... loading ...
... loading ...
ایڈیشنل انسپکٹر جنرل جاوید عالم اوڈھو نے اہل کراچی کا برہنہ مذاق اڑاتے ہوئے کہا ہے کہ کراچی والے اپنے دشمن خود ہیں۔ جاوید عالم اوڈھو کے گل افشانئ گفتار کا پس منظر یہ ہے کہ شہرِ کراچی میں جرائم کی شرح ہر گزرتے روز بڑھتی جارہی ہے۔ ایک طرف ایثار کیش اہلِ کراچی، سیلاب زدگان کی مدد میں جتے ہوئے ہیں تو دوسری طرف جرائم پیشہ عناصر اُن کا مال واسباب بھی چھین رہے ہیں۔ اے آئی جی جاوید عالم اوڈھوکو اس صورتِ حال پر اپنے ماتھے پر ندامت کا کوئی پسینہ محسوس نہیں ہوا، شرمندگی کا کوئی احساس نہیں جاگا، اپنے کُنجِ لب پرافسوس کے دو بول نہ دہکائے، اپنی منصبی ذمہ داریوں کی ناکامی کا کوئی دباؤ محسوس نہیں کیا۔ بلکہ ستم کے شکار اہل کراچی پر ستم بالائے ستم کرتے ہوئے یہ در فنطنی چھوڑی کہ وہ اپنے دشمن خود ہیں۔ جاوید عالم اوڈھو کے یہ الفاظ اتنے زہریلے ہیں کہ وہ یہ بول میٹھے سمندر میں تھوک دیں تو وہ بھی زہریلا ہو جائے۔ دنیا میں شاید ہی کسی ملک کے کسی شہر میں وہاں کے پولیس سربراہ نے ایسا جواب دیا ہو کہ جس شہر پر ستم ڈھائے جائیں، اُسی شہر کے باسی اور اُن جرائم کے شکار لوگ ہی اُس کے ذمہ دار ہوں۔ ستم کرنے والے اور ستم روکنے والوں کے بجائے ستم سہنے والوں کو ذمہ دار قرار دینے کے لیے چنگیزی ذہن، مسولینی مزاج، وحشیانہ فکر، سفاکانہ دل اور مکمل غیر انسانی طبیعت چاہئے۔ معلوم نہیں ان مناصب پر بٹھانے سے پہلے افسران کا کوئی نفسیاتی، ذہنی یا اخلاقی محاسبہ بھی کیا جاتا ہے یا نہیں؟ جس شہر میں مجرم دندناتے پھرتے ہوں، جہاں رواں برس ستاون ہزار سے زائد اسٹریٹ کرائمز کے واقعات ہو چکے ہوں، بیس ہزار قیمتی موبائل فون چھینے جا چکے ہوں، تقریباً پندرہ سو کاریں اور 35 ہزار موٹر سائیکلیں چھینی اور چوری کی جاچکی ہوں، جہاں ٹریفک جام میں لٹیرے سرعام وارداتیں کر گزرتے ہوں، جہاں اغوا برائے تاوان کے واقعات روزمرہ بن چکے ہوں، جہاں مجرمانہ کارروائیوں میں خود پولیس اور سرکاری اداروں کے ملوث ہونے کے ثبوت ملتے ہوں، جہاں متنوع جرائم کی نوعیت کا تعین بھی بھید بھاؤ میں گم رہتا ہوں، جہاں مجرم، انفارمر کے طور پر پل رہے ہوں، جہاں جرائم پیشہ لوگوں کو پولیس افسران سلیوٹ ٹھوکتے ہوں، جہاں ادارے، اداروں کے دشمن کے طور پر کام کرتے ہوں، جہاں شہری مشکوک اور مشکوک لوگ سرآنکھوں پر بٹھائے جاتے ہوں، جہاں پولیس نوآبادیاتی ذہن کے ساتھ علاقے فتح کرنے میں لگی رہتی ہوں، وہاں جاوید عالم اوڈھو ایسے افسران ہی بٹھائے جاسکتے ہیں۔ وہاں شہریوں کی مظلومیت، ظلم کی تصویر کے طور پر پیش کی جاسکتی ہے۔ وہاں ظالم، خدا ترس اورستم رسیدہ، سفاکوں کے طور پر ثابت کیے جاسکتے ہیں۔ جاوید عالم اوڈھو کے پاس ایڈیشنل انسپکٹر جنرل پولیس ہونے کے باوجود جرائم کی وارداتوں کے اعداد وشمار درست نہیں۔ اُنہوں نے تاجروں کے ساتھ گفتگو میں جو اعداد وشمار پیش کیے وہ درست نہیں۔ اُن کے اعداد وشمار کی طرح یہ موقف بھی غلط ہے کہ شہری واویلا کیوں کرتے ہیں؟ وہ کراچی کے ساتھ گزشتہ چار دہائیوں سے جاری سازش سے پوری طرح آگاہ نہیں۔ کراچی کے ساتھ جو کچھ ہورہا ہے، وہ اہلِ کراچی کے واویلا کرنے کا نتیجہ نہیں، بلکہ واویلا نہ کرنے کا نتیجہ ہے۔ کراچی پر ہونے والے مظالم کا تذکرہ بھی مخصوص ضرورتوں میں کیا جاتا ہے، کبھی وہ ضرورت خود اعلیٰ پولیس افسران کی بھی ہوتی ہے۔ کراچی کے حوالے سے پھیلائی گئی سنسنی بھی سیاسی ضرورت کے تابع ہوتی ہے۔ کراچی اور اہل کراچی اس کے شکار ہیں، ذمہ دار نہیں۔ مگر جاوید عالم اوڈھو نے گنگا ہی اُلٹی بہا دی، اُنہوں نے ظلم کے شکار اہلِ کراچی کو ہی ظالم کے روپ میں پیش کردیا۔ ایسے شخص کا نفسیاتی تجزیہ کرانا چاہئے کہ وہ اس منصب کا اہل بھی ہے یا نہیں؟
آرمی چیف جنرل عاصم منیر نے کہا ہے کہ 9 مئی کے واقعات میں ملوث افراد کے خلاف آرمی ایکٹ اور آفیشل سیکرٹ ایکٹ کے تحت مقدمات کے لیے قانونی عمل کا آغاز ہو چکا ہے۔آئی ایس پی آر کے مطابق آرمی چیف نے لاہور کا دورہ کیا جس کے دوران انھوں نے جناح ہاؤس کا بھی جائزہ لیا۔آرمی چیف نے کور ہیڈ کو...
کراچی میں بلدیاتی انتخابات کی بمشکل تمام اختتام کے بعد الیکشن کمیشن نے اب مخصوص نشستوں پر پارٹیوں کے کوٹے کے اعلان کو التوا میں ڈال کر میئر کے انتخاب اور کراچی کے مختلف حلقوں سے عوام کے ووٹ لے کرمنتخب ہونے والے کونسلروں کو اختیارات دینے کاراستہ بند کیاہوا ہے،الیکشن کمیشن کی جانب ...
پاکستان تحریک انصاف کے وکیل سینیٹر بیرسٹر علی ظفر نے لاہور ہائیکورٹ کی جانب سے پی ٹی آئی کے 72 ارکان قومی اسمبلی کے استعفوں کی منظوری کا نوٹیفکیشن کالعدم قرار دینے کے فیصلے کو تاریخی قرار دیا ہے۔لاہور میں میڈیا سے گفتگو میں بیرسٹر علی ظفر نے کہا کہ لاہور ہائیکورٹ کا فیصلہ تاریخی ...
تحریک انصاف کے سربراہ عمران خان کو ایک روحانی اور صوفی ازم پر یونیورسٹی قائم کرنے کے الزام میں گرفتاری کے بعدپورے ملک میں شدید ہنگامہ آرائی جاری ہے،صورت حال کے بارے میں جو تفصیلات سامنے آئی ہیں ان کے مطابق شہر میں کسی بھی مقام پر تحریک انصاف کے کسی سطح کے قائدین نظر نہیں آئے جس ک...
چین کے وزیر خارجہ چن گانگ نے گزشتہ روز پاکستان کو چین کی جانب سے غیر مشروط حمایت کا یقین دلاتے ہوئے پاکستان حکام کو تلقین کہ پاکستان میں سیاسی اتفاق رائے ضروری ہے، سیاسی قوتیں مل بیٹھ کر سیاسی استحکام لائیں تاکہ پاکستان معاشی اور داخلی سطح پر ہمارے ساتھ آگے بڑھ سکے ہر معاملے پر آ...
انسٹی ٹیوٹ آف پالیسی اسٹڈیز (آئی پی ایس) میں گزشتہ روز ہونے والی ایک تقریب میں قانونی ماہرین نے رائے ظاہر کی ہے کہ امریکی قید میں پاکستانی شہری ڈاکٹر عافیہ کی رہائی کا معاملہ جتنی سیاسی جنگ ہے اتنی ہی قانونی جنگ ہے، قانونی راستے تلاش کرنے کے علاوہ، حکومت پاکستان کو ڈاکٹر عافیہ کی...
سپریم کورٹ میں ملک بھر میں انتخابات ایک ساتھ کرانے کے کیس کی سماعت کے دوران چیف جسٹس عمر عطابندیال نے کہا ہے کہ مذاکرات ناکام ہوئے تو اپنے فیصلے پر عمل درآمد کے لیے آئین استعمال کر سکتے ہیں، انتخابات والے فیصلے پر نظرِ ثانی کا وقت اب گزر چکا۔چیف جسٹس نے کہا کہ یہ عوامی اہمیت کے س...
انسانی حقوق کے نامور اور ڈاکٹر عافیہ صدیقی کیس کے وکیل کلائیو اسٹفورڈ اسمتھ نے کہا ہے کہ وہ ہ عافیہ صدیقی کو وطن واپس لانے کے لیے پاکستان میں موجود ہیں۔کراچی سٹی کورٹ میں بار ایسوسی ایشن جناح آڈیٹوریم میں وکلا سے خطاب کرتے ہوئے کلائیو اسٹفورڈ اسمتھ نے اپنے ملک کی غلطیوں کے لیے مع...
پاکستان کے وزیر خارجہ بلاول زرداری شنگھائی تعاون تنظیم کے اجلاس میں شرکت کے لیے بھارت پہنچ چکے ہیں، ایس سی او کے اس اجلا میں روس، چین، بھارت اور پاکستان کے علاوہ وسطی ایشیا کے 4 ممالک قازقستان، کرغزستان، تاجکستان اور ازبکستان بھی شامل ہیں۔ گوا کے اس اہم اجلاس میں روس کے وزیر خارج...
آج مئی کا پہلا دن ہے،آج مزدوروں کا دن ہے۔دنیا بھر میں ’ہر سال یکم مئی ’یوم مزدور‘ کے طور پر منایا جاتا ہے اس کی ابتدا 1886 سے امریکہ کے شہر شکاگو سے ہوئی۔ اس دن بہت سے ممالک میں شکاگو میں ہلاک ہونے والے مزدوروں کو خراج تحسین پیش کرنے کے ساتھ ساتھ مزدوروں کی فلاح و بہبود اور ان کے...
چیئرمین تحریک انصاف عمران خان نے گزشتہ روز اسلام آباد ہائی کورٹ میں صحافیوں سے غیر رسمی گفتگو میں کہا ہے کہ انتخابات کے لیے مذاکرات کرنے پر تیارہیں،لیکن اگر حکومت فوری اسمبلی توڑ کر الیکشن کرانا چاہتی ہے تو ہی بات کریں گے، اگر وہ دوبارہ وہی ستمبر اکتوبر کی بات کرتے ہیں تو کوئی ضر...
وزیرخزانہ اسحاق ڈار نے کہا ہے کہ پاکستان اور آئی ایم ایف کے درمیان اسٹاف لیول معاہدے کی تمام شرائط پوری ہوگئی ہیں۔ایک نجی چینل سے بات چیت کرتے ہوئے اسحاق ڈار نے کہا کہ سعودی عرب کی طرف سے پاکستان کو 2 ارب ڈالر دینے کی تصدیق کی گئی ہے۔اسحاق ڈار کا کہنا ہے کہ سعودی عرب اور یو اے ای...
