منظر عباسی کرتے رہتے تھے، وہ کئی ماہ سے منظر سے غائب تھے لیکن اب امریکہ، کینیڈا کا سفر کرکے واپس آگئے ہیں۔ مشتق کا مطلب ہے: نکلا ہوا، وہ لفظ جو کسی دوسرے لفظ سے بنایا جائے، وہ صیغہ جو مصدر سے بنا ہو۔

عام طور پر دو برتنوں کے ٹکراؤ کی آواز سے دو افراد یا اداروں میں ٹھن جانے کا محاورہ بن گیا ہے۔ میاں، بیوی میں بھی کسی بات پر ٹھن جاتی ہے اور معاملات خراب ہوجاتے ہیں لیکن معاملات نہیں ٹھنتے۔

جناب منظر عباسی کا ذکر ہوا تو اس کے ساتھ ہی ان کا خط بھی موصول ہوگیا۔ وہ لکھتے ہیں کہ ’’میں 20 جولائی 2015ء کو ہیوسٹن (امریکہ) اپنی بیٹی کے پاس گیا ہوا تھا، پھر ٹورانٹو میں اپنے بیٹے کے پاس چلا گیا، مگر ’’اردو ہے جس کا نام‘‘ لکھنے کا موقع نہیں ملا۔ ان کے یہ موقر مضامین سنڈے میگزین میں شائع ہوتے ہیں۔ آتے ہی انہوں نے گرفت کی ہے کہ ’’23 اکتوبر کے مجلہ جمعہ میں صفحہ 42 پر دوسرے کالم میں پروفیسر غازی علم الدین صاحب کی تحریر میں جہاں علامہ اقبال کا مصرع ’’گیسوئے اردو ابھی منت پذیر شانہ ہے‘‘ آیا تو آپ نے فوراً بریکٹ میں لکھ دیا پذیر ’ذ‘ سے نہیں ’ز‘ سے ہے‘‘۔ محترم، ذرا توجہ سے دیکھیے، ہم نے یہ تحریر سہ ماہی ’بیلاگ‘ سے عزیز جبران کے حوالے سے دی تھی۔ اب ہم کیا کریں کہ کچھ اور لوگ بھی ہم سے متفق ہیں۔ اس حوالے سے منظر عباسی نے جو دلائل دیے ہیں وہ بار بار شائع ہوچکے ہیں۔ چنانچہ ان کو دہرانے کی ضرورت نہیں۔ ’ز‘ اور ’ذ‘ کا جھگڑا ایسا سنگین تو نہیں۔ آپ ’ذ‘ سے لکھتے رہیے۔

ہمارے ایک اور مربی اور ماہر لسانیات جناب شفق ہاشمی، مقیم اسلام آباد، استیصال لکھنے پر معترض ہیں۔ یہی اعتراض جناب منظر عباسی کو رہا ہے جس کا ذکر وہ اپنی تحریروں میں کرتے رہے ہیں۔ اتفاق سے دونوں ہی ہاشمی ہیں۔ چنانچہ ہم ہی پس پا ہوجاتے ہیں۔ ویسے بھی ہمارے نزدیک یہ ایسا معاملہ نہیں کہ ’’ٹھن‘‘ جائے۔

پچھلے شمارے میں محاوراتِ غالب سے ایک بانگی دکھائی تھی۔ کچھ قارئین کو شکوہ ہے کہ ’’خس بدنداں گرفتن‘‘ سمجھ میں نہیں آیا۔ یہ تو شاید غالب کو بھی سمجھ میں نہ آیا ہو اسی لیے منظوم ترجمہ کرکے سمجھا۔ چلیے، ایک آسان سا محاورہ ’’مرغوب آنا، مرغوب ہونا‘‘…… اس کو غالب نے یوں استعمال کیا کہ ’’مرغوب‘‘ بھی بھاگ نکلے گا، کہتے ہیں:

شمار سبحہ مرغوب بت مشکل پسند آیا
تماشائے بہ یک کف بردن صد دل پسند آیا

مرزا غالب کی یہ پوری غزل ان کی مشکل پسندی کی غماز ہے، اور کسی نے تبصرہ کیا تھا کہ اگر ’آیا‘ کی جگہ ’آمد‘ کردیا جائے تو پوری غزل فارسی میں ہوگی مثلاً یہ شعر دیکھیے:

ہوائے سیر گل آئینۂ بے مہری قاتل
کہ انداز بخوں غلطیدن بسمل پسند آیا

اسی مضمون کو مرزا نے سہل زبان میں بھی باندھا ہے:

انہیں منظور اپنے زخموں کا دیکھ آنا تھا
اٹھے تھے سیر گل کو دیکھنا شوخی بہانے کی

اب اس غزل کے مطلع میں لوگ معانی تلاش کرتے رہیں، اور غالب ’’دام شنیدن بچھانا‘‘ کو شعر میں استعمال کرتے ہوئے خود اعتراف کرتے ہیں کہ:

آگہی دام شنیدن جس قدر چاہے بچھائے
مدعا عنقا ہے اپنے عالمِ تقریر کا

اب جو شخص خود اعتراف کرے اس کو کیا کہیں!
ہمارے ایک قاری اکثر فون پر گفتگو کرتے ہیں، ہمیں ان کو ٹوکنا اچھا نہیں لگا کہ ’’الفاظوں‘‘ کی جگہ الفاظ سے کام چل سکتا ہے۔
ہم چاے پیتے ہیں لیکن نئے املا کے تحت اب چائے کی ’ے‘ سے ہمزہ غائب ہوگیا جس سے مزے میں تو کوئی فرق نہیں پڑا لیکن یوں لگا جیسے چائے دان کی ٹونٹی غائب ہوگئی۔ ایک تحقیق کے مطابق چائے بھی ہماری نہیں۔ چائے اور Tea دونوں کی اصل ایک ہے۔ یہ چینی لفظ ہے۔ چینی زبان کی مختلف بولیاں ہیں۔ سب سے اہم مندرین بولی ہے، اس بولی میں چائے کو ’’چا‘‘ کہتے ہیں (عجیب بات ہے کہ پنجابی میں بھی ’’چا‘‘ کہتے ہیں)۔ اسی طرح چین کے جنوب مشرق میں واقع AMOY شہر کی بولی میں ’’تے‘‘ کہتے ہیں۔ انگریزی میں ابتدا میں اس کو CHAW کہتے تھے۔ 1616ء کی عبارت میں یہ لفظ استعمال ہوا ہے A Silver Chaw Pot ۔ برعظیم میں تو انگریزوں نے زبردستی چائے پلانی شروع کی۔


متعلقہ خبریں


املا مذکر یا مونث؟ اطہر علی ہاشمی - هفته 13 اگست 2016

اسلام آباد میں جا بیٹھنے والے عزیزم عبدالخالق بٹ بھی کچھ کچھ ماہر لسانیات ہوتے جارہے ہیں۔ زبان و بیان سے گہرا شغف ہے۔ ان کا ٹیلی فون آیا کہ آپ نے ’’املا‘‘ کو مذکر لکھا ہے، جبکہ یہ مونث ہے۔ حوالہ فیروزاللغات کا تھا۔ اس میں املا مونث ہی ہے۔ دریں اثنا حضرت مفتی منیب مدظلہ کا فیصلہ ب...

املا مذکر یا مونث؟

تلفظ کا بگاڑ اطہر علی ہاشمی - جمعه 05 اگست 2016

اردو میں املا سے بڑا مسئلہ تلفظ کا ہے۔ متعدد ٹی وی چینل کھُمبیوں کی طرح اگ آنے کے بعد یہ مسئلہ اور سنگین ہوگیا ہے۔ اینکرز اور خبریں پڑھنے والوں کی بات تو رہی ایک طرف، وہ جو ماہرین اور تجزیہ کار آتے ہیں اُن کا تلفظ بھی مغالطے میں ڈالنے والا ہوتا ہے۔ مغالطہ اس لیے کہ جو کچھ ٹی وی س...

تلفظ کا بگاڑ

تلفظ میں زیر و زبر اطہر علی ہاشمی - پیر 01 اگست 2016

ہم یہ بات کئی بار لکھ چکے ہیں کہ اخبارات املا بگاڑ رہے ہیں اور ہمارے تمام ٹی وی چینلز تلفظ بگاڑ رہے ہیں۔ ٹی وی چینلوں کا بگاڑ زیادہ سنگین ہے کیونکہ ان پر جو تلفظ پیش کیا جاتا ہے، نئی نسل اسی کو سند سمجھ لیتی ہے۔ بڑا سقم یہ ہے کہ ٹی وی پر جو دانشور، صحافی اور تجزیہ نگار آتے ہیں وہ...

تلفظ میں زیر و زبر

گیسوئے اردو کی حجامت اطہر علی ہاشمی - هفته 23 جولائی 2016

علامہ اقبالؒ نے داغ دہلوی کے انتقال پر کہا تھا : گیسوئے اردو ابھی منت پذیر شانہ ہے ایم اے اردو کے ایک طالب علم نے اس پر حیرت کا اظہار کیا کہ داغ نے یہ وضاحت نہیں کی کہ کس کے شانے کی بات کی جارہی ہے جب کہ غالب نے صاف کہا تھاکہ: تیری زلفیں جس کے شانوں پر پریشاں ہو گ...

گیسوئے اردو کی حجامت

’’کھُد بُد‘‘ اور ’’گُڈمُڈ‘‘ اطہر علی ہاشمی - پیر 11 جولائی 2016

مجاہد بک اسٹال، کراچی کے راشد رحمانی نے لکھا ہے کہ آپ کو پڑھ کر ہم نے اپنی اردو درست کی ہے لیکن 11 اپریل کے اخبار میں مشتاق احمد خان کے کالم نقارہ کا عنوان ’’لمحہ فکریہ‘‘ ہے۔ ہے نا فکر کی بات! صحیح ’لمحہ فکریہ‘ ہے یا ’لمحہ فکر‘؟ عزیزم راشد رحمانی، جن لوگوں نے سید مودودیؒ کو ن...

’’کھُد بُد‘‘ اور ’’گُڈمُڈ‘‘

’’پیشن گوئی‘‘ اور ’’غتربود‘‘ اطہر علی ہاشمی - هفته 04 جون 2016

پچھلے شمارے میں ہم دوسروں کی غلطی پکڑنے چلے اور یوں ہوا کہ علامہ کے مصرع میں ’’گر حسابم را‘‘ حسابم مرا ہوگیا۔ ہرچند کہ ہم نے تصحیح کردی تھی لیکن کچھ اختیار کمپوزر کا بھی ہے۔ کسی صاحب نے فیصل آباد سے شائع ہونے والا اخبار بھیجا ہے جس کا نام ہے ’’ لوہے قلم‘‘۔ دلچسپ نام ہے۔ کسی کا...

’’پیشن گوئی‘‘ اور ’’غتربود‘‘

اعلیٰ یا اعلا اطہر علی ہاشمی - اتوار 03 اپریل 2016

سب سے پہلے تو جناب رؤف پاریکھ سے معذرت۔ ان کے بارے میں یہ شائع ہوا تھا کہ ’’رشید حسن خان اور پاکستان میں جناب رؤف پاریکھ کا اصرار ہے کہ اردو میں آنے والے عربی الفاظ کا املا بدل دیا جائے۔‘‘ انہوں نے اس کی سختی سے تردید کی ہے اور کہا ہے کہ وہ خود رشید حسن خان سے متفق نہیں ہیں۔ چلی...

اعلیٰ یا اعلا

فِحش یا فحش؟ اطہر علی ہاشمی - پیر 22 فروری 2016

لاہور سے ایک بار پھر جناب محمد انور علوی نے عنایت نامہ بھیجا ہے۔ لکھتے ہیں: ’’خط لکھتے وقت کوئی 25 سال پرانا پیڈ ہاتھ لگ گیا۔ خیال تھا کہ بھیجتے وقت ’’اوپر سے‘‘ سرنامہ کاٹ دوں گا مگر ایسا نہ ہوسکا۔ اگر خاکسار کے بس میں ہوتا تو آپ کی تجویز کے مطابق اردو میں نام بدلنے کی کوشش ...

فِحش یا فحش؟

استیصال کا دلیرانہ استعمال اطہر علی ہاشمی - اتوار 07 فروری 2016

’’زبان بگڑی سو بگڑی تھی‘‘…… کے عنوان سے جناب شفق ہاشمی نے اسلام آباد کے اُفق سے عنایت نامہ بھیجا ہے۔ وہ لکھتے ہیں:’’دیرپائیں کے رفیق عزیز کا چار سالہ بچہ اپنے والد سے ملنے دفتر آیا تو لوگوں سے مل کر اسے حیرت ہوئی کہ یہ لوگ آخر بولتے کیوں نہیں ہیں۔ ایک حد تک وہ یقینا درست تھا کہ ی...

استیصال کا دلیرانہ استعمال

ایک ’’لاجواب‘‘ تحقیق اطہر علی ہاشمی - پیر 30 نومبر 2015

عزیزم آفتاب اقبال، نامور شاعر ظفر اقبال کے ماہتاب ہیں۔ اردو سے خاص شغف ہے۔ ایک ٹی وی چینل پر زبان کی اصلاح کرتے رہتے ہیں۔ بنیادی طور پر یہ پروگرام مزاحیہ ہے، چنانچہ ان کی اصلاح بھی کبھی کبھی مزاح کے دائرے میں داخل ہوجاتی ہے۔ گزشتہ اتوار کو ان کا پروگرام دیکھا جس میں انہوں نے بڑا ...

ایک ’’لاجواب‘‘ تحقیق

’’لیے‘‘ اور ’’لئے‘‘ کا آسان نسخہ اطہر علی ہاشمی - منگل 24 نومبر 2015

اردو کے لیے مولوی عبدالحق مرحوم کی خدمات بے شمار ہیں۔ اسی لیے انہیں ’’باباے اردو‘‘کا خطاب ملا۔ زبان کے حوالے سے اُن کے قول ِ فیصل پر کسی اعتراض کی گنجائش نہیں۔ گنجائش اور رہائش کے بھی دو املا چل رہے ہیں، یعنی گنجایش، رہایش۔ وارث سرہندی کی علمی اردو لغت میں دونوں املا دے کر ابہام ...

’’لیے‘‘ اور ’’لئے‘‘ کا آسان نسخہ

اردو میں لٹھ بازی اطہر علی ہاشمی - بدھ 11 نومبر 2015

چلیے، پہلے اپنے گریبان میں جھانکتے ہیں۔ سنڈے میگزین (4 تا 10 اکتوبر) میں صفحہ 6 پر ایک بڑا دلچسپ مضمون ہے لیکن اس میں زبان و بیان پر پوری توجہ نہیں دی گئی۔ مثلاً ’لٹھ‘ کو مونث لکھا گیا ہے۔ اگر لٹھ مونث ہے تو لاٹھی یقینا مذکر ہوگی۔ لٹھ کو مونث ہی بنانا تھا تو ’’لٹھیا‘ لکھ دیا ہوتا...

اردو میں لٹھ بازی

مضامین
پڑوسی اور گھر گھسیے وجود جمعه 29 مارچ 2024
پڑوسی اور گھر گھسیے

دھوکہ ہی دھوکہ وجود جمعه 29 مارچ 2024
دھوکہ ہی دھوکہ

امریکہ میں مسلمانوں کا ووٹ کس کے لیے؟ وجود جمعه 29 مارچ 2024
امریکہ میں مسلمانوں کا ووٹ کس کے لیے؟

بھارتی ادویات غیر معیاری وجود جمعه 29 مارچ 2024
بھارتی ادویات غیر معیاری

لیکن کردار؟ وجود جمعرات 28 مارچ 2024
لیکن کردار؟

اشتہار

تجزیے
پاک ایران گیس پائپ لائن منصوبہ وجود منگل 27 فروری 2024
پاک ایران گیس پائپ لائن منصوبہ

ایکس سروس کی بحالی ، حکومت اوچھے حربوں سے بچے! وجود هفته 24 فروری 2024
ایکس سروس کی بحالی ، حکومت اوچھے حربوں سے بچے!

گرانی پر کنٹرول نومنتخب حکومت کا پہلا ہدف ہونا چاہئے! وجود جمعه 23 فروری 2024
گرانی پر کنٹرول نومنتخب حکومت کا پہلا ہدف ہونا چاہئے!

اشتہار

دین و تاریخ
رمضان المبارک ماہ ِعزم وعزیمت وجود بدھ 13 مارچ 2024
رمضان المبارک ماہ ِعزم وعزیمت

دین وعلم کا رشتہ وجود اتوار 18 فروری 2024
دین وعلم کا رشتہ

تعلیم اخلاق کے طریقے اور اسلوب وجود جمعرات 08 فروری 2024
تعلیم اخلاق کے طریقے اور اسلوب
تہذیبی جنگ
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی وجود اتوار 19 نومبر 2023
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی

مسجد اقصیٰ میں عبادت کے لیے مسلمانوں پر پابندی، یہودیوں کو اجازت وجود جمعه 27 اکتوبر 2023
مسجد اقصیٰ میں عبادت کے لیے مسلمانوں پر پابندی، یہودیوں کو اجازت

سوئیڈش شاہی محل کے سامنے قرآن پاک شہید، مسلمان صفحات جمع کرتے رہے وجود منگل 15 اگست 2023
سوئیڈش شاہی محل کے سامنے قرآن پاک شہید، مسلمان صفحات جمع کرتے رہے
بھارت
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا وجود پیر 11 دسمبر 2023
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا

بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی وجود پیر 11 دسمبر 2023
بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی

بھارتی ریاست منی پور میں باغی گروہ کا بھارتی فوج پر حملہ، فوجی ہلاک وجود بدھ 22 نومبر 2023
بھارتی ریاست منی پور میں باغی گروہ کا بھارتی فوج پر حملہ، فوجی ہلاک

راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات وجود جمعه 27 اکتوبر 2023
راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات
افغانستان
افغانستان میں پھر شدید زلزلے کے جھٹکے وجود بدھ 11 اکتوبر 2023
افغانستان میں پھر شدید زلزلے کے جھٹکے

افغانستان میں زلزلے سے تباہی،اموات 2100 ہوگئیں وجود اتوار 08 اکتوبر 2023
افغانستان میں زلزلے سے تباہی،اموات 2100 ہوگئیں

طالبان نے پاسداران انقلاب کی نیوز ایجنسی کا فوٹوگرافر گرفتار کر لیا وجود بدھ 23 اگست 2023
طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شخصیات
معروف افسانہ نگار بانو قدسیہ کو مداحوں سے بچھڑے 7 سال بیت گئے وجود اتوار 04 فروری 2024
معروف افسانہ نگار بانو قدسیہ کو مداحوں سے بچھڑے 7 سال بیت گئے

عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

معروف شاعرہ پروین شاکر کو دنیا سے رخصت ہوئے 29 برس بیت گئے وجود منگل 26 دسمبر 2023
معروف شاعرہ پروین شاکر کو دنیا سے رخصت ہوئے 29 برس بیت گئے
ادبیات
عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

سولہویں عالمی اردو کانفرنس خوشگوار یادوں کے ساتھ اختتام پزیر وجود پیر 04 دسمبر 2023
سولہویں عالمی اردو کانفرنس خوشگوار یادوں کے ساتھ اختتام پزیر

مارکیز کی یادگار صحافتی تحریر وجود پیر 25 ستمبر 2023
مارکیز کی یادگار صحافتی تحریر