... loading ...
... loading ...
عمران خان کی ہمشیرہ نے آج ذرائع ابلاغ کے سامنے یہ دعویٰ کیا کہ میں بچوں کے ہمراہ گلبرگ سے گزر رہی تھی اس دوران میں ایک وی آئی پی شخصیت کے اسکواڈ میں شامل پولیس وین نے سامنے سے ان کی گاڑی کو ٹکر ماری جس پر میں گاڑی سے اتری تو ہمیں سڑک سے ایک طرف ہٹا دیا گیا اور مسلح اہلکاروں نے مجھ پر اور بچوں پر بندوقیں تان لیں۔ انہوں نے کہا کہ پروٹوکول میں شامل دوسری گاڑی ہمارے قریب آکر رکی جس میں سوار اہلکاروں نے ہمیں ہراساں کرنے کی کوشش کی۔ عمران خان کی ہمشیرہ نے خود پروٹوکول والوں سے استفسار کے نتیجے میں اُن کی جانب سے کیے گیے دعوے کے مطابق یہ دعویٰ بھی کردیا کہ مذکورہ پروٹوکول دراصل وزیر اعظم کی صاحبزادی مریم نواز کا تھا۔ جو واقعاتی طور پر غلط نکلا۔ کیونکہ مذکورہ پروٹوکول دراصل ایک دعوے کے مطابق فریال ٹالپور کا تھا جو اُس وقت لاہور میں موجود تھیں اور اُنہیں آزاد کشمیر پولیس کی طرف سے پروٹوکول مہیا تھا۔ جبکہ ایک دوسرے کے دعوے کے مطابق یہ پروٹوکول صدرآزاد کشمیر سردار یعقوب کا تھا۔ اس بات کو تقویت عاصم گجر کے ذرائع ابلاغ کے سامنے دیئے گیے بیان سے ملی کہ دوپہر میں صدر آزاد کشمیر سردار یعقوب میرے گھر والدہ کی تعزیت کرنے آئے تھے اور ان کے ساتھ ان کا اسکواڈ تھا اور ڈاکٹرعظمیٰ کے ساتھ مبینہ طور پر میرے گھر کے باہر بدتمیزی ہوئی۔ انہوں نے کہا کہ سرداریعقوب کی سیکیورٹی نے ڈاکٹرعظمیٰ کی گاڑی کو روکا تاہم گاڑی کو کوئی نقصان نہیں ہوا لیکن ان کی شکایت پر میرے بیٹے نے باہرآکر معذرت کی اور نقصان پورا کرنے کا کہا۔ عاصم گجر کا کہنا تھا انہیں یہ واقعہ میڈیا کے ذریعے پتہ چلا اور صدر آزاد کشمیرسردار یعقوب کے ساتھ فریال تالپور نہیں تھیں جب کہ ہم میں سے کسی نے نہیں کہا کہ یہ مریم نواز کا پروٹوکول تھا۔
اس ایک واقعے کے آئینے میں پاکستان کی حکمران اشرافیہ کا مکمل چہرہ عریاں ہو کر سامنے آجاتا ہے۔ سب سے اہم بات تو یہ ہے کہ یہ ٹکر اس لیے ذرائع ابلاغ کے سامنے اہمیت اختیار کر گئی کیونکہ یہ کسی اور کی گاڑی کو نہیں بلکہ عمران خان کی بہن کی گاڑی کو لگی تھی۔ روزانہ پاکستانی عوام ایسے پروٹوکول سے ہونے والی ٹکروں کا سامنا کرتے رہتے ہیں۔ مگر یہ کوئی خبر نہیں ہوتی۔ حکران اشرافیہ مغربی ممالک میں خود کو سڑکوں پر گاڑیوں کے انتظار میں تنہا کھڑے پاتے ہیں مگر پاکستان میں وہ کسی بھی طرح “انسان بننے” کو تیار نہیں۔ ایک دوسرا رویہ ردِ عمل کی سطح پر عمران خان سے متعلق سامنے آتا ہے۔ جو لاہور ہی نہیں ملک کے چپےچپے میں وقوع پزیر ہونے والے اس طرح کے پروٹوکول کے تماشوں سے آگاہ ہیں۔ مگر اُن کی غیرت دراصل بہن کی گاڑی کو ہونے والی ٹکر سے جاگی۔ وہ اِسے ایک مسئلہ بنا کر ملکی سطح پر ایک ہم آہنگ اقدام کی طرف کیوں نہیں لے جاتے؟ اور ملک سے پروٹوکول کی اس لعنت کو ختم کرنے کی مہم برپاکیوں نہیں کرتے؟ مگر عمران خان نے اپنی ہمشیرہ کی گاڑی کو لگنے والی ٹکر پر ردِ عمل کو دیتے ہوئے کسی بھی نوعیت کی ذہانت کا مظاہرہ نہیں کیا۔ اور سرے سے کوئی چھان بین کرنے کی ضرورت ہی محسوس نہیں کی۔ اور صاف لفظوں میں اِسے مریم نواز کے پروٹوکول سے ہونے والی واردات مان لیا۔ اور اس کا جذباتی اظہار بھی کردیا۔ ظاہر ہے کہ اِسے حکمران جماعت مسلم لیگ نون نے ہر طرح سے استعمال کرنا تھا۔ اور نون لیگ نے مسئلے کی نوعیت پر بات کرنے کے بجائے اسے سیدھا عمران خان کے خلاف استعمال کرنے کافیصلہ کیا اور اپنے کرائے کے بھونپوؤں اور اپنے مالیاتی طور پر رہین منت ذرائع ابلاغ سے اس پروپیگنڈے کا پرچار شروع کرادیا کہ عمران خان اور اُن کی بہن کا دعویٰ غلط نکلا۔ حالانکہ مسئلہ یہ نہیں تھا کہ پروٹوکول کس کاتھا؟ بلکہ مسئلہ یہ تھا کہ پروٹوکول نے ٹکر ماری۔ ٹکر کے مسئلے کو یہاں بالکل نظر انداز کرکے اسے مریم نواز کا پروٹوکول نہ ہونے کے مسئلے سے منسلک کرکے عمران خان کے لیے “جھوٹا” کے الفاظ استعمال کرنے شروع کر دیئے۔
حکمران اشرافیہ کا یہ رویہ ظاہر کرتا ہے کہ وہ اپنی بالادستی کی جنگ کے سامنے عوامی مسائل پر کوئی توجہ دینے کو ہی تیار نہیں۔ ان کے لیے اصل مسئلہ اپنے ہاتھ میں طاقت کی رسیوں کا زیادہ سے زیادہ حصول ہے، تاکہ وہ بوقت ضرورت ایک دوسرے کے خلاف کھینچی جاسکی۔ اس کھیل میں عوام اور پروٹوکول کا وہ دیرینہ مسئلہ مکمل نظرانداز ہو رہا ہے جو ایک طویل عرصے سے مختلف حادثات کا باعث بنتا آرہا ہے۔
دوسری جانب سی سی پی او لاہور امین وینس اور ڈی آئی جی آپریشنزعاصم گجر کے گھر پہنچے اور ان سے ڈیڑھ گھنٹے تک اس حوالے سے بات کرتے رہے جس میں پولیس افسران نے ڈاکٹرعظمی ٰکے ساتھ پیش آنے والے واقعے پر پوچھ گچھ بھی کی جب کہ عاصم گجر نے سرکاری فون پرسی سی پی او کی سردار یعقوب سے بات بھی کرائی۔
اس موقع پر میڈیا سے بات کرتے ہوئے سی سی پی او لاہور امین وینس کا کہنا تھا کہ عاصم گجر کے گھر آنے والی شخصیات کے ساتھ پنجاب پولیس نہیں تھی۔ انہوں نے کہا کہ ڈاکٹر عظمیٰ کے ساتھ بدتمیزی کی تحقیقات کررہے ہیں اور ذمہ داروں کے خلاف کارروائی ہوگی اس سلسلے میں آزاد کشمیر پولیس کے ساتھ رابطے میں ہیں۔
اس سے قبل عمران خان کی بہن ڈاکٹرعظمیٰ کا اپنی رہائش گاہ پر میڈیا سے بات کرتے ہوئے کہنا تھا وہ بچوں کے ہمراہ گلبرگ سے گزر رہی تھی اس دوران ایک وی آئی پی شخصیت کے اسکواڈ میں شامل پولیس وین نے سامنے سے ان کی گاڑی کو ٹکر ماری جس پر میں گاڑی سے اتری تو ہمیں سڑک سے ایک طرف ہٹا دیا گیا اور مسلح اہلکاروں نے مجھ پر اور بچوں پر بندوقیں تان لیں اور پروٹوکول میں شامل دوسری گاڑی ہمارے قریب آکر رکی جس میں سوار اہلکاروں نے ہراساں کرنے کی کوشش کی۔
ڈاکٹر عظمی کا کہنا تھا کہ جب میں نے پوچھا یہ کون سی وی آئی پی شخصیت ہیں جس پروٹوکول میں سے کسی نے بتایا کہ یہ مریم نواز ہیں، گاڑیاں جس گھر میں رکی انہوں نے بھی کہا کہ مریم نواز آرہی ہیں اور گھر والوں نے یہ بھی کہا ہم آپ کا نقصان پورا کردیں گے۔
ادھر سماجی رابطے کی ویب سائٹ ٹوئٹر پر اپنی ٹویٹ میں مریم نواز کا کہنا تھا کہ چیئرمین تحریک انصاف عمران خان کی ہمشیرہ کے ساتھ جو واقعہ پیش آیا اس پر افسوس ہے لیکن اس وقت میں اسلام آباد میں تھی اور وہیں یہ خبر سنی جب کہ میں اسلام آباد سے شام ساڑھے 4 بجے لاہور پہنچیں۔ انہوں نے ساتھ یہ بھی لکھا کہ جھوٹوں کو رمضان میں تو کم از کم جھوٹ بولتے ہوئے شرم آنی چاہیئے۔
Feel sorry for Mr. Khan's sister. Was in Isb when I got the news. Arrived in Lhr at 4:30. Liars should have some shame at least in Ramadan.
— Maryam Nawaz Sharif (@MaryamNSharif) July 1, 2016
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔ذرائع کے مطابق وزیراعظم شہباز شریف کی جانب سے بنائی گئی تحقیقاتی کمیٹی کا اجلاس ہوا۔ذرائع کے مطابق تحقیقاتی کمیٹی نے اجلاس میں نگراں دور کے سیکریٹری فوڈ محمد محمود کو بھی طلب کیا تھا، جوکمیٹ...
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
وفاقی وزیر اطلاعات و نشریات عطا اللہ تارڑ نے کہا ہے کہ کسی سوشل میڈیا پلیٹ فارم کی بندش کے حق میں نہیں۔نجی ٹی وی سے گفتگو کرتے ہوئے وفاقی وزیر عطا تارڑ کا کہنا تھا کہ سوشل میڈیا پلیٹ فارمز پاکستان میں کیوں دفتر نہیں کھولتے ، سوشل میڈیا پلیٹ فارمز کو پاکستان میں دفاتر کھولنے چاہئی...
یوم صحافت پر خضدار میں دھماکا، صحافی صدیق مینگل سمیت 3 افراد جاں بحق ہوگئے ۔پولیس کے مطابق خضدار میں قومی شاہراہ پر سلطان ابراہیم خان روڈ پر ریموٹ کنٹرول دھماکے سے ایک گاڑی کو نشانہ بنایا گیا۔ایس ایچ او خضدار سٹی کے مطابق ریموٹ کنٹرول دھماکے میں ایک شخص جاں بحق اور 10 افراد زخمی ...
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
