... loading ...
سندھ کے شریف النفس وزیر صحت ڈاکٹر سکندر میندھرو ٹیکنو کریٹ کی نشست پر سینیٹر منتخب ہو چکے ہیں۔ چند روز بعد وہ اپنے نئے منصب کا باقاعدہ حلف اٹھا کر وزارت صحت کا قلمدان چھوڑ کر باعزت طریقے سے سندھ اسمبلی سے ایوان بالا اسلام اآباد منتقل ہو جائیں گے۔ ڈاکٹر سکندر میندھرو پاکستان پیپلز پارٹی کے بانی قائد ذوالفقار علی بھٹو عہد کے دھیمے لہجے کے بزرگ جیالے ہیں اور موجودہ سیاسی حالات میں ان جیسا وفادار جیالا ضلع بدین میں پارٹی کی بقاء کیلئے ناگزیر ہے۔ جب سابق صدر مملکت کے معتمد خاص ذوالفقار مرزا آصف علی زرداری کا ساتھ چھوڑ چکے ہیں ۔ ڈاکٹر سکندر میندھرو کی اس سے زیادہ اور کیا وفاداری ہوگی کہ انہوں نے پنجاب کے افسر احد چیمہ طرز کے سیکریٹری صحت ڈاکٹر فضل اللہ پیچوہو کو بھی مزاحمت اور مفاہمت سے برداشت کیا۔ اب بظاہر سیکریٹری صحت کیلئے میدان کھلا ہوا ہے تاوقتیکہ حکومتی جماعت کی اعلیٰ قیادت مختصر مدت کیلئے کسی کو وزارت صحت کا قلمدان منتقل نہیں کر دیتی ہے جبکہ سیکریٹری صحت محکمہ صحت سے ادھر ادھر اس وقت تک نہیں ہو سکتے ہیں جب تک وہ سپریم کورٹ آف پاکستان کے حکم کے مطابق ڈاکٹروں کی ترقیوں کا عمل مکمل کر کے ترقی پانے والے ڈاکٹروں کی فہرست سپریم کورٹ میں جمع نہیں کر ا دیتے ہیں صحت ایمرجنسی کے نفاذ کے باوجود حکومت بدقسمتی سے کچھ ایسا نہیں کر سکی جسے وہ پانچ سالہ کارکردگی کے میزانیے میں شامل کر سکے بلکہ تین وزرائے صحت اور اس سے زیادہ موجودہ ٹارزن جیسی شہرت رکھنے والے سیکریٹری صحت شعبہ صحت کو نت نئی بیماریوں میں مبتلا کرنے کا باعث بنے ان کی چھ رکنی خصوصی ٹیم علاج معالجے کی صورتحال کو بہتر بنانے کے بجائے سیکریٹری صحت سمیت اپنے آپ کو توانا رکھنے میں تاحال مصروف ہے۔ کرپشن کی نہ ختم ہونے والی داستان میں اب کمیشن کی رقم کی وصولی کا مقام دبئی متعارف ہوا ہے جہاں کا دورہ سیکریٹری صحت سمیت ڈپٹی سیکریٹری نے بھی گزشتہ دنوں کیا۔ وہ کونسی ادویہ ساز کمپنی ہے جس کی فیکٹری پنجاب میں دفتر کراچی میں اور طبی آلات کا کاروبار دبئی میں ہے اور تو اور حکومتی جماعت میں صحت کے حوالے سے مستند سند کی حیثیت کے حامل ڈاکٹر عاصم حسین بھی گزشتہ روز احتساب عدالت سے نہ جانے کون سا علاج کرانے دبئی جا پہنچے ہیں جبکہ عدالت نے ریمارکس دیئے ڈاکٹر عاصم خود ایک ہسپتال کے مالک ہیںا ور یہاں بھی فزیر تھراپی کی سہولت موجود ہے عدالت نے جناح ہسپتال سے ڈاکٹر عاصم کے مرض سے متعلق رپورٹ طلب کرتے ہوئے ملزم ڈاکٹر عاصم کو3 سے9 مارچ تک دبئی جانے کی اجازت دیدی تاہم عدالت کا کہنا تھا کہ ڈاکٹر عاصم کو اس مرتبہ بیرون ملک علاج کیلئے جانے کی اجازت دی گئی ہے لیکن آئندہ اجازت رپورٹس سے مشروط ہوگی۔عدالت نے درست ہی تو کیا ہے کہ وہ جناح ہسپتال کراچی کے اسپیشل وارڈ سے دوران اسیری ہائیڈرو تھراپی کیلئے اپنے ذاتی ضیاء الدین ہسپتال جایا کرتے تھے پھر ان کا ذاتی سیون اسٹار ہسپتال جہاں خود آصف علی زرداری اپنی اسیری کے دوران علاج کیلئے طویل عرصے تک رہے اورخود انہوں نے اپنے والد حاکم علی زرداری کا علاج ڈاکٹر عاصم کے ہسپتال میں کرایا ہو تو ڈاکٹر عاصم کو خود ایسی کون سی بیماری لاحق ہو گئی ہے جس کا علاج دبئی میں ہی ممکن ہے اور وہ بھی عدالت میں طبی رپورٹ ظاہر کیے بغیر ہی ایک ہفتے کیلئے دبئی چلے گئے ہیں جہاں پہلے سے سندھ میں تعلیم اور صحت کا بیڑہ غرق کرنے والے سابق گورنر سندھ ڈاکٹر عشرت العباد موجود ہیں اور ملک میں سینیٹ پر اپنا اقتدار قائم کرنے کا کھیل جاری ہے جبکہ سندھ اسمبلی کے حالیہ اجلاس میں نجی جامعہ ضیاء الدین یونیورسٹی کا ترمیمی بل حکومتی رکن نثار احمد کھوڑو نے پیش کیا۔ جس پر اپوزیشن نے اعتراض کیا کہ یہ پرائیویٹ بل ہے حکومت اسے کیسے پیش کر سکتی ہے۔ اس کے باوجود اس بل کو منظور کر لیا گیا جس کے مطابق چیف ٹرسٹی کی تعیناتی کا اختیار چانسلر یعنی ڈاکٹر عاصم حسین کو تفویض، گورننگ بورڈ سے سیکریٹری صحت، صدر پی ایم ڈی سی اور مشیر گورنر کو فارغ کر دیا گیا ہے اور اس نجی بل کو قواعد کے برعکس منظور کرنے سے قبل ہی ڈاکٹر عاصم حسین کو حکومت سندھ ہائر ایجوکیشن کا چیئر مین بنا دیا گیا ہے عوام کے ووٹوں سے منتخب اسمبلی مفاد عامہ کے بجائے جب شخصیات کے تحفظ کیلئے قانون منظور کرے گی اور عوام کو فائدہ دینے کے بجائے دوستوں پر نوازش کی بارش ہو گی تو ایسی اسمبلیوں پر عوام کیا اعتماد کریں گے کیا محکمہ صحت سندھ اشرافیہ کی کرپشن، گلچھروں اور من مانیوں کیلئے ہے؟ یہ جمہوریت نہیں بادشاہت ہے۔
آزاد جموں و کشمیر میں بجلی کے بلوں میں اضافے کے خلاف جاری شدید احتجاج کے دوران پولیس اور مظاہرین کے درمیان جھڑپیں ہوئی اور فائرنگ سے سب انسپکٹر شہید جبکہ ایس ایچ او سمیت 16 پولیس اہلکار زخمی ہوگئے ۔تفصیلات کے مطابق عوامی ایکشن کمیٹی کی کال پر آزاد جموں و کشمیر میں بجلی کے بلوں می...
پاکستان پیپلزپارٹی کے رہنما قمرالزمان کائرہ نے دعویٰ کیا ہے کہ حکومت کے کچھ لوگ چیف جسٹس کو توسیع دینا چاہتے ہیں،توسیع دینے کا فیصلہ سوچ سمجھ کر کرنا چاہیے ۔ قمرالزمان کائرہ نے ایک انٹرویومیںکہاکہ حکومت کی طرف سے کچھ لوگوں کے چیف جسٹس کو توسیع دینے کے اشارے ہیں۔انہوں نے کہا کہ یہ...
پاکستان تحریک انصاف نے غیر ذمہ دارانہ بیانات دینے پر شیر افضل مروت کو شو کاز نوٹس جاری کردیا۔شیر افضل مروت کو پارٹی پالیسی کی خلاف ورزی پر شوکاز نوٹس جاری کیا گیا ہے ۔ نوٹس کے مطابق شیر افضل مروت نے ایسے بیان دئیے ہیں جس سے پارٹی کی ساخت کو نقصان پہنچا ہے ۔بانی چئیرمین نے واضح ہد...
وزیر بلدیات سندھ سعید غنی نے کہا ہے کہ کراچی میں پیپلز پارٹی کے بلدیاتی نمائندوں کو اپنی بہتر کارکردگی ثابت کرنا ہوگی، کیونکہ کراچی میں کئی ٹاؤنز کی چیئرمین شپ دیگر جماعتوں کے پاس ہے ۔کراچی میں میڈیا سے گفتگو کرتے ہوئے سعید غنی نے کہا کہ کراچی میں غیر قانونی ہائیڈرنٹس کا رحجان ر...
آرمی چیف جنرل عاصم منیر نے ترقی پانے والے تین تھری اسٹار جنرلز کی تعیناتی کر دی۔لیفٹیننٹ جنرل عمر بخاری کو کمانڈر الیون کور (پشاور) تعینات کردیا گیا۔ ان سے قبل لیفٹیننٹ جنرل حسن اظہر حیات خان کور کمانڈر پشاور کے عہدے پر فرائض سرانجام دے رہے تھے جن کا تبادلہ کردیا گیا۔لیفٹیننٹ جنر...
متحدہ قومی موومنٹ نے سندھ اسمبلی میں منشیات فروشی اور گداگر نیٹ ورک کیخلاف قرارداد جمع کرا ئی ہے جس میں کہاگیاہے کہ کراچی میں ، گداگر مافیا جرائم پیشہ افراد کے لیے جاسوسی کررہاہے،شہر میں بھیک مانگنے کا منظم کاروبار چلا یاجارہا ہے۔ایم کیو ایم کے اراکین اسمبلی ریحان اکرم،ارسلان پرو...
حکومت نے قومی احتساب بیورو (نیب) کے لیے نئے قواعد و ضوابط تیار کرلیے ، جس کے مطابق آئندہ کسی بھی سیاستدان کی براہ راست گرفتاری ممکن نہیں ہوگی۔تفصیلات کے مطابق اسپیکر قومی اسمبلی ایاز صادق کی چیئرمین نیب سے ملاقات ہوئی جس کی اندرونی کہانی کے مطابق اسپیکر نے نیب چیئرمین کو نئے ایس...
پاکستان کے ساتھ نئے قرض پروگرام پر مذاکرات کیلئے پہلے مرحلے میں اورآئی ایم ایف کی تکنیکی ماہرین کی ٹیم پاکستان پہنچ گئی۔ذرائع وزارت خزانہ کے مطابق نئے قرض پروگرام پر مذاکرات کا آغاز15مئی سے شیڈول ہے ، آئی ایم ایف مشن چیف نیتھن پورٹر وفد کی قیادت کریں گے ۔ذرائع کے مطابق ماہرین کی ...
چین نے چاند کے گرد مدار میں چھوڑے گئے پاکستانی سیٹلائیٹ آئی کیوب قمر کا ڈیٹا جمعہ کو پاکستان کے حوالے کر دیا جس سے دونوں ممالک کے درمیان چاند بارے تحقیق میں تعاون مزید گہرا ہوا ہے ۔یہ سیٹلائٹ چین کے خلائی مشن چینگ 6کے ذریعے چاند کے گرد مدار میں چھوڑا گیا ہے ۔چائنا نیشنل سپیس ایڈم...
کنوینر ایم کیو ایم پاکستان ڈاکٹر خالد مقبول صدیقی نے کہا ہے کہ گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، اس معاملے میں کارکردگی اگر معیار بنی تو پھر فیصلے اسی حساب سے ہوں گے۔خالد مقبول نے خصوصی گفتگو کرتے ہوئے کہا کہ گورنر سے متعلق جو تبدیلی کی بات ہو رہ...
سندھ میں 2022ء کے سیلاب کے بعد محکمہ خوراک کے افسران نے 3 لاکھ 79 ہزار بوریوں میں ناقص گندم اور مٹی ملا کر سرکاری خزانہ کو 3 ارب 22 کروڑروپے کا نقصان پہنچایا، وزیراعلیٰ کی معائنہ ٹیم کی رپورٹ میں ذمے داران افسران کے خلاف کارروائی کی سفارش۔ گندم کے خراب ہونے سے متعلق وزیراعلیٰ کی ...
تحریک انصاف کے بانی و سابق وزیراعظم عمران خان نے کہا ہے کہ 9 مئی کو پی ٹی آئی کو کچلنے کی کوشش کی گئی، سب پہلے سے طے شدہ تھا۔جیل سے اپنے ایک بیان میں عمران خان نے کہا کہ 9مئی 2023ء کی حقیقت قوم پر پوری طرح واضح ہے ، بتایا جائے کس کے حکم پر حساس مقامات کی سیکیورٹی ہٹائی گئی۔بانی پ...