... loading ...
... loading ...
حضرت علامہ اقبالؒ کا آج یوم وفات (21 اپریل) ہے۔حضرت علامہ کی فکر مسلمانوں کو ہر قسم کی غلامی سے دائمی نجات دلانے کی تحریک رکھتی ہے۔ وہ مسلم تہذیب کی حفاظت کے تمام امکانات کو اپنی فکر سے بروئے کار لائے اور برصغیر کی سیاست میں انگریزوں کے سامراجی مقاصد اورہندوو¿ں کے بدترین سیاسی و مذہبی اہداف کا مقابلہ کرنے کے لیے اسلامی فکر کے حرکی تصور کو بیدار کرتے رہے۔ اقبالؒ کی فکر مایوسی میں امید، سکوت میں ہنگامہ ، جمود میں حرکت اور غلامی میں آزادی کے جذبات پیدا کردیتی ہے۔ علامہ اقبال نے گزشتہ تین چار صدیوں میں مسلمانوں کی مسلسل زبوں حالی اور زوال کے اسباب کو دور کرنے کے لیے اُن میں جس ”ورلڈ ویو“ کو پیدا کرنے کی کوشش کی ، اُس کی ضرورت آج پاکستان کو سب سے زیادہ ہے، جو کہنے کو تو 14 اگست 1947ءکو آزاد ہوگیا، مگر اسے ایک محدود اشرافیہ اور طاقت پر قابض مٹھی بھر لوگوں نے عملاً امریکا کی تحویل میں دے دیا ہے۔ پاکستان کے بدترین اقتصادی حالات کو جس طرح استعماری عزائم کا چارہ بنانے کے لیے استعمال کیا جاتا ہے، اُس کے نتائج غلامی سے بھی بدتر ہیں۔ پاکستان میں حکومتوں کی اُتھل پتھل سے لے کر مخصوص حکومتوں کے قیام تک جس قسم کی سازشیں اور مداخلتیں کی جاتی ہیں،اس کا پوری طرح ادراک بھی ممکن نہیں ہوپاتا۔ پاکستان کو مستقل طور پر امریکا کاچارہ بنائے رکھنے کے لیے یہاں ایک مستقل نوع کا اقتصادی کنٹرول امریکا کو حاصل ہو گیا ہے۔ عالمی اقتصادی اداروں کے پاس ہماری معیشت گروی نہیں، بلکہ اس قوم کا مستقبل رہن رکھا ہوا ہے جس کا خواب اقبال ایسے عظیم مفکر نے دیکھا اور جن کی زندگی مسلمانوں میں ایک ملی شعور بیدا کرنے اور اُنہیں حقیقی آزادی سے ہمکنار کرنے کا شعور دینے میں صرف ہوئی۔ علامہ اقبالؒ نے مسلمانوں کی اقتصادی زبوں حالی کے ممکنہ خطرناک نتائج کا ادراک کرلیا تھا، اس لیے اُنہیں خودی، خودداری ، خود انحصاری اور خودکفالتی کے ایک حرکی تصور سے آشنا کیا۔ یہی تصور پاکستان کے امریکا سے مستقل نجات کا ذریعہ بن سکتا ہے، جس نے ہمارے قومی، ملی ، دفاعی، علاقائی اور تہذیبی مقاصد کو یرغمال بنالیا ہے۔ پاکستان میں لیاقت علی خان کے زمانے سے جاری امریکا کی سازشیں اور مداخلتیں اور ایوب خان کے عہد سے جاری اشرافیہ کو قابو کرنے کی روش نے آزادی کا کوئی مطلب اس ملک کے لیے باقی نہیں رہنے دیا۔ استعمار ی ممالک کیسے حکومتیں بدلتے ہیں، اور کس طرح ایک سے دوسرے کو قابو کراتے ہیں، اس کی ایک جھلک بانگ درا کی فہرست ظریفانہ کے چند مصرعوں میں دکھائی دیتی ہے جس میں علامہ نے بتایا ہے کہ کس طرح مسلم علاقوں کی بندربانٹ کرتے ہوئے تب کا برطانوی وزیرخارجہ لارڈ کرزن مداوا کرنے کی خاطر ہندوستان سے وفد طلب کررہا ہے، وہ سوال اُٹھاتے ہیں:
وفد ہندُستاں سے کرتے ہیں سر آغا خاں طلب
کیا یہ چورن ہے پے ہضمِ فلسطین و عراق
پاکستان میں ان دنوں امریکا کی مداخلت اور سازش کے خلاف عوامی جذبا ت بیدار ہیں، مگر ان جذبات کو درست سمت میں ایک علمی و تہذیبی بنیاد دینے کی ضرورت ہے۔ اور مسلمانوں میں ایک تہذیبی شعور کے ساتھ ”ورلڈ ویو “ پیدا کرنے کی ضرورت ہے۔ یہ مقصد علامہ کی فکر سے پوری طرح حاصل کیا جاسکتا ہے۔ حضرت علامہ اقبالؒ کے یوم وفات پر اُن کے پیغام کو زندہ کرکے استعمار سے نجات کا سبق یاد کیا جاسکتا ہے۔ علامہ کے اپنے ہی الفاظ میں لوگوں کو جھنجھوڑنے کی ضرورت ہے کہ
ہر زائرِ چمن سے یہ کہتی ہے خاکِ پاک
غافل نہ رہ جہان میں گردوں کی چال سے
مولانا محمد سلمان عثمانی حضرت سیدناعمربن خطاب ؓاپنی بہادری، پر کشش شخصیت اوراعلیٰ اوصاف کی بناء پر اہل عرب میں ایک نمایاں کردار تھے، آپ ؓکی فطرت میں حیا ء کا بڑا عمل دخل تھا،آپ ؓ کی ذات مبارکہ کو یہ اعزاز بھی حاصل ہے کہ نبی مکرم ﷺ خوداللہ رب العزت کی بارگاہ میں دعا مانگی تھی ”...
بھارت میں عام انتخابات کا دوسرا مرحلہ بھی اختتام کے قریب ہے، لیکن مسلمانوں کے خلاف مودی کی ہرزہ سرائی میں کمی کے بجائے اضافہ ہوتا جارہاہے اورمودی کی جماعت کی مسلمانوں سے نفرت نمایاں ہو کر سامنے آرہی ہے۔ انتخابی جلسوں، ریلیوں اور دیگر اجتماعات میں مسلمانوں کیخلاف وزارت عظمی کے امی...
مولانا زبیر احمد صدیقی رمضان المبارک کو سا ل بھر کے مہینوں میں وہی مقام حاصل ہے، جو مادی دنیا میں موسم بہار کو سال بھر کے ایام وشہور پر حاصل ہوتا ہے۔ موسم بہار میں ہلکی سی بارش یا پھو ار مردہ زمین کے احیاء، خشک لکڑیوں کی تازگی او رگرد وغبار اٹھانے والی بے آب وگیاہ سر زمین کو س...
نگران وزیر توانائی محمد علی کی زیر صدارت کابینہ توانائی کمیٹی اجلاس میں ایران سے گیس درآمد کرنے کے لیے گوادر سے ایران کی سرحد تک 80 کلو میٹر پائپ لائن تعمیر کرنے کی منظوری دے دی گئی۔ اعلامیہ کے مطابق کابینہ کمیٹی برائے توانائی نے پاکستان کے اندر گیس پائپ لائن بچھانے کی منظوری دی،...
سندھ ہائیکورٹ کے حکم پر گزشتہ روز سوشل میڈیا پلیٹ فارم ٹوئٹر جسے اب ا یکس کا نام دیاگیاہے کی سروس بحال ہوگئی ہے جس سے اس پلیٹ فارم کو روٹی کمانے کیلئے استعمال کرنے والے ہزاروں افراد نے سکون کاسانس لیاہے، پاکستان میں ہفتہ، 17 فروری 2024 سے اس سروس کو ملک گیر پابندیوں کا سامنا تھا۔...
ادارہ شماریات کی تازہ ترین رپورٹ کے مطابق جنوری میں مہنگائی میں 1.8فی صد اضافہ ہو گیا۔رپورٹ کے مطابق گزشتہ ماہ شہری علاقوں میں مہنگائی 30.2 فی صد دیہی علاقوں میں 25.7 فی صد ریکارڈ ہوئی۔ جولائی تا جنوری مہنگائی کی اوسط شرح 28.73 فی صد رہی۔ابھی مہنگائی میں اضافے کے حوالے سے ادارہ ش...
عالمی جریدے بلوم برگ نے گزشتہ روز ملک کے عام انتخابات کے حوالے سے کہا ہے کہ الیکشن کے نتائج جوبھی ہوں پاکستان کیلئے آئی ایم ایف سے گفتگو اہم ہے۔ بلوم برگ نے پاکستان میں عام انتخابات پر ایشیاء فرنٹیئر کیپیٹل کے فنڈز منیجر روچرڈ یسائی سے گفتگو کرتے ہوئے کہا کہ پاکستان کے بیرونی قرض...
علامہ سید سلیمان ندویؒآں حضرت صلی اللہ علیہ وسلم کی بعثت تعلیم او رتزکیہ کے لیے ہوئی، یعنی لوگوں کو سکھانا اور بتانا اور نہ صرف سکھانا او ربتانا، بلکہ عملاً بھی ان کو اچھی باتوں کا پابند اور بُری باتوں سے روک کے آراستہ وپیراستہ بنانا، اسی لیے آپ کی خصوصیت یہ بتائی گئی کہ (یُعَلِّ...
بلوچستان کے اضلاع پشین اور قلعہ سیف اللہ میں انتخابی امیدواروں کے دفاتر کے باہر دھماکے ہوئے ہیں جن کے سبب 26 افراد جاں بحق اور 45 افراد زخمی ہو گئے۔ تفصیلات کے مطابق بلوچستان اور خیبر پختون خوا دہشت گردوں کے حملوں کی زد میں ہیں، آج بلوچستان کے اضلاع پشین میں آزاد امیدوار ا...
مولانا محمد نجیب قاسمیشریعت اسلامیہ نے ہر شخص کو مکلف بنایا ہے کہ وہ حقوق اللہ کے ساتھ حقوق العباد یعنی بندوں کے حقوق کی مکمل طور پر ادائیگی کرے۔ دوسروں کے حقوق کی ادائیگی کے لیے قرآن وحدیث میں بہت زیادہ اہمیت، تاکید اور خاص تعلیمات وارد ہوئی ہیں۔ نیز نبی اکرم صلی اللہ علیہ وسلم،...
پاکستان میں صارفین کے حقوق کی حفاظت کا کوئی نظام کسی بھی سطح پر کام نہیں کررہا۔ گیس، بجلی، موبائل فون کمپنیاں، انٹرنیٹ کی فراہمی کے ادارے قیمتوں کا تعین کیسے کرتے ہیں اس کے لیے وضع کیے گئے فارمولوں کو پڑتال کرنے والے کیا عوامل پیش نظر رکھتے ہیں اور سرکاری معاملات کا بوجھ صارفین پ...
خبر ہے کہ سینیٹ میں عام انتخابات ملتوی کرانے کی قرارداد پر توہین عدالت کی کارروائی کے لیے دائر درخواست پر سماعت رواں ہفتے کیے جانے کا امکان ہے۔ اس درخواست کا مستقبل ابھی سے واضح ہے۔ ممکنہ طور پر درخواست پر اعتراض بھی لگایاجاسکتاہے اور اس کوبینچ میں مقرر کر کے باقاعدہ سماعت کے بعد...
