... loading ...
ملکی سیاسی و پارلیمانی تاریخ میں پہلی بار حکومت اور اپوزیشن کا پارلیمنٹ کے مشترکہ اجلاس میں صدر کے خلاف شدید احتجاج، سابق وزیراعظم کے خلاف عدم اعتماد کے موقع پر اسمبلی توڑنے پر صدر سے جواب مانگ لیا گیا، حکمران اتحاد کے قائدین نے مشترکہ اجلاس کاغیر اعلانیہ بائیکاٹ کر دیا، ارکان کی اکثریت صدر کا خطاب سنے بغیر ایوان سے چلی گئی، پختون رہنما علی وزیر خان کے پروڈکشن آرڈر جاری نہ ہونے پر بعض ارکان نے اسپیکر ڈائس پر دھرنا دے دیا، سینیٹر مشتاق احمد نے پلے کارڈ اٹھا لیا، پی ٹی آئی کے ارکان سینیٹ نے بھی اجلاس کا بائیکاٹ کردیا۔ جمعرات کو صدرمملکت ڈاکٹر عارف علوی مشترکہ اجلاس سے خطاب کیلئے چیئرمین سینیٹ صادق سنجرانی اور اسپیکر قومی اسمبلی راجہ پرویز اشرف کے ہمراہ ایوان میں آئے۔ اجلاس 22منٹ کی تاخیر سے پانچ بج کر 22منٹ پر شروع ہوا۔ اسپیکر قومی اسمبلی راجہ پرویز اشرف نے صدر کو خطاب کی دعوت دی۔ وزیراعظم شہباز شریف، پیپلزپارٹی کے سربراہ بلاول بھٹو زرداری، سابق صدر آصف علی زرداری، متحدہ مجلس عمل کے پارلیمانی رہنما مولانا اسعد محمود سمیت حکومتی اتحاد کے سرکردہ رہنما موجود نہیں تھے۔ ایم کیو ایم، بلوچستان عوامی پارٹی، جی ڈی اے، جماعت اسلامی کے رہنما موجود تھے۔ صدر نے خطاب شروع کیا تو سینیٹر مشتاق احمد نے علی وزیر کے پروڈکشن آرڈر جاری نہ کرنے پر شدید احتجاج شروع کردیا اور کہا کہ علی وزیر کو رہا کرو۔ دہشت گرد باہر ہیں اور ارکان پارلیمنٹ جیلوں میں ہیں۔ بعض ارکان صدر کے سامنے آگئے اور احتجاج شروع کردیا ۔ اس دوران اپوزیشن لیڈر راجہ ریاض بھی اپنی نشست سے کھڑے ہوئے صدر کو مخاطب کرتے ہوئے کہا کہ کوئی اخلاقی جواز ہوتا ہے اسی اسمبلی کو صدر آپ نے توڑا اور اب یہاں کیا لینے آ گئے کیوں خطاب کررہے ہو واپس جاؤ۔ وزیر دفاع خواجہ آصف نے کہا کہ صدر آپ نے وزیراعظم سے حلف بھی نہیں لیا ، آئین کی خلاف ورزی کی، اسمبلی توڑ کوئی شرم حیا کرنی چاہیے۔ اس دوران ڈائس کے سامنے جمع ارکان نے ووٹ کو عزت دو کے نعرے لگائے جبکہ جماعت اسلامی کے رہنما مولانا عبدالاکبر چترالی صدر کی ڈائس کے سامنے آئے اورکہا کہ اس اسمبلی کو آپ نے نا اہل سمجھا اور اس کو توڑ دیا اب اس نا اہل اسمبلی سے کیوں خطاب کر رہے ہو۔ صدر کے خطاب کے دوران انتہائی بدنظمی رہی۔ ارکان کی اکثریت ایوان سے چلی گئی صرف سابقہ حکومت کے اتحادی بلوچستان عوامی پارٹی کے رہنما خالد مگسی، ایم کیو ایم کے رہنما مقبول صدیقی اور پی ٹی آئی کے چند منحرف ارکان ایوان میں موجود تھے۔ صدر نے نصف خطاب کرلیا تو ایوان میں صرف 16 ارکان رہ گئے تھے۔ صدر نے آخر میں موجود ارکان کا مسکراتے ہوئے شکریہ ادا کیا۔ صدر نے خطاب مکمل کرتے ہوئے کہا کہ جتنے یہاں موجود ہیں شکریہ ادا کرتا ہوں اور اس کے ساتھ وہ مسکرا دیے۔ تقریباً ایک گھنٹہ ان کا خطاب جاری رہا۔ انہوں نے پانچ بج کر33منٹ پر خطاب کیا جوکہ 6بج کر 22 منٹ پر مکمل ہوا۔ پاکستان کی سیاسی و پارلیمانی تاریخ کا پہلا موقع ہے جب حکومت اپوزیشن دونوں اطراف سے صدر مملکت کے خلاف احتجاج کیا گیا۔ جبکہ آزاد کشمیر کے صدر، وزیراعظم صوبوں کے گورنرز، وزرائےاعلیٰ بھی موجود نہیں تھے جبکہ پاکستان تحریک انصاف کے ارکان سینیٹ نے بھی اجلاس کا بائیکاٹ کیا۔
جمعیت علمائے اسلام کے امیر مولانا فضل الرحمٰن نے پاکستان تحریک انصاف کے ساتھ اتحاد کا اشارہ دے دیا۔بھکر آمد پر میڈیا سے گفتگو کرتے ہوئے مولانا فضل الرحمن نے کہا کہ انتخابات میں حکومتوں کا کوئی رول نہیں ہوتا، الیکشن کمیشن کا رول ہوتا ہے ، جس کا الیکشن کے لیے رول تھا انہوں نے رول ...
وزیراعظم محمد شہبازشریف نے کہا ہے کہ آزاد کشمیر میں احتجاجی تحریک کے دوران شر پسند عناصر کی طرف سے صورتحال کو بگاڑنے اور جلائو گھیرائوں کی کوششیں ناکام ہو گئیں ، معاملات کو بہتر طریقے سے حل کر لیاگیا، آزاد کشمیر کے عوام پاکستان کے ساتھ والہانہ محبت کرتے ہیں، کشمیریوں کی قربانیاں ...
ہائی کورٹ کے جج جسٹس محسن اختر کیانی نے شاعر احمد فرہاد کی بازیابی کی درخواست پر سماعت کرتے ہوئے ریمارکس دیے ہیں کہ میری رائے ہے کہ قانون سازی ہو اور گمشدگیوں میں ملوث افراد کو پھانسی دی جائے ، اصل بات وہی ہے ۔ جمعرات کو اسلام آباد ہائی کورٹ کے جسٹس محسن اختر کیانی نے مقدمے کی سم...
رہنما ایم کیو ایم مصطفی کمال نے کہا ہے کہ جج کے پاس وہ طاقت ہے جو منتخب وزیراعظم کو گھر بھیج سکتے ہیں، جج کے پاس دوہری شہریت بہت بڑا سوالیہ نشان ہے ، عدلیہ کو اس کا جواب دینا چاہئے ۔نیوز کانفرنس کرتے ہوئے رہنما ایم کیو ایم مصطفی کمال نے کہا کہ کیا دُہری شہریت پر کوئی شخص رکن قومی...
شکارپور میں کچے کے ڈاکو2مزید شہریوں کواغوا کر کے لے گئے ، دونوں ایک فش فام پر چوکیدرای کرتے تھے ۔ تفصیلات کے مطابق ضلع شکارپور میں بد امنی تھم نہیں سکی ہے ، کچے کے ڈاکو بے لگام ہو گئے اور مزید دو افراد کو اغوا کر کے لے گئے ہیں، شکارپور کی تحصیل خانپور کے قریب فیضو کے مقام پر واقع...
سندھ کے سینئروزیرشرجیل انعام میمن نے کہاہے کہ بانی پی ٹی آئی کی لائونچنگ، گرفتاری، ضمانتیں یہ کہانی کہیں اور لکھی جا رہی ہے ،بانی پی ٹی آئی چھوٹی سوچ کا مالک ہے ، انہوں نے لوگوں کو برداشت نہیں سکھائی، ہمیشہ عوام کو انتشار کی سیاست سکھائی، ٹرانسپورٹ سیکٹر کو مزید بہتر کرنے کی کوشش...
پنجاب حکومت نے مزید مشاورت کرنے کیلئے ہتک عزت بل کی اسمبلی سے منظوری اتوار تک موخر کر دی جبکہ صوبائی وزیر وزیر اطلاعات عظمی بخاری نے کہا ہے کہ مریم نواز کی ہدایت پرمشاورت کے لئے بل کی منظوری کو موخر کیا گیا ہے ، ہم سوشل میڈیا سے ڈرے ہوئے نہیں لیکن کسی کو جھوٹے الزام لگا کر پگڑیاں...
سابق چیئرمین فیڈرل بورڈ آف ریونیو (ایف بی آر)شبر زیدی نے دبئی پراپرٹی لیکس پر ردعمل دیتے ہوئے کہا ہے کہ سیاستدان یہ بتائیں کہ جن پیسوں سے جائیدادیں خریدیں وہ پیسہ کہاں سے کمایا؟ایک انٹرویو میں دبئی میں پاکستانیوں کی جائیدادوں کی مالیت 20 ارب سے زیادہ ہے ، جن پیسوں سے جائیدادیں خر...
پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ اگر اپوزیشن 9 مئی کی معافی مانگنے پر تیار نہیں تو ان کا رونا دھونا جاری رہے گا۔قومی اسمبلی میں اظہار خیال کرتے ہوئے بلاول بھٹو نے کہا کہ ان کا لیڈر رو رہا ہے اور کہہ رہا ہے مجھے نکالو، مجھے نکالو، یہ انگلی ...
وزیراعلیٰ خیبرپختونخوا علی امین گنڈاپور نے صوبے میں بجلی کی لوڈشیڈنگ میں کمی کے لیے وفاقی حکومت کو ڈیڈ لائن دے دی۔علی امین گنڈاپور نے کہا ہے کہ وفاقی حکومت صوبے میں لوڈشیڈنگ کم کرنے کے لیے آج رات تک شیڈول جاری کرے ، اگر شیڈول جاری نہ ہواتو کل پیسکو چیف کے دفتر جاکر خود شیڈول دوں ...
اسلام آباد ہائی کورٹ نے 190ملین پاؤنڈ کرپشن کیس میں بانی پی ٹی آئی کی 10 لاکھ روپے کے مچلکوں پر ضمانت منظور کرلی۔تفصیلات کے مطابق اسلام آباد ہائی کورٹ کے چیف جسٹس عامر فاروق اور جسٹس طارق محمود جہانگیری پر مشتمل ڈویژن بینچ نے بانی پی ٹی آئی کی ضمانت منظور کرنے کا فیصلہ سنادیا۔ عد...
وزیر دفاع خواجہ آصف نے کہا ہے کہ اپوزیشن لیڈر کی جانب سے آرٹیکل 6 کے مطالبے کی حمایت کرتا ہوں اور ایوب خان کو قبر سے نکال کر بھی آرٹیکل 6 لگانا چاہیے اور اُسے قبر سے نکال کر پھانسی دینا چاہیے ۔قومی اسمبلی اجلاس میں وزیر دفاع خواجہ آصف نے گفتگو کرتے ہوئے کہا کہ اپوزیشن لیڈر عمر...