... loading ...
... loading ...
پاکستان کے جو ہری پروگرام اور بھارتی جوہری پروگرام کے حوالے سے مختلف پہلو مسلسل بے نقاب ہونے کا سلسلہ جاری ہے۔ اب تازہ ترین انکشاف اقوام متحدہ میں پاکستان کے سابق مستقل سفیر ضمیر اکرم کی جانب سے سامنے آیا ہے۔ جس سے پتہ چلتا ہے کہ پیپلز پارٹی کی حکومت نے امریکی دباؤ میں کس طرح بھارت کے انٹر نیشنل اٹامک انر جی ایجنسی ( آئی اے ای اے) کے ساتھ2008ء میں ایک مخصوص معاہدے کی مخالفت نہیں کی تھی۔ جس کی منظوری کے بعد نیوکلیئر سپلائر گروپ (این ایس جی) کی بھارت کے ساتھ تجارت کی راہ ہموار ہوئی تھی۔ اس انتہائی سنگین نوعیت کے معاملے میں ایک مرتبہ پھر امریکا میں تب کے پاکستانی سفیر حسین حقانی کا بھیانک کردار سامنے آیا ہے۔
سابق سفیر ضمیر اکرم نےاسٹریٹیجک ویژن انسٹیٹیوٹ میں ایک سیمینار سے خطاب کرتے ہوئے انکشاف کیا کہ امریکا میں اُس وقت کے پاکستانی سفیر حسین حقانی نےبھارتی معاہدے سے متعلق دفتر خارجہ کی تجاویز کو منسوخ کرنے کے لیے حکومت پرشدید دباؤ ڈالاتھا۔ اس ضمن میں آئی اے ای اے میں پاکستان کے اس وقت کے سفیر نے ایجنسی کے بورڈ آف گورنرز کو ایک خط لکھا تھا جس میں بھارت کے لیےاس مخصوص معاہدے کی مخالفت کرتے ہوئے اس میں ترامیم کے لئے پاکستانی مطالبے کی حمایت کا کہا گیا تھا۔مگر حسین حقانی کے دباؤ پر دفتر خارجہ کو اپنی تجاویز تبدیل کرنے کے لئے کہا گیا۔
اقوام متحدہ کے سابق سفیر کا کہنا تھا کہ پاکستان نے اپنے اس اقدام کی حمایت میں چین سمیت دیگر دوستوں کو بھی آمادہ کر لیا تھا لیکن بورڈ کے اجلاس سے قبل ہی اُس وقت کے سفیر حسین حقانی نے اسلام آباد کو اس معاہدے کی مخالفت کے خطرناک(مفروضہ) نتائج سے ڈرایا۔اور یوں پاکستان نے یکم اگست 2008 کو ہونے والے بورڈ آف گورنرز کے اجلاس میں بھارت کے آئی اے ای اے کے ساتھ اس مخصوص معاہدے کے خلاف ووٹ دیا اور نہ ہی اس کو روکنے کے لئے کوئی کام کیا ۔ذمہ دار ذرائع کے مطابق تب آئی ای اے میں پاکستان کے سفیر شہباز مسلسل اپنی تشویش کا اظہار کرتے رہے ۔ اور ماضی کے حوالے سے آگاہ کرتے رہے کہ کس طرح بھارت نے 1974 کے جوہری آزمائش سے قبل اپنا جوہری مواد سویلینز سے فوجی پروگرام کی طرف منتقل کردیا تھا۔ اس لئے بھارت کی اس حوالےسے کوئی بھی ضمانت قابلِ اعتبار نہیں ہے۔ اقوام متحدہ کے سابق سفیر ضمیر اکرم نے ان تمام حقائق کی روشنی میں اس معاہدے کی مخالفت نہ کرنے کو ایک بڑی غلطی قراردیا ہے۔ اُن کا کہنا تھا کہ اس کے نتیجے میں یہ غلط تاثر بھی ملا کہ پاکستان پر جب بھی کوئی دباؤ پڑتا ہے تو وہ اس کا سامنا نہیں کر پاتا۔ضمیر اکرم کے مطابق بھارت نیوکلیئر سپلائر گروپ کی شرائط کو پورا نہیں کرتا ۔ مگر اس کے باوجود اِسے اس گروپ میں شامل کرنے کی تیاریاں کی جارہی ہیں۔ بھارت کی این ایس جی میں کسی بھی طرح کی شمولیت پاکستان کے مفادات کے لئے انتہائی نقصان دہ ہوگی۔ ضمیر اکرم نے وضاحت کی ہے کہ این ایس جی میں شمولیت دراصل ایک طرح سے کسی ملک کے ایک جوہری ملک کی حیثیت سے تسلیم کرنے کا ایک طریقہ بھی ہے۔ لہذااس میں پاکستان اور بھارت کو ایک ساتھ شامل کیا جانا چاہئے۔پاکستان کے بغیر اس میں صرف بھارت کی شمولیت کسی بھی طرح قابلِ قبول نہیں ہونی چاہئے۔
ضمیر اکرم کے یہ تازہ ترین انکشاف دراصل پاکستان بھارت کے درمیان موجودہ تعلقات قائم کرنے کے نئے حالات میں بھارتی اہداف کی وضاحت بھی کرتے ہیں۔ بھارت یہ سارا کھیل دراصل عالمی سطح پر اپنے جوہری مقام کے لئے کھیل رہا ہے۔ جس کے لئے وہ وقتی طور پر پاکستان کو خاموش رکھناچاہ رہا ہے۔ ضمیر اکرم کے یہ تازہ انکشافات دراصل پیپلز پارٹی کے اس گھناؤنے کردار کی بھی وضاحت کرتے ہیں جو اُس نے اس معاملے میں حسین حقانی کی ایما پر اختیار کیا۔ حسین حقانی ان دنوں بھی اپنی تحریروں اور امریکا میں اپنی مختلف سرگرمیوں میں یہ مستقل پرچار کرتے رہتے ہیں کہ امریکا کو پاکستان کی ہر طرح کی امداد کو بند کردینا چاہئے کیونکہ یہ امداد پاکستان بھارت کے خلاف استعمال کر تا ہے۔
اس تناظر میں خود امریکی کردار کا بھی جائزہ لینے کی ضرورت ہے کہ وہ مستقل بنیادوں پر پاکستان کے جوہری پروگرام اور میزائل پروگرام کو محدود کرنے کے لئے اپنا دباؤ استعال کر رہا ہے۔جبکہ دوسری طرف بھارت کے میزائل اور ایٹمی پروگرام میں وسعت دینے کی تمام کوششوں کی حوصلہ افزائی کر رہا ہے۔ گزشتہ دنوں پاکستان افغانستان کے خصوصی نمائندے رچرڈ اولسن نے امریکی کانگریس کی امور خارجہ کی کمیٹی کو اس امر سے آگاہ کیا تھا کہ امریکا پاکستان کے ساتھ اُس کے محدود جوہری ہتھیاروں پر بات چیت کر رہا ہے۔
طویل مدت تک عدم استحکام، غیر یقینی کی صورتحال اور غیر واضح سیاسی و سکیورٹی ماحول‘ کا سامنا کرنا پڑ سکتا ہے،وزیرِ اعظم کے سینیئر مشیر انور قرقاش کا ابوظبی میں کانفرنس سے خطاب متحدہ عرب امارات کے وزیرِ اعظم کے سینیئر مشیر انور قرقاش کا کہنا ہے کہ خطے کو ’ایک طویل مدت تک عدم استح...
امریکی لابنگ فرم ایس ایچ ڈبلیو پارٹنرز نے رواں سال مئی اور جون کے دوران بھارتی حکومت اور وائٹ ہاؤس کے سینیئر حکام کے درمیان آٹھ فون کالز کے انتظام میں کردار ادا کیا۔ انڈین ایکسپریس ہندوستان کی حکومت اور وائٹ ہاؤس کے سینیئر حکام کے درمیان رواں سال مئی اور جون میں ہونے والے مبین...
شائستہ عباس کینسر کے باعث گزشتہ دو ماہ سے اسپتال میں زیرِ علاج تھیں پاکستانی معروف اداکارہ میرا کی چھوٹی بہن شائستہ عباس طویل عرصے تک کینسر کے مرض سے زندگی کی جنگ لڑنے کے بعد لندن میں انتقال کر گئیں۔نیویارک میں نجی ٹی وی سے گفتگو کرتے ہوئے میرا نے تصدیق کی ہے کہ شائستہ کئی برس...
سابق وزیراعظم نے نئے پاسپورٹ اور شناختی کارڈ کے لیے بھی درخواست دے دی بھارت میں موجود بنگلادیش کی سابق وزیراعظم شیخ حسینہ واجد نے وطن واپسی کے لیے نئی دہلی میں بنگلادیشی سفارتخانے سے رجوع کر لیا۔غیر ملکی خبر ایجنسی کے مطابق حسینہ واجد نے نئے پاسپورٹ اور شناختی کارڈ کے لیے درخو...
امریکا تمام محاذوں پر جنگ ختم کرنے پر آمادہ ہو جائے تو آبنائے ہرمز کو 2دن میں کھول دینگے،انٹرویو ایران کے وزیر خارجہ عباس عراقچی نے امریکا پر زور دیا ہے کہ وہ جاری امن مذاکرات میں تہران کے مطالبات تسلیم کرے، بصورت دیگر سنگین نتائج کے لیے تیار رہے۔عباس عراقچی نے ایرانی سرکاری م...
برینٹ خام تیل کی قیمت 97 ڈالرز 67 سینٹ فی بیرل ہوگئی،رپورٹ ایشیا میں کاروباری سرگرمیوں کے آغاز پر عالمی منڈی میں خام تیل کی قیمتوں میں کمی ریکارڈ کی گئی ہے۔غیرملکی خبر رساں ادارے کے مطابق برینٹ خام تیل کی قیمت 97 ڈالرز 67 سینٹ فی بیرل ہوگئی۔ امریکی خام تیل کے مستقبل کے سودوں ک...
پاک بحریہ کے چاق و چوبند دستے نے مزار اقبال پر اعزازی گارڈز کے فرائض سنبھال لیے حکیم الامت، شاعر مشرق علامہ محمد اقبال کے 149 ویں یوم پیدائش پر مزار اقبال پر گارڈز کی تبدیلی کی پروقار تقریب ہوئی، پاکستان نیوی کے اسٹیشن کمانڈر لاہور کموڈور مصباح الامین مہمان خصوصی تھے۔ پاکستان ...
حکومت بنانے کی کوششیں ناکام ہوئیں تو کینیسٹ کو توڑ دیا جائے گا اور دوبارہ الیکشن کرائے جائیں گے، صدر اسرائیل کے صدر ہرزوگ نے نیتن یاہو کے حریف آئزن کوٹ کو حکومت بنانے کی دعوت دیدی۔ غزہ میں نسل کشی اور ایران جنگ چھیڑنے والے نیتن یاہو حکومت بنانے کی دوڑ سے باہر ہوگئے۔ اسرائیلی ا...
قطری حکام نے نئی امریکی فوجی کارروائی روکنے کیلئے سفارتی کوششیں شروع کر دیں، رپورٹ اسرائیلی وزیرِاعظم نیتن یاہو ایران کے خلاف امریکا کی جانب سے دوبارہ حملے شروع کرنے پر مسلسل زور دے رہے ہیں، جبکہ امریکی صدر ڈونلڈ ٹرمپ کے مشیر اس معاملے پر تقسیم ہو گئے ہیں کہ آیا جنگ ختم کی جائ...
شاہی خاندان میں صلح کروانے کے حوالے سے شہرت رکھنے والی کیٹ مڈلٹن نے ہیری سے مطالبہ کردیا برطانوی شاہی خاندان کے منحرف رکن شہزادہ ہیری اپنے ناراض بھائی شہزادہ ولیم سے تعلقات بہتر بنانے کے لیے پرعزم ہیں اور اس مقصد کے لیے انہوں نے اپنی بھابھی کیٹ مڈلٹن سے مدد لینے کا فیصلہ کیا ہ...
ایران کو جوہری ہتھیار بنانے سے نہ روکا ہوتا تو آج اسرائیل ،مشرق وسطی موجود نہ ہوتے، امریکی صدر امریکی صدر ڈونلڈ ٹرمپ نے مڈ ٹرم الیکشن کے حوالے سے دعوی کیا ہے کہ صرف ایک الیکشن کی وجہ سے امریکہ کو 3 ٹریلین ڈالر کا نقصان ہو چکا ہے۔ امریکی صدر ڈونلڈ ٹرمپ کا کینیڈی سپیس سینٹر میں ...
عبداللہ فضل کی جگہ طیب عارف، علی عثمان کی جگہ عامر جمال کی شمولیت کا امکان پاکستان ٹیسٹ ٹیم مینجمنٹ وسلیکشن کمیٹی نے اسکواڈ سے 2 کھلاڑیوں کو ریلیز کردیا۔ ذرائع کے مطابق عبداللہ فضل اورعلی عثمان کو اسکواڈ جوائن کرنے سے قبل ہی ریلیز کردیا گیا، عبداللہ فضل کی جگہ طیب عارف، علی عث...
