... loading ...
... loading ...
سندھ کو 2008 ء کے بعد اس طرح چلایا جاتا رہا ہے جس طرح انگریز دور میں جنوبی ایشیا کو چلایا جاتا تھا۔ خیر اب تو واضح ہوگیا ہے کہ آصف زرداری اب سندھ کے والی وارث بن بیٹھے ہیں۔ وہ بادشاہوں کی طرح حکم چلاتے ہیں اور پھر تین چار ماہ بعد اپنے جی حضوری کرنے والے ساتھی تبدیل کردیتے ہیں لیکن انہوں نے فریال تالپر کو زیرو نہیں کیا۔ یہاں کبھی کبھار ان کو ’’آرام‘‘ کرنے دیتے ہیں ورنہ وہ مسلسل فارم میں ہوتی ہیں جب قائم علی شاہ وزیر اعلیٰ تھے تو اس وقت سی ایم ہائوس میں صدارت کی دو کرسیاں لگتی تھیں ایک پر قائم علی شاہ اور دوسری پر فریال تالپر براجمان ہوتی تھیں۔ درمیان میں اویس مظفر ٹپی‘ حاجی علی حسن زرداری کو بھی عارضی بادشاہ بنایا گیا لیکن پھر اویس مظفر ٹپی کو تو سب کچھ واپس لوٹانا پڑا اور ایک دُکان دبئی میں چلا کر گزارا کرنا پڑا۔ ذوالفقار مرزا نے فریال تالپر کے خلاف دھواں دار تقریر کی لیکن اس کے باوجود فریال تالپر کی اہمیت میں کمی نہیں آئی اور ان کی سرکاری اداروں میں ایسے چلتی ہے جیسے وہ آصف زرداری کے بعد دوسری مالکن ہوں۔
وزیر اعلیٰ تبدیل ہوئے اور سید مراد علی شاہ وزیر اعلیٰ بنے توآغاز میں اُنہیں تھوڑی ڈھیل ملی لیکن چند روز بعد ان کو بھی بتا دیا گیا کہ اگر سیاست کرنی ہے تو پھر فریال تالپر کی تابعداری کرنی ہے۔ فریال تالپر کو بھی ان آٹھ برسوں میں اپنی ٹیم بدلنا پڑی ہے۔ کبھی آغا فخر تو کبھی قاضی مصطفی جمال تو کبھی دوسرے افسران ان کے لیے فرنٹ مین کے طور پر کام کرتے رہے۔ فریال تالپر کا حکم بھی حکومت سندھ کے لیے حرف آخر سمجھا جاتا ہے۔ سہیل انور سیال کی مثال سامنے ہے، اس کی صرف قابلیت یہ ہے کہ جب فریال تالپر باہر نکلتی ہیں تو سہیل انور سیال ان کا پرس اور بیگ اٹھاتے ہیں، اسی بنا پر اس کو وزارت بھی ملی ہوئی ہے اور ان کے فرنٹ مین اور ٹھیکیدار اسد کھرل کا کیس ابھی کل کی بات ہے جب سہیل انور سیال کے بھائی طارق انور سیال نے اسد کھرل کو رینجرز‘ حساس اداروں اور نیب سے چھڑالیا۔ خیر پچھلے ہفتے دبئی میں آصف زرداری کی صدارت میں اہم اجلاس ہوا جس میں وزیر اعلیٰ سندھ کو پابند بنایا گیا کہ وہ اب حکومت سندھ کے جتنے بھی اہم فیصلے کریں گے وہ فریال تالپر کی منظوری سے مشروط ہوں گے۔ اب سندھ کابینہ میں تبدیلیاں متوقع ہیں، فریال تالپر ہی فیصلہ کریں گی کہ کس وزیر کو ہٹانا اور کس کو برقرار رکھنا ہے؟ اور نئی ملازمتیں کس فارمولے کے تحت دی جائیں گی؟ ایم پی ایز کو کوٹہ ملے گا یانہیں؟ اور کس کس کو نیا وزیر بنانا ہے؟ اس سلسلے میں منگل کے روز وزیر اعلیٰ سندھ سید مراد علی شاہ نے فریال تالپر کے پاس جاکر ان سے نئی ہدایات لیں اور ان سے کہا گیا کہ چند روز میں ان کو بتا دیا جائے گا کہ سندھ کابینہ میں کیا تبدیلی لائی جائے گی؟ کون گھر چلا جائے گا اور کون وزیر کے طور پر کام کرتا رہے گا؟ اس کے علاوہ انہوں نے یہ بھی ہدایات دیں کہ جتنے بھی سرکاری محکموں میں خالی اسامیاں ہیں ان پر اخبارات میں اشتہارات دیے جائیں لیکن بھرتیوں سے قبل وہ خود فیصلہ کریں گی کہ ایم پی ایز کو ایک کوٹہ یا تعداد دی جائے یا پھر ان سے لسٹ لی جائے اور اس پر وہ فیصلہ کریں گی کہ کس ایم پی اے کو کتنی نئی ملازمتیں دی جائیں گی؟
وزیر اعلیٰ سندھ کو یہ بھی بتایا گیا کہ جتنے افسران کی پوسٹیں خالی پڑی ہیں ان پر نئے افسران کی تقرری کے لئے وہ افسران سے بات چیت کررہی ہیں جلد ہی انہیں خالی پوسٹوں پر افسران کی تقرریوں کے لئے فہرست فراہم کی جائے گی۔ وزیر اعلیٰ سندھ نے اس موقع پر انہیں یقین دلایا کہ جیسے ہی وہ ان ایشوز پر فیصلہ کرکے انہیں بتائے گی حکومت سندھ ان پر مکمل عمل کرے گی لیکن اس پورے کھیل میں پارٹی چیئرمین بلاول بھٹو زرداری کو آئوٹ کرلیا گیا ہے۔ ان کو سندھ کابینہ میں مجوزہ تبدیلیوں‘ بیورو کریسی میں تقرریوں و تبادلوں سے بلاول کو الگ کردیا گیا ہے کیونکہ بلاول کے پاس تجربہ کی کمی ہے اور وہ کسی سے ’’بارگیننگ‘‘ نہیں کرسکتے جبکہ اس کے مقابلہ میں فریال تالپر خاصی تجربہ کار ہیں اور وہ اونچ نیچ کو اچھے طریقے سے جانتی ہیں اور ان سے نبرد آزما ہونے کے فن سے بھی آشنا ہیں۔ عام الیکشن سے قبل فریال تالپر کو حکومت سندھ کی باگ دوڑدینے کا مقصد آئندہ عام الیکشن میں پی پی کو کامیاب کرانا ہے اور جتنے بھی امیدوار کھڑے کرنے ہیں، ان کی ابھی سے تیاری کرنا ہے۔
رینجرز کیمپ پر حملے کی مذمت،شہید اہلکاروں کو خراج عقیدت، لواحقین سے تعزیت کا اظہار پاکستانی قوم اپنے وطن کی حفاظت اور دشمن کے مذموم عزائم کو خاک میں ملانے کیلئے پُرعزم چیئرمین پیپلزپارٹی بلاول بھٹو زرداری نے کراچی میں رینجرز کے کیمپ پر حملے کی مذمت کرتے ہوئے کہا کہ عالمی سطح ...
حملہ آوروں کا تعلق اسی تنظیم سے تھا، پاکستانی حکام بھارتی حمایت یافتہ دہشت گرد گروہ قرار دیتے ہیں جماعت الاحرار کی بنیاد اگست 2014میں رکھی گئی ، بانی عمر خالد خراسانی صحافت سے وابستہ رہے،ماہرین کراچی کے یونیورسٹی روڈ پر پاکستان رینجرز (سندھ)کے کیمپ پر ہونے والے دہشت گرد حملے ...
احتجاج ان کی خواہش نہیں بلکہ آخری آپشن ہے، دوبارہ احتجاج کرنا پڑا توپہلی گولی میرے سینے پر لگے گی، وزیراعلیٰ حکومت نے ہمیشہ عوامی خدمت کو ترجیح دی، اسی لیے عوام نے انہیں تیسری مرتبہ حکومت کرنے کا موقع دیا،خطاب وزیراعلیٰ سہیل آفریدی نے کہا ہے کہ بانی پی ٹی آئی سے ملاقات نہ...
شہباز شریف کا ملک کیخلاف دشمن کے ناپاک عزائم ناکام بنانے کے آہنی عزم کا اعادہ،پاکستان آج دنیا میں امن کے علمبردار کا کردار ادا کر رہا ہے، قوم اپنی افواج کے شانہ بشانہ کھڑی ہے پاکستان کی پرخلوص ثالثی کاوشوں کے نتیجے میں امریکا اور ایران کے درمیان تاریخی اسلام آباد مفاہمتی یادداشت...
تین دہشت گرد ایک گاڑی میں سوار ہو کر رینجرز ہیڈکوارٹر کے مرکزی گیٹ سے ٹکرا گئے اور اندھا دھند فائرنگ کرتے ہوئے حملہ کیا،بلاک 5میں دھماکے کی آوازیں سنی گئیں،عینی شاہدین وزیراعلی سندھ کاواقعے کا فوری نوٹس ، اعلی پولیس حکام سے تفصیلی رپورٹ طلب اور حملے کے تمام پہلوئوں کی مکمل تحقیق...
ڈیزل پر لیوی میں 6روپے 57پیسے جبکہ پیٹرول پر 39پیسے فی لیٹر اضافہ مٹی کے تیل پر لیوی کی شرح 20روپے 36پیسے فی لیٹر پر برقرار، ذرائع تیل کی عالمی قیمتوں میں نمایاں کمی کے باوجود حکومت نے عوام کو ریلیف نہیں دیا بلکہ اس کے برعکس لیوی میں اضافہ کردیا ہے۔حکومتی ذرائع کے مطابق وفاقی...
دہشت گردوں کے قبضے سے اسلحہ، گولہ بارود، آئی ای ڈیز اور موٹرسائیکلیں برآمد سیکیورٹی فورسز کی بلوچستان میں خاران اور مستونگ میں کارروائیاں ،آئی ایس پی آر بلوچستان میں سیکیورٹی فورسز کے آپریشن میں 8 دہشت گرد ہلاک ہو گئے۔پاک فوج کے شعبہ تعلقات عامہ آئی ایس پی آر کے مطابق ...
پاکستان دنیا میں پیس میکر بن چکا، اب معاشی قوت بننا ہمارا ہدف ہے‘ آج دنیا پاکستان کو دہشت گردی کے بجائے امن، استحکام اور تعمیری کردار کی علامت کے طور پر دیکھ رہی ہے، اسحاق ڈار اللہ تعالی نے پاکستان کو دنیا میں منفرد مقام عطاء کیا ، پوری قوم اس پر شکر گزار ہے ، وزیراعظم اور فیلڈ ...
بلاول بھٹو کا مطالبہ درست، کراچی بلدیاتی انتخابات کی طرز پر الیکشن کروانے سے بہتر انتخابات نہ کروانا ہوگا کوئی تفصیل جاننا چاہتا ہیں توحافظ نعیم یا خالد مقبول سے پوچھ لیں،بلاول کے بیان پر جواب مسلم لیگ (ن) کے رہنما خواجہ سعد رفیق کا کہنا ہے کہ بلاول بھٹو کا بلدیاتی انتخابات ت...
پنجاب میں بلدیاتی انتخابات نہ کرانے والی ن لیگ کراچی کے جمہوری عمل اور بلدیاتی نظام پر تنقید کر رہی ہے پہلے پنجاب کے عوام کو ان کا آئینی حق دے،پھر دوسرے صوبوں کے نظام پر تنقید کریسعد رفیق کے بیان پر ردعمل پاکستان مسلم لیگ ن کے رہنما خواجہ سعد رفیق کے بیان پر سینئر وزیر سندھ ...
سلامتی کونسل کی قراردادوں پر غیر جانبدارانہ اور بروقت عملدرآمد کو یقینی بنانے کے طریقہ کار پر غور سلامتی کونسل کی قراردادیں محض سفارشات نہیں قانونی ذمہ داری ہیں، پاکستانی مستقل مندوب پاکستان نے کشمیر اور فلسطین کے حل طلب تنازعات کو عالمی امن کیلئے خطرہ قرار دے دیا۔پاکستان اورچی...
وزیراعظم نے پیٹرول اور ڈیزل کی قیمتیں کم کیں تو آئل مارکیٹنگ کمپنیوں نے رونا گانا شروع کر دیا پیٹرولیم مصنوعات کی قیمتیں کم ہونے سے آئل مارکیٹنگ کمپنیوں کا 104ارب نقصان کادعوی کر دیا پاکستان میں مہنگے تیل پر اربوں روپے منافع کمانے والی آئل مارکیٹنگ کمپنیوں کا رونا دھونا جار...
