... loading ...
... loading ...
کراچی میں بلدیاتی انتخابات کی بمشکل تمام اختتام کے بعد الیکشن کمیشن نے اب مخصوص نشستوں پر پارٹیوں کے کوٹے کے اعلان کو التوا میں ڈال کر میئر کے انتخاب اور کراچی کے مختلف حلقوں سے عوام کے ووٹ لے کرمنتخب ہونے والے کونسلروں کو اختیارات دینے کاراستہ بند کیاہوا ہے،الیکشن کمیشن کی جانب سے اس ٹال مٹول کا مطلب اس شہر کے لوگ یہی لے رہے ہیں کہ ایسا سندھ کی حکمراں جماعت پیپلز پارٹی کو اپنا جیالا میئر لانے کیلئے جوڑ توڑ،دھونس اور دھاندلی کا پورا موقع فراہم کرکے جماعت اسلامی کے کسی فرد کو میئر بننے سے روکا جائے، اس ضمن کراچی کے شہریوں کی رائے تبدیل کرنے کیلئے مختلف حلقوں سے یہ باتیں بھی زور شور سے پھیلائی جارہی ہے کہ کراچی میں پیپلز پارٹی کے نامزد فرد کے بجائے جو بھی میئر آئے گا وہ کام نہیں کر سکے گا جس کے واضح معنی یہی ہیں کہ صوبائی حکومت اسے فنڈ فراہم نہیں کرے گی اور اس کے بنائے گئے منصوبوں پر عملدرآمد کو مختلف حیلوں بہانوں کے ذریعے لٹکانے کی کوشش کی جائے گی۔ ان تمام افواہوں اور قیاس آرائیوں کے باوجود کراچی میں ہر جگہ یہ بحث بڑے زور شور سے چل رہی ہے کہ کراچی کا اگلا میئر کون ہوگا، جبکہ پیپلز پارٹی کے کراچی کے رہنما بڑے یقین کے ساتھ مسلسل ایک ہی بات کہہ رہے ہیں کراچی کا میئر تو کوئی جیالا ہی بنے گا۔یہی بات وہ الیکشن سے پہلے بھی کہہ رہے تھے۔ بلدیاتی انتخاب سے پہلے پی پی پی کی اوپر سے لے کر نیچے تک ساری قیادت یہی کہتی تھی کہ کراچی کا میئر تو پی پی پی کا ہی ہوگا جبکہ دوسری طرف جماعت اسلامی کے حافظ نعیم الرحمن اپنی بھرپور انتخابی مہم چلا رہے تھے۔ وہ بھی الیکشن سے پہلے، اور پھر بعد میں بھی یہی بات کہتے رہے ہیں اور اب بھی یہی کہتے ہیں کہ کراچی کا اگلا میئر تو جماعت اسلامی کا ہی ہوگا۔ اب پی ٹی آئی کی جانب سے میئر کے انتخاب میں جماعت اسلامی کا غیر مشروط ساتھ دینے کے اعلان کے بعد اس خیال کو تقویت ملی ہے کہ کراچی کا میئر جماعت اسلامی سے ہی ہوگا کیونکہ جماعت اسلامی ہی وہ واحد جماعت ہے جس نے اس شہر کے لوگوں کے ہر مسئلے پر جم کر لڑائی لڑی ہے اور شہریوں کو سہولتیں فراہم کرنے کی کوشش کی ہے،یہی وجہ ہے کہ کراچی شہر کے لوگ دل و جان سے یہ چاہتے ہیں کہ کراچی میں اگر جماعت اسلامی کا میئر کامیاب ہو جائے تو عبدالستار افغانی اور نعمت اللہ خان کے ادوار واپس آجائیں گے اور کراچی کے شہریوں کی بہت حد تک اشک شوئی ہوجائے گی،
ویسے تو پچھلے کچھ دنوں سے پی پی پی نے رسمی انداز میں ہی سہی کراچی پر توجہ دینا شروع کی ہے جس کے نتیجے میں اب شہر کے مختلف روٹس پر نئی اور قدرے آرام دہ بسیں چلنا شروع ہوگئی ہیں،پیپلز پارٹی اس طرح کے اقدامات کے ذریعے شہریوں پریہ واضح کرنا چاہتی ہے۔اگر مرتضیٰ وہاب کو میئر منتخب کرادیاجائے تو وہ بھی نوجوان ہیں اور کراچی سے تعلق کی بنیاد پر کراچی کے شہریوں کی خدمت کرسکتے ہیں، دوسری طرف اطلاعات کے مطابق پیپلز پارٹی نے 9 مئی کو ہنگامہ آرائی کے الزام میں گرفتار ہونے والے پی ٹی آئی کے کونسلروں یا ان کے عزیز رشتہ داروں سے سودے بازی کا سلسلہ شروع کردیا ہے اور ان کو لالچ دیاجارہاہے کہ اگر وہ پیپلز پارٹی کے امیدوار کو میئر کیلئے ووٹ دیدیں تو ان کے خلاف مقدمات ختم کرکے نہ صرف رہاکردیا جائے گا بلکہ ان مالی اعانت بھی کی جاسکتی ہے، لیکن پیپلز پارٹی کو یہ بات یاد رکھنا چاہئے کہ دھونس ودھاندلی اور جبر کے ذریعے اگر وہ اپنا جیالا میئر لے بھی آئے تو اسے عوامی سطح پر پزیرائی نہیں مل سکے گی،اور چونکہ جماعت اسلامی ایک مضبوط بنیاد کے ساتھ ان کے مقابل ہوگی اس لئے کراچی کیلئے ملنے والے فنڈز میں خورد برد کرنا اور اسے اپنی اور اپنے چہیتوں کی تجوریوں میں منتقل کرنا بہت آسان نہیں ہوگا۔
٭جن کیسز میں نواز شریف کو سزا سنائی گئی اس میں ان کو حفاظتی ضمانت نہیں مل سکتی، قانون کے مطابق ان کیسز میں تب تک اپیل دائر نہیں ہو سکتی جب تک آپ جیل نہ جائیں٭وکلا عدالت میں درخواست دیں گے کہ نواز شریف جیل میں تھے اور عدالت نے علاج کی غرض سے چار ہفتوں کے لیے انہیں ملک سے باہر بھیج...
اخباری اطلاعات کے مطابق ہمارے زرمبادلہ کے ذخائر میں مسلسل کمی ہورہی ہے اور ترسیل زر میں حالیہ مہینوں کے دوران ہونے والے معمولی اضافے کے باوجود زرمبادلہ کے ذخائر کو خاطر خواہ سہار ا نہیں مل سکا جبکہ ہماری برآمدی مسلسل روبہ زوال ہے،اس میں کوئی شک نہیں کہ شہباز حکومت کے دور میں ...
بظاہر نیپرا کا ادارہ بجلی سپلائی کرنے والے اداروں کی چیکنگ اور عوام کو ان کی زیادتیوں سے محفوظ رکھنے کے لیے بنایا گیا تھا۔ اس ادارے کا کام ہی یہ تھا کہ وہ یہ چیک کرے کہ الیکٹرک سپلائی کرنے والی کمپنیاں عوام کے ساتھ کوئی ناانصافی اور زیادتی تو نہیں کررہی ہیں لیکن نیپرا کی اب تک کی...
وزارت خزانہ نے گزشتہ روز ایک بار پھر مہنگائی میں اضافہ ہونے کا عندیہ دیا ہے، وزارت خزانہ نے مہنگائی میں اضافے کا عندیہ ایک ایسے وقت میں دیا ہے جبکہ مہنگائی سے بدحال عوام پہلے ہی سڑکوں پرہیں،حکومت نے پے درپے مہنگائی کرکے عوام کو زندہ درگور کردیا ہے، 90فیصد عوام مہنگائی کے سبب زندگ...
اخباری ا طلاعات کے مطابق نگران حکومت نے گیس کے شعبے کے بڑھتے ہوئے سرکولر قرض اور نقصانات عوام کو منتقل کرنے کا فیصلہ کرتے ہوئے آئندہ ہفتے گیس کی قیمت میں 50 فیصد سے زائد اضافہ کرنے کا فیصلہ کرلیا ہے۔ ایک نجی ٹی وی کے مطابق گیس سیکٹر کا سالانہ 350 ارب روپے کا نقصان اور گردشی قرضے2...
اخباری اطلاعات کے مطابق مغربی ملکوں کی طرح پاکستان میں بھی کینسر کا مرض تیزی سے پھیل رہاہے۔ کینسر جدید طرزِ زندگی کا ایک بھیانک تحفہ ہے اور اطلاعات کے مطابق نوجوانوں پر اس کے اثرات تیزی سے سامنے آرہے ہیں۔ ایک تحقیق کے چونکا دینے والے اعداد و شمار سے پتا چلتا ہے کہ پچھلے 30 سال می...
اسٹیٹ بینک نے جولائی 2023 کے اختتام تک حکومت پاکستان کے قرض کی تفصیلات جاری کر دی ہیں۔ اسٹیٹ بینک کی جانب سے جاری اعلامیے میں کہا گیا ہے کہ پاکستان کا قرض رواں سال جولائی میں 907 ارب روپے بڑھا ہے۔ جولائی 2023 کے اختتام پر حکومت کا قرض 61 ہزار 700 ارب روپے تھا۔ حکومت کا قرض ایک مہ...
٭حکومت کے لیے ملکی دفاعی اخراجات اور غیر ملکی قرضوں کی ادائیگی کے بعد تیسری سب سے بڑی واجب الادا رقم آئی پی پیز کا بل ہے، اس سال دوکھرب روپے کی ادائیگیاں کرنا ہیں٭یہ رقم اقتصادی بحران کے شکار ملک کے لیے ایک بڑا بوجھ ہے، اسی کو کم کرنے کے لیے حکومتیں بجلی کی قیمتوں میں بار بار اضا...
٭اگست میں حکومت نے پیٹرول لیوی کی آخری حد یعنی 60 روپے فی لیٹر عائد کر دی ہے، پچھلے 15 روز کی کمی پوری کی جائے گی، 15 ستمبر کو قیمت میں مزید اضافے کا امکان ہے٭حکومت سے ڈالر نہیں سنبھل رہا،حکومت مارکیٹ کو بھی کوئی مثبت پیغام نہیں دے رہی، وزیراعظم کے بیان کے بعد اسٹاک ایکسچینج کریش...
مہنگائی اور بجلی کے زائد بلوں کے خلاف گزشتہ روز ملک بھر میں شٹرڈاؤن ہڑتال کی گئی۔ اس موقع پرکراچی، لاہور اور پشاور سمیت ملک کے مختلف چھوٹے بڑے شہروں میں تمام دکانیں اور کاروباری مراکز بند رہے۔ سڑکوں پر ٹرانسپورٹ اور بسیں بھی معمول سے کم دیکھنے میں آئی۔ وکلا نے بھی ہڑتال کی حمایت ...
گزشتہ چند دنوں کے دوران بلوچستان کے شہر پشین اور خیبر پختونخوا کے پشاور میں سیکورٹی فورسز سے مقابلوں میں 6 دہشت گرد مارے گئے۔ پچھلے ایک ہفتے کے دوران پنجاب کے مختلف شہروں سے لگ بھگ 20 ایسے افراد کی گرفتاری کی اطلاعات ہیں جن کا تعلق مختلف کالعدم تنظیموں سے ہے۔ بدھ کو پشاور میں مار...
ہائی کورٹ نے گزشتہ روز سابق وزیر اعلیٰ پنجاب پرویز الہٰی کو فوری طور پر رہا کرنے کا حکم دیتے ہوئے سختی کے ساتھ ہدایت کی تھی کہ کوئی اتھارٹی یا ادارہ انہیں دوبارہ گرفتار نہ کرے، عدالت نے پرویز الہٰی کو پولیس کی نگرانی میں گھر روانہ کیاتھا تاہم راستے میں انہیں دوبارہ گرفتار کر...
