... loading ...
سپریم کورٹ آف پاکستان نے مبارک احمد ثانی کیس کے پیراگراف نمبر 9کی وضاحت کے لئے پنجاب حکومت کی جانب سے دائر نظر ثانی درخواست سماعت کیلئے منظور کرتے ہوئے اٹارنی جنرل آف پاکستان کو سوموار 26فروری جنوری کے لئے نوٹس جاری کرتے ہوئے جواب طلب کرلیا۔ چیف جسٹس آف پاکستان جسٹس قاضی فائز عیسیٰ نے کہا ہے کہ آئین سب سے بڑا ہے، ہم نے آئین کی پاسدار ی کا حلف اٹھایا ہے، اگرپسند نہیں توکرسی چھوڑ دیں۔چیف جسٹس قاضی فائز عیسیٰ کی سربراہی میںجسٹس مسرت ہلالی اور جسٹس عرفان سعادت خان پر مشتمل تین رکنی بینچ نے پنجاب حکومت کی جانب سے دائر نظر ثانی درخواست پر سماعت کی۔ دوران سماعت ایڈیشنل پراسیکیوٹر جنرل پنجاب احمدرضاگیلانی نے پیش ہوکر دلائل دیئے جبکہ ایڈیشنل پراسیکیوٹرجنرل پنجاب مرزاعابد مجید بھی موجود تھے۔ احمد رضاگیلانی کا کہنا تھاکہ مبارک احمد ثانی کیس فیصلہ کے پیرا گراف نمبر 9میں آئین کے آرٹیکل 20 کی مکمل وضاحت نہیں کی گئی ، آئین کے آرٹیکل 20 کے تحت مذہبی آزادی لامحدود نہیں ہے، وضاحت نہ ہونے سے فیصلہ کا غلط تاثر دیا گیا۔اس پر چیف جسٹس کا کہنا تھا کہ جب آئین کے آرٹیکل 20 کا ذکر آگیا تو وضاحت کی ضرورت نہیں تھی، کہتے ہیں تو وضاحت کر دیتے ہیں، کس کو نوٹس جاری کریں ،آئین کے آرٹیکل 20 کے مطابق مذہبی آزادی کو پبلک آرڈر اور اخلاقیات سے مشروط ہے، نظر ثانی میں وضاحت کیلئے نوٹس کرنا پڑے گا۔ایڈیشنل پراسیکیوٹر جنرل پنجاب کا کہناتھا کہ آئینی کی تشریح کا نقطہ ہے، نوٹس کی ویسے کوئی ضرورت نہیں۔چیف جسٹس کا کہنا تھا کہ ہم جلدی جلدی عدالت میں ہی فیصلے لکھواتے ہیں۔ چیف جسٹس کا کہنا تھا کہ آئین سب سے بڑا ہے، ہم نے آئین کی پاسدار کا حلف اٹھایا ہے، اگر پسند نہیں توکرسی چھوڑ دیں۔ جسٹس عرفان سعادت خان کا کہنا تھا کہ نظر ثانی پر نوٹس کرنا پڑے گا۔عدالت نے پنجاب حکومت نظرثانی پر 26 فروری کے لئے اٹارنی جنرل بیرسٹر منصور عثمان اعوان کو نوٹس جاری کرتے ہوئے مزید سماعت ملتو ی کردی۔جبکہ دوران سماعت چیف جسٹس نے کمرہ عدالت میں جمیعت علماء اسلام (ف)کے سینیٹر کامران مرتضیٰ کے بھائی جو کہ خود بھی سپریم کورٹ کے وکیل ہیں کو طلب کیا اور کہا کہ کامران مرتضیٰ کا کیس نمبر 3پر موجود تھا تاہم وہ پیش نہیں اورہم نے التوامیں رکھا ہوا ہے۔ چیف جسٹس نے کامران مرتضیٰ کے بھائی کو مخاطب کرتے ہوئے کہا کہ ان کے بھائی کا مخصوص پارٹی سے تعلق ہے اس پارٹی کا نام کیا ہے۔ اس پر وکیل نے پارٹی کا نام بتایا۔ چیف جسٹس کا کہنا تھا کہ ہمیں اس کیس میں کامران مرتضیٰ کی معاونت چاہیئے تھی، جس کیس میں معانت نہیں کرنا چاہتے نہ کرے، ایسی باتیں مناسب نہیں لگتیں، کون سی عدالت 11بجے چل رہی ہے، بڑے بھائی سے ہدایات لیں، کوئی التوا کی وجہ نہیں، بھائی نے کہا دہ دوسرے بینچ میں ہیں۔ چیف جسٹس نے کامران مرتضیٰ کا کیس ملتوی کر دیا۔
تحریک انصاف کے بانی و سابق وزیراعظم عمران خان نے کہا ہے کہ 9 مئی کو پی ٹی آئی کو کچلنے کی کوشش کی گئی، سب پہلے سے طے شدہ تھا۔جیل سے اپنے ایک بیان میں عمران خان نے کہا کہ 9مئی 2023ء کی حقیقت قوم پر پوری طرح واضح ہے ، بتایا جائے کس کے حکم پر حساس مقامات کی سیکیورٹی ہٹائی گئی۔بانی پ...
سول عدالتوں کی تقسیم اوروکلاء پر دہشت گری کی دفعات کے تحت مقدمات کے اندراج کے خلاف احتجاج شدید ہنگامہ آرائی میں تبدیل ہوگیا،لاہور ہائیکورٹ میں داخل ہونے کے معاملے پر وکلاء اور پولیس کے درمیان تصادم کے نتیجے میں جی پی او چوک میدان جنگ بن گیا ، پولیس کی جانب سے وکلاء پر لاٹھی چارج ...
اسلام آباد ہائی کورٹ نے سینئرجج جسٹس محسن اخترکیانی اور جسٹس بابرستار کے خلاف سوشل میڈیا مہم پر ججوں کی جانب سے لکھے گئے خطوط کے بعد توہین عدالت کی کارروائی کے لیے دو الگ الگ لارجر بینچز تشکیل دے دیے گئے ۔اسلام آباد ہائی کورٹ نے توہین عدالت کی کارروائی کے لیے اسلام آباد ہائیکورٹ ...
اپوزیشن اتحاد تحفظ آئین پاکستان اور پشتونخوا ملی عوامی پارٹی کے سربراہ محمود خان اچکزئی نے کہا ہے کہ مارشل لاء لگانے والے پہلے معافی مانگ لیں پھر میں نو مئی والوں سے بھی کہہ دوں گا تو وہ بھی معافی مانگ لیں گے ۔اسلام آباد میں منعقدہ تحفظ آئین پاکستان کیسے اور کیوں؟ کے عنوان سے س...
سابق صدر مملکت ڈاکٹر عارف علوی نے کہا ہے کہ میں چاہتا ہوں 9مئی واقعات پرآزاد کمیشن بنے ،تحقیقات کی جائیں اور ملوث عناصر کو سزا دی جائے ،جو ٹرائل کرنا ہے کریں مگر جو عوام نے انتخابات میں فیصلہ کیا اس کی عزت کی جائے ،بانی پی ٹی آئی واحد لیڈر ہے جو دنیا میں مقبول ہے ، اگر ایسے لوگ ا...
وزیر اعظم شہباز شریف نے ملک بھر میں تعلیمی ایمرجنسی نافذ کرنے کا اعلان کرتے ہوئے کہا ہے کہ تعلیم کے بغیر کوئی قوم ترقی نہیں کرسکتی، پاکستان میں 2کروڑ 60 لاکھ بچوں کا اسکول نہ جانا بڑا چیلنج ہے ۔تعلیمی قومی کانفرنس سے خطاب کرتے ہوئے انہوںنے کہاکہ تعلیم کے بغیر کوئی قوم ترقی نہیں ک...
سپریم کورٹ آف پاکستان نے سنی اتحاد کونسل کی مخصوص نشستوں کی درخواست پر پشاور ہائی کورٹ کا فیصلہ معطل کردیا۔پیر کو سنی اتحاد کونسل کی مخصوص نشستوں کے لیے دائر اپیل پر سماعت جسٹس منصور علی شاہ کی سربراہی میں جسٹس محمد علی مظہر اور جسٹس اطہر من اللہ پر مشتمل تین رکنی بینچ نے کی۔وفاق...
سپریم کورٹ آف پاکستان کے چیف جسٹس قاضی فائز عیسیٰ نے فیض آباد دھرنا کمیشن رپورٹ کے غیر مستند ہونے پر برہمی کا اظہارکرتے ہوئے ریمارکس دیے ہیں کہ انکوائری کمیشن کی رپورٹ پر مایوسی ہی ہوئی ہے ،فیض آباد دھرنا فیصلے پر عمل کرتے تو 9 مئی کا واقعہ بھی شاید نہ ہوتا،کہتے ہیں بس آگے بڑھو، ...
وفاقی وزیر پٹرولیم و فوکل پرسن پاک سعودی شراکت داری ڈاکٹر مصدق ملک نے کہا ہے کہ 30 سے 35 سعودی کمپنیوں کے نمائندے پاکستان میں توانائی ،ریفائنری ، زراعت، انفارمیشن ٹیکنالوجی اور دیگر شعبوں میں سرمایہ کاری کے لئے بات چیت کررہے ہیں،پہلے حکومت سے حکومت کی سطح پر معاہدے ہوئے ،اب بزنس ...
قومی اسمبلی کی پبلک اکائونٹس کمیٹی (پی اے سی)کے چیئرمین کا تنازع شدت اختیار کرگیا ہے اور اس نے پاکستان تحریک انصاف کی سیاسی کمیٹی کی جانب سے شیر افضل خان مروت کی جگہ شیخ وقاص اکرم کو کمیٹی کا چیئرمین بنانے کیلئے ووٹ دینے پر جماعت کے اعلیٰ عہدیداران کے درمیان اختلافات کو اجاگر کرد...
وزیر اعظم شہباز شریف نے ’ہر قیمت پر کسانوں کے مفادات کا تحفظ‘کرنے کا عہد کیا ہے ، جبکہ وفاقی حکومت میگا اسکینڈل کی جامع تحقیقات کرنے اور ذمہ داروں کے خلاف کارروائی کرنے سے گریزاں نظر آتی ہے ۔تفصیلات کے مطابق گزشتہ ہفتے درآمدات میں بے ضابطگیوں کی تحقیقات کے لیے بنائی گئی کمیٹی کے...
سعودی تجارتی وفد سرمایہ کاری کے باہمی تعاون کیلئے پاکستان پہنچ گیا۔ سعودی عرب کے نائب وزیر سرمایہ کاری ایچ ای ابراہیم المبارک کی قیادت میں 50ارکان پر مشتمل اعلیٰ سطحی تجارتی وفد پاکستان پہنچا۔ سرمایہ کاروں کے وفد کے دورہ پاکستان کے دور ان 10 ارب ڈالر تک کی سرمایہ کاری کے معاہدوں ...