... loading ...
... loading ...
پاکستان پیپلز پارٹی نے 2008 کے بعد اپنی پالیسی تبدیل کی ہے اور نظریاتی سیاست کو عملی طور پر دفن کردیا ہے ۔ یہ کوشش کی گئی کہ ہر سیاسی شخصیت اور ہر سیاسی خاندان کو پی پی میں شامل کیا جائے چاہے اس کے لیے کچھ بھی قربانی دینا پڑے۔ جام مدد علی ،امتیاز شیخ، اسماعیل راہو، جاموٹ خاندان کو پی پی میں شامل کیا گیا تو پھر بات ہی ختم ہوگئی۔ اس پر بہت سے تجزیہ نگاروں کا کہنا تھا کہ اگر جام صادق علی زندہ ہوتے تو ان کو بھی شامل کرلیا جاتا۔ نظریاتی مخالف سیاستدانوں کو بھی پی پی میں شامل کیا گیا تو دنیا دنگ رہ گئی ۔اب پی پی کی قیادت کی نظر میں ارباب خاندان، جتوئی خاندان اور شیرازی خاندان رہ گئے تاکہ ان کو پی پی میں شامل کرکے پورے صوبے میں پی پی کو ناقابل شکست بنایا جاسکے۔ جتوئی خاندان نے تو کھل کر انکار کر دیا کہ وہ کسی بھی صورت میں پی پی میں شامل نہیں ہوں گے کیونکہ غلام مصطفی جتوئی نے جس طریقے سے پی پی چھوڑ کر نیشنل پیپلز پارٹی بنائی تھی اب ان کی بنائی گئی پارٹی این پی پی کو ختم نہیں کیا جاسکتا۔ جس کے بعد شیرازی خاندان کی طرف رجوع کیا گیا تو اعجاز شاہ شیرازی نے وزیراعظم نواز شریف کو ٹھٹھہ بلا کر بڑا جلسہ عام کر وادیا تو پی پی کی قیادت خاموش ہوگئی اور اب آخر میں ارباب خاندان کے ساتھ رابطہ کیا گیا ۔ارباب غلام کو 2008 اور 2013 میں سید خورشید شاہ کے ذریعہ پیشکش کی گئی کہ وہ پی پی میں شامل ہوں تو ان کو نہ صرف پارٹی ٹکٹ ملے گا بلکہ ضلع کونسل کی چیئرمین شپ بھی ملے گی لیکن ارباب غلام رحیم نے صاف جواب دیا کہ وہ پی پی کے ساتھ کسی بھی طور پر نہیں چلیں گے کیونکہ میں بار بار پی پی کی مالی بے قاعدگیوں کی نشاند ہی کرتا آیاہوں اور اب اپنے ہی اصولوں کو پیچھے چھوڑ کر پی پی کی ثناء خوانی نہیں کرسکتا۔ جب ارباب رحیم نے صاف صاف جواب دیا تو پی پی کی قیادت نے ارباب خاندان میں دراڑیں ڈالنے کی منصوبہ بندی کرلی۔ ارباب خاندان کے کئی افراد کے ساتھ رابطے کیے گئے لیکن ان کو ناکامی ملی۔ پھر میر پور خاص ڈویژن کے پارٹی اجلاس کے بعد یہ افواہ پھیلائی گئی کہ ارباب رحیم کے بھتیجے ارباب لطف نے پی پی میں شمولیت کی حامی بھری ہے لیکن جب حقائق سامنے آئے تو پتہ چلا کہ ارباب خاندان کے کسی بھی فرد نے پی پی میر پور خاص ڈویژن کے کسی اجلاس میں شرکت نہیں کی۔ جب ارباب خاندان کھل کر سامنے آیا کہ جھوٹی افواہ کیوں پھیلائی جا رہی ہے ،اگر کوئی فرد پی پی قیادت سے ملا ہے تو پارٹی قیادت کھل کر بتائے؟ جس پر پی پی کی قیادت نے خاموشی اختیار کی۔ارباب خاندان کا مؤقف ہے کہ ماضی میں بھی ارباب خاندان کو تقسیم کرنے کی کوشش کی گئی لیکن ہر بار ناکامی ملی۔ اور اس بار بھی ارباب خاندان منظم اور متحد ہے ،ارباب خاندان کے ساتھ رزاق راہموں بھی اپنے قدم جمائے کھڑے ہیں اور انہوں نے بھی ہر طرح کی پیشکش کو مسترد کر دیا ہے۔ سوال یہ پیدا ہوتا ہے کہ جب تمام اہم سیاسی خاندان پی پی میں شامل ہوگئے ہیں تو پھر ارباب خاندان کو پی پی میں کیوں شامل کرنے کی کوشش کی جا رہی ہے ۔ ارباب غلام رحیم نے پیر پگارا، ایاز لطیف پلیجو، جلال محمود شاہ، ذوالفقار مرزا ، اعجاز شاہ شیرازی سے رابطہ کرکے انہیں مکمل یقین دلایا کہ حالات چاہے کچھ بھی ہوں وہ کسی بھی صورت میں پی پی میں شامل نہیں ہوں گے کیونکہ وہ نظریاتی طور پر پی پی کے مخالف ہیں۔ اورانہوں نے اپنی زندگی میں دو مرتبہ 1988 میں اور 1993 میں آزاد منتخب ہونے کے باوجود پی پی کی حمایت کی اور اس کا نتیجہ بھی دیکھ لیا۔ جس کے بعد ارباب خاندان نے پی پی سے کنارہ کشی اختیار کی اور اس وقت پی پی میں جو کھچڑی پک رہی ہے اس سے تو ارباب خاندان پی پی سے زیادہ بددل ہوگیا ہے۔ ارباب خاندان کو پی پی میں شامل کرکے پی پی کی قیادت سندھ میں ناقابل شکست بننا چاہتی ہے۔ لیکن ارباب خاندان نے حزب اختلاف کے اتحاد کے ساتھ رہ کر ثابت کیا ہے کہ چاہے کتنی بھی مشکلات آئیں، ارباب خاندان نہیں جھکے گا اور ارباب خاندان اپنے سیاسی ساتھیوں کے ساتھ مل کر اپنی سیاست کو آگے بڑھائے گا۔ سندھ میں اس وقت پیر پگارا، لیاقت جتوئی، ارباب رحیم، اعجاز شاہ شیرازی، ایاز لطیف پلیجو، مرتضیٰ جتوئی، ذوالفقار مرزا، جلال محمود شاہ، صفدر عباسی، شفقت انڑ اور دیگر نے منظم اتحاد کی تیاریاں مکمل کرلی ہیں جس سے پی پی کی قیادت کو پریشانی ہو رہی ہے کیونکہ جس طرح سیاسی خاندانوں کو پی پی میں لایا گیا ہے وہ تو عام انتخابات میں مکمل طور پر پی پی کے ساتھ نہیں رہیں گے اور یہ بات اپوزیشن اتحاد کے لیے فائدے میں رہے گی۔
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
وفاقی وزیر اطلاعات و نشریات عطا اللہ تارڑ نے کہا ہے کہ کسی سوشل میڈیا پلیٹ فارم کی بندش کے حق میں نہیں۔نجی ٹی وی سے گفتگو کرتے ہوئے وفاقی وزیر عطا تارڑ کا کہنا تھا کہ سوشل میڈیا پلیٹ فارمز پاکستان میں کیوں دفتر نہیں کھولتے ، سوشل میڈیا پلیٹ فارمز کو پاکستان میں دفاتر کھولنے چاہئی...
یوم صحافت پر خضدار میں دھماکا، صحافی صدیق مینگل سمیت 3 افراد جاں بحق ہوگئے ۔پولیس کے مطابق خضدار میں قومی شاہراہ پر سلطان ابراہیم خان روڈ پر ریموٹ کنٹرول دھماکے سے ایک گاڑی کو نشانہ بنایا گیا۔ایس ایچ او خضدار سٹی کے مطابق ریموٹ کنٹرول دھماکے میں ایک شخص جاں بحق اور 10 افراد زخمی ...
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
سندھ کابینہ نے رینجرز کی کراچی میں تعیناتی کی مدت میں 180 دن کے اضافے کی منظوری دے دی۔ترجمان حکومت سندھ نے بتایا کہ رینجرز کی کراچی میں تعیناتی 13 جون 2024 سے 9 دسمبر 2024 تک ہے ، جس دوران رینجرز کو انسداد دہشت گردی ایکٹ 1997 کے تحت اختیارات حاصل رہیں گے ۔کابینہ نے گزشتہ کابینہ ا...
بھارتی وزیراعظم نریندر مودی انتخابات میں کامیابی کے لیے بھارتی مسلمانوں اور پاکستان کو دھمکی دے رہے ہیں ۔ دی وائر کے مطابق بی جے پی نے آفیشل انسٹاگرام ہینڈل کے ذریعے مودی کی ایک ویڈیو جاری کی ہے جس میں مودی کہتے ہیں کہ اگر کانگریس اقتدار میں آئی تو وہ ہندؤں کی جائیداد اور دولت م...
اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔غیرملکی خبررساں ادارے کے مطابق امریکی وزیر خارجہ انٹونی بلنکن سے ملاقات میں انہوں نے کہا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔اسرائیلی وزیراعظم کا کہنا تھا کہ حماس نے جنگ ...
جمعیت علمائے اسلام (جے یو آئی)کو کراچی میں جلسے کی اجازت نہیں ملی اس حوالے سے ڈپٹی کمشنر شرقی نے بتایا کہ جے یو آئی کو ایس ایس پی ایسٹ کی رپورٹ پر جلسہ کرنے کی اجازت نہیں دی گئی۔ ایس ایس پی ایسٹ کی رپورٹ میں کہا گیا ہے کہ شہر میں حالیہ دہشت گردی کے واقعات کے پیش نظر بڑے عوامی اجت...
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
