... loading ...
... loading ...
سوئیڈن میں قرآن کریم کی بے حرمتی کے واقعے سے مسلمانان عالم کے دلوں پر لگنے والی کاری ضرب کے زخم ابھی مندمل نہیں ہوئے تھے کہ خود کو تہذیب وشائستگی،جمہوریت اور حقوق انسانی کا علمبردار ظاہر کرنے والے ملک برطانیہ کی وزیر داخلہ نے مسلمانان عالم کے خلاف ہرزہ سرائی کرکے ان زخموں کو ہرا کردیا ہے۔ برطانوی وزیر داخلہ سویلا بریورمین نے مسلمانوں پر دہشت گردی کا الزام لگاتے ہوئے کہا ہے کہ قومی سلامتی کیلئے اسلام پسند دہشت گردی اب بھی سب سے بڑا خطرہ ہے۔ برطانوی میڈیا کے مطابق وزیرداخلہ نے دہشت گردی کیلئے اسلام پسندکی اصطلاح استعمال کرتے ہوئے اس کو قومی سلامتی کا سب سے بڑا دشمن قرار دیا اور دعویٰ کیا کہ گزشتہ ماہ برطانیہ میں ایک عوامی اجتماع پر داعش کی دہشت گردی کی منصوبہ بندی کو ناکام بنا دیا گیا تھا۔ ان کے بقول اسلامی دہشت گردی ایک بڑا خطرہ بنی ہوئی ہے اور یہ بالکل غیر متوقع ہوتی ہے، جس کا پہلے سے پتہ لگانا اور پھر تفتیش کرنا مشکل ہو رہا ہے۔
برطانوی وزیر داخلہ کے اس بیان سے ظاہر ہوتاہے کہ مغربی دنیا میں اسلام مخالف بیاینے کو کس طرح پھیلانے کی کوشش کی جارہی ہے اور مغربی دنیا کے حکمراں طبقے کے اسی طرح کے بیانات اسلامو فوبیا میں اضافے کا سبب بن رہے ہیں جس کی وجہ سے مسلمانوں کی مقدس کتاب قرآن مجید کی بے حرمتی اور گستاخانہ خا کے شائع کرنے کے مذموم واقعات میں تیزی سے اضافہ ہورہا ہے۔مغربی دینا کے برسراقتدار طبقے کے ان ہی خیالات کے نتیجے میں 2 ہفتے قبل سویڈن میں عدالت اور پولیس کی سرپرستی میں اسلام مخالف انتہاپسندوں کو قرآن پاک کے نسخے کو جلا کر شہید کرنے کی جرات ہوئی۔ اس سے قبل فرانس کے جریدے شارلی ایبڈو میں بھی قرآن مجید کی بے حرمتی کی گئی اور گستاخانہ خاکے چھاپے گئے۔ اس کے علاوہ آسٹریلیا میں ایک مسجد پر حملہ اور 2019میں نیوزی لینڈ کی مسجد میں نمازیوں پر حملہ کرکے 49 نمازیوں کو شہید کیا گیا۔ مغربی دنیا میں ایسے واقعات کا تسلسل اب بھی جاری ہے اور برطانوی وزیرداخلہ کے تازہ ترین بیان سے ظاہر ہوتاہے کہ اسلامو فوبیا کو عملاً وہاں کی حکومتوں کی سرپرستی میں فروغ دیا جا رہا ہے‘ اور اسلام اور مسلمانوں کو دہشت گرد قرار دیا جا رہا ہے۔ ایسے واقعات سے یہی عندیہ ملتا ہے کہ الحادی قوتیں اسلام اور مسلمانوں پر ہرصورت دہشت گردی کا لیبل لگانا چاہتی ہیں جس کا مقصد مسلمانوں کی دل آزاری اور انہیں اشتعال دلانا ہے۔ دین اسلام اور اس کی اقدار کی توہین کیلئے الحادی قوتیں یکجہت ہو چکی ہیں اور توہین کا یہ سلسلہ اب باقاعدہ حکومتی سرپرستی میں کیا جارہا ہے جو مسلم دنیا کیلئے باعث تشویش ہے۔ جب تک مسلم دنیا خاص طورپر دولت مند مسلم ممالک کے سربراہان متحد ہوکراور اپنے تجارتی مفادات کو پس پشت رکھ کر ایسے واقعات کے سدباب کیلئے موثر اقدامات نہیں کریں گے‘ اسلام مخالف انتہا پسند ملعونوں کے ہاتھوں ایسے واقعات رونما ہوتے رہیں گے۔سوئیڈن میں قرآن پاک کی بے حرمتی کے خلاف اقوام متحدہ کی انسانی حقوق کونسل میں پاکستان اور اسلامی تعاون تنظیم کی جانب سے پیش کی گئی قرارداد کی امریکہ اور یورپی یونین کی جانب سے مخالفت سے واضح ہوچکاہے کہ وہ مسلمانوں کی دل آزاری کیلئے دین اسلام اور اس کی اقدار کی توہین کرنے کے ایجنڈے پر ہی کاربند رہنا چاہتے ہیں۔ اس لئے یہود و نصاریٰ کے اس گٹھ جوڑ کے خلاف مسلم دنیا کو بھی اپنے فروعی اختلافات بالائے طاق رکھ کر متحد ہونا ہوگا کیونکہ مسلم دنیا کا مضبوط اتحاد ہی ایسے ناپاک واقعات کے آگے بند باندھ سکتا ہے۔ اسلامی تعاون تنظیم (اوآئی سی) کو بھی صرف زبانی یا رسمی احتجاج سے نکل کر اب عملی اقدامات کرناہوں گے‘اگر مسلم دنیا کی طرف سے صرف مذمتی بیانات پر ہی اکتفا کیا جاتا رہا تو یہ ملعون قوتیں اپنے شر سے باز نہیں آئیں گی۔
٭٭٭
ایک غیرجانبدار سروے رپورٹ میں انکشاف کیاگیاہے کہ گزشتہ ایک ڈیڑھ ماہ کے دوران سفید پوش طبقے کے مزید 9فیصد لوگ خط غربت سے نیچے چلے گئے ہیں،اور بڑھتی ہوئی مہنگائی سے انسانی المیہ جنم لے رہا ہے مسلسل پیٹرول بم گرانا معمول بن گیا ہے جس سے مہنگائی تیزی سے بڑھ رہی ہے لوگ زندہ رہنے ک...
٭جن کیسز میں نواز شریف کو سزا سنائی گئی اس میں ان کو حفاظتی ضمانت نہیں مل سکتی، قانون کے مطابق ان کیسز میں تب تک اپیل دائر نہیں ہو سکتی جب تک آپ جیل نہ جائیں٭وکلا عدالت میں درخواست دیں گے کہ نواز شریف جیل میں تھے اور عدالت نے علاج کی غرض سے چار ہفتوں کے لیے انہیں ملک سے باہر بھیج...
اخباری اطلاعات کے مطابق ہمارے زرمبادلہ کے ذخائر میں مسلسل کمی ہورہی ہے اور ترسیل زر میں حالیہ مہینوں کے دوران ہونے والے معمولی اضافے کے باوجود زرمبادلہ کے ذخائر کو خاطر خواہ سہار ا نہیں مل سکا جبکہ ہماری برآمدی مسلسل روبہ زوال ہے،اس میں کوئی شک نہیں کہ شہباز حکومت کے دور میں ...
بظاہر نیپرا کا ادارہ بجلی سپلائی کرنے والے اداروں کی چیکنگ اور عوام کو ان کی زیادتیوں سے محفوظ رکھنے کے لیے بنایا گیا تھا۔ اس ادارے کا کام ہی یہ تھا کہ وہ یہ چیک کرے کہ الیکٹرک سپلائی کرنے والی کمپنیاں عوام کے ساتھ کوئی ناانصافی اور زیادتی تو نہیں کررہی ہیں لیکن نیپرا کی اب تک کی...
وزارت خزانہ نے گزشتہ روز ایک بار پھر مہنگائی میں اضافہ ہونے کا عندیہ دیا ہے، وزارت خزانہ نے مہنگائی میں اضافے کا عندیہ ایک ایسے وقت میں دیا ہے جبکہ مہنگائی سے بدحال عوام پہلے ہی سڑکوں پرہیں،حکومت نے پے درپے مہنگائی کرکے عوام کو زندہ درگور کردیا ہے، 90فیصد عوام مہنگائی کے سبب زندگ...
اخباری ا طلاعات کے مطابق نگران حکومت نے گیس کے شعبے کے بڑھتے ہوئے سرکولر قرض اور نقصانات عوام کو منتقل کرنے کا فیصلہ کرتے ہوئے آئندہ ہفتے گیس کی قیمت میں 50 فیصد سے زائد اضافہ کرنے کا فیصلہ کرلیا ہے۔ ایک نجی ٹی وی کے مطابق گیس سیکٹر کا سالانہ 350 ارب روپے کا نقصان اور گردشی قرضے2...
اخباری اطلاعات کے مطابق مغربی ملکوں کی طرح پاکستان میں بھی کینسر کا مرض تیزی سے پھیل رہاہے۔ کینسر جدید طرزِ زندگی کا ایک بھیانک تحفہ ہے اور اطلاعات کے مطابق نوجوانوں پر اس کے اثرات تیزی سے سامنے آرہے ہیں۔ ایک تحقیق کے چونکا دینے والے اعداد و شمار سے پتا چلتا ہے کہ پچھلے 30 سال می...
اسٹیٹ بینک نے جولائی 2023 کے اختتام تک حکومت پاکستان کے قرض کی تفصیلات جاری کر دی ہیں۔ اسٹیٹ بینک کی جانب سے جاری اعلامیے میں کہا گیا ہے کہ پاکستان کا قرض رواں سال جولائی میں 907 ارب روپے بڑھا ہے۔ جولائی 2023 کے اختتام پر حکومت کا قرض 61 ہزار 700 ارب روپے تھا۔ حکومت کا قرض ایک مہ...
٭حکومت کے لیے ملکی دفاعی اخراجات اور غیر ملکی قرضوں کی ادائیگی کے بعد تیسری سب سے بڑی واجب الادا رقم آئی پی پیز کا بل ہے، اس سال دوکھرب روپے کی ادائیگیاں کرنا ہیں٭یہ رقم اقتصادی بحران کے شکار ملک کے لیے ایک بڑا بوجھ ہے، اسی کو کم کرنے کے لیے حکومتیں بجلی کی قیمتوں میں بار بار اضا...
٭اگست میں حکومت نے پیٹرول لیوی کی آخری حد یعنی 60 روپے فی لیٹر عائد کر دی ہے، پچھلے 15 روز کی کمی پوری کی جائے گی، 15 ستمبر کو قیمت میں مزید اضافے کا امکان ہے٭حکومت سے ڈالر نہیں سنبھل رہا،حکومت مارکیٹ کو بھی کوئی مثبت پیغام نہیں دے رہی، وزیراعظم کے بیان کے بعد اسٹاک ایکسچینج کریش...
مہنگائی اور بجلی کے زائد بلوں کے خلاف گزشتہ روز ملک بھر میں شٹرڈاؤن ہڑتال کی گئی۔ اس موقع پرکراچی، لاہور اور پشاور سمیت ملک کے مختلف چھوٹے بڑے شہروں میں تمام دکانیں اور کاروباری مراکز بند رہے۔ سڑکوں پر ٹرانسپورٹ اور بسیں بھی معمول سے کم دیکھنے میں آئی۔ وکلا نے بھی ہڑتال کی حمایت ...
گزشتہ چند دنوں کے دوران بلوچستان کے شہر پشین اور خیبر پختونخوا کے پشاور میں سیکورٹی فورسز سے مقابلوں میں 6 دہشت گرد مارے گئے۔ پچھلے ایک ہفتے کے دوران پنجاب کے مختلف شہروں سے لگ بھگ 20 ایسے افراد کی گرفتاری کی اطلاعات ہیں جن کا تعلق مختلف کالعدم تنظیموں سے ہے۔ بدھ کو پشاور میں مار...
