... loading ...
... loading ...
محکمہ ایکسائزکے افسرنے جرائم پیشہ افرادوخاتون کے ساتھ سفارتکار کے گھر پر دھاوا بول دیا‘ سفارتکار کی اہلیہ کو بھی زدوکوب کیاگیا‘ ای ٹی او نے کارروائی سے مکرنے کی بھی کوشش کی،خفیہ کیمرے کی ویڈیو کے بعد اعتراف کیا،شراب کی کھیپ کی اطلاع تھی،شا ہجہاں بلوچ
سرکاری ادارے جب بے لگام حکمرانوں کو دیکھتے ہیں تو وہ خود بھی مطلق العنان بن جاتے ہیں اور پھر وہ ایسی حرکتیں کرجاتے ہیں جس سے نہ صرف جگ ہنسائی ہوتی ہے بلکہ ملک کی بدنامی بھی ہوتی ہے۔9اپریل2017ء کو ایکسائز اینڈ ٹیکسیشن افسر (ای ٹی او) نے شمالی کوریا کے سفارتکار کے گھرپر دس افراد کی ٹیم کے ساتھ چھاپامارا ،گھر میں گھس کر سفارتکار اور ان کی اہلیہ پر تشدد کیا، ان کے ساتھ ایک خاتون بھی تھیں جس نے سفارتکار کی اہلیہ کے منہ پر پسٹل اور بندوق کے بٹ مار کر چہرہ زخمی کردیا۔ ان کو بالوں سے گھسیٹا گیا ،ان پر ایسا وحشیانہ تشدد کیا کہ وہ لاغر ہوگئیں۔ اسی طرح باقی8 اہلکار بھی سفارتکار پر تشدد کرتے رہے مگر ان کوکوئی یہ نہیں بتارہا تھا کہ آخر ان کو کیوں تشدد کا نشانہ بنایاگیا؟ ایک سے سوا گھنٹے تک گھر کی تلاشی لی گئی اور ان کو کوئی ایسی چیز نہیں ملی جس کی ان کو تلاش تھی۔ بالآخر گھر کی چابیاں‘ موبائل فون‘ ایک خفیہ کیمرہ اپنے ساتھ لے کر مسلح عملہ واپس چلاگیا۔ سفارتکار اور ان کی اہلیہ پر ایسا ذہنی وجسمانی تشدد کیاگیا کہ ان کے حواس خطا ہوگئے اور پھر سفارتکار نے اسلام آباد میں واقع اپنے ملک کے سفارتخانے کو آگاہ کیا۔ سفارتخانہ نے پہلے وفاقی وزارت خارجہ اور وفاقی وزارت داخلہ سے بات کی، پھر وفاقی اداروں نے حکومت سندھ سے بات کی، اور پھر سفارتکاروں نے آخر محکمہ ایکسائز کے اعلیٰ افسران سے ملاقاتیں کیں اور ان کو سفارتکار کے گھر کے خفیہ کیمرے کی ریکارڈنگ فراہم کی۔ ریکارڈنگ دیکھنے کے بعد انکشاف ہوا کہ یہ کارروائی ایکسائز اینڈ ٹیکسیشن افسر شاہ جہاں بلوچ نے کی تھی۔ جب اعلیٰ حکام نے شاہ جہاں بلوچ کو طلب کیا تو پہلے وہ مکرگیا اور مؤقف اختیار کیا کہ ان کو تو کچھ پتہ نہیں ہے جب ان کو سفارتکار کے گھر کی خفیہ ریکارڈنگ کا بتایاگیا تو وہ پھٹ پڑا، اس نے حکام کو بتایا کہ شہر میں غیر ملکی شراب شوکت نامی ایک شخص فراہم کرتا ہے۔وہ اپر کلاس‘ مہنگے ہوٹلوں‘ اعلیٰ افسران‘ بااثر سیاسی رہنمائوں‘ پوش علاقوں میں غیرملکی شراب فراہم کرتا ہے اور متعلقہ قانونی اداروں کے نیچے سے لے کر اوپر تک ہر ماہ بھتہ دیتا ہے۔ غیرملکی شراب شمالی کوریا کے سفارتکار کے گھر سے لیتا ہے ،ان کو جب اطلاع ملی تو سفارتکار کے گھر پر چھاپا مارا مگر اس کو وہاں کچھ نہ ملا۔ حکام نے شاہ جہان بلوچ سے سوال کیا کہ آپ کو پتہ ہے کہ سفارتکاروں کو جنیوا کنونشن کے تحت تحفظ حاصل ہے، ان کے گھر یا پھر سفارتخانے پر یا ان کی گاڑی پر چھاپا نہیں مارا جاسکتا، تو اس کا جواب تھا کہ اس کو صرف اتنا پتہ ہے کہ سفارت خانے یا ان کی گاڑی پر چھاپا نہیں مارا جاسکتا۔ ان کے گھروں کو حاصل تحفظ کے بارے میں وہ لاعلم ہے ،ان سے پوچھا گیا کہ باقی9 اہلکار بشمول خاتون کون تھے؟ وہ کس جگہ ڈیوٹی دیتے ہیں؟ اس پر شاہ جہان بلوچ نے چونکا دینے والا انکشاف کیا جس پر محکمہ ایکسائز کے اعلیٰ حکام انگشت بدنداں رہ گئے ،اس نے انکشاف کیا کہ محکمہ ایکسائز کے انسپکٹرز اور ای ٹی اوز جب کوئی کارروائی کرنے جاتے ہیں تو ان کے ساتھ غیر سرکاری لوگ ہوتے ہیں جو اکثرجرائم پیشہ ہوتے ہیں اور شمالی کوریا کے سفارتکار کے گھر پر چھاپے کے لیے بھی غیر سرکاری افراد یا جرائم پیشہ افراد استعمال کیے گئے اور خاتون بھی جرائم پیشہ افراد کی ساتھی تھی۔ اعلیٰ افسران سر جوڑ کر بیٹھ گئے اور پھر27 اپریل کو شمالی کوریا کے سفارتکار نے ایک مکتوب محکمہ ایکسائز حکومت سندھ کو لکھ دیا جس میں بہت سخت زبان استعمال کی گئی، مکتوب میں بتایاگیا کہ ایک حملہ آور کو اسکے ساتھی حنیف کے نام سے پکار رہے تھے، ایسے تمام افراد کے خلاف سخت قانونی کارروائی ہونی چاہیے کیونکہ محکمہ ایکسائز کے ان اہلکاروں کا عمل جنیوا کنونشن کی کھلم کھلا خلاف ورزی ہے اور یہ عمل دونوں ممالک کے خوشگوار تعلقات میں بگاڑ پیدا کرسکتاہے، اس لیے دونوں ممالک کے تعلقات کو مدنظر رکھ کر ایکسائز اہلکاروں کے خلاف کارروائی کی جائے۔ مکتوب میں کہاگیا ہے کہ مسلح ایکسائز عملہ بدترین تشدد کے بعد سفارتکار اور ان کی اہلیہ سے پیسے طلب کرتے رہے مگر یہ نہیں بتایا کہ ان کو پیسے کیوں چاہئیں؟ ایک سوا گھنٹے کی کارروائی کے بعد اہلکار چلے گئے تو سفارتکار اور ان کی اہلیہ ذہنی دبائو کا شکار رہیں اور ان کی طبیعت بھی خراب ہوگئی ہے، ایکسائز عملہ ایسے کارروائی کررہا تھا جیسے گینگسٹر کرتے ہیں۔ کیا ان کو پتہ نہیں کہ یہ انسانی حقوق کی خلاف ورزی ہے اور دوسرا یہ کہ سفارتی آداب کے منافی ہے اور یہ جنیوا کنونشن سے انحراف بھی ہے۔ یہ سنگین جرم ایکسائز اہلکاروں نے کیوں کیا؟ اس کی تحقیقات کرکے ملوث اہلکاروں کے خلاف کارووائی کی جائے۔ سفارتکاروں کی ملاقات اور مکتوب کے بعد صوبائی محکمہ ایکسائز حرکت میں آگیا ہے اور فوری طور پر ڈائریکٹر جنرل ایکسائز نے ایک سمری بناکر منظوری کے لیے وزیرایکسائز اینڈ ٹیکسیشن مکیش چائولہ کو بھیج دی ہے جس میں سفارش کی گئی ہے کہ ڈائریکٹر ایکسائز کنور عامرجمیل کی سربراہی میں چار رکنی تحقیقاتی کمیٹی تشکیل دی جائے، جس میں صوبائی انٹیلی جنس افسر ریاض احمد کھوسو‘ ڈپٹی ڈائریکٹرایکسائز ضلع جنوبی کراچی کریم داد عباسی اور ای ٹی او ملیر کلیم اللہ وسان کو شامل کیا جائے ۔تاہم صوبائی وزیرایکسائز نے تحقیقاتی کمیٹی کی منظوری نہیں دی لیکن اس واقعہ نے دو دوست ممالک کے مابین تعلقات میں دراڑ ڈال دی ہے جس کا اظہار شمالی کوریا کے سفارتخانے کی جانب سے لکھے گئے مکتوب میں سخت زبان کی صورت میں کردیاگیا ہے۔ ایک ایکسائز افسر کی ناسمجھی کی وجہ سے دو دوست ممالک کے تعلقات پر فرق پڑا ہے، اب یہ دیکھنا ہے کہ حکومت سندھ اس پورے عمل پر کیا کارروائی کرتی ہے؟ اور دوست ملک کو راضی کرنے میں اپنا کیا کردار ادا کرتی ہے؟ لیکن اس واقعہ نے سفارتکاروں کو سخت ناراض کردیا ہے۔
پیپلز پارٹی کے ماننے کی صورت میں چیئرمین پی پی بلاول بھٹو کو اہم وزارت کا قلمدان ملنے کا امکان ،وفاقی کابینہ میں ردوبدل متوقع ، نئے چہرے سامنے لائے جائیں گے‘ذرائع وزیراعظم کی تمام وزراء سے کارکردگی رپورٹ طلب ، وزراء کے قلمدان تبدیل کرنے کا عمل شروع ہوگا،کامرس، پاور، ہاؤسنگ، موا...
امریکا اور ایران نے وقت سے پہلے ہی جنگ بندی معاہدے پر دستخط کر دیے سوئٹزرلینڈ میں متوقع ملاقات کے حوالے سے حتمی فیصلہ جلد سامنے آئے گا معروف امریکی جریدے ایگزیوس کے مطابق امریکا اور ایران نے طے شدہ وقت سے پہلے ہی جنگی ماحول کے خاتمے اور آبنائے ہرمز کی بحالی سے متعلق مفاہمتی...
جنیوا میں ہونے والی مفاہمتی یاداشت کی تقریب میں شرکت ضروری نہیں رہی ایم او یو پر امریکی اور ایرانی صدور کے دستخط کے بعد بطورثالث توثیق کر دی وزیراعظم شہباز شریف کا سوئٹزرلینڈ میں ایران اور امریکا کے درمیان معاہدے کی تقریب میں شرکت کے لیے شیڈول دورہ منسوخ کردیا گیا۔تفصیلات کے ...
شہری مشکلات کا شکار، ملازمت پیشہ افراد، مزدور، طلبہ کوطویل فاصلے پیدل طے کرنا پڑے حب ریور روڈ، شیرشاہ و دیگر علاقوں میں شہری پبلک ٹرانسپورٹ کی عدم دستیابی پر پریشان کراچی میں ٹرانسپورٹرز کی ہڑتال کے باعث شہر بھر میں پبلک ٹرانسپورٹ معطل ہوگئی، جس سے شہری شدید مشکلات کا شکار ہو...
موجودہ اسٹیٹس کو کے مطابق غیر مسلم افراد مسجد اقصی کا دورہ کر سکتے ہیں انہیں وہاں مذہبی عبادات یا رسومات ادا کرنے کی اجازت نہیں،رپورٹ اسرائیل کے بعض سخت گیر حکومتی عہدیداروں اور انتہا پسند دائیں بازو کے رہنماں پر الزام عائد کیا گیا ہے کہ وہ امریکا کے بعض حلقوں کے تعاون سے مسج...
حکومت کی جانب سے بجٹ کے حوالے سے آئی ایم ایف کو مطمئن کرنے کی کوششیں ، دونوں فریقین میںمذاکرات کا جاری ، ممکنہ خسارے کے ازالے کیلئے متبادل ریونیو اقدامات پر مشاورت حکومت کا فنانس بل میں شامل مختلف ٹیکس رعایتوں کی مکمل تفصیلات جاری کرنے سے گریز، تنخواہ دار طبقے کو دیے گئے ٹیکس ر...
میری وزیراعلیٰ خیبر پختونخوا سہیل آفریدی سے بات ہوگئی ہے،صوبائی حکومت صرف 3 ماہ کا بجٹ پیپر پاس کرے گی، آئین کا آرٹیکل 125 اجازت دیتا ہے، آپ 3 ماہ کا بجٹ پیپر پیش کرسکتے ہیں بانی پی ٹی آئی سے ملاقات تک حتمی بجٹ پیش نہیں ہوگا،30 جون تک بانی سے ملاقات نہ ہوئی تو خیبر پختونخوا...
ملزمہ سادہ کوکین 20ہزار فی گرام جبکہ گولڈن اسٹف40ہزار فی گرام فروخت کرتی تھی مقدمے میں نامزد پانچ ملزمان مفرور قرار ،پولیس نے گرفتاری کیلئے کارروائیاں تیز کر دی کراچی میں منشیات فروشی کے مبینہ بڑے نیٹ ورک کی مرکزی ملزمہ انمول عرف پنکی اور دیگر کے خلاف منشیات کے مقدمے کا عبوری...
منشیات کی ترسیل کے لیے انڈوں کے خول استعمال کیے جاتے تھے،ملزم شاہ فہد سہراب گوٹھ سے مختلف رائیڈرز کے ذریعے مختلف علاقوں میں سپلائی کیا جاتا تھا کراچی سائوتھ زون پولیس نے کارروائی کرتے ہوئے منشیات سپلائی کرنے والے ایک اور مبینہ منظم نیٹ ورک کا سراغ لگانے کا دعوی کیا ہے۔ گرفتار...
رواں سال ڈبل ڈیکر اور جدید الیکٹرک بسوں کی بڑی تعداد کراچی پہنچ جائے گی،شرجیل میمن نئی ڈبل ڈیکر اور ماحول دوست ای وی بسیں مرحلہ وار مختلف روٹس پر چلائی جائیں گی،گفتگو سندھ کے سینئر وزیر شرجیل انعام میمن نے کراچی کے شہریوں کے لیے پبلک ٹرانسپورٹ کے شعبے میں ایک اہم پیش رفت کا ا...
ایک شخص کی وجہ سے ملکی تناؤ ہے تو اسے باہر نکالیں، مجھے کہا جاتا ہے آپ تو عمران خان کیخلاف تھے، مخالف جیل میں ہاتھ پاؤں بندھا پڑا ہو تو اس کیخلاف بات نہیں کرتے،سربراہ جے یو آئی اسمبلی میں اپوزیشن لیڈروں کی تقریروں کو بلیک آؤٹ کیا جا رہا ہے، ہم نے کشمیریوں کی ماؤں بہنوں کی...
81ہزار ٹن خریداری ہدف سے کم، مقامی مارکیٹ اور پاسکو سے مزید گندم خریدنے کا فیصلہ ہاریوں کو مقررہ امدادی قیمت کی ادائیگی ہر صورت یقینی بنائی جائے،اجلاس میں تفصیلی جائزہ وزیراعلیٰ سندھ سید مراد علی شاہ کی زیر صدارت وزیراعلی ہاؤس میں محکمہ خوراک اور محکمہ زراعت کا مشترکہ اجلاس ...
