وجود

... loading ...

وجود
وجود
ashaar

القسام بریگیڈ کے ’بٹ کوائن‘ پر انحصارسے اسرائیلی حکومتی و عسکری حلقوں میں شدید تشویش

اتوار    03    فروری    2019 القسام بریگیڈ کے ’بٹ کوائن‘ پر انحصارسے اسرائیلی حکومتی و عسکری حلقوں میں شدید تشویش

القسام بریگیڈ کی جانب سے ڈیجیٹل کرنسی’بٹ کوائن‘ پر انحصار کرنے کے اعلان سے صہیونی ریاست کے حکومتی اور عسکری حلقوں میں شدید تشویش اورخوف کی لہر دوڑ گئی ہے۔ اطلاعات کے مطابق حماس کا عسکری ونگ عزالدین القسام بریگیڈ بٹ کوائن کرنسی کو تزویراتی مالیاتی حکمت عملی کے طور پر استعمال کرے گا۔اسرائیلی اخبارنے اپنی رپورٹ میں لکھا ہے کہ القسام کا بٹ کوائن جیسی ڈیجیٹل کرنسیوں پر انحصار صہیونی سیکیورٹی اداروں کیلئے باعث تشویش ہے۔ اخبار کے مطابق حماس نے اپنے قیام کے بعد اب تک اسرائیلی انٹیلی جنس اداروں کے ساتھ اعصابی جنگ جاری رکھی ہے۔

حماس نے مالیاتی کمی دور کرنے کیلئے ہر ممکن طریقہ اختیار کیا ہے،بینکوں کے پیچیدہ ذرائع کو استعمال کرنے کے ساتھ ساتھ اب ڈیجیٹل کرنسیوں کا استعمال حماس کی بدلتی حکمت عملی کی عکاس ہے۔رپورٹ میں کہا گیا ہے کہ صہیونی حکومت نے ٹیکنالوجی کے وسائل کو استعمال کر کے حماس کے مالیاتی سوتے خشک کرنے کی کوشش کرتی رہی ہے مگر فلسطینی مزاحمتی قوتیں متبادل راستے اختیار کرلیتی ہیں۔