... loading ...
... loading ...
وکی لیکس کی ایک ٹوئٹ ریمائنڈر میں ایک دفعہ پھر یہ دعویٰ کیاگیاہے کہ امریکا اور برطانیہ نے نادرا کاریکارڈچرالیاہے،مقامی انگریزی اخبار میں شائع ہونے ایک خبر کے مطا بق وکی لیکس نے نیشنل سیکورٹی ایجنسی کے حوالے سے انکشافات کے سلسلے میں ایک دفعہ پھر یاد دہانی کرائی ہے کہ امریکا اور برطانیہ نے پاکستانی شہریوں کی شناخت سے متعلق نادرا کا ریکارڈ چرالیا ہے۔
اخبار کے مطابق وکی لیکس کے اس ٹوئٹ میں کہاگیاہے کہ ہمیں اسلام آباد میںامریکی سفارت خانے کی 2009 کی ایک کیبل سے پتہ چلاہے کہ اس وقت کے وزیر اعظم یوسف رضا گیلانی اور وزیر داخلہ رحمان ملک نے نیشنل ڈیٹا بیس رجسٹریشن اتھارٹی (نادرا) کا ریکارڈ امریکا کو دینے کی پیشکش کی تھی۔اخبار کے مطابق وکی لیکس کے بانی جولین اسانج نے2013 میں پاکستان تحریک انصاف کے سربراہ عمران خان کے ساتھ ملاقات کے دوران انھیں یہ بات بتائی تھی۔
جولین اسانج نے انکشاف کیاتھا کہ برطانیہ میںایک فرنٹ کمپنی انٹرنیشنل آئیڈنٹیٹی سروسز قائم کرکے تمام پاکستانیوں کا ڈیٹا جمع کرنے کے حوالے سے کنسلٹنٹ کے طورپر اس کی خدمات حاصل کی گئی تھیں۔جولین اسانج نے عمران خان کے ساتھ ملاقات میں کہاتھا کہ وہ سمجھتے ہیں کہ یہ پاکستان کے تمام عوام کی ڈیٹابیس رجسٹری پاکستان کی قومی دولت ہے اور اسے چرالیاگیاہے۔اخبار کے مطابق ٹوئٹ میںادارے نے اس انٹرویو کاپورا متن شیئر کیاہے اور لکھاہے کہ اگر کل کلاں این ایس اے کی یہ رپورٹ درست ثابت ہوتی ہے تو یہ کوئی غیر معمولی بات نہیں ہوگی کہ امریکا اور برطانیہ کی انٹیلی جنس ایجنسی ایم آئی 5 نے پاکستان کے تمام ووٹرز کو چرانے کیلئے ایک فرنٹ قائم کردیاہے۔ جولین اسانج کے انکشاف پر تبصرہ کرتے ہوئے عمران خان نے اس عمل کو پاکستان کی تاریخ کاشرمناک ترین دور قرار دیاتھا اور کہاتھا کہ کسی بھی ملک کے حکمرانوں نے اپنے ذاتی مفادات کیلئے عوام کو اتنا بڑا دھوکہ نہیں دیاہوگا جو اس وقت کے حکمراں دے رہے تھے اور اس کاسبب یہ ہے کہ ان سب کے بیرون ملک اکائونٹس ہیں۔ان لوگوں نے بیرون ملک اپنی دولت جمع کررکھی ہے اور یہ اندازہ لگایاجاسکتاہے کہ یہ دولت کیسی ہے اور کیسے حاصل کی گئی ہے؟۔عمران خان کاکہناتھا کہ امریکا کو ان اکائونٹس کے بارے میں پورا پورا علم ہے اور امریکی رہنما یہ جانتے ہیں کہ یہ ناجائز دولت ہے اور یہ رقم پاکستان سے لوٹ کر وہاں بھیجی گئی ہے۔
جولین اسانج کے حوالے سے ظاہر کئے جانے والے کیبل میں اس وقت کے پاکستان کے وزیر داخلہ رحمان ملک کے حوالے سے یہ لکھاگیاتھا کہ رحمان ملک نے امریکا کے ہوم لینڈ سیکورٹی کے وزیر جینٹ نیپولیٹین سے کہاتھا کہ ان کی وزارت نے پاکستان سے امریکا اور کینیڈا جانے والے تمام مسافروں کے نام اور دیگر تفصیلات کے ممکنہ تبادلے کے حوالے سے قانونی صورتحال کاجائزہ لینے کی ہدایت کردی ہے۔
جولین اسانج کے اس کیبل میں یاددہانی کرائی گئی ہے کہ اس طرح پاکستان کی سابق حکومت کے ایک اہم وزیر کے توسط یا قریبی تعاون سے پاکستانی عوام کی تمام تفصیلات امریکا اور برطانیہ کی انٹیلی جنس ایجنسیوں کے پاس پہنچ چکی ہیں اور اب امریکا یا برطانیہ جب چاہے پاکستا ن کے کسی بھی شہری کے ریکارڈ کو استعمال کرتے ہوئے اسے اپنے مقاصد کیلئے کام کرنے پر مجبور کرنے کیلئے اسے بلیک میل بھی کرسکتے ہیں۔
اگرچہ ابھی تک حکومت کی جانب سے وکی لیکس کی جانب سے یاددہانی کیلئے کی گئی اس ٹوئٹ یا انتباہ کے حوالے سے حکومت کی جانب سے سرکاری طورپرکسی ردعمل کا اظہار نہیں کیاگیاہے اس لئے وثوق سے یہ نہیں کہاجاسکتاکہ وکی لیکس کے اس دعوے میں کتنی صداقت ہے اور یہ کہ ایسا ہوابھی ہے یانہیں لیکن عوامی حلقوں میں اس انکشاف کے بعد کھلبلی مچی ہوئی ہے اور ہر ایک خود کو غیر محفوظ تصور کرنے لگا ہے ۔
موجودہ صورت حال میں ضرورت اس بات کی ہے کہ حکومت وکی لیکس کے ان انکشافات اور انتباہات کی مکمل چھان بین کرائے اور نادرا کے ریکارڈ کو زیادہ محفوظ بنانے کیلئے اقدامات کے ساتھ ہی پاکستانی عوام کا ڈیٹا امریکا اور برطانیہ کی انٹیلی جنس ایجنسیوں کے ساتھ شیئر کرنے والے عناصر کے خلاف بھی جے آئی ٹی تشکیل دی جائے جس کے ارکان ایک مختصر مدت کے اندر ان تمام معاملات اور الزامات کی چھان بین کے بعد رپورٹ پیش کرے تاکہ یہ پاکستانی عوام کے ڈیٹا کی اس چوری یا برضا ورغبت غیر ملکی ایجنسیوں کو اس کی منتقلی کی وجہ ہے ملک کو پہنچنے والے نقصان کا تخمینہ لگایاجاسکے،اور پاکستانی عوام کی تفصیلات کو زیادہ محفوظ بنانے کیلئے اقدامات کئے جاسکیں۔
امید کی جاتی ہے کہ ارباب اختیار خاص طورپر ہماری وزارت داخلہ اور خارجہ وکی لیکس کی اس مبینہ ٹوئٹ کی صداقت معلوم کرنے کی کوشش کریں گی اور پاکستانیوں کے ڈیٹابیس کی امریکا اور برطانیہ کی انٹیلی جنس ایجنسیوں کے حوالے سے کئے جانے کے فیصلے کے اسباب اور اس کے مضمرات کے بارے میں عوام کو اعتماد میں لینے اور انھیں صحیح صورت حال سے آگاہ کرنے کیلئے فوری اقدام کریں گی تاکہ اس ٹوئٹ کی وجہ سے پریشان ہوجانے والے پاکستانی عوام کو اطمینان نصیب ہوسکے۔
آبنائے ہرمز سے گزرنے والے اُن جہازوں کو نہیں روکا جائے گا جو ایرانی بندرگاہوں کے بجائے دیگر ممالک کی جانب جا رہے ہوں، ٹرمپ کا 158 جہاز تباہ کرنے کا دعویٰ ناکہ بندی کے دوران مزاحمت ایران کیلئے دانشمندانہ اقدام ثابت نہیں ہوگا، فضائی حدود ہماری مکمل گرفت میں ہے، ٹرمپ ایران کو مکمل ...
مردان ریلوے گراؤنڈ میں سہ پہر 3 بجے جلسہ ہوگا، مخالفین خصوصاً ڈیجیٹل پلیٹ فارمز کے ٹاؤٹس جلسے کو ناکام بنانے کیلئے منفی پروپیگنڈا کر رہے ہیں،وزیر اعلیٰ خیبرپختونخوا قوم آج بھی عمران خان کے ساتھ کھڑی ہے، دنیا کو دکھائیں گے بانی جیل میں ہونے کے باوجود بڑی سیاسی سرگرمی کر سکتے ہیں،...
وزیراعلیٰ خیبرپختونخوا کی عدم حاضری پر ناقابل ضمانت وارنٹ جاری کردیے ریاستی اداروں پرگمراہ کن الزامات کے کیس کی سماعتسینئر سول جج عباس شاہ نے کی ڈسٹرکٹ اینڈ سیشن کورٹس اسلام آباد نے وزیر اعلی کے پی کے سہیل آفریدی کے خلاف ریاستی اداروں پرگمراہ کن الزامات اور ساکھ متاثر کرنے کے...
دونوں فریقین کے درمیان اٹکے ہوئے معاملات حل کروانے کی کوششیں کررہے ہیں، شہباز شریف وزیراعظم کا کابینہ اراکین سے خطاب، فیلڈ مارشل اور نائب وزیراعظم کو شاندار خراج تحسین پیش کیا وزیراعظم شہباز شریف نے کہا ہے کہ تاریخ گواہ ہے جنگ کروانے اور امن قائم کرنے میں کئی سال لگتے ہیں، پا...
واشنگٹن اور تہران کے درمیان سفارتی حل کیلئے رابطے جاری ہیں، امریکی عہدیدار مستقبل میں امریکی اور ایرانی وفود کی ملاقات کا امکان تاحال غیر واضح ہے، بیان امریکا اور ایران کے درمیان کسی معاہدے تک پہنچنے کیلئے مذاکرات جاری ہیں۔ایک امریکی عہدیدار کے مطابق امریکا اور ایران کے درمیا...
ایران کے ساتھ ملاقات اچھی رہی ، جوہری معاملے کے علاوہ اکثر نکات پر اتفاق ہوا،امریکی بحریہ آبنائے ہرمز سے آنے جانیوالے بحری جہازوں کو روکنے کا عمل فوری شروع کر دے گی یہ عالمی بھتا خوری ہے امریکا کبھی بھتا نہیں دے گاجو کوئی غیر قانونی ٹول دے گا اسے محفوظ بحری راستا نہیں ملے گا، ای...
اسلام آباد میں ایران امریکا جنگ بندی مذاکرات بھارت پر بجلی بن کرگرے ہیں بھارت کی سفارتی ناکامی پر کانگریس نے نام نہاد وشوا گرو مودی کو آڑے ہاتھوں لے لیا پاکستان میں ایران امریکا جنگ بندی مذاکرات بھارت پر بجلی بن کرگرے ہیں۔ مودی کو ہرطرف سے تنقید کا سامنا ہے۔خلیجی جنگ کے تناظر...
مذاکرات ناکام ہوئے توہم اسرائیل میں ایسے ہی گھُس سکتے ہیں جیسے لیبیا اور کاراباخ میں داخل ہوئے تھے، اسرائیل نے سیزفائر کے دن بھی سیکڑوں لبنانی قتل کیے اسرائیل کو اس کی جگہ دکھائیں گے، فلسطینی قیدیوں کو سزائے موت دینے کا اسرائیلی فیصلہ اور ہٹلر کی یہودی مخالف پالیسیوں میں کوئی فر...
اسلام آباد میں تاریخ ساز بیٹھک، امریکا اور ایران میں مذاکرات کے 2 ادوار مکمل،فریقین محتاط،پرامید،کاغزات کا تبادلہ ،ٹیکنیکی گفتگو آج مذاکرات کے پہلے مرحلے میں امریکی اور ایرانی وفود کے درمیان علیحدہ علیحدہ ملاقاتیں ہوئیں، دوسرے مرحلے میں امریکی اور ایرانی وفود کے درمیان براہِ ر...
سعودی وزیر خزانہ کی وزیراعظم شہباز شریف سے ملاقات، مشرق وسطیٰ میں جاری کشیدگی کی وجہ سے بڑھتے ہوئے بیرونی دباؤ اور اخراجات کے پیش نظر پاکستان کو مالی مدد کا یقین دلایا پاکستان کی سعودی عرب سے مزید مالی امداد کی درخواست ، نقد ڈپازٹس میں اضافہ اور تیل کی سہولت کی مدت میں توسیع شا...
علاقائی کشیدگی میں کمی کیلئے سفارتی کوششیں مثبت پیشرفت ہیں، وزیراعلیٰ خیبرپختونخوا اسلام آباد مذاکرات پائیدار امن علاقائی استحکام کیلئے تعمیری کردار ہے، اجلاس سے خطاب وزیراعلیٰ خیبرپختونخوا محمد سہیل آفریدی نے حالیہ سفارتی کوششوں کو علاقائی کشیدگی میں کمی، پائیدار امن اور ع...
اسرائیل نے گزشتہ 40دنوں میں سے 36دن غزہ پر بمباری کی،عرب میڈیا 23ہزار 400امدادی ٹرکوں میں سے 4ہزار 999ٹرکوں کو داخلے کی اجازت ایران جنگ کے دوران اسرائیل نے گزشتہ 40 دنوں میں سے 36 دن غزہ پر بمباری کی۔عرب میڈیا کی رپورٹ کے مطابق اسرائیلی جارحیت کے نتیجے میں 107 فلسطینی شہید او...
