... loading ...
قیام پاکستان کے بعدکراچی میں رہائشی منصوبوں کوبڑھانے اورشہر میں تعمیراتی کام تیز کرنے کے لیے کراچی ڈیولپمنٹ اتھارٹی (کے ڈی اے)کا عمل وجود میں لایاگیا۔ـ کے ڈی اے شہری اداروں میں سب سے امیر ادارہ گنا جاتاتھا اوراس ادارے کا بجٹ ہمیشہ منافع میں رہا۔ اورایک وقت ایسا تھا کہ وزیراعظم ذوالفقار علی بھٹو نے گلشن اقبال آباد کرنے کا منصوبہ بنایاتواس وقت کے وزیر بلدیات جام صادق علی خان سے کہا تھا کہ خیال رکھنا کہیں ایسا نہ ہوکہ مزار قائد کی زمین بھی فروخت ہوجائے۔کے ڈی اے نے کراچی کی تعمیر میں اہم کردارادا کیا ہے ۔ایک وقت ایسا بھی تھا جب الٰہی بخش سومرو جیسے دبنگ افسر ڈائریکٹر جنرل کے ڈی اے تھے انہوں نے اپنے دورمیں کرپشن کوقریب بھی آنے نہ دیا اورایک وقت ایسا بھی آیا کہ کے ڈی اے میں کرپشن کا بازار گرم رہا اورکوئی کہنے سننے والا بھی نہیں ہے۔
کے ڈی اے2000ء تک اپنے پائوں پرکھڑا رہا کیونکہ کے ڈی اے کے پاس اپنی زمین، تعمیراتی منصوبے (فلیٹس اوربنگلوز)تھے جس سے کے ڈی اے کا ریونیو اچھا نکلتاتھا لیکن اب کے ڈی اے کا دیوالیہ نکل گیاہے۔ اس بارے میں ڈائریکٹر جنرل کے ڈی اے نے محکمہ خزانہ اور محکمہ بلدیات کوایک مکتوب ارسال کیاہے جس میں جوتفصیلات درج کی گئی ہیں وہ حیرت انگیز ہیں۔ اس خط میں بتایا گیاہے کہ جب2001ء میں کے ڈی اے کوختم کرکے شہری حکومت میں ضم کیا گیا اس وقت سے کے ڈی اے کازوال شروع ہوا ہے۔ کے ڈی اے کی انفرادی حیثیت ختم کرکے اس ادارے کوتباہ کیاگیا۔ اب2016ء میں موجودہ حکومت نے 15سال بعد کے ڈی اے کی انفرادی حیثیت بحال کی ہے تواب کے ڈی اے کے پاس نہ تو تنخواہوں اورپنشن کے لیے پیسے ہیں اورنہ ہی جی پی فنڈز کے لیے رقم ہے۔ ادارے کی 3ارب 40کروڑروپے سے زائد پینشن کی رقم بھی پیشگی کاٹ لی گئی تھی، اس لیے ادارہ دیوالیہ ہوچکا ہے۔ اب صرف گرانٹ دے کراس ادارے کوبچایا جاسکتاہے۔ادارے کو ہرماہ 20کروڑروپے کی گرانٹ ملتی ہے جس سے اس ادارے کے ملازمین کوتنخواہیں ملتی ہیں اوران کے معمول کے اخراجات پورے ہوتے ہیں ،اب جب سپریم کورٹ نے ان تمام ملازمین کوواپس اپنے محکموں میں بھیجا ہے جواصل محکموں کوچھوڑ کردوسرے محکموں میں چلے گئے تھے ،اس حکم کی روشنی میں ملازمین کی بہت بڑی تعداد کے ڈی اے میںواپس آگئی ہے۔ اس لیے اضافی گرانٹ کے طورپر مزید17کروڑروپے دیے جائیں۔ ڈی جی کے ڈی اے نے اپنے لیٹر میں چونکا دینے والے انکشافات کئے ہیں کہ جب کے ڈی اے کی انفرادی حیثیت ختم ہوئی تو اس وقت اس کی قیمتی زمینوں پرقبضے کئے گئے اورمہنگی مشینوں کوکوڑیوں کے دام فروخت کیاگیا ۔اس صورت حال میں کے ڈی اے کے لیے اپنی بقا کا بھی کوئی دوسرا راستہ نہیں بچا کیونکہ ریونیو پیدا کرنے کے اب مواقع بھی نہیں رہے۔ اس لیے اب کے ڈی اے کوصرف گرانٹ دے کرچلا یاجاسکتا ہے یعنی حکومت سندھ 37کروڑروپے ہرماہ گرانٹ ان ایڈ کی شکل میں دے گی توکے ڈی اے کوچلایا جائے گا اوراگرہرماہ گرانٹ نہیں ملے گی توکے ڈی اے کا چلنا مشکل ہوگا۔
تاہم ابھی کے ڈی اے کی اس درخواست کا فیصلہ ہوا بھی نہیں ہوا ہے،اوپر سے محکمہ بلدیات نے ایک لیٹر لکھ کرکے ڈی اے کے لیے پریشانی کھڑی کردی ہے جس میں استفسار کیا گیا ہے کہ کے ڈی اے کو دوارب روپے رواں مالی سال میں خصوصی پیکیج کی شکل میں دیئے گئے تھے، اس رقم سے کتنے ترقیاتی منصوبے بنائے گئے ؟ ان پرتاحال کتنی رقم خرچ کی گئی؟ منصوبوں پر اب تک کتنا کام ہوا ہے ؟ ٹھیکے کس کو دیئے گئے ہیں؟ اوررواں مالی سال میں اس پرکتنے فیصد کام ہوگا،اورکتنے فیصد کام آئندہ مالی سال میں کیاجائے گا ؟ اس لیٹر کے بعد کے ڈی اے میں ہلچل مچ گئی ہے اورادارے میں چہ مگوئیاں شروع ہوگئی ہیں۔ کے ڈی اے ایک امیر اورساہوکار ادارہ تھا جس کو مشرف دور میں اوراس سے قبل پی پی کے پہلے دور تک تباہ کیاگیا اوراب جاکر اس ادارے کوانفرادی حیثیت کے طورپر بحال کیاگیا لیکن سب کومل کر سوچنا ہوگا کہ کے ڈی اے کواس نہج پرکس نے اورکیوں پہنچایا؟ اوراب کیسے اس ادارے کواس قدر مضبوط اورخو دمختار بنایا جائے کہ اس کومثال بنا کردوسرے ادارے بھی مضبوط بنایاجاسکے۔
سپریم کورٹ آف پاکستان نے سنی اتحاد کونسل کی مخصوص نشستوں کی درخواست پر پشاور ہائی کورٹ کا فیصلہ معطل کردیا۔پیر کو سنی اتحاد کونسل کی مخصوص نشستوں کے لیے دائر اپیل پر سماعت جسٹس منصور علی شاہ کی سربراہی میں جسٹس محمد علی مظہر اور جسٹس اطہر من اللہ پر مشتمل تین رکنی بینچ نے کی۔وفاق...
سپریم کورٹ آف پاکستان کے چیف جسٹس قاضی فائز عیسیٰ نے فیض آباد دھرنا کمیشن رپورٹ کے غیر مستند ہونے پر برہمی کا اظہارکرتے ہوئے ریمارکس دیے ہیں کہ انکوائری کمیشن کی رپورٹ پر مایوسی ہی ہوئی ہے ،فیض آباد دھرنا فیصلے پر عمل کرتے تو 9 مئی کا واقعہ بھی شاید نہ ہوتا،کہتے ہیں بس آگے بڑھو، ...
وفاقی وزیر پٹرولیم و فوکل پرسن پاک سعودی شراکت داری ڈاکٹر مصدق ملک نے کہا ہے کہ 30 سے 35 سعودی کمپنیوں کے نمائندے پاکستان میں توانائی ،ریفائنری ، زراعت، انفارمیشن ٹیکنالوجی اور دیگر شعبوں میں سرمایہ کاری کے لئے بات چیت کررہے ہیں،پہلے حکومت سے حکومت کی سطح پر معاہدے ہوئے ،اب بزنس ...
قومی اسمبلی کی پبلک اکائونٹس کمیٹی (پی اے سی)کے چیئرمین کا تنازع شدت اختیار کرگیا ہے اور اس نے پاکستان تحریک انصاف کی سیاسی کمیٹی کی جانب سے شیر افضل خان مروت کی جگہ شیخ وقاص اکرم کو کمیٹی کا چیئرمین بنانے کیلئے ووٹ دینے پر جماعت کے اعلیٰ عہدیداران کے درمیان اختلافات کو اجاگر کرد...
وزیر اعظم شہباز شریف نے ’ہر قیمت پر کسانوں کے مفادات کا تحفظ‘کرنے کا عہد کیا ہے ، جبکہ وفاقی حکومت میگا اسکینڈل کی جامع تحقیقات کرنے اور ذمہ داروں کے خلاف کارروائی کرنے سے گریزاں نظر آتی ہے ۔تفصیلات کے مطابق گزشتہ ہفتے درآمدات میں بے ضابطگیوں کی تحقیقات کے لیے بنائی گئی کمیٹی کے...
سعودی تجارتی وفد سرمایہ کاری کے باہمی تعاون کیلئے پاکستان پہنچ گیا۔ سعودی عرب کے نائب وزیر سرمایہ کاری ایچ ای ابراہیم المبارک کی قیادت میں 50ارکان پر مشتمل اعلیٰ سطحی تجارتی وفد پاکستان پہنچا۔ سرمایہ کاروں کے وفد کے دورہ پاکستان کے دور ان 10 ارب ڈالر تک کی سرمایہ کاری کے معاہدوں ...
اسرائیلی فوج کی وحشیانہ کارروائیاں جاری ہیں ، طولکرم میں مزید5 فلسطینی شہید کردئیے ، رفح میں ماں دو بچوں سمیت شہید جبکہ3 فلسطینی زخمی ہو گئے ۔ فلسطینی وزارت صحت کے مطابق اسرائیلی فورسز نے مقبوضہ مغربی کنارے کے شہر طولکرم کے قریب ایک قصبے میں رات کو کارروائی کے دوران 5 فلسطینیوں ک...
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...