... loading ...
سندھ حکومت نے کافی تاخیر اور پش وپیش کے بعد اگرچہ رینجرز کے قیام اور خصوصی اختیارات میں نوے روز کی توسیع کا اعلان تو کردیا ہے مگر یہ تنازع ابھی تک برقرار ہے کہ رینجرز کو اختیارات پورے سندھ کے لیے دیے گئے یا صرف کراچی کے لیےدیئے گئے ہیں۔ وزیراعلیٰ ہاؤس کے ترجمان کے مطابق وزیراعلیٰ سندھ مراد علی شاہ نے رینجرز کے قیام اور خصوصی اختیارات کی سمری پر دستخط کردیئے ہیں۔ جس کےتحت رینجرز کے قیام میں ایک سال اور خصوصی اختیارات میں نوے دنوں کی توسیع کی منظوری دی گئی۔ وزیراعلیٰ سندھ کی توثیق شدہ سفارشات طریقہ کار کے تحت اگلے مرحلے میں اب وزارت داخلہ اور وفاقی حکومت کو بھیجی جائیں گی، جہاں سے رینجرز کے قیام اور اختیارات کا باقاعدہ نوٹیفکیشن جاری کیا جائے گا۔
وزیراعلیٰ ہاؤس کی جانب سے جاری ہونے والے بیان میں یہ ابہام موجود ہے کہ رینجرز کو اختیارات پورے سندھ کے لیے دیئے گئے یا صرف کراچی کے لیے دیئے گئے ہیں۔ تاہم وزیراعلیٰ سندھ کے مشیر قانون مرتضیٰ وہاب نے ایک ٹی وی پروگرام میں گفتگو کرتے ہوئے واضح کیا کہ آپریشن کراچی میں ہورہا ہے سندھ میں نہیں۔ اس سے یہ امر واضح ہوجاتا ہے کہ سندھ حکومت رینجرز کو پورے سندھ میں نہیں بلکہ صرف کراچی میں اختیارات دے رہی ہے۔ دوسری طرف وفاقی وزیرداخلہ چودھری نثار نے اسلام آباد میں ایک پریس کانفرنس سے خطاب کرتے ہوئے کہا کہ رینجرز کو سیاسی فٹبال بننے نہیں دیں گے، رینجرز صرف کراچی میں نہیں بلکہ پورے سندھ میں ہیں اس لیے نوٹیفکیشن صوبہ بھر کے لیے ہوتا ہے۔
وفاقی وزیرداخلہ، سندھ کے معاملے میں وفاقی حکومت کی طرف سے اس مسئلے کے ایک چیمپئن کےروپ میں اکثر سامنے آتے ہیں۔ مگر وہ اس معاملے میں خود وفاقی حکومت تک متعین ومحدود کردار کے حوالے عدم فعالیت کا کوئی جواب نہیں دیتے۔ پاکستان کا حاشیہ بردار میڈیا بھی اس معاملے میں چپ سادھے رہتا ہے۔ وفاقی حکومت کی طرف سے دومعاملات میں براہ راست یہ وفاقی وزیرداخلہ چودھری نثار کی ذمہ داری بنتی تھی کہ وہ بتائیں کہ اس معاملے میں اُن کی وزارت کا موقف کیا ہے۔ مثلاًپروٹیکشن آف پاکستان ایکٹ (پوپا)دو سال کے لیے نافذ العمل تھاجو 14 جولائی کو ختم ہو گیا۔ اگر تاحال نیشنل ایکشن پلان، آپریشن ضرب عضب، آپریشن کومبو اور کراچی یا سندھ آپریشن جاری ہے تو پھر اس کے لیے درکار خصوصی اختیارات کا حامل ایکٹ پوپا اپنی موت آپ کیوں مر گیا؟کیا پوپا نے اپنے تمام مقاصد حاصل کرلیے ہیں اور اب اس کی ضرورت نہیں؟ اس معاملے میں وزیرداخلہ نے چپ کا روزہ کیوں رکھا ہوا ہے؟ اس ضمن میں خود رینجرز کے اختیار ات سےبراہ راست متعلق ایک اور اختیار بھی 11 ڈبل ای ڈبل ای کا تھا جو وفاقی حکومت نے اُنہیں دے رکھا تھا اور جس سے صوبائی حکومت کا کوئی تعلق نہیں۔ 11 ڈبل ای ڈبل ای کے تحت ملزمان کو نوے روز تک تحویل میں رکھنے کا رینجرز کو خصوصی اختیار دیا گیا تھا، جو 15 جون کو ختم ہو گیا۔ اس پر وفاقی حکومت اوراُس کے واحد بااختیار وزیرداخلہ چودھری نثار نے تاحال کوئی موقف ظاہر نہیں کیا۔ سوال یہ پید اہوتا ہے کہ وفاقی وزیرداخلہ چودھری نثار صرف رینجرز کے قیام اور توسیع ِ اختیارات پر ہی صرف سندھ حکومت کے کردار ( جو واقعتاً قابل تنقید بھی ہے) پر ہی صرف رائے زنی کرنے پر کیوں اکتفا کرتے ہیں۔ وفاقی وزیر اپنے وفاقی اختیارات کی عدم تجدید پر کیوں خاموش ہیں؟ یہ رویہ سندھ میں ایک خاص طرح کی تشریح کا باعث بنتا ہے۔ چنانچہ سندھ کے مختلف وزراء نے ایک سے زائد مرتبہ اس پہلو کو اجاگر کرتے ہوئے مرکزی ذرائع ابلاغ سے یہ سوال کیا ہے کہ وہ ان معاملات پر وفاقی حکومت کی لاتعلقی اور خاموشی پر کوئی سوال کیوں نہیں اُٹھاتے؟
اس سے قطع نظر سندھ حکومت نے جس طرح کے اختیار ات سندھ کی سیاست کے پیش نظر رینجرز کو کاغذ پر دیئے جاسکتے ہیں، وہ دے دیے ہیں۔ رینجرز نے ان ہی اختیارات کی بناء پر جب بھی سندھ میں جو کاررائی کرنا چاہی ہے، ہو کی بھی ہے۔ اور پیپلزپارٹی کی حکومت اس پر جس طرح کی بیان بازی کر سکتی ہے، وہ بھی کی ہے۔ لہذا یہ معاملہ پرانے طریقے سے حل کرتے ہوئے پرانے انداز سے ہی جاری رکھنے کا ملفوف ثبوت مہیا کرتا ہے۔
وزیر دفاع خواجہ آصف نے کہا ہے کہ اپوزیشن لیڈر کی جانب سے آرٹیکل 6 کے مطالبے کی حمایت کرتا ہوں اور ایوب خان کو قبر سے نکال کر بھی آرٹیکل 6 لگانا چاہیے اور اُسے قبر سے نکال کر پھانسی دینا چاہیے ۔قومی اسمبلی اجلاس میں وزیر دفاع خواجہ آصف نے گفتگو کرتے ہوئے کہا کہ اپوزیشن لیڈر عمر...
پا ک فوج کے سربراہ جنرل سید عاصم منیر نے شہدا اور غازیوں کو قومی ہیرو قرار دیتے ہوئے واضح کیا ہے کہ قوم کی آزادی اور سلامتی اپنے بہادرجانبازوں کی قربانیوں کی مرہون منت ہے ، وطن کیلئے جان قربان کرنے سے بڑھ کر کوئی عظیم شے نہیں ہے ۔ پاک فوج کے شعبہ تعلقات عامہ (آئی ایس پی آر) کی جا...
پاکستان کی جانب سے مبینہ طور پر سرحد پار دہشت گردوں کے ٹھکانے کو پکتیکا میں نشانہ بنائے جانے کے خلاف احتجاج کرتے ہوئے افغان طالبان نے پاکستانی فوج کے ایک وفد کا قندھار کا دورہ منسوخ کردیا ہے ۔افغانستان کی حدود میں دہشت گردوں کے ٹھکانے پر حملہ کرنے یا کسی پاکستانی وفد کے اتوار کے ...
الیکشن کمیشن آف پاکستان (ای سی پی) نے سنی اتحاد کونسل کی درخواست پر سپریم کورٹ کے فیصلے کی روشنی میں قومی اور صوبائی اسمبلیوں میں اضافی نشستوں پر منتخب 77 ارکان کی رکنیت معطل کردی۔الیکشن کمیشن کی جانب سے جاری نوٹیفکیشن میں کہا گیا کہ قومی اسمبلی کی مخصوص نشستوں پر 22 منتخب ارکان ...
سندھ کے وزیرِ اعلیٰ سید مراد علی شاہ نے کہا ہے کہ اہلِ سندھ نے پاکستان پیپلز پارٹی پر اپنا اعتماد برقرار رکھا ہے، بلاول بھٹو کہتے ہیں کہ اب حکومت کو تجاویز کارکن دیں گے۔حیدر آباد میں صوبائی کابینہ کے ارکان کے ساتھ پریس کانفرنس سے خطاب کرتے ہوئے سندھ کے وزیر اعلیٰ نے کہا کہ ترقیا...
آئندہ مالی سال کے بجٹ میں سیلز اور انکم ٹیکس کی رعایتیں اور چھوٹ مرحلہ وار ختم کرنیکی تجویز سامنے آئی ہے ۔ ذرائع کے مطابق آئندہ بجٹ میں امپورٹڈ ٹریکٹرز پر ٹیکس عائدکرنے کی تجویز ہے اور کمرشل امپورٹرز پر ودہولڈنگ ٹیکس لگانے پر غور کیا جارہا ہے جب کہ کمرشل درآمدکنندگان کی خریداریوں...
سابق صدر مملکت و پاکستان تحریک انصاف کے رہنما ڈاکٹر عارف علوی نے کہا ہے کہ مسائل کا حل بات چیت ہی میں ہے ، بات چیت کے لئے اپنی کوشش کرتے رہیں گے ، ناکامی تب ہو گی جب ناکامی مان لوں گا،جمعرات کو بانی پی ٹی آئی سے ملاقات ہوئی ان کو اچھی صحت اور اچھے موڈ میں پایا، 6ججز کے خط سے متعل...
وفاقی وزیر خزانہ محمد اورنگزیب نے کہا ہے کہ اسٹریٹجک سرکاری اداروں جیسی کوئی چیز نہیں ہے ۔لاہور میں پری بجٹ سیمینار سے خطاب کرتے ہوئے ان کا کہنا تھا کہ زرمبادلہ کے ذخائر 9 ارب ڈالر سے تجاوز کرگئے ہیں، روپے کی قدر مستحکم اور افراط زر میں کمی آرہی ہے ، پچھلے 8 سے 10 ماہ میں میکرو ا...
سمیع اللہ ملک میں اس خوفناک لمحات سے بھی واقف ہوں جب ایٹمی بریف کیس کابٹن دبانے کی مکمل طاقت رکھنے والے امریکی صدرٹرمپ کے بارے میں ایک مشہورزمانہ امریکی ماہرنفسیات بھرپوردلائل کے ساتھ عالمی میڈیاپرببانگ دہل ٹرمپ کی دماغی صحت پر اپنے شک وشبہ کا اظہارکرتے ہوئے اپنے خدشات کااظہار ک...
آزاد جموں و کشمیر میں بجلی کے بلوں میں اضافے کے خلاف جاری شدید احتجاج کے دوران پولیس اور مظاہرین کے درمیان جھڑپیں ہوئی اور فائرنگ سے سب انسپکٹر شہید جبکہ ایس ایچ او سمیت 16 پولیس اہلکار زخمی ہوگئے ۔تفصیلات کے مطابق عوامی ایکشن کمیٹی کی کال پر آزاد جموں و کشمیر میں بجلی کے بلوں می...
پاکستان پیپلزپارٹی کے رہنما قمرالزمان کائرہ نے دعویٰ کیا ہے کہ حکومت کے کچھ لوگ چیف جسٹس کو توسیع دینا چاہتے ہیں،توسیع دینے کا فیصلہ سوچ سمجھ کر کرنا چاہیے ۔ قمرالزمان کائرہ نے ایک انٹرویومیںکہاکہ حکومت کی طرف سے کچھ لوگوں کے چیف جسٹس کو توسیع دینے کے اشارے ہیں۔انہوں نے کہا کہ یہ...
پاکستان تحریک انصاف نے غیر ذمہ دارانہ بیانات دینے پر شیر افضل مروت کو شو کاز نوٹس جاری کردیا۔شیر افضل مروت کو پارٹی پالیسی کی خلاف ورزی پر شوکاز نوٹس جاری کیا گیا ہے ۔ نوٹس کے مطابق شیر افضل مروت نے ایسے بیان دئیے ہیں جس سے پارٹی کی ساخت کو نقصان پہنچا ہے ۔بانی چئیرمین نے واضح ہد...