... loading ...
... loading ...
شہباز شریف کا ملک کیخلاف دشمن کے ناپاک عزائم ناکام بنانے کے آہنی عزم کا اعادہ،پاکستان آج دنیا میں امن کے علمبردار کا کردار ادا کر رہا ہے، قوم اپنی افواج کے شانہ بشانہ کھڑی ہے
پاکستان کی پرخلوص ثالثی کاوشوں کے نتیجے میں امریکا اور ایران کے درمیان تاریخی اسلام آباد مفاہمتی یادداشت پر دستخط ہوئے، پاکستان نیول اکیڈمی میں پاسنگ آئوٹ پریڈ سے خطاب
وزیرِ اعظم محمد شہباز شریف نے ملک کے خلاف دشمن کے ناپاک عزائم ناکام بنانے کے آہنی عزم کا اعادہ کرتے ہوئے کہا ہے کہ پاکستان آج دنیا میں امن کے علمبردار کا کردار ادا کر رہا ہے۔ پاکستان کی پرخلوص ثالثی کاوشوں کے نتیجے میں امریکا اور ایران کے درمیان تاریخی اسلام آباد مفاہمتی یادداشت پر دستخط ہوئے۔انہوں نے کہا کہ دشمن ہمارے امن اور استحکام کو نقصان پہنچانے کے لیے بزدلانہ ہتھکنڈے اور اپنی پراکسیوں کا استعمال کر رہا ہے، جبکہ مسلح افواج غیر ملکی سرپرستی میں ہونے والی دہشت گردی کی لعنت کے خاتمے کے لیے کوشاں ہیں اور پوری قوم اپنی بہادر مسلح افواج کے شانہ بشانہ کھڑی ہے۔انہوں نے کہا کہ پاکستان تمام تصفیہ طلب مسائل کے حل کے لیے امن، بات چیت اور سفارت کاری کی پالیسی پر عمل پیرا ہے۔ خطے کی بدلتی ہوئی صورتحال نے عالمی معیشت اور بین الاقوامی سپلائی چین کے لیے میری ٹائم سکیورٹی کی اہمیت کو پہلے سے زیادہ اجاگر کیا ہے۔ آج آزادانہ بحری آمدورفت اور جہازرانی کی آزادی پوری دنیا کی بنیادی ضرورت بن چکی ہے۔ حکومت پاک بحریہ کو مزید مضبوط، موثر اور جدید دفاعی فورس بنانے کے لیے پرعزم ہے۔انہوں نے ان خیالات کا اظہار ہفتہ کو پاکستان نیول اکیڈمی پی این ایس رہبر میں 125 مڈشپ مین اور 33ویں شارٹ سروس کمیشن کورس کی پاسنگ آٹ پریڈ سے خطاب کرتے ہوئے کیا۔تقریب میں وزیر دفاع خواجہ محمد آصف، وفاقی وزیر اطلاعات و نشریات عطا اللہ تارڑ، گورنر سندھ نہال ہاشمی، وزیر اعلی سندھ سید مراد علی شاہ، پاک بحریہ کے سربراہ ایڈمرل نوید اشرف اور دیگر اعلی افسران بھی موجود تھے۔تقریب میں آمد پر پاک بحریہ کے سربراہ ایڈمرل نوید اشرف نے وزیراعظم کا استقبال کیا جبکہ وزیراعظم کو گارڈ آف آنر پیش کیا گیا۔ وزیراعظم نے پریڈ کا معائنہ کیا اور اعلی کارکردگی کا مظاہرہ کرنے والے کیڈٹس میں اعزازات تقسیم کیے۔مڈشپ مین عمر مختار کو مجموعی بہترین کارکردگی پر اعزازی شمشیر سے نوازا گیا جبکہ آفیسر کیڈٹ حافظ محمد احمد منور کو چیف آف ڈیفنس فورسز گولڈ میڈل دیا گیا۔ اکیڈمی ڈرِل مڈشپ مین کا اعزاز ہادی عباس خان کے حصے میں آیا جبکہ شارٹ سروس کمیشن کورس کی آفیسر کیڈٹ الویرا حمزہ کو کمانڈنٹ گولڈ میڈل سے نوازا گیا۔تقریب میں کیڈٹ افسران سے پیشہ ورانہ حلف لیا گیا جبکہ پاک بحریہ کے ہیلی کاپٹرز اور بحری جہازوں نے سلامی پیش کی۔وزیراعظم نے کہا کہ پاسنگ آئوٹ ہونے والے تمام کیڈٹس اور اعزازات حاصل کرنے والوں کو مبارکباد پیش کرتا ہوں۔ انہوں نے کہا کہ انہیں خوشی ہے کہ اس تقریب میں ترکیہ، بحرین، بنگلہ دیش، عراق، سری لنکا اور جبوتی سے تعلق رکھنے والے کیڈٹس بھی شامل ہیں۔انہوں نے امید ظاہر کی کہ اس تربیتی ادارے سے حاصل ہونے والا علم، تربیت اور پیشہ ورانہ مہارت ان کے پورے کیریئر میں معاون ثابت ہوگی اور یہ خوشگوار تعلقات دوست ممالک کے درمیان روابط مزید مضبوط کریں گے۔وزیراعظم نے کہا کہ موجودہ دور میں عالمی سطح پر بڑی تبدیلیاں رونما ہو رہی ہیں اور پاکستان امن کے فروغ میں فعال کردار ادا کر رہا ہے۔ انہوں نے کہا کہ برادر اور دوست ممالک کے تعاون سے پاکستان کی ثالثی کوششوں کے نتیجے میں امریکا اور ایران کے درمیان اسلام آباد مفاہمتی یادداشت پر دستخط ہوئے اور انہیں بطور ثالث دستخط کرنے کا اعزاز حاصل ہوا۔انہوں نے امن کے لیے کاوشوں اور فریقین کو ہم آہنگی کے راستے پر لانے میں چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر کے کردار کو سراہا۔وزیراعظم نے کہا کہ ایران کے صدر ڈاکٹر مسعود پزشکیان کے حالیہ دور پاکستان نے دونوں ممالک کے برادرانہ تعلقات اور خطے میں امن کے لیے پاکستان کی کوششوں کو اجاگر کیا۔انہوں نے کہا کہ حکومت پاک بحریہ کو مزید موثر اور جدید دفاعی فورس بنانے کے لیے پرعزم ہے۔ پاک بحریہ نے معرکہ حق اور آپریشن بنیان مرصوص میں اپنی صلاحیتوں کا بھرپور مظاہرہ کیا اور بحری سرحدوں کا دفاع یقینی بنایا۔وزیراعظم نے کیڈٹس کو مخاطب کرتے ہوئے کہا کہ آپ پاک بحریہ کے ہیروز کموڈور ایس ایم انور، کمانڈر ظفر محمد خان اور وائس ایڈمرل احمد تسنیم کی قابلِ فخر میراث کے وارث ہیں۔انہوں نے کہا کہ جدید دور میں بحری شعبہ مصنوعی ذہانت، جدید ٹیکنالوجی اور بغیر پائلٹ نظام کی جانب تیزی سے بڑھ رہا ہے، لہذا نئے افسران عزم، جرات، نظم و ضبط، دیانت داری اور وفاداری کو اپنی ترجیح بنائیں۔وزیراعظم نے کہا کہ پاکستان کو مختلف داخلی و خارجی سکیورٹی چیلنجز درپیش ہیں، تاہم پوری قوم اپنی مسلح افواج کے ساتھ کھڑی ہے اور دشمن کے ناپاک عزائم کو ناکام بنانے کے لیے متحد ہے۔انہوں نے کشمیر، فلسطین اور غزہ کے عوام کی حمایت کے لیے پاکستان کے غیر متزلزل عزم کا اعادہ بھی کیا۔تقریب کے اختتام پر وزیراعظم نے اعزازات حاصل کرنے والے اور دیگر کیڈٹس کے ساتھ گروپ فوٹو بنوایا اور مہمانوں کی کتاب میں اپنے تاثرات قلمبند بھی کیے۔قبل ازیں وزیراعظم شہباز شریف ہفتہ کی صبح ایک روزہ دورے پرکراچی پہنچے، کراچی فیصل ایئر بیس پر وزیر مملکت کھیل داس کوہستانی، آئی جی سندھ اور چیف سیکریٹری سندھ نے ان کا استقبال کیاجبکہ پی این ایس قاسم آمد پرگورنر سندھ نہال ہاشمی اور وزیراعلی سندھ سید مراد علی شاہ نے ان کا خیرمقدم کیا۔ وزیر دفاع خواجہ آصف اور وفاقی وزیر اطلاعات و نشریات عطا اللہ تارڑ بھی وزیراعظم کے ہمراہ تھے۔
امریکی صدر ڈونلڈ ٹرمپ نے کہا کہ ایران امریکا کے ساتھ سمجھوتہ کرنے کے لیے بے تاب ہے اور وہ ڈیل ہونے کیلئے مر رہا ہے۔ تفصیلات کے مطابق ٹرمپ نے جنوبی ڈکوٹا ریاست میں امریکا کی 250 ویں سالگرہ کی تقریب سے خطاب کرتے ہوئے کہا کہ امریکا نے ایران کے سابق سپریم لیڈر علی خامنہ ای ک...
سنسنی خیز مقابلے کے بعد پنالٹی شوٹ آؤٹ میں4ـ2 سے شکست دیکر پہلی بار ورلڈ کپ کے ناک آؤٹ مرحلے میں کامیابی فیفا ورلڈ کپ میں مصر نے شاندار کارکردگی کا مظاہرہ کرتے ہوئے نئی تاریخ رقم کر دی اور آسٹریلیا کو سنسنی خیز مقابلے کے بعد پنالٹی شوٹ آؤٹ میں4ـ2 سے شکست دے کر پہلی بار ورلڈ ک...
روس ہر قیمت پر فتح حاصل کرے گا، نام نہاد امن کے داعی درحقیقت جنگ کو طول دینا چاہتے ہیں، روسی صدر روس نے یوکرین کے ایک اور شہر کوستیان تینیو پر قبضہ کر لیا، روسی صدر پوتن نے کہا ہے کہ روس ہر قیمت پر فتح حاصل کرے گا۔ روسی صدر ولادیمیر پوتن نے یوکرین اور اس کے مغربی حامیوں کو ...
سندھ طاس معاہدے کو سبوتاژ کرنے کی قیمت بھاری ہوگی،پاکستان اپنے جائز آبی وسائل پر غیرقانونی قبضہ ہر گز قبول نہیں کرے گا،پانی روکنے کی بھارتی کوشش کو جنگ تصور کیا جائے گا، اسحاق ڈار بین الاقوامی معاہدوں کی خلاف ورزی کے نتائج 2ممالک تک محدود نہیں رہتے،پاکستان امن کا داعی ہے اور ہم...
20 بچوں کو نکال لیا گیا، ملبے میں مزید بچے دبے ہونے کا خدشہ۔پولیس نے مالک دو بھائیوںفیضان اور ریحان کو حراست میں لے لیا، ایک سال سے ٹیوشن سنٹر چل رہا تھا کمرے کی چھت پر مزدور کام کررہے تھے جس کی وجہ سے چھت گری، 5گرفتار،صدر ووزیراعظم کا اظہار افسوس،وزیراعلیٰ کا صوبے کے اسکولوں کی...
ہم کسی بھی صورت بنیادی حق سے دستبردار نہیں ہوں گے ، پی ٹی آئی رہنما اختر مینگل اتحادی ہیں انہیں ساتھ لے کر چلیں گے،پریس کانفرنس سے خطاب سابق اسپیکر قومی اسمبلی اور پی ٹی آئی رہنما اسد قیصر نے دعوی کیا ہے کہ تحریک انصاف کے دور حکومت میں 400 لاپتا افراد کو بازیاب کرایا گیا۔ ا...
اسٹیٹ بینک نے بغیر قانونی اجازت بینک اکائو نٹس بلاک کرنے سے روک دیا عدالتی حکم پرعملدرآمدکی رپورٹ اسلام آباد ہائیکورٹ میں جمع کرا دی ،اعلامیہ سٹیٹ بینک آف پاکستان نے بغیر قانونی وجہ، مجاز اتھارٹی کی منظوری اور تصدیق کے اکائونٹس بلاک کرنے سے روک دیا ۔عدالتی حکم پر اسٹیٹ بینک ...
مصنوعی قلت پیدا کرنے اور مارکیٹ میں ہیرا پھیری کسی صورت برداشت نہیں کی جائے گی سندھ میں گندم اور آٹے کی مناسب قیمت پر بلا تعطل فراہمی یقینی بنائی جائے،سید مراد علی شاہ وزیراعلیٰ سندھ سید مراد علی شاہ نے محکمہ خوراک اور ضلعی انتظامیہ کو گندم کی ذخیرہ اندوزی اور ناجائز منافع خو...
رینجرز کیمپ پر حملے کی مذمت،شہید اہلکاروں کو خراج عقیدت، لواحقین سے تعزیت کا اظہار پاکستانی قوم اپنے وطن کی حفاظت اور دشمن کے مذموم عزائم کو خاک میں ملانے کیلئے پُرعزم چیئرمین پیپلزپارٹی بلاول بھٹو زرداری نے کراچی میں رینجرز کے کیمپ پر حملے کی مذمت کرتے ہوئے کہا کہ عالمی سطح ...
حملہ آوروں کا تعلق اسی تنظیم سے تھا، پاکستانی حکام بھارتی حمایت یافتہ دہشت گرد گروہ قرار دیتے ہیں جماعت الاحرار کی بنیاد اگست 2014میں رکھی گئی ، بانی عمر خالد خراسانی صحافت سے وابستہ رہے،ماہرین کراچی کے یونیورسٹی روڈ پر پاکستان رینجرز (سندھ)کے کیمپ پر ہونے والے دہشت گرد حملے ...
احتجاج ان کی خواہش نہیں بلکہ آخری آپشن ہے، دوبارہ احتجاج کرنا پڑا توپہلی گولی میرے سینے پر لگے گی، وزیراعلیٰ حکومت نے ہمیشہ عوامی خدمت کو ترجیح دی، اسی لیے عوام نے انہیں تیسری مرتبہ حکومت کرنے کا موقع دیا،خطاب وزیراعلیٰ سہیل آفریدی نے کہا ہے کہ بانی پی ٹی آئی سے ملاقات نہ...
تین دہشت گرد ایک گاڑی میں سوار ہو کر رینجرز ہیڈکوارٹر کے مرکزی گیٹ سے ٹکرا گئے اور اندھا دھند فائرنگ کرتے ہوئے حملہ کیا،بلاک 5میں دھماکے کی آوازیں سنی گئیں،عینی شاہدین وزیراعلی سندھ کاواقعے کا فوری نوٹس ، اعلی پولیس حکام سے تفصیلی رپورٹ طلب اور حملے کے تمام پہلوئوں کی مکمل تحقیق...
