... loading ...
ملک بھر میں ایسا ماحول تیار ہونا شروع ہوگیا ہے کہ جیسے لگتا ہے کہ عام انتخابات کی ابھی سے تیاریاں شروع ہوگئی ہیں۔ تبھی تو تینوں صوبوں سندھ‘ پنجاب اورخیبر پختونخوا میں سیاسی جلسے جلوس شروع ہوگئے ہیں البتہ بلوچستان میں ابھی انتخابات کا ٹیمپو نہیں بن سکا ہے۔ نواز شریف نے ٹھٹھہ کے بعد اب حیدرآباد کا رخ کیا ، اس کے بعد ان کا رخ سکھر اور لاڑکانہ کی جانب ہوگا۔ لگتا ہے کہ نواز شریف کو کسی نے سمجھایا ہے کہ اگر ملک میں پاپولر لیڈر بننا ہے تو پھر سندھ اور خیبرپختونخوا کا رخ کرنا ہوگا اور وہاں توجہ دینا ہوگی۔ وہاں کے عوام کو اپنے ساتھ ملانا ہوگا اور پھر جب اکثریت ملے گی تب یہ تاثر پیدا ہوگا کہ اب مسلم لیگ (ن) حقیقی معنوں میں قومی پارٹی بن گئی ہے اور تمام صوبوں کو نمائندگی ملی ہے کیونکہ اس وقت صرف دو وفاقی وزراءکا تعلق سندھ سے ہے جبکہ ایک وفاقی وزیر حکیم بلوچ مستعفی ہوکرپی پی کے پلیٹ فارم سے دوبارہ ضمنی الیکشن لڑکر رکن قومی اسمبلی بن چکے ہیں۔ لیاقت جتوئی اور غوث علی شاہ پہلے ہی مسلم لیگ (ن) سے علیحدہ ہوکر بیٹھ گئے ہیں اس لیے اب ان کو سندھ پر توجہ دینا ہوگی ان کے سندھ بھر میں جلسے سیاسی ماحول میں مثبت تبدیلی قرار دی جارہی ہے، اگر ان کے جلسے جلوس اس طرح برقرار رہے تو 2018 ءکے عام انتخابات میں مسلم لیگ (ن) سندھ اور خیبرپختونخوا سے اچھی خاصی تعداد میں نشستیں لے سکتی ہے۔
دوسری جانب آصف علی زرداری نے پنجاب کا رخ کرلیاہے۔ وہ لاہور‘ ملتان میں جاکر پارٹی عہدیداروں اور کارکنوں سے ملے ہیں اور پھر وہاں جو خطاب کیا ہے اس سے مسلم لیگ (ن) مشتعل ہوگئی ہے ۔آصف زرداری کا یہ کہنا ایک لطیفہ ہوگا کہ حکومت پنجاب اور وفاقی حکومت ٹھیکوں میں کمیشن لیتی ہیں۔ حقیقت میں دیکھا جائے تو آصف زرداری نے سندھ میں کمیشن کلچر کو اب ختم کردیا ہے،کیونکہ اب تو پورا ٹھیکہ ہی فروخت ہوجاتا ہے۔ اِدھر ٹھیکے کا اعلان ہوا اُدھر حکومت نے ٹھیکے کی رقم جاری کردی اور ادھر ٹھیکیدار اور حکومت سندھ نے مل بانٹ کر پیسے لے لیے اور ٹھیکہ جائے بھاڑ میں۔ ایسا لگتا ہے کہ یہ تو آصف زرداری نے طنزیہ کہا کہ دیکھو پاگلوں کو؟ اب بھی ٹھیکوں پر کمیشن لیتے ہیں ،ہم کو دیکھو ہم ٹھیکہ ہی ہائی جیک کرلیتے ہیں، نہ رہے بانس نہ بجے گی بانسری۔ اس پر وزیر اعلیٰ پنجاب شہباز شریف نے برجستہ جواب دیا کہ ہم پر تنقید کرنے والے اپنے گریبان میں جھانکیں، ان کو سوائے ندامت کے کچھ ہاتھ نہیں آئے گا۔
بلاول بھٹو زرداری نے بھی پنجاب کے دورے کیے ہیں۔ لاہور سے فیصل آباد تک ریلی نکالی مگر اس کے باوجود بھی وہ مزید جلسے جلوسوں میں دلچسپی لیتے ہیں۔ دوسری جانب یوسف رضا گیلانی بھی پنجاب میں سرگرم ہوگئے ہیں اور وہ اس وقت ملتان ڈویژن‘ بہاولپور ڈویژن میں پارٹی کارکنوں‘ رہنماؤں کو سرگرم کرنے میں مصروف ہیں۔ پی پی نے اگر پنجاب میں زیادہ جلسے جلوس کیے تو اس کو سرائیکی بیلٹ میں کچھ کامیابی مل سکتی ہے مگر جنوبی پنجاب اور وسطی پنجاب میں مقبولیت کم ملے گی۔
ادھر تحریک انصاف کے سربراہ عمران خان نے بھی سندھ‘ پنجاب کے دورے شروع کردیے ہیں۔ عمران خان کی کوشش ہے کہ وہ سندھ اور پنجاب میں اپنی پارٹی کو مضبوط کریں لیکن عمران خان کی سندھ کے حوالے سے پالیسی کمزور ہے، ان کے پاس نادر اکمل لغاری جیسا بردبار رہنما تھا جو پڑھا لکھا اور سنجیدہ تھا مگر عمران خان نے ان کو گنوا دیا اور نادر اکمل لغاری نے تحریک انصاف کو چھوڑ کر پاکستان پیپلز پارٹی میں شمولیت اختیار کرلی۔ یوں ایک اچھے رہنما سے تحریک انصاف محروم ہوگئی لیکن وہ سندھ اور پنجاب کے دورے کریں گے تو مسلم لیگ (ن) اور پاکستان پیپلز پارٹی کو ٹف ٹائم دے سکتے ہیں مگر اس کے لیے بھی عمران خان کو ہوم ورک کرنا پڑے گا، مؤثر پالیسی بنانا ہوگی۔ اگر ایسا نہ کرسکے تو پھر ان کو سندھ سے کم ہی نشستیں مل سکیں گی۔ عام انتخابات میں کم از کم ڈیڑھ سال باقی ہے لیکن ابھی سے الیکشن کی تیاریاں بتا رہی ہیں کہ تینوں مقبول لیڈر الیکشن کی قبل از وقت تیاری کرچکے ہیں۔ دیکھا جائے تو آنے والے الیکشن میں مسلم لیگ (ن) کا تحریک انصاف سے ہی مقابلہ ہوگا۔ پی پی کے لیے ایک بڑا امتحان سر پر آگیا ہے کیونکہ پورے سندھ کے سیاسی مخالفین کو پی پی میں لایا گیا ہے اب الیکشن میں سندھ میں کرپشن‘ بیڈ گورننس اور رہنماؤں پر الزامات کے باعث کئی لیڈر پارٹی چھوڑ کر دوسری پارٹیوں میں جانے کے لیے تیار بیٹھے ہیں اور آصف زرداری چاہے کتنی باتیں کیوں نہ کریں عام الیکشن میں ان کو 2013 ءسے بھی کم سیٹیں ملیں گی۔
وزیراعظم محمد شہباز شریف نے وزیر خارجہ اسحاق ڈار کو نائب وزیراعظم مقرر کر دیا۔وزیراعظم نے وزیر خارجہ اسحاق ڈار کو نائب وزیراعظم مقرر کرنے کی منظوری دی۔کابینہ ڈویژن نے اس ضمن میں نوٹیفیکیشن جاری کر دیا ہے ۔وزیر خارجہ اس وقت وزیراعظم کے ہمراہ سعودی عرب کے دورے پر ہیں۔ حکومت پاکستان...
وزیراعظم شہبازشریف اور عالمی مالیاتی ادارہ (آئی ایم ایف) کی منیجنگ ڈائریکٹر کرسٹالینا جارجیوا کے درمیان سعودی عرب میں جاری عالمی اقتصادی فورم کے اجلاس کے دوران غیررسمی اہم ملاقات ہوئی جہاں پاکستان کے ایک اور قرض پروگرام میں داخل ہونے کے حوالے سے تبادلہ خیال کیا گیا۔تفصیلات کے مطا...
غزہ کے مظلوم فلسطینیوں کی حمایت میں امریکا سے شروع ہونے والا طلبہ کا احتجاج مزید وسیع ہوگیا ہے ۔ غیرملکی خبررساں ادارے کے مطابق اب برطانیہ، اٹلی، فرانس اور آسٹریلیا کے طلبہ بھی میدان میں آگئے ، انہوں نے اسرائیلی کمپنیوں سے تعلقات منقطع کرنے کی حمایت کی ہے۔ ادھر کولمبیا یونیورسٹی ...
حساس ادارے نے چھاپہ مار کارروائی میں کراچی اور بلوچستان کی پولیس کو انتہائی مطلوب دہشت گرد سمیت 3 افراد کو گرفتار کر کے اسلحہ برآمد کر لیا، گرفتار دہشت گرد کالعدم بی ایل اے کے لیے ریکی اور دہشت گردی کی متعدد واردتوں میں ملوث رہا ہے۔ تفصیلات کے مطابق دہشت گرد اور اس کے ساتھی کو اب...
درآمد شدہ گندم مقررہ ضرورت و اجازت سے زائد منگوائے جانے اورپرائیویٹ سیکٹر کو نوازے جانے کا انکشاف ہوا ہے ،بیوروکریسی کے غلط فیصلوں سے قومی خزانہ کو ایک ارب ڈالر کے نقصان کا سامنا ہے ۔ ذرائع کے مطابق نیشنل فوڈ سکیورٹی نے ضرورت سے زیادہ گندم ہونے کے باوجود 35 لاکھ 87 ہزار ٹن گندم د...
سکھ فار جسٹس نے بھارتی وزیر اعظم نریندر مودی کے خلاف عالمی عدالت میں جانے کا اعلان کیا ہے ۔غیرملکی خبررساں ادارے کے مطابق امریکا میں بھارت کی ناکام قاتلانہ سازش کا شکار سکھ رہنما گرپتونت سنگھ پنوں نے ایک بیان میں کہا ہے کہ وہ بھارتی وزیر اعظم مودی کے خلاف عالمی عدالت میں جائیں گے...
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...