... loading ...
... loading ...
آرمی چیف جنرل عاصم منیر نے کہا ہے کہ 9 مئی کے واقعات میں ملوث افراد کے خلاف آرمی ایکٹ اور آفیشل سیکرٹ ایکٹ کے تحت مقدمات کے لیے قانونی عمل کا آغاز ہو چکا ہے۔آئی ایس پی آر کے مطابق آرمی چیف نے لاہور کا دورہ کیا جس کے دوران انھوں نے جناح ہاؤس کا بھی جائزہ لیا۔آرمی چیف نے کور ہیڈ کوارٹر میں افسران اور سپاہیوں سے بات کرتے ہوئے کہا کہ 9 مئی کے واقعات کے منصوبہ سازوں، سہولت کاروں اور ملزمان کے خلاف پاکستان آرمی ایکٹ اور آفیشل سیکرٹ ایکٹ کے تحت مقدمات چلانے کے لیے قانونی عمل کا آغاز ہو چکا ہے۔اس موقع پر آرمی چیف کا کہنا تھا کہ فوج عوام سے ہی اپنی قوت حاصل کرتی ہے اور دونوں کے درمیان خلیج پیدا کرنے کی کوئی بھی کوشش ریاست کے خلاف عمل ہے جسے کسی بھی صورت برداشت نہیں کیا جا سکتا۔آرمی چیف نے کہا کہ جھوٹی خبروں اور پروپیگنڈا کے ذریعے کنفیوژن پھیلانے کی کوشش کی جا رہی ہے لیکن دشمن کی ایسی کوششوں کو قوم کی مدد سے شکست دی جائے گی۔
ایسے اشتعال انگیز بلووں کا ایک فوری اقدام تو اس جلاؤ گھیراؤ میں براہ راست ملوث افراد کے خلاف ملکی آئین و قوانین کے تحت کارروائی ہوتی ہے،اور آرمی چیف کے مطابق اس عمل کا آغاز کیا جا چکاہے اور جو نوجوان جلاؤ گھیراؤ کے اس قابل مذمت کام میں براہ راست شریک تھے فوجی عدالتوں کے ذریعے انھیں آرمی چیف کے بیان کے مطابق سخت سزائیں دی جائیں گی۔ایسے اشتعال انگیز بلووں میں شریک لوگوں کو سخت سزائیں دینے کے فیصلے کی مخالفت نہیں کی جاسکتی لیکن ملک کی دائمی سلامتی اور استحکام کیلئے ایک ناگزیر عمل یہ بھی ہوتا ہے کہ ایک ہمہ جہت فکری تجزیاتی تحقیق یہ ہو کہ ہمارا جفاکش پاکستانی۔ دہشت گردی کا شکار نوجوان۔ غربت اور بے روزگاری کے تھپیڑے سہتا جواں سال پاکستانی۔ اپنے خوابوں کی تعبیر میں ناکام رہتا پڑھا لکھا نوجوان اس انتہا کی طرف کیوں گیا ہے۔ اس کیلئے یقینا عمران خان کی اقتدار سے محرومی کے بعد سے گزشتہ ایک سال کی تقریروں پر بھی غور کرناہوگا،لیکن اس کے ساتھ اس بات پر بھی غور کرنا ہوگا کہ عمران خان کی تندوتیز اور تلخ باتوں کو نوجوانوں نے اتنی جلدی قبول کیوں کیا اور 9 مئی کو ایسے شدید ردعمل کا اظہار کیوں کیا گیا جس کے بارے میں خود عمران خان نے بھی نہ سوچا ہوگا۔9 مئی کے واقعات کی شدت کو دیکھتے ہوئے یہ بات واضح ہوجاتی ہے کہ یہ یک سال کی اکساہٹ یا جھنجھلاہٹ کا نتیجہ نہیں ہوسکتی۔ اس کے اسباب جاننے کے لئے ہمیں گزشتہ کم از کم 3 عشروں کے سول اور فوجی حکمرانوں کا غیر جانبدارانہ تجزیہ کرنا ہوگا۔ 20 سے 40 سال تک کے یہ پاکستانی انہی ادوار میں پیدا ہوئے۔ پلے بڑھے۔ ان کے ماں باپ بھی پاکستانی ہیں۔ نہ جانے انہوں نے کتنی قربانیاں دی ہوں گی۔ان میں ان صحافیوں کے بچے بھی شامل ہوں گے جنھوں نے حق کا ساتھ دینے کے جرم میں کوڑوں کی سزا پائی اور قیدوبند کی سزائیں بھی کاٹیں،ان میں ان صحافیوں کے بچے بھی شامل ہوں گے جنھیں ان کے اداروں کے دولت کے پجاری مالکان کو ہدایت دے کر ملازمتوں سے فارغ کیاگیا اور پھر ان پر باعزت روٹی کمانے کے تمام دروازے بند کردئے گئے اگر کوئی ادارہ انھیں ملازمت دینے کی جرات کرتا تو اس کے اشتہار بند کردیے جاتے اور انکم ٹیکس اور دوسرے ٹیکسوں کے کھاتے کھول کر اسے اس صحافی کو فارغ کرنے پر مجبور کیا جاتاجو عزت کے ساتھ قلم کی مزدوری کرکے اپنے بچوں کا پیٹ پالنا چاہتاتھا،ان میں ان کاشتکاروں کے بچے بھی شامل ہوں گے جن کے اناج سے بھرے گوداموں کو محض حکومت وقت کی مخالفت کی پاداش میں نذر آتش کرکے نامعلوم افراد کے خلاف مقدمات درج کرلئے جاتے تھے،ظاہر ہے کہ یہ لاوا ایک دن میں نہیں پکا،وقت کرتاہے پرورش برسوں،حادثہ ایک دم نہیں ہوتا، ریاست کی ذمہ داری تو یہ ہے کہ ان غصے اور محرومیوں کی آگ میں جلتے ہوئے نوجوانوں کے دلوں میں ابلتے ہوئے لاوے کو ٹھنڈا کرنے کی کوشش کرے ان کی اصلاح کرے نہ کہ انہیں مستقل تخریب کار بنادیا جائے۔
پاک فوج نے گزشتہ کئی برس سے انتہاپسندی Deradicalisation کے خاتمے کا ایک بہت اچھا پروگرام شروع کیا ہوا ہے۔ اس کا تقاضا بھی یہ ہے کہ ان نوجوانوں کے ذہنوں میں جھانکا جائے، یہ دیکھنے کی کوشش کی جائے کہ ان کے ذہنوں پر ابھی تک اپنے والد یادادا کو کوڑے لگائے جانے کے نقش تو موجود نہیں ہیں،ان نوجوانوں کے ذہن میں اپنے باپ یا دادا کو بلاوجہ بے روزگار کرانے جانے کے سبب گھر میں ہونے والے فاقوں کے اثرات ابھی تک موجود تو نہیں ہے،یہ معلوم کرنے کی ضرورت ہے کہ یہ نوجوان کسی ایک یا درجن بھر تقریروں سے اتنا متاثر کیوں ہوئے کہ انھیں کچھ سوچے سمجھے بغیر وہ سب کچھ کرڈالا برسوں کی منصوبہ بندی کے باوجود عام حالات میں کوئی سیاسی جماعت اپنے کارکنوں سے جو نہیں کرواسکتی تھی یہ نوجوان ان مقامات کی طرف جانے پر کیوں آمادہ ہوئے۔ پھر ان محفوظ مقامات میں انہیں یہ اشتعال انگیز کارروائیاں کرنے کی تحریک کیوں پیدا ہوئی،اور ایک ہنگامہ خیز صورت حال میں جب کچھ بھی ممکن تھا، اتنے اہم قومی اداروں اور تنصیبات کے تحفظ کے مناسب انتظات کرنے کے بجائے سرپھرے نوجوانوں کو ان تک پہنچنے کا کھلا راستہ کس حکمت عملی کے تحت فراہم کیا گیا۔پاک فوج نے ماضی میں بھی سرجریاں کی ہیں،کراچی میں ایم کیوایم کے کارکنوں کے خلاف بھی ایسی کارروائیاں کی جاچکی ہیں،بلوچستان میں بی ایل اے یعنی بلوچستان لبریشن آرمی کے خلاف بھی ایسے آپریشن کیے جاتے رہے ہیں لیکن حقائق واضح ہیں کہ ان میں سے کوئی بھی کارروائی کوئی بھی سرجری نہ صرف کامیاب نہیں ہوئی بلکہ اس کے نتیجے میں ایسے جتھے اور گروپ پیدا ہوئے جو آج تک حکومت اور ریاست کیلئے درد سر بنے ہوئے ہیں۔ ان ناکامیوں کے اسباب کا جائزہ لیا جائے تو ظاہر ہوتاہے کہ یہ اس لئے کامیاب نہیں رہیں کہ بیماری کی تشخیص بھرپور نہیں کی گئی تھی۔ موجودہ 13رکنی حکومتی اتحاد کے رہنماؤں سے تو ایسی فکری کوشش کی توقع عبث ہے۔ کیونکہ ملک کا دائمی استحکام تو ان کی منزل ہی نہیں ہے،ان کی تمام تر توانائیاں اور کوششیں تو صرف اس بات پر لگی ہوئی ہیں کہ کسی طرح عمران خان کو میدان سے باہر نکالا جائے،کیونکہ انھوں نے نوشتہ دیوار پڑھ لیاہے کہ عمران خان کے رہتے ہوئے انتخابات میں ان کا جیتنا محال ہی نہیں ناممکن ہے،یہی وجہ ہے کہ ان سب کی مشترکہ کوشش نظریہ ضرورت کے تحت عمران خان کو جسد سیاست سے باہر نکالنا اور تاحیات نااہلی کے بعد لندن فرار ہوجانے والے نواز شریف کو دوبارہ لاکر اپنی پسند کی حکومت بنانا ہے۔ ان کی ساری فکری توانائیاں اسی مقصد کیلئے وقف ہیں مگر ہمارے اداروں۔ علما،دانشوروں اور دوسری سیاسی جماعتوں کے رہنماؤں جن میں جماعت اسلامی شامل ہے کو معروضی انداز میں معاملے کی تہہ تک پہنچنا چاہئے کہ ایسا کیوں ہوا۔ جب یہ سب کچھ ہورہا تھا تو روکنے والے کہاں تھے۔ آگ لگانے والے تو حرکت میں تھے۔ آگ بجھانے والے کہاں تھے۔ پولیس، ایمبولینس، ریسکیو، سب کدھر تھے۔فوری قانونی کارروائی اپنی جگہ ضرور کی جائے۔ لیکن اس
کے طویل المیعاد حل کیلئے سوچنا بھی وقت کی ضرورت ہے۔اس وقت ضرورت اس بات کی ہے کہ کسی بھی ایسی کارروائی سے گریز کیاجائے جس سے اس ملک کے نوجوانوں کے پہلے سے زخمی دل مزید زخمی ہوجائیں ضرورت اس بات کی ہے کہ نوجوانوں کے دلوں کے پھپولے پھوڑنے اور ان پر نمک مرچ چھڑکنے کے بجائے ان پر مرہم رکھنے کی کوشش کی جائے،ان کو محبت سے اپنا بنانے کی کوشش کی جائے اور فوجی عدالتوں سے ایسا ممکن نہیں ہوسکتا۔سوا ل یہ ہے کہ کیا ہمارے ارباب اقتدار سرپھرے نوجوانوں کو سخت سزائیں دلواکر دل ٹھنڈا کرنے کی کوشش کے بجائے ان نوجوانوں کو اپنا گرویدہ اور ملک کیلئے ایک بوجھ اور مسلسل درد سر بنانے کے بجائے اپنا بنانے کی جانب توجہ دینے پر تیار ہوں گے؟
مولانا محمد سلمان عثمانی حضرت سیدناعمربن خطاب ؓاپنی بہادری، پر کشش شخصیت اوراعلیٰ اوصاف کی بناء پر اہل عرب میں ایک نمایاں کردار تھے، آپ ؓکی فطرت میں حیا ء کا بڑا عمل دخل تھا،آپ ؓ کی ذات مبارکہ کو یہ اعزاز بھی حاصل ہے کہ نبی مکرم ﷺ خوداللہ رب العزت کی بارگاہ میں دعا مانگی تھی ”...
بھارت میں عام انتخابات کا دوسرا مرحلہ بھی اختتام کے قریب ہے، لیکن مسلمانوں کے خلاف مودی کی ہرزہ سرائی میں کمی کے بجائے اضافہ ہوتا جارہاہے اورمودی کی جماعت کی مسلمانوں سے نفرت نمایاں ہو کر سامنے آرہی ہے۔ انتخابی جلسوں، ریلیوں اور دیگر اجتماعات میں مسلمانوں کیخلاف وزارت عظمی کے امی...
مولانا زبیر احمد صدیقی رمضان المبارک کو سا ل بھر کے مہینوں میں وہی مقام حاصل ہے، جو مادی دنیا میں موسم بہار کو سال بھر کے ایام وشہور پر حاصل ہوتا ہے۔ موسم بہار میں ہلکی سی بارش یا پھو ار مردہ زمین کے احیاء، خشک لکڑیوں کی تازگی او رگرد وغبار اٹھانے والی بے آب وگیاہ سر زمین کو س...
نگران وزیر توانائی محمد علی کی زیر صدارت کابینہ توانائی کمیٹی اجلاس میں ایران سے گیس درآمد کرنے کے لیے گوادر سے ایران کی سرحد تک 80 کلو میٹر پائپ لائن تعمیر کرنے کی منظوری دے دی گئی۔ اعلامیہ کے مطابق کابینہ کمیٹی برائے توانائی نے پاکستان کے اندر گیس پائپ لائن بچھانے کی منظوری دی،...
سندھ ہائیکورٹ کے حکم پر گزشتہ روز سوشل میڈیا پلیٹ فارم ٹوئٹر جسے اب ا یکس کا نام دیاگیاہے کی سروس بحال ہوگئی ہے جس سے اس پلیٹ فارم کو روٹی کمانے کیلئے استعمال کرنے والے ہزاروں افراد نے سکون کاسانس لیاہے، پاکستان میں ہفتہ، 17 فروری 2024 سے اس سروس کو ملک گیر پابندیوں کا سامنا تھا۔...
ادارہ شماریات کی تازہ ترین رپورٹ کے مطابق جنوری میں مہنگائی میں 1.8فی صد اضافہ ہو گیا۔رپورٹ کے مطابق گزشتہ ماہ شہری علاقوں میں مہنگائی 30.2 فی صد دیہی علاقوں میں 25.7 فی صد ریکارڈ ہوئی۔ جولائی تا جنوری مہنگائی کی اوسط شرح 28.73 فی صد رہی۔ابھی مہنگائی میں اضافے کے حوالے سے ادارہ ش...
عالمی جریدے بلوم برگ نے گزشتہ روز ملک کے عام انتخابات کے حوالے سے کہا ہے کہ الیکشن کے نتائج جوبھی ہوں پاکستان کیلئے آئی ایم ایف سے گفتگو اہم ہے۔ بلوم برگ نے پاکستان میں عام انتخابات پر ایشیاء فرنٹیئر کیپیٹل کے فنڈز منیجر روچرڈ یسائی سے گفتگو کرتے ہوئے کہا کہ پاکستان کے بیرونی قرض...
علامہ سید سلیمان ندویؒآں حضرت صلی اللہ علیہ وسلم کی بعثت تعلیم او رتزکیہ کے لیے ہوئی، یعنی لوگوں کو سکھانا اور بتانا اور نہ صرف سکھانا او ربتانا، بلکہ عملاً بھی ان کو اچھی باتوں کا پابند اور بُری باتوں سے روک کے آراستہ وپیراستہ بنانا، اسی لیے آپ کی خصوصیت یہ بتائی گئی کہ (یُعَلِّ...
بلوچستان کے اضلاع پشین اور قلعہ سیف اللہ میں انتخابی امیدواروں کے دفاتر کے باہر دھماکے ہوئے ہیں جن کے سبب 26 افراد جاں بحق اور 45 افراد زخمی ہو گئے۔ تفصیلات کے مطابق بلوچستان اور خیبر پختون خوا دہشت گردوں کے حملوں کی زد میں ہیں، آج بلوچستان کے اضلاع پشین میں آزاد امیدوار ا...
مولانا محمد نجیب قاسمیشریعت اسلامیہ نے ہر شخص کو مکلف بنایا ہے کہ وہ حقوق اللہ کے ساتھ حقوق العباد یعنی بندوں کے حقوق کی مکمل طور پر ادائیگی کرے۔ دوسروں کے حقوق کی ادائیگی کے لیے قرآن وحدیث میں بہت زیادہ اہمیت، تاکید اور خاص تعلیمات وارد ہوئی ہیں۔ نیز نبی اکرم صلی اللہ علیہ وسلم،...
پاکستان میں صارفین کے حقوق کی حفاظت کا کوئی نظام کسی بھی سطح پر کام نہیں کررہا۔ گیس، بجلی، موبائل فون کمپنیاں، انٹرنیٹ کی فراہمی کے ادارے قیمتوں کا تعین کیسے کرتے ہیں اس کے لیے وضع کیے گئے فارمولوں کو پڑتال کرنے والے کیا عوامل پیش نظر رکھتے ہیں اور سرکاری معاملات کا بوجھ صارفین پ...
خبر ہے کہ سینیٹ میں عام انتخابات ملتوی کرانے کی قرارداد پر توہین عدالت کی کارروائی کے لیے دائر درخواست پر سماعت رواں ہفتے کیے جانے کا امکان ہے۔ اس درخواست کا مستقبل ابھی سے واضح ہے۔ ممکنہ طور پر درخواست پر اعتراض بھی لگایاجاسکتاہے اور اس کوبینچ میں مقرر کر کے باقاعدہ سماعت کے بعد...
