... loading ...
... loading ...
رمضان المبارک کا آغاز ہوگیا۔ مسلمانوں کے لیے یہ مبارک مہینہ جسمانی، ذہنی اور روحانی تربیت کے طور پر انتہائی اہم ہے۔ یہ اہتمام خود خالق نے اپنی مخلوق کے لیے کیا ہے۔ چنانچہ مسلمانوں کے لیے جہاں انفرادی طور پر یہ مبارک مہینہ معنی خیز ہے، وہیں یہ اجتماعی طور پر بھی مسلمانوں کی سمت کا تعین اور منزل کی تلاش کا مبارک موقع ہوتا ہے۔ یہ بدقسمتی ہے کہ مسلمانوں کی اجتماعی زندگی کی تمام ترجیحات تبدیل ہوگئی ہیں۔ ایک مادہ پرست زندگی کے ساتھ بدترین سیاست نے ان کے شب وروز کو اپنی تحویل میں لے لیا ہے۔ یہاں تک کہ مسلمانوں کی مذہبی روح بھی اب خالص نہیں رہی۔ مسلم تہذیب جن سوتوں سے نمو پاتی ہے، جہاں سے زندگی کی حرارت لیتی ہے، وہ اب اللہ کے احکامات اور خاتم النبی حضرت محمدﷺ کی مبارک زندگی نہیں رہی۔ کہنے کو ہم مسلمان ہیں، مگر ہماری پوری زندگی کے فیصلے احکاماتِ الہٰی اور اسوہ حسنہ سے بے نیاز ہوچکے۔چنانچہ مسلمانوں کی زندگی میں اب نئے معبود پیدا ہوگئے ہیں، جن کو وہ زبان سے مانتے تو نہیں مگر عملاً وہ اس کی پیروی میں دن کو رات کرتے ہیں۔ عیش میں آسائش اور عشرت میں آرائش کے تصور نے مسلمانوں کی زندگی کو مادیت کی غلامی میں دے دیا ہے۔ اب ہماری انفرادی اور اجتماعی زندگی کے تمام احوال سیاست و معیشت کے گرد گھومتے ہیں۔ اور ایک حقیقی اخلاقی و روحانی زندگی ہمارا مرکز ومحور نہیں رہی۔ قومی ریاستوں کی حرکیات ہی کچھ ایسی ہے کہ دنیا تمام میں جہاں جہاں مسلمان ممالک ہیں وہاں مسلمانوں کی مذہبی وتہذیبی زندگی ، سیاسی و معاشی تحویل میںرہتی ہے۔ اس حوالے سے مسلم تحریکیں کوئی متبادل نظام دینے اور نیا عالمی تناظر پیدا کرنے میں مکمل ناکام رہی ہیں۔ اب سیاست، جمہوریت، معیشت ، کارپوریشنز ، ذرائع ابلاغ ہی ہمارا روز مرہ ہے اور اس پر کنٹرول رکھنے والی قوتیں ہی معاشرے کے بالادست طبقات ہیں۔ یہی ہماری معاشرتی و مذہبی زندگیوں پر اثراندازہوتے ہیں، اور ایسا کرنے کے لیے ان قوتوں نے خود مذہبی حلقوں سے ایسے تنگ نظر، لالچی مذہبی رہنما پیدا کرلیے ہیں جو دینی تصورات کی غلط سلط تعبیرات کرکے ان کی بالادستی کو قائم رکھنے میں معاون بنتے ہیں۔ یہ سب طاغوت کے سپاہی ہیں۔ اگر چہ ان کی وضع قطع مذہبی ہوتی ہے۔ ماہ رمضان ہمارے ان تمام باطل تصورات کو تبدیل کرنے کی تحریک پیدا کرسکتا ہے۔ کیونکہ اس میں اللہ رب العزت اپنے لطف ِ خاص سے مسلمانوں کے اذہان و قلوب کو مائل بہ خیر کردیتا ہے۔ اس ماہ کی مبارک ساعتیں جسم ہی نہیں ذہن کو بھی بدل دیتی ہیں۔ یاد رکھیں! ماہِ رمضان دینی لحاظ سے عبادتی روح کو غذا فراہم کرنے کا چمن زار ہے۔ یہ معبود سے عبدکے رشتے کو خالص کرنے کے ایاّم ہیں۔ یہ صرف انسانی جسم کو قبلہ رو کرنے کے ہی لمحات نہیں بلکہ ذہن کے سانچے کو بھی الہامی رخ دینے کی مبارک ساعتیں ہیں۔ رمضا ن المبارک میں اللہ رب العزت کے احکامات کی روشنی میں جسم کو کھانے پینے سے جہاں جہاں وقفے وقفے سے بچایا جاتا ہے ، وہیں انسانی رویوں کی تہذیب بھی مطلوب ہوتی ہے۔ چنانچہ مرغوبات سے احتراز کے ساتھ جھوٹ، غیبت ، بدکلامی، بداخلاقی اور بدعملی سے پرہیز کی تلقین بھی زیادہ شدت سے کی جاتی ہے۔ یہ عمل روح کی بالیدگی کا ذریعہ بنتا ہے۔مسلمان اس دنیا میں ایک عرصہ امتحان کے طور پر جیتے ہیں۔ جہاں اُنہیں اپنی انفرادی اور اجتماعی اعمال کو اللہ کے احکامات کے ماتحت رکھنا ہوتا ہے۔ یہ تصور انسان کو ہر قسم کی ذہنی غلامی سے بچاتا ہے۔ رمضان المبارک میں اللہ کی عبادت کے ساتھ جسم کو خالص کرتے ہوئے ذہن کو بھی ہر قسم کی غلامی سے نجات دلادی جائے تو حاکمیت کے مروجہ تصورات اپنی موت آپ مر جائیں گے ۔
آرمی چیف جنرل عاصم منیر نے کہا ہے کہ 9 مئی کے واقعات میں ملوث افراد کے خلاف آرمی ایکٹ اور آفیشل سیکرٹ ایکٹ کے تحت مقدمات کے لیے قانونی عمل کا آغاز ہو چکا ہے۔آئی ایس پی آر کے مطابق آرمی چیف نے لاہور کا دورہ کیا جس کے دوران انھوں نے جناح ہاؤس کا بھی جائزہ لیا۔آرمی چیف نے کور ہیڈ کو...
کراچی میں بلدیاتی انتخابات کی بمشکل تمام اختتام کے بعد الیکشن کمیشن نے اب مخصوص نشستوں پر پارٹیوں کے کوٹے کے اعلان کو التوا میں ڈال کر میئر کے انتخاب اور کراچی کے مختلف حلقوں سے عوام کے ووٹ لے کرمنتخب ہونے والے کونسلروں کو اختیارات دینے کاراستہ بند کیاہوا ہے،الیکشن کمیشن کی جانب ...
پاکستان تحریک انصاف کے وکیل سینیٹر بیرسٹر علی ظفر نے لاہور ہائیکورٹ کی جانب سے پی ٹی آئی کے 72 ارکان قومی اسمبلی کے استعفوں کی منظوری کا نوٹیفکیشن کالعدم قرار دینے کے فیصلے کو تاریخی قرار دیا ہے۔لاہور میں میڈیا سے گفتگو میں بیرسٹر علی ظفر نے کہا کہ لاہور ہائیکورٹ کا فیصلہ تاریخی ...
تحریک انصاف کے سربراہ عمران خان کو ایک روحانی اور صوفی ازم پر یونیورسٹی قائم کرنے کے الزام میں گرفتاری کے بعدپورے ملک میں شدید ہنگامہ آرائی جاری ہے،صورت حال کے بارے میں جو تفصیلات سامنے آئی ہیں ان کے مطابق شہر میں کسی بھی مقام پر تحریک انصاف کے کسی سطح کے قائدین نظر نہیں آئے جس ک...
چین کے وزیر خارجہ چن گانگ نے گزشتہ روز پاکستان کو چین کی جانب سے غیر مشروط حمایت کا یقین دلاتے ہوئے پاکستان حکام کو تلقین کہ پاکستان میں سیاسی اتفاق رائے ضروری ہے، سیاسی قوتیں مل بیٹھ کر سیاسی استحکام لائیں تاکہ پاکستان معاشی اور داخلی سطح پر ہمارے ساتھ آگے بڑھ سکے ہر معاملے پر آ...
انسٹی ٹیوٹ آف پالیسی اسٹڈیز (آئی پی ایس) میں گزشتہ روز ہونے والی ایک تقریب میں قانونی ماہرین نے رائے ظاہر کی ہے کہ امریکی قید میں پاکستانی شہری ڈاکٹر عافیہ کی رہائی کا معاملہ جتنی سیاسی جنگ ہے اتنی ہی قانونی جنگ ہے، قانونی راستے تلاش کرنے کے علاوہ، حکومت پاکستان کو ڈاکٹر عافیہ کی...
سپریم کورٹ میں ملک بھر میں انتخابات ایک ساتھ کرانے کے کیس کی سماعت کے دوران چیف جسٹس عمر عطابندیال نے کہا ہے کہ مذاکرات ناکام ہوئے تو اپنے فیصلے پر عمل درآمد کے لیے آئین استعمال کر سکتے ہیں، انتخابات والے فیصلے پر نظرِ ثانی کا وقت اب گزر چکا۔چیف جسٹس نے کہا کہ یہ عوامی اہمیت کے س...
انسانی حقوق کے نامور اور ڈاکٹر عافیہ صدیقی کیس کے وکیل کلائیو اسٹفورڈ اسمتھ نے کہا ہے کہ وہ ہ عافیہ صدیقی کو وطن واپس لانے کے لیے پاکستان میں موجود ہیں۔کراچی سٹی کورٹ میں بار ایسوسی ایشن جناح آڈیٹوریم میں وکلا سے خطاب کرتے ہوئے کلائیو اسٹفورڈ اسمتھ نے اپنے ملک کی غلطیوں کے لیے مع...
پاکستان کے وزیر خارجہ بلاول زرداری شنگھائی تعاون تنظیم کے اجلاس میں شرکت کے لیے بھارت پہنچ چکے ہیں، ایس سی او کے اس اجلا میں روس، چین، بھارت اور پاکستان کے علاوہ وسطی ایشیا کے 4 ممالک قازقستان، کرغزستان، تاجکستان اور ازبکستان بھی شامل ہیں۔ گوا کے اس اہم اجلاس میں روس کے وزیر خارج...
آج مئی کا پہلا دن ہے،آج مزدوروں کا دن ہے۔دنیا بھر میں ’ہر سال یکم مئی ’یوم مزدور‘ کے طور پر منایا جاتا ہے اس کی ابتدا 1886 سے امریکہ کے شہر شکاگو سے ہوئی۔ اس دن بہت سے ممالک میں شکاگو میں ہلاک ہونے والے مزدوروں کو خراج تحسین پیش کرنے کے ساتھ ساتھ مزدوروں کی فلاح و بہبود اور ان کے...
چیئرمین تحریک انصاف عمران خان نے گزشتہ روز اسلام آباد ہائی کورٹ میں صحافیوں سے غیر رسمی گفتگو میں کہا ہے کہ انتخابات کے لیے مذاکرات کرنے پر تیارہیں،لیکن اگر حکومت فوری اسمبلی توڑ کر الیکشن کرانا چاہتی ہے تو ہی بات کریں گے، اگر وہ دوبارہ وہی ستمبر اکتوبر کی بات کرتے ہیں تو کوئی ضر...
وزیرخزانہ اسحاق ڈار نے کہا ہے کہ پاکستان اور آئی ایم ایف کے درمیان اسٹاف لیول معاہدے کی تمام شرائط پوری ہوگئی ہیں۔ایک نجی چینل سے بات چیت کرتے ہوئے اسحاق ڈار نے کہا کہ سعودی عرب کی طرف سے پاکستان کو 2 ارب ڈالر دینے کی تصدیق کی گئی ہے۔اسحاق ڈار کا کہنا ہے کہ سعودی عرب اور یو اے ای...
