... loading ...
... loading ...
موجود ہ خطرے سے دوچار سیکٹرزکے 11 ہزار افراد پر علاقہ خالی کرنے کا دباؤ ہے، ضلع کوٹلی سے تقریباً 9 ہزار اور ضلع بھمبھر سے ڈیڑھ ہزار خاندان نقل مکانی کر چکے
مودی پاکستان مخالف نعروں کی بنیاد پر حکومت میں آئے تھے اس لیے کشیدگی کو برقرار رکھنا ان کی مجبوری ہے کیوں کہ ان کی سیاست اسی کے گرد گھومتی ہے،تجزیہ نگار
پاکستان اپنی سرزمین پر بھارت کی جانب سے جاسوسی کی کئی کوششوں کو ناکام بنا چکا ہے جبکہ ہندوستان کے جارحانہ اقدامات سے خطے کا امن داؤ پر لگ چکا ہے۔پیر کے روز بھی بھارتی فوج نے لائن آف کنٹرول (ایل او سی) پر بلااشتعال فائرنگ کا سلسلہ جاری رکھا ،جس میں دو پاکستانی شہری شہید جب کہ 8 افراد زخمی ہوگئے۔ایک روز قبل بھارتی فائرنگ سے 4کشمیری بچے شہید ہوگئے تھے۔اسٹیٹ ڈیزاسٹر مینجمنٹ اتھارٹی مظفرآباد(ایس ڈی ایم اے) کے مطابق بھارت کی جانب سے جنگ بندی کی خلاف ورزیوں اور بلا اشتعال فائرنگ کی وجہ سے ایل او سی پر موجود خطرے سے دوچار علاقوں کے 11 ہزار افراد متاثر ہوئے ہیں، جن پر علاقہ خالی کرنے کا دباؤ ہے، جب کہ ضلع کوٹلی سے 8 ہزار 869 اور ضلع بمبھڑ سے 1588 خاندان نقل مکانی کر چکے ہیں۔آزاد کشمیر کے وزیر اعظم راجا فاروق حیدر کے مطابق بھارتی اشتعال انگیزی کی وجہ سے لائن آف کنٹرول کے ملحقہ علاقوں کی صورتحال انتہائی نازک ہے، بھارتی اشتعال انگیزی نہ رکی تو انہیں خدشہ ہے کہ ایل او سی پر رہنے والے 5 لاکھ لوگ متاثر ہونگے۔
دفاعی تجزیہ نگار جنرل (ر) امجد شعیب کا کہنا ہے کہ ہندوستانی وزیراعظم نریندر مودی پاکستان مخالف نعروں کی بنیاد پر حکومت میں آئے تھے اس لیے کشیدگی کو برقرار رکھنا ان کی مجبوری ہے کیوں کہ ان کی سیاست اسی کے گرد گھومتی ہے۔
انھوں نے بتایا کہ اس کی ایک وجہ کشمیر کا معاملہ ہے جو بھارت کے ہاتھ سے نکلا جا رہا ہے جس کی وجہ بہت سی انسانی حقوق کی خلاف ورزیاں ہیں۔ اس پر پاکستان کا واضح موقف ہے کہ ہم کشمیریوں کے حق خود ارادیت کی ترجمانی اور حمایت کرتے رہیں گے۔بھارت کو کشمیر کے لیے پاکستان کی یہ حمایت قبول نہیں ہے اس لیے جب بھی کشمیر میں کوئی مسئلہ ہوتا ہے بھارت اس سے توجہ ہٹانے کے لیے پاکستان کو لائن آف کنڑول پر مصروف کر دیتا ہے۔
بھارتی فوج کی جانب سے پیر کی صبح آزاد کشمیر کے ایل او سی پر نکیال سیکٹر میں شدید فائرنگ کی گئی۔اسسٹنٹ کمشنر نکیال سردار ذیشان نثار نے میڈیا کو بتایا کہ بھارتی فوج کی فائرنگ سے ایل او سی کے قریب واقع گاؤں چھوٹا نر دبسی کا رہائشی 40 سالہ الطاف اور متھرانی گاؤں کی رہائشی 30 سالہ نازیہ شہید ہوگئیں۔زخمی ہونے والوں میں پیر کلنجر گاؤں کے رہائشی 15 سالہ انیق احمد، 11 سالہ برہان سلیم اور اس کی 16 سالہ بہن نگہت سلیم، چھوٹا نر دبسی گاؤں کی رہائشی 25 سالہ فرزانہ، مہرا گاؤں کے رہائشی 48 سالہ محمد عظیم، ترکندی گاؤں کی رہائشی 34 سالہ الفاظ بیگم اور اولی پنجنی گاؤں کے مقصود جان شامل ہیں۔ ڈپٹی کمشنر کوٹلی کے مطابق بھارتی فوج نے نہ صرف نکیال تحصیل میں بلا اشتعال فائرنگ کی بلکہ ان کی اشتعال انگیزی سے تحصیل چھارہوئی اور خورطانہ بھی متاثر ہوئیں۔
یاد رہے کہ گزشتہ روز بھی ایل او سی پر بھارتی فوج کی بلا اشتعال فائرنگ سے 4 بچے شہید ہوگئے تھے، بھارتی فوج نے صبح ساڑھے 8 بجے بلااشتعال فائرنگ کردی تھی، بھارتی فوج کی اشتعال انگیزی کے بعد بٹل سیکٹر سمیت ایل او سی کے تمام علاقوں کے تعلیمی ادارے بند کردیے گئے ہیں۔اسٹیٹ ڈزاسٹر مینجمنٹ اتھارٹی ( ایس ڈی ایم اے) مظفرآباد کے کنٹرول روم آفیسر زعیم کے مطابق بھارتی فوج کی حالیہ خلاف ورزیوں اور بلااشتعال فائرنگ کی وجہ سے 5 اکتوبر 2016 سے اب تک 25 افراد شہید اور 87 افراد زخمی ہوچکے ہیں۔ایس ڈی ایم اے کے اہلکار کے مطابق بھارت کی جانب سے جنگ بندی کی خلاف ورزیوں اور بلا اشتعال فائرنگ کی وجہ سے ایل او سی پر موجود خطرے سے دوچار علاقوں کے 11 ہزار افراد متاثر ہوئے ہیں، جن پر علاقہ خالی کرنے کا دباؤ ہے، جب کہ ضلع کوٹلی سے 8 ہزار 869 اور ضلع بمبھڑ سے 1588 خاندان نقل مکانی کر چکے ہیں۔آزاد کشمیر کے وزیر اعظم راجا فاروق حیدر کے مطابق بھارتی اشتعال انگیزی کی وجہ سے لائن آف کنٹرول کے ملحقہ علاقوں کی صورتحال انتہائی نازک ہے، بھارتی اشتعال انگیزی نہ رکی تو انہیں خدشہ ہے کہ ایل او سی پر رہنے والے 5 لاکھ لوگ متاثر ہونگے۔
دفتر خارجہ کے ترجمان نفیس ذکریا کا کہنا تھا کہ بھارت پاکستان میں ہونے والی دہشت گردی میں ملوث ہے اورافغانستان کی زمین کو پاکستان کے خلاف استعمال کر رہا ہے، جب کہ پاکستان کو کمزور کرنے کے لیے بھی بھارت دہشت گردوں کی مالی معاونت کر رہا ہے۔لائن آف کنٹرول اور ورکنگ باؤنڈری پر بھارتی اشتعال انگیزی کے حوالے سے نفیس ذکریا کا کہنا تھا کہ ہندوستان کی جانب سے سیزفائر خلاف ورزیوں کے کئی مقاصد ہیں، اس کا ایک مقصد بھارتی حکومت پر اندرونی سیاسی دباؤ پر پردہ ڈالنا بھی ہے جبکہ ہندوستان کا پاکستان کے خلاف غلط بیان بازی کرنے کا مقصد اسے بدنام کرنا ہے۔ترجمان دفتر خارجہ کا کہنا تھا کہ بھارت کشمیری عوام کی جدوجہد کو دہشت گردی قرار دے کر کشمیر کی تحریک آزادی کو سبوتاژکرنے کی کوشش کر رہا ہے، لیکن ہندوستانی حکومت دنیا کے سامنے حقائق چھپانے میں ناکام ہو رہی ہے۔نفیس ذکریا کے مطابق بھارت کی جانب سے سیزفائر کی حالیہ خلاف ورزیوں کا ایک مقصد مقبوضہ جموں و کشمیر میں انسانی حقوق کی خلاف ورزیوں پر سے عالمی توجہ ہٹانا بھی ہے۔ان کا کہنا تھا کہ اقوام متحدہ اور عالمی طاقتوں سمیت خطے کے ممالک کو بھارت کے جارحانہ اقدامات کا نوٹس لینا چاہیے۔ترجمان دفتر خارجہ کا مزید کہنا تھا کہ پاکستان، بھارت کی جانب سے جنگ بندی کی حالیہ خلاف ورزیوں اور جارحیت کے معاملات کو اقوام متحدہ میں اٹھائے گا، پاکستان سفارتی تعلقات کو استعمال کرتے ہوئے دنیا کو اس بات پر قائل کرے گا کہ بھارت انسانی حقوق اور اقوام متحدہ کے قوانین کی خلاف ورزی میں ملوث ہے۔یاد رہے کہ 2 روز قبل پاکستانی فوج نے رکھ چکری سیکٹر میں بھارتی ڈرون کو تباہ کرکے تحویل میں لے لیا تھا، آئی ایس پی آر کے مطابق بھارتی ڈرون پاکستانی حدود میں 60 میٹر تک اندر آچکا تھا۔اس سے قبل ایک بھارتی آبدوز نے پاکستانی سمندری حدود میں گھسنے کی کوشش کی تھی، جسے پاکستان نے ناکام بنادیا تھا، ترجمان پاک بحریہ کے مطابق پاک بحریہ کے فلیٹ یونٹس نے پاکستان کے سمندری علاقے کے جنوب میں بھارتی آبدوز کی موجودگی کا سراغ لگایا اور اس کی نقل و حرکت کو محدود کر دیا تھا۔
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔ذرائع کے مطابق وزیراعظم شہباز شریف کی جانب سے بنائی گئی تحقیقاتی کمیٹی کا اجلاس ہوا۔ذرائع کے مطابق تحقیقاتی کمیٹی نے اجلاس میں نگراں دور کے سیکریٹری فوڈ محمد محمود کو بھی طلب کیا تھا، جوکمیٹ...
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
وفاقی وزیر اطلاعات و نشریات عطا اللہ تارڑ نے کہا ہے کہ کسی سوشل میڈیا پلیٹ فارم کی بندش کے حق میں نہیں۔نجی ٹی وی سے گفتگو کرتے ہوئے وفاقی وزیر عطا تارڑ کا کہنا تھا کہ سوشل میڈیا پلیٹ فارمز پاکستان میں کیوں دفتر نہیں کھولتے ، سوشل میڈیا پلیٹ فارمز کو پاکستان میں دفاتر کھولنے چاہئی...
یوم صحافت پر خضدار میں دھماکا، صحافی صدیق مینگل سمیت 3 افراد جاں بحق ہوگئے ۔پولیس کے مطابق خضدار میں قومی شاہراہ پر سلطان ابراہیم خان روڈ پر ریموٹ کنٹرول دھماکے سے ایک گاڑی کو نشانہ بنایا گیا۔ایس ایچ او خضدار سٹی کے مطابق ریموٹ کنٹرول دھماکے میں ایک شخص جاں بحق اور 10 افراد زخمی ...
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
