وجود

... loading ...

وجود
وجود

سیاست فاتحہ پر چل رہی ہے

جمعه 05 مارچ 2021 سیاست فاتحہ پر چل رہی ہے

سیانے کہتے ہیں کہ ’’آغاز سے پہلے ایک نگاہ انجام پر بھی ڈال لینا انسان کے لیے بہتر ہوتاہے اور اپنے کسی بہت ہی پیارے کے ساتھ مذاق کرنے سے قبل کم ازکم سو بار تو ضرور سوچ ہی لینا چاہئے کیونکہ تمام جھگڑے ہنسی مذاق کے بطن سے ہی جنم لیتے ہیں‘‘۔ مگر چونکہ آج کل ہماری سیاست میں سیانے پائے ہی نہیں جاتے ۔ لہٰذا سیاست کے متعلق یہ ہی سیانے کچھ یوںفرماتے ہیں کہ ’’سیاست میں تمام مذاق ’’سیاسی جھگڑے ‘‘ کے بطن سے پیدا ہوتے ہیں ‘‘۔یعنی دو سیاسی جماعتوں کے درمیان جتنے مضبوط اور قدیم سیاسی جھگڑے ہوں گے ۔یقینا پھر سیاسی مذاق بھی اُتنا ہی واہیات اور ہنسا،ہنسا کر رلا دینے والا ہوگا۔ حیران کن طور پر سندھ کی سیاست کی حد تک تو سیانوں کی یہ بات اس بار بھی سوفیصد درست ثابت ہوئی ہے اور واقعی تازہ ترین ’’سیاسی مذاق ‘‘ پاکستان پیپلزپارٹی اور ایم کیوایم پاکستان کے دیرینہ ’’سیاسی جھگڑے ‘‘ کی سنگینی ،شدت اور طوالت کی پوری طرح سے عکاسی بھی کرتا ہے۔

تازہ ترین مذاقیہ خبریں کچھ یوں ہیں کہ پاکستان پیپلزپارٹی کے ایک وفد نے سینیٹ کے اُمیدوار سید یوسف رضا گیلانی کی نشست پر سیاسی تعاون کرنے کی شرط پر ایم کیو ایم پاکستان کو دو نشستوں کے ہمراہ کراچی میں بلدیاتی اختیارات دینے کی پیشکش کی ہے۔جبکہ دوسری جانب پیپلزپارٹی کے شریک چیئرمین بلاول بھٹو زرداری نے ایم کیو ایم پاکستان سے اپیل کی ہے کہ وہ کراچی کے حقوق کی جدوجہد پی ڈی ایم کے سیاسی پلیٹ فارم سے کریں گے تو انہیں ’’سیاسی افاقہ ‘‘حاصل ہوگا۔ علاوہ ازیں ایم کیو ایم پاکستان کے ایک وفد نے گورنر سندھ عمران اسماعیل سے درخواست کی ہے کہ چونکہ سندھ حکومت نے اُ ن کے اراکین اسمبلی کے سیکورٹی فوری طور پر ختم کردی ہے ،جس کی وجہ سے اُنہیں سنگین سیکورٹی خدشات لاحق ہیں ۔لہٰذا انہیں وفاق کی جانب سے خصوصی سیکورٹی فراہم کی جائے۔یکے بعد چند لمحوں کے تفاوت سے میڈیا کی زینت بننے والی اِن خبروں سے آپ بخوبی اندازہ لگاسکتے ہیں کہ سینٹ کے انتخابات کو لے کر پاکستان پیپلزپارٹی اور ایم کیو ایم پاکستان کے مابین ’’سیاسی مذاق‘‘ سنجیدگی کے کونسے آسمان پر پہنچ چکا تھا۔

بہرکیف سندھ کی دو بڑی سیاسی جماعتوں کے درمیان سیاسی تعاون کا منظر اس قدر مزاحیہ ہے تو عوام کے لیے اصل فکر اور پریشانی کی بات تو یہ ہونی چاہئے کہ اگر خدانخواستہ اِن دونوں جماعتوں کے درمیان حقیقی سیاسی عدم تعاون شروع ہوجائے تو پھر سندھ کی سیاست کا پیش منظر کیا ہوگا؟۔یاد رہے کہ پاکستان پیپلزپارٹی کو سندھ میں صرف اپنے ووٹ ملتے تو اُس کی سینیٹ کی چھ نشستیں بنتی تھیں لیکن سندھ میں سیاسی مفاہمت کے تازہ ترین دور کا آغاز ہونے کا بعد یہ نیا بندوبست ہوا کہ پیپلزپارٹی کو سندھ سے چھ کے بجائے باآسانی سینٹ کی سات عدد نشستیںحاصل ہوگئیں ہیں۔یقینا یہ کمال وزیراعلیٰ سندھ سید مراد علی شاہ کی انتظامی صلاحیتوں کا ہی ہے کہ جنہوں نے بروقت تحریک انصاف کے اہم ترین رہنما حلیم عادل شیخ جیل کی چار دیواری تک پہنچا کر تحریک انصاف کی صفوں میں سراسیمگی پیدا کردی ،جس کے باعث سندھ سے پیپلزپارٹی، چھ کے بجائے سات نشستیں کمال سیاسی مہارت و مفاہمت سے جیت جانے میں کامیاب ہوگئی ہے۔

دوسری جانب پاکستان پیپلزپارٹی سینیٹ کی اضافی نشستوں کے حصول کے لیئے بلوچستان میںاُس غیرمعمولی سیاسی کارکردگی کا مظاہرہ نہیں کرسکی، جس کے پیپلزپارٹی کی قیادت کی طر ف سے دعوی کیئے جارہے تھے ۔ذرائع کے مطابق بلوچستان میں بھی پیپلزپارٹی کی سیاسی تمنائیں کماحقہ پورا ہونے سے اس لیئے رہ گئیں ہیں کہ بلوچستان عوامی پارٹی (باپ)ابھی تک مقتدر حلقوں کی نظروں سے اس قدر نہیں گری ہے کہ اُس کے سارے ووٹ ہی پیسے کی طاقت سے خرید لئے جاتے۔ بلاشبہ باپ پارٹی کی اپنی زیادہ تر سینیٹ نشستیں جیت جانے کی وجہ سے سینیٹ کے ایوان میں تحریک انصاف کم ازکم معمولی سی سادہ اکثریت حاصل کرنے میں تو کامیاب ہو ہی گئی ہے۔ واضح رہے کہ وزیراعظم پاکستان جناب عمران خان کو سینیٹ میں ملنے والی سادہ اکثریت اپوزیشن جماعتوں کو ایوانِ بالا میں دیوار سے لگانے کے لیئے کافی و شافی ’’سامانِ سیاست ‘‘ ہرگز مہیا نہیں کر سکی گی۔بلکہ اُلٹا اَب تو تحریک انصاف کو سینیٹ میں اپوزیشن جماعتوں کا دباؤ مسلسل برداشت کرناہوگا۔

تاہم سینیٹ انتخابات کے بعد سیاسی جماعتوں کا کھیل ختم نہیں بلکہ شروع ہوا ہے۔ خاص طور پر سندھ کی سیاست پر سینیٹ انتخابات کے ممکنہ نتائج کے انتہائی دوررس مثبت یا منفی سیاسی اثرات مرتب ہونے کی قوی امکانات پائے جاتے ہیں ۔ کیونکہ اگر عمران خان سینیٹ کے ایوان میں سادہ اکثریت حاصل کرنے میں کامیاب ہوجاتے تو وہ سب سے پہلے اٹھارویں ترمیم میں ردو بدل یا پھر اُس کی تنسیخ کا اقدام ہی کرتے اور یہ اندیشہ اس لیئے بھی عین قرین قیاس لگتا تھاکہ گزشتہ تین برس کے دوران بطور وزیراعظم پاکستان عمران خان ایک سے زائد بار اس بات کا عندیہ دے چکے ہیں وفاقی حکومت کی مثالی انتظامی کارکردگی کی راہ میں سب سے بڑی رکاؤٹ اٹھارویں ترمیم ہے ۔لہٰذاحالیہ سینیٹ انتخابات میں پاکستان تحریک انصاف کی جیت اٹھارویں ترمیم کی آئینی زندگی کے لیئے یقینی طور پر موت کا پروانہ ثابت ہوسکتی تھی اور اس بات کا بخوبی ادراک پاکستان پیپلزپارٹی کو قیادت کو بھی ہے ۔ یہ ہی وجہ ہے کہ پیپلزپارٹی ،اپوزیشن اتحاد میں شامل جماعتوں کے ساتھ مل کر سینیٹ کے ایوان میں تحریک انصاف کو اقلیتی جماعت میں بدلنے کا ناقابل یقین اَپ سیٹ کر دکھایا۔یوں اَب اٹھارویں ترمیم کی متوقع آئینی موت کے خطرات بھی وقتی طور پر ٹل گئے ہیں۔علاوہ ازیں سینیٹ انتخابات میں اپوزیشن اتحاد کی کامیابی نے سندھ حکومت کے حوصلے بھی خوب بلند کردیئے ہیں ۔جس کے مثبت اور منفی اثرات سندھ کے سیاسی منظرنامے میں جلد ہی ملاحظہ کے لیئے دستیاب ہوں گے۔

یاد رہے کہ حفیظ شیخ کی عبرت ناک شکست اور یوسف رضا گیلانی کی فقید المثال جیت نے جس طرح سے تحریک انصاف کی حکومت کے اعتماد کے پرزے پرزے کیے ہیں ،یقینا وہ مناظر پاکستانی سیاست میں مدتوں یادگار رہیں گے۔کیونکہ گزشتہ تین برسوں کی سیاسی تاریخ گواہ ہے کہ وزیراعظم عمران خان نے متحدہ اپوزیشن کو اپنے خلاف کسی ایک محاذ پر بھی جیت کامعمولی سا مزہ بھی چکھنے نہیں دیاتھا۔ مگر اتنی پے درپے سیاسی شکستوں کے بعد اچانک سے سینیٹ انتخابات میں ایک ناقابل یقین اور غیر معمولی فتح نے کم ازکم اس بات پر تو پوری طرح سے مہر تصدیق ثبت کردی ہے کہ اپوزیشن رہنماؤ ں کے پاس ’’سیاسی تجربہ ‘‘ عمران خان سے کہیں زیادہ ہے۔مگر دوسری جانب حالیہ سینیٹ انتخابات میں نشستوں کی آزادانہ خرید و فروخت نے یہ تلخ حقیقت بھی عوام پر آشکار کر دی ہے کہ پاکستان میں سیاست کا بگڑا ہوا’’سیاسی توازن ‘‘شاید اَب کبھی بھی درست نہیں ہوسکے گا ۔بقول خورشید اکبر

لہو سے کھیلتے ہیں سب فرشتے

سیاست فاتحہ پر چل رہی ہے
٭٭٭٭٭٭٭


متعلقہ خبریں


مضامین
سی اے اے :ایک تیر سے کئی شکار وجود منگل 19 مارچ 2024
سی اے اے :ایک تیر سے کئی شکار

نیم مردہ جمہوریت کے خاتمے کے آثا ر وجود منگل 19 مارچ 2024
نیم مردہ جمہوریت کے خاتمے کے آثا ر

اسرائیل سے فلسطینیوں پر حملے روکنے کی اپیل وجود منگل 19 مارچ 2024
اسرائیل سے فلسطینیوں پر حملے روکنے کی اپیل

اندرا گاندھی ، گولڈا میئر اور بے نظیر وجود پیر 18 مارچ 2024
اندرا گاندھی ، گولڈا میئر اور بے نظیر

نازک موڑ پر خط وجود پیر 18 مارچ 2024
نازک موڑ پر خط

اشتہار

تجزیے
پاک ایران گیس پائپ لائن منصوبہ وجود منگل 27 فروری 2024
پاک ایران گیس پائپ لائن منصوبہ

ایکس سروس کی بحالی ، حکومت اوچھے حربوں سے بچے! وجود هفته 24 فروری 2024
ایکس سروس کی بحالی ، حکومت اوچھے حربوں سے بچے!

گرانی پر کنٹرول نومنتخب حکومت کا پہلا ہدف ہونا چاہئے! وجود جمعه 23 فروری 2024
گرانی پر کنٹرول نومنتخب حکومت کا پہلا ہدف ہونا چاہئے!

اشتہار

دین و تاریخ
رمضان المبارک ماہ ِعزم وعزیمت وجود بدھ 13 مارچ 2024
رمضان المبارک ماہ ِعزم وعزیمت

دین وعلم کا رشتہ وجود اتوار 18 فروری 2024
دین وعلم کا رشتہ

تعلیم اخلاق کے طریقے اور اسلوب وجود جمعرات 08 فروری 2024
تعلیم اخلاق کے طریقے اور اسلوب
تہذیبی جنگ
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی وجود اتوار 19 نومبر 2023
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی

مسجد اقصیٰ میں عبادت کے لیے مسلمانوں پر پابندی، یہودیوں کو اجازت وجود جمعه 27 اکتوبر 2023
مسجد اقصیٰ میں عبادت کے لیے مسلمانوں پر پابندی، یہودیوں کو اجازت

سوئیڈش شاہی محل کے سامنے قرآن پاک شہید، مسلمان صفحات جمع کرتے رہے وجود منگل 15 اگست 2023
سوئیڈش شاہی محل کے سامنے قرآن پاک شہید، مسلمان صفحات جمع کرتے رہے
بھارت
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا وجود پیر 11 دسمبر 2023
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا

بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی وجود پیر 11 دسمبر 2023
بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی

بھارتی ریاست منی پور میں باغی گروہ کا بھارتی فوج پر حملہ، فوجی ہلاک وجود بدھ 22 نومبر 2023
بھارتی ریاست منی پور میں باغی گروہ کا بھارتی فوج پر حملہ، فوجی ہلاک

راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات وجود جمعه 27 اکتوبر 2023
راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات
افغانستان
افغانستان میں پھر شدید زلزلے کے جھٹکے وجود بدھ 11 اکتوبر 2023
افغانستان میں پھر شدید زلزلے کے جھٹکے

افغانستان میں زلزلے سے تباہی،اموات 2100 ہوگئیں وجود اتوار 08 اکتوبر 2023
افغانستان میں زلزلے سے تباہی،اموات 2100 ہوگئیں

طالبان نے پاسداران انقلاب کی نیوز ایجنسی کا فوٹوگرافر گرفتار کر لیا وجود بدھ 23 اگست 2023
طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شخصیات
معروف افسانہ نگار بانو قدسیہ کو مداحوں سے بچھڑے 7 سال بیت گئے وجود اتوار 04 فروری 2024
معروف افسانہ نگار بانو قدسیہ کو مداحوں سے بچھڑے 7 سال بیت گئے

عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

معروف شاعرہ پروین شاکر کو دنیا سے رخصت ہوئے 29 برس بیت گئے وجود منگل 26 دسمبر 2023
معروف شاعرہ پروین شاکر کو دنیا سے رخصت ہوئے 29 برس بیت گئے
ادبیات
عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

سولہویں عالمی اردو کانفرنس خوشگوار یادوں کے ساتھ اختتام پزیر وجود پیر 04 دسمبر 2023
سولہویں عالمی اردو کانفرنس خوشگوار یادوں کے ساتھ اختتام پزیر

مارکیز کی یادگار صحافتی تحریر وجود پیر 25 ستمبر 2023
مارکیز کی یادگار صحافتی تحریر