... loading ...
... loading ...
خلیل جبران نے کیا شاہکار بات کی ہے کہ ’’حکمران اور خوبصورت عورت کا یہ المیہ ہے کہ انہیں مخلص دوست نہیں ملتے۔‘‘ اور یہ حقیقت روز اول سے عیاں ہے کہ کسی بھی حکمران کو وہ لوگ یا وہ بات پسند نہیں ہوتی جو حقیقت پسندی پر مبنی ہو بلکہ ان کو وہ لوگ اور وہ باتیں پسند ہوتی ہیں جو خوشامد پر مبنی ہوں۔ سابق وزیر اعلیٰ سندھ سید قائم علی شاہ کو اویس مظفر ٹپی کے ٹولے نے مشورہ دیا کہ وہ نیا ہیلی کاپٹر خریدیں۔ قائم علی شاہ خوش ہوگئے اور پھر اویس مظفر ٹپی نے مختلف کمپنیوں سے بات چیت شروع کی ۔ تب انہوں نے ایک کمپنی سے بات فائنل کی، ڈیڑھ ارب روپے کا چھوٹا ہیلی کاپٹر 4 ارب روپے میں خریدنے کا خفیہ معاہدہ کیا۔ ڈیڑھ ارب روپے کمپنی وصول کرتی اور ڈھائی ارب روپے اویس مظفر ٹپی کی جیب میں چلے جاتے۔ معاملات 100 فیصد طے ہوگئے ،جب اس ضمن میں اجلاس ہوا تو اس وقت کے سیکریٹری امپلی منٹیشن شکیل احمد منگنیجو نے مزاحمت کی۔ ان کا کہنا تھا کہ یہاں ہیلی کاپٹر پاکستان میں صرف ایئرفورس کے پاس بنتے ہیں لیکن ایئرفورس ان کو فروخت نہیں کرتا ،اس لئے بیرون ممالک سے خریدنا پڑیں گے ۔تو بہتر یہی ہوگا کہ اس کے لئے عالمی اخبارات میں اشتہار دیا جائے اور جو کمپنیاں دلچسپی لیں ان سے بات کرکے کم قیمت کی پیشکش کرنے والی کمپنی سے ہیلی کاپٹر خریدا جائے ۔ہیلی کاپٹر خریدنے کے لئے جو پریکیورمنٹ کمیٹی بنائی گئی، اس میں کئی افسران شامل تھے لیکن اس سلسلے میں منعقدہ اہم اجلاس میں اویس مظفر ٹپی بھی شریک ہوئے۔وجہ یہ تھی کہ وہ افسران پر اپنا رعب جما کر فیصلہ کروانا چاہتے تھے کہ کمیٹی منظوری دے اور بغیر کسی اشتہار کے ہیلی کاپٹر خریدا جائے مگر جب سیکریٹری امپلی منٹیشن شکیل احمد منگنیجو نے مزاحمت کی،تو اویس مظفر ٹپی کے پسینے چھوٹ گئے۔ انہوں نے کمیٹی کے دیگر ارکان پر بھی رعب جمانے کی کوشش کی تاہم مراد علی شاہ کے بہنوئی اور سیکریٹری (جنرل ایڈمنسٹریشن) آصف حیدر شاہ نے بھی شکیل احمد منگنیجو کی بات کی تائید کی، دیگر ارکان نے بھی اشارتاً شکیل منگنیجو اور آصف حیدر شاہ کی بات کو درست قرار دیا۔ اویس مظفر ٹپی کو شدیدغصہ آیا، وہ لال پیلے ہوگئے اور غصے سے اٹھ کر چلے گئے۔ اس وقت افسران نے طے کیا کہ فوری طور پر منٹس تیار کرکے وزیر اعلیٰ کو منظوری کے لئے بھیجے جائیں،اجلاس کے منٹس میں اخبارات میں اشتہار دینے کا تفصیل سے ذکر کیا گیا اور ساتھ ساتھ سندھ پبلک پریکیورمنٹ ریگیولیٹری اتھارٹی اور ٹرانسپیرنسی انٹرنیشنل کے قوانین کا حوالہ دیا گیا۔ وزیر اعلیٰ قائم علی شاہ نے اویس مظفر ٹپی کی مخالفت کے باوجود منٹس پر دستخط کردیے۔ یوں اویس مظفر ٹپی کی جیب میں ڈھائی ارب روپے آتے آتے رہ گئے۔ انہوں نے جاکر اس وقت کے صدر آصف زرداری کو الٹی سیدھی کہانیاں بتائیں تاہم اچھی شہرت کے حامل افسران کے اسٹینڈ لینے پر ان کا کھیل بگڑ گیا۔ بعد ازاںاپنی پُرخاش نکالنے کے لیے اویس مظفر ٹپی نے شکیل احمد منگنیجو سمیت چار افسران کی خدمات واپس وفاقی حکومت کے حوالے کیں۔ لیکن بیورو کریسی کے دبائو اور ممکنہ عدالتی فیصلے کے پیش نظرحکومت سندھ نے چار روز بعد ان چاروں افسران کو واپس سندھ میں تعینات کرنے کی وفاقی حکومت سے درخواست کردی۔
قائم علی شاہ چلے گئے، مراد علی شاہ آگئے۔ اس بار اویس مظفر ٹپی کی جگہ انور مجیدنے وزیر اعلیٰ کو مشورہ دیا ہے کہ وہ صوبائی حکومت کے زیر استعمال ہیلی کاپٹر کو بدل دیں کیونکہ یہ تو جام صادق دور میں لیا گیا تھا اور اب اس ہیلی کاپٹر کو استعمال کرنا خطرے سے خالی نہیں ہوگا۔ باوثوق ذرائع نے خبر دی ہے کہ وزیر اعلیٰ اس بات پر تیار ہوگئے ہیںاور اس بارے میں انور مجید نے ایک کمپنی سے خود بات کی۔ذرائع نے انکشاف کیا کہ سوا ارب روپے سے خریدے جانے والے جیٹ ائر کے لئے قانون کی خلاف ورزی کی جارہی ہے، ٹیکنیکل کمیٹی نے ’’بمبارڈیر‘‘ کمپنی سے براہ راست خریدنے کی سفارش کردی ہے۔ پرانے ایئر جیٹ کو کوڑیوں کے دام فروخت کرنے کی تیاریاں کرلی گئی ہیں اوراس کے بدلے مہنگا ہیلی کاپٹر خریدنے کی کوشش تیز کردی گئی ہیں۔ وزیر اعلیٰ سندھ کو ایک مرتبہ پھر ٹیکنیکل کمیٹی اور دیگر متعلقہ افسران نے مشورہ دیا ہے کہ وہ اوپن مارکیٹ سے ہیلی کاپٹر خریدیں تاکہ قوانین پر بھی عمل ہوسکے اور ہیلی کاپٹر بھی مناسب قیمت پر مل سکے لیکن چونکہ معاملہ انور مجید کا ہے اس لئے وزیر اعلیٰ سندھ نے افسران پر دبائو ڈالا ہے کہ من پسند کمپنی سے خریدنے کی منظوری دیں اور افسران دبائو میں ضرور ہیں لیکن وہ فی الحال وزیر اعلیٰ کے غیر قانونی احکامات پر عمل کرنے کے لئے تیار نہیں۔ دوسری جانب انور مجید رات دن وزیر اعلیٰ پر دبائو ڈال رہے ہیں کہ فوری طور پر اس کمپنی سے یہ ہیلی کاپٹر خریدا جائے ۔اندرونی ذرائع کا تجزیہ ہے کہ وزیر اعلیٰ سندھ مراد علی شاہ دوسروں پر تو چڑھ دوڑتے ہیں لیکن انور مجید کے سامنے بھیگی بلی بن جاتے ہیں۔لہٰذا اب وزیر اعلیٰ ہائوس اور انور مجید کی بیورو کریسی کے ساتھ سرد جنگ شروع ہوچکی ہے۔ دیکھنا یہ ہے کہ وزیر اعلیٰ سندھ اور انور مجید کامیاب ہوتے ہیں یا بیورو کریسی اصولی موقف کی بنا پر جیت جاتی ہے، اس کا فیصلہ چند روز میں ہوجائے گا۔
حکومت کی جانب سے بجٹ کے حوالے سے آئی ایم ایف کو مطمئن کرنے کی کوششیں ، دونوں فریقین میںمذاکرات کا جاری ، ممکنہ خسارے کے ازالے کیلئے متبادل ریونیو اقدامات پر مشاورت حکومت کا فنانس بل میں شامل مختلف ٹیکس رعایتوں کی مکمل تفصیلات جاری کرنے سے گریز، تنخواہ دار طبقے کو دیے گئے ٹیکس ر...
میری وزیراعلیٰ خیبر پختونخوا سہیل آفریدی سے بات ہوگئی ہے،صوبائی حکومت صرف 3 ماہ کا بجٹ پیپر پاس کرے گی، آئین کا آرٹیکل 125 اجازت دیتا ہے، آپ 3 ماہ کا بجٹ پیپر پیش کرسکتے ہیں بانی پی ٹی آئی سے ملاقات تک حتمی بجٹ پیش نہیں ہوگا،30 جون تک بانی سے ملاقات نہ ہوئی تو خیبر پختونخوا...
ملزمہ سادہ کوکین 20ہزار فی گرام جبکہ گولڈن اسٹف40ہزار فی گرام فروخت کرتی تھی مقدمے میں نامزد پانچ ملزمان مفرور قرار ،پولیس نے گرفتاری کیلئے کارروائیاں تیز کر دی کراچی میں منشیات فروشی کے مبینہ بڑے نیٹ ورک کی مرکزی ملزمہ انمول عرف پنکی اور دیگر کے خلاف منشیات کے مقدمے کا عبوری...
منشیات کی ترسیل کے لیے انڈوں کے خول استعمال کیے جاتے تھے،ملزم شاہ فہد سہراب گوٹھ سے مختلف رائیڈرز کے ذریعے مختلف علاقوں میں سپلائی کیا جاتا تھا کراچی سائوتھ زون پولیس نے کارروائی کرتے ہوئے منشیات سپلائی کرنے والے ایک اور مبینہ منظم نیٹ ورک کا سراغ لگانے کا دعوی کیا ہے۔ گرفتار...
رواں سال ڈبل ڈیکر اور جدید الیکٹرک بسوں کی بڑی تعداد کراچی پہنچ جائے گی،شرجیل میمن نئی ڈبل ڈیکر اور ماحول دوست ای وی بسیں مرحلہ وار مختلف روٹس پر چلائی جائیں گی،گفتگو سندھ کے سینئر وزیر شرجیل انعام میمن نے کراچی کے شہریوں کے لیے پبلک ٹرانسپورٹ کے شعبے میں ایک اہم پیش رفت کا ا...
ایک شخص کی وجہ سے ملکی تناؤ ہے تو اسے باہر نکالیں، مجھے کہا جاتا ہے آپ تو عمران خان کیخلاف تھے، مخالف جیل میں ہاتھ پاؤں بندھا پڑا ہو تو اس کیخلاف بات نہیں کرتے،سربراہ جے یو آئی اسمبلی میں اپوزیشن لیڈروں کی تقریروں کو بلیک آؤٹ کیا جا رہا ہے، ہم نے کشمیریوں کی ماؤں بہنوں کی...
81ہزار ٹن خریداری ہدف سے کم، مقامی مارکیٹ اور پاسکو سے مزید گندم خریدنے کا فیصلہ ہاریوں کو مقررہ امدادی قیمت کی ادائیگی ہر صورت یقینی بنائی جائے،اجلاس میں تفصیلی جائزہ وزیراعلیٰ سندھ سید مراد علی شاہ کی زیر صدارت وزیراعلی ہاؤس میں محکمہ خوراک اور محکمہ زراعت کا مشترکہ اجلاس ...
عوام بخوبی جانتے ہیں کہ کس نے اسے بوری بند لاشوں کے تحفے دیے،سینئر صوبائی وزیر کراچی ملک کا معاشی حب اور سندھ کا دارالخلافہ ہے، خالد مقبول کے بیان پر سخت ردعمل سینئر صوبائی وزیر شرجیل انعام میمن کا خالد مقبول صدیقی کے بیان پر سخت ردعمل دیتے ہوئے کراچی کے عوام بخوبی جانتے ہیں ...
تحریکِ انصاف کی قیادت اور اپوزیشن اتحاد 16 جون بروز منگل دوپہر 3 بجے سے شام 7 بجے تک اڈیالہ جیل کے باہر ایک مضبوط اور پرامن عوامی طاقت کا مظاہرہ کرنے جارہے ہیں،خصوصی بیان اس احتجاج کے پیچھے کوئی سیاسی مقاصد یا توڑ پھوڑ نہیں بلکہ خالصتاً قانونی اور انسانی بنیادیں شامل ہیں، احتجاج...
پارٹی میں موجود بدعتوں کو اب نکالنا ہوگا جس کے دل میں پارٹی کی ذمہ داری کا شوق آیا وہ کچھ نہیں کر سکتا، ہم استعمال نہیں ہورہے کوئی اور استعمال ہو رہا ہے ، خالد مقبول صدیقی کی مصطفی کمال پر تنقید ایکسٹینشن والا لیڈر قوم کو کبھی ان کے حقوق نہیں دلوا سکتا جس لیڈر کا کریکٹر نہیں و...
حکومت اب بھی ایک لیٹر پیٹرول پر120 روپے سے زائد پیٹرولیم لیوی وصول کررہی ہے بہت تماشا ہوگیا وسائل پر قابض اشرافیہ عوام کے راستے سے ہٹ جائے،تقریب سے خطاب امیر جماعت اسلامی پاکستان حافظ نعیم الرحمن نے کہا ہے بجٹ میں آئی ٹی کے فروغ کے لیے کوئی جامع منصوبہ شامل نہیں۔ سات دہائیوں...
امریکا اور ایران کے درمیان مفاہمتی یادداشت پر دستخط اتوار کو نہیں ہوں گے جنگ کے خاتمے پر توجہ مرکوز کرنے والے اسلام آباد میمورنڈم پر عمل کیا جا رہا ہے ایرانی وزارت خارجہ کے ترجمان اسماعیل بقائی نے کہا ہے کہ امریکا سے معاہدے پرآج دستخط نہیں کر رہے ہیں۔ایک بیان میں اسماعیل بق...
