... loading ...

ایم کیوایم کی اپیل کے باوجود کراچی میں مکمل ہڑتال نہیں ہوسکی ۔شہر کی تاریخ میں بارہ ستمبر دوہزار پندرہ ایک اہم دن کے طور پر یاد رہے گا کہ جب شہر سے پارلیمانی نمائندگی رکھنے والی جماعت کی جانب سے کی گئی ہڑتال کی اپیل ایسی موثر نہیں رہی جیسی ماضی میں ہوا کرتی تھی ۔ہڑتال کس قدر کامیاب تھی اور کتنی ناکام؟ اس کو جانچنے کے پیمانے سب کے ہی مختلف ہیں ۔البتہ شہر پر مکمل گرفت رکھنے والی ایم کیوایم اورقانون کی مکمل عملداری کے دعوے کرنے والوں کے لیے بارہ ستمبر بہت سے سوال چھوڑ کر جارہاہے ۔
ہڑتال کا دیگر پہلوؤں سے بھی جائزہ لیا جائے گا۔پہلے بات کرتے ہیں تازہ ترین اطلاع پر ۔۔ رینجرز کے افسران خیرسگالی کے لیے متحدہ کے زخمی رہنما رشید گوڈیل کی عیادت کےلیے اُن کے گھر پہنچے اور خوبصورت الفاظ ہی نہیں خوش رنگ پھول بھی ساتھ لے کر آئے ۔۔رشید گوڈیل کو مسکراہٹ چہرے پر سجاکر ان کا استقبال کرتے ہی بنی ۔سیاسی مبصرین اور ناقدین کے لیے یہ عجیب منظر تھاکہ ایم کیوایم کی فعال قیادت رینجرز کے خلاف شعلے اُگل رہی تھی اور موت کے منہ سے بخیرو عافیت واپس آنے والے ان کے بلند آہنگ رہنما ان کے شکر گزارتھے یہ وہی رشید گوڈیل ہیں جن کی زبان ایم کیوایم کے خلاف آپریشن کی عملی قیادت کرنے والی مسلم لیگ ن کے خلاف شمیشیر برہنہ تھی۔ وہ جب بولتے تو پیرا ملٹری فور س ہو یا اس کی مدرآرگنائزیشن کسی کو نہ بخشتے۔
اب ہڑتال کی طرف آتے ہیں۔ملکی اور غیر ملکی ذرائع ابلاغ کی اکثریت نے ہڑ تال کی اپیل کو غیر موثر قرار دیا ہے ۔کراچی کی نبض پر ہاتھ رکھنے والی متحدہ قومی موومنٹ کی پہلے بھی کئی ہڑتالیں غیر موثر رہی ہیں مگر ذرائع ابلاغ میں اس کے اثر ورسوخ اور بائیں ہاتھ کے کھیل نے اس تاثر کو مستحکم نہیں ہونے دیا کہ متحدہ کی ہڑتال ناکام یا بے اثر رہی ۔ متحدہ نے اس سےپہلے دس اگست کو ہڑتال کی اپیل حالات کی نزاکت کے باعث واپس لےلی تھی ۔بعض مبصرین کی اس پر یہی رائے تھی کہ ڈی جی رینجرز کی یقین دہانی تومحض بہانہ ہےحقیقی منظر نامہ کچھ اور ہے غالباً ہڑتال کی وہ اپیل بھی ایسے ہی غیر موثر رہتی جیسی ایک ماہ دودن بعد رہی ،مگربات مفروضے پرنہیں ہونی چاہیےتھی اس لیے نہیں کی گئی ۔
اس معاملے کا مگر ایک دوسرا پہلو بھی ہے جسے ہرگز نظر انداز نہیں کرنا چاہیے ۔ایم کیوایم مخالف سیاسی قوتیں ہوں یا قانون نافذ کرنے والے ادارے ہڑتال کی ناکامی پرانہیں بہت زیادہ خوش ہونے کی ضرورت نہیں۔ کیونکہ ایم کیوایم کی اس ہڑتال کے بے اثر ہونے کا قطعی مطلب یہ نہیں ہے کہ اب وہ شہر کی مقبول یا نمائندہ جماعت نہیں رہی ۔۔ایم کیوایم سے ہمدردی رکھنے والے بعض مبصرین کا کہناہے کہ قانون نافذکرنے والےادارے کسی خوش فہمی میں نہ رہیں ،بارہ ستمبر کا احتجاج جس قدر بھی موثر رہامگر اس نے یہ تاثر ضرور گہر ا کردیاہے کہ لاپتہ کارکنوں کےماورائے عدالت قتل کا الزام بہت زیادہ غلط بھی نہیں کیونکہ متحدہ کی جانب سے سوشل میڈیا اور دیگر ذرائع پر مبینہ مقابلوں میں ہلاک کارکنوں کی تصاویر جاری کی گئیں ،وہ یقینا ً سوال تو اٹھاتی ہیں ۔ایسے لاپتہ کارکن جن کی بازیابی کےلیے عدالتوں سے رجوع کیا جاچکا ہو ،ان کی مقابلوںمیں ہلاکت کئی سوالوں کو جنم دیتی ہے ۔پنجاب سے تعلق رکھنے والے ایک سینئر نیوز اینکر کا وجودڈاٹ کام سے غیر رسمی بات کرتے ہوئے یہ کہناتھاکہ قانون نافذ کرنے والوں اداروں نے سابقہ ادوار میں ہونے والے آپریشنز سے بہت کچھ سیکھاہے اور اپنی غلطیوں کا اعادہ نہیں کررہے مگراب بھی ایم کیوایم کی جانب سے اٹھائے گئے بعض سوال بہت منطقی ہیں ان کے جواب دیے بنا آپریشن کو غیرجانبدارنہ یا غیر سیاسی نہیں کہاجاسکتا۔
ایم کیوایم نے شایداسی لیے ہڑتال کی ناکامی کے خدشات کے باوجود اس کی اپیل کی اور اسے کامیاب بنانے کےلیے وہ حربے بھی اختیار نہیں کیے جو وہ ماضی میں کرتی رہی مگر اس نے یہ تاثر ضرور دے دیا کہ اسے دبانے کی کوشش کی جارہی ہے ۔رینجرز اوردیگر قانون نافذ کرنے والے اداروں نے جمعہ کی شب ضلع وسطی کے علاقوں میں بھاری بھرکم فلیگ مارچ کرکےطاقت کا مظاہرہ تو کیامگروہ مثبت تاثر دینے سے قاصر رہا۔ اور اس نے یہ تاثر مستحکم کیا کہ ایک ایم کیوایم سے سیاسی بصیرت اور خالص قانونی اہلیت سے نمٹنے کے بجائے شہریوں میں ایک دوسرے خوف کو جنم دینے کی کوشش کی جارہی ہے۔ خوف کی یہ دوطرفہ ترسیل شہریوں کے لئے ایک ہی جیسی صورتِ حال کا ہم معنی بن چکی ہے۔

شہبازشریف کے پاس اتنا اختیار تو ہونا چاہیے کہ اپنے وزیر کو کنٹرول کریں، اگر وزیراعظم اپنے ہی وزیر کو کنٹرول نہیں کرسکتے تو پھرواقعی سسٹم بیٹھ چکا ہے، چیئرمین پیپلزپارٹی کی تقریر نظام کی بحالی نئے صوبوں سے نہیں، سیاسی ری سیٹ سے ممکن ہے، فضل الرحمان اور پی ٹی آئی سمیت اپوزیشن کی...
سعودی فضائی دفاعی نظام نے بروقت کارروائی کر کے شہری آبادیوں کو بڑے نقصان سے بچا لیا،عرب اتحادی فوج عرب اتحادی افواج نے سعودی عرب کے مقدس شہر مکہ مکرمہ اور دارالحکومت ریاض کے صوبوں کی فضائی حدود میں داخل ہونے والے دو بارود سے لدے ڈرون طیاروں کو بروقت کارروائی کرتے ہوئے فضا میں ...
بانی پی ٹی آئی اور بشریٰ بی بی سے جیل ملاقات کے بعد بڑی پیش رفت سامنے آگئی بشریٰ بی بی کو علاج کیلئے ہسپتال منتقل کرنے کی اسلام آباد ہائیکورٹ میں درخواست دائر کر دی گئی بشریٰ بی بی نے لطیف کھوسہ اور بیرسٹر سلمان صفدر کے ذریعے اسلام آباد ہائیکورٹ سے رجوع کرلیا۔ درخواست...
حکم امتناع گورنر راج اور ایم پی او سے متعلقہ معاملات پر تھا، عدالت،پشاور بار کونسل کو فریق بننے کی اجازت دیدی وفاقی آئینی عدالت نے تھری ایم پی او کے تحت خیبرپختونخوا میں گرفتاریوں کے معاملے پر اپنے عدالتی حکم امتناع میں ترمیم کر دی۔چیف جسٹس وفاقی آئینی عدالت امین الدین خان اور...
عدالت کی ملزم کو اشتہاری قرار دینے کی کارروائی شروع کرنے کی ہدایت، مقدمے کی سماعت 3 دسمبر تک ملتوی سانحہ گل پلازہ کیس میں عدالت نے ملزم امین کے ناقابلِ ضمانت وارنٹ گرفتاری جاری کرتے ہوئے اسے اشتہاری قرار دینے کی کارروائی شروع کرنے کی ہدایت کردی ہے۔سٹی کورٹ میں مقدمے کی سماعت ک...
قیمتوں میں بار بار ردوبدل سے ڈیلرز کو بھاری نقصان، ماہانہ بنیادوں پر قیمتیں مقرر کرنے اور 8 فیصد منافع دینے کا مطالبہ پاکستان پیٹرولیم ڈیلرز ایسوسی ایشن نے پیٹرولیم مصنوعات کی قیمتوں میں بار بار ردوبدل کے موجودہ نظام کو تبدیل کرنے اور قیمتوں میں ماہانہ بنیادوں پر تبدیلی کا طری...
ڈپٹی ڈائریکٹر ریکروٹمنٹ، اسسٹنٹ ڈائریکٹرریکروٹمنٹ، سپرنٹنڈنٹ کو ملازمت سے برطرف کردیا گیا،ترجمان ایس پی ایس سی سندھ پبلک سروس کمیشن کے تحت ہونے والی بھرتیوں میں بے ضابطگیوں پر 3 افسران کو ملازمت سے برطرف کردیا گیا۔ ترجمان سندھ پبلک سروس کمیشن کے مطابق بھرتیوں میں بے ضابطگیوں پ...
بشریٰ بی بی نے علاج اور سرجری کے لیے ہسپتال منتقل کرنے کے لیے اسلام آباد ہائی کورٹ سے رجوع کر لیا بانی پی ٹی آئی عمران خان نے چیف جسٹس آف پاکستان، چیف جسٹس وفاقی آئینی عدالت اور چیف جسٹس اسلام آباد ہائی کورٹ کو خط لکھ دیا، عمران خان کا خط بیرسٹر سلمان صفدر کے ذریعے چیف جسٹس کو...
ایس ایم نقی نامی انویسٹراور پلاٹس کے خریداروں کا بلڈر فیصل اور فہد کے خلاف احتجاج ابتدائی منظوری، سینکڑوں ایکڑ کی تشہیر اور شہریوں سے وصولیوں پر تحقیقات کا مطالبہ کراچی (خصوصی رپورٹ) ایم نائن موٹروے پر بن احسان بلڈرز اینڈ ڈیولپرز کے رہائشی منصوبے بن احسان گرین سٹی کی قانونی...
مواخذے کی قراردادیں میرا کچھ نہیں بگاڑ سکتیں،پیٹ ہیگستھ کی جوابی کانفرنس امریکی وزیر جنگ پیٹ ہیگستھ کے مواخذے کی قرارداد امریکی ایوان نمائندگان میں پیش کردی گئی۔ مواخذے کی قرارداد ایوان نمائندگان کے ریپبلکن رکن ٹامس میسی نے پیش کی۔ پیٹ ہیگستھ پر ایران سے امریکی جنگ میں نااہلی ...
کروڑوں کے فنڈز غائب، 12 ہزار منسوخ فائلیں دوبارہ جاری کرنے کا انکشاف جونیئر ملازمین ایک طاقتور مافیا میں تبدیل ، ہائی کورٹ کے احکامات ہوا میں اڑا دیے گئے حیدرآباد/کراچی (خصوصی رپورٹ)سیہون ڈیولپمنٹ اتھارٹی (SDA) میں کرپشن، فنڈز کی خورد برد اور اختیارات کے ناجائز استعمال کا ا...
طویل مدت تک عدم استحکام، غیر یقینی کی صورتحال اور غیر واضح سیاسی و سکیورٹی ماحول‘ کا سامنا کرنا پڑ سکتا ہے،وزیرِ اعظم کے سینیئر مشیر انور قرقاش کا ابوظبی میں کانفرنس سے خطاب متحدہ عرب امارات کے وزیرِ اعظم کے سینیئر مشیر انور قرقاش کا کہنا ہے کہ خطے کو ’ایک طویل مدت تک عدم استح...