... loading ...
... loading ...
حکومت نے پاناما لیکس پر حزب اختلاف کے مطالبے کو وقت گزاری کا ایک مشغلہ بنا لیا ہے۔بعض مبصرین کے نزدیک ایک حکمت عملی کے طور پر اختیار کیے گئے اس طرزعمل کو خود حزب اختلاف کی بعض جماعتوں کی خاموش حمایت بھی حاصل ہے۔اس حکمت عملی کے تحت ہی حکومت نےاپنی اتحادی جماعتوں کے ساتھ مل کر پاناما لیکس کی تحقیقات کے لیے حزب اختلاف کے متفقہ ضابطہ کار کومکمل مسترد کر دیا ہے۔ حیرت انگیز طور پر حکومت نے حزب اختلاف کے ضابطہ کار کو مستردکرنے کے حوالے سے جوابی خط لکھنے کا فیصلہ بھی آئندہ ہفتے کے لیے موقوف رکھا ہے۔یہ ایک عجیب بات ہےکہ حکومت نے اپنا جوابی خط پہلے سے تیار بھی کر رکھا ہے جس کی تفصیلات سے اتحادی جماعتوں کو آگاہ بھی کیا گیا۔
حکومت کی طرف سے جوابی خط لکھنے کا پس منظر یہ ہے کہ دوروز قبل پانامہ لیکس کے معاملے پر تاحال معلق جوڈیشل کمیشن کے ضابطہ کار یعنی ٹی او آرزمقرر کرنے کیلئے قومی اسمبلی میں قائد حزب اختلاف اور پیپلز پارٹی کے رہنما سید خورشید شاہ نے وزیراعظم نواز شریف کو باضابطہ طور پر ایک خط لکھ تھا۔جس میں متحدہ حزب اختلاف کی طرف سے تحقیقات کے لیے طے کردہ ضابطہ کار کے تمام نکات بھی منسلک کردیے گئے تھے۔ قائد حزب اختلاف نے باربار یہ بھی باور کرایا تھا کہ حزب اختلاف نے وزیراعظم سے مستعفی ہونے کا مطالبہ نہیں کیا بلکہ ان کو موقع فراہم کیا ہے کہ وہ پارلیمنٹ میں آکر پاناما لیکس میں لگنے والے الزامات پر اپنی وضاحت پیش کرسکیں۔ حالانکہ حزب اختلاف میں یہ رائے کثرت سے موجودتھی کہ وزیراعظم کے مستعفی ہونے کامطالبہ کرنا چاہئے ۔پیپلزپارٹی کے ایک اور رہنما اعتزاز احسن نے اس حوالے سے خود حزب اختلاف کی منقسم آراء کے حوالے سے جو بات واضح کرنے کی کوشش کی تھی، اُس میں پیپلز پارٹی کو اس رائے کا ہمنوا ہونے کا تاثر دیا تھا جو وزیراعظم سے مستعفی ہونے کے حق میں پائی جاتی تھی۔ مگر پیپلزپارٹی کے رہنما خورشید شاہ نے باربار نامعلوم وجوہات کی بناء پر یہ تاثر دیا کہ متحدہ حزب اختلاف نے وزیر اعظم سے کسی استعفیٰ کا مطالبہ نہیں کیا۔
قائد حزب اختلاف نے اپنے انتہائی نرم موقف کااظہارکچھ ان الفاظ میں کیا تھا کہ حزب اختلاف نے ٹی او آرز میں وزیراعظم کو ہدف نہیں بنایا ، بلکہ جن جن لوگوں نے قرضے معاف کروائے یا آف شور کمپنیاں بنائیں ان سب کو کٹہرے میں لانے کی بات کی گئی ہے، البتہ وزیراعظم کو صرف اس لیے پہلے نمبر پر رکھا گیا ہے کیوں کہ وہ ملک کے چیف ایگزیکٹو ہیں۔
حکومت نے اس انتہائی نرم موقف پر متحدہ حزب اختلاف کے ضابطہ کار پرمذاکرات کا دروازہ کھولنے کے بجائےاسے اپنی اتحادی جماعتوں کے ساتھ مکمل مسترد کردیا ہے۔ حکومت نے چیف جسٹس کو لکھے گئے خط میں جو ضابطہ کار یعنی ٹی او آرز تحریرکیے اُس کے لیے حزب اختلاف تو کجا اپنی اتحادی جماعتوں تک کو اعتماد میں لینا مناسب نہیں سمجھا تھا مگر اِسے مسترد کرنے کے لیے اتحادی جماعتوں کو شامل ضرور کیا ہے۔ اس ضمن میں وزیراعظم نواز شریف کی سربراہی میں پانامہ لیکس کی تحقیقات کیلئے اپوزیشن کے تیار کردہ ٹی او آرز کا جائزہ لینے کیلئے حکومتی وزراء اور اتحادی جماعتوں کا ایک باقاعدہ اجلاس 7مئی کو منعقد کیا گیا۔جس میں اتحادی جماعتوں نے حزب اختلاف کے ضابطہ کار کو مسترد کردیا۔
وزیراعظم نے حکومتی وزراء اور اتحادی جماعتوں کو حزب اختلاف کی جماعتوں کو قائل کرنے کی ذمہ داری سونپتے ہوئے فیصلہ کیا کہ پانامہ لیکس کی تحقیقات عدالت عظمیٰ کو بھجوائے گئے ضابطہ کارکی روشنی میں ہی ہوں گی۔
واضح رہے کہ وزیراعظم کے زیر صدارت اتحادی جماعتوں اور وفاقی وزراء کے اجلاس میں جمعیت علماء اسلام (ف) کے سربراہ مولانا فضل الرحمٰن اور اکرم درانی ، نیشنل پارٹی کے سربراہ میر حاصل بزنجو، پختونخواہ ملی عوامی پارٹی (پی کے ایم اے پی) کے سربراہ محمود خان اچکزئی، جمعیت اہل حدیث کے پروفیسر ساجد میر اور پاکستان مسلم لیگ ضیاءالحق گروپ کے سربراہ اعجازالحق شریک تھے، ان کے علاوہ اجلاس میں وفاقی وزیر داخلہ چوہدرنثار، وفاقی وزیر خزانہ اسحاق ڈار، وفاقی وزیر دفاع خواجہ آصف، وفاقی وزیر برائے موسمیاتی تبدیلی زاہد حامد اور وفاقی وزیر اطلاعات پرویز رشید بھی شریک تھے۔
امریکی صدر ڈونلڈ ٹرمپ نے کہا کہ ایران امریکا کے ساتھ سمجھوتہ کرنے کے لیے بے تاب ہے اور وہ ڈیل ہونے کیلئے مر رہا ہے۔ تفصیلات کے مطابق ٹرمپ نے جنوبی ڈکوٹا ریاست میں امریکا کی 250 ویں سالگرہ کی تقریب سے خطاب کرتے ہوئے کہا کہ امریکا نے ایران کے سابق سپریم لیڈر علی خامنہ ای ک...
سنسنی خیز مقابلے کے بعد پنالٹی شوٹ آؤٹ میں4ـ2 سے شکست دیکر پہلی بار ورلڈ کپ کے ناک آؤٹ مرحلے میں کامیابی فیفا ورلڈ کپ میں مصر نے شاندار کارکردگی کا مظاہرہ کرتے ہوئے نئی تاریخ رقم کر دی اور آسٹریلیا کو سنسنی خیز مقابلے کے بعد پنالٹی شوٹ آؤٹ میں4ـ2 سے شکست دے کر پہلی بار ورلڈ ک...
روس ہر قیمت پر فتح حاصل کرے گا، نام نہاد امن کے داعی درحقیقت جنگ کو طول دینا چاہتے ہیں، روسی صدر روس نے یوکرین کے ایک اور شہر کوستیان تینیو پر قبضہ کر لیا، روسی صدر پوتن نے کہا ہے کہ روس ہر قیمت پر فتح حاصل کرے گا۔ روسی صدر ولادیمیر پوتن نے یوکرین اور اس کے مغربی حامیوں کو ...
سندھ طاس معاہدے کو سبوتاژ کرنے کی قیمت بھاری ہوگی،پاکستان اپنے جائز آبی وسائل پر غیرقانونی قبضہ ہر گز قبول نہیں کرے گا،پانی روکنے کی بھارتی کوشش کو جنگ تصور کیا جائے گا، اسحاق ڈار بین الاقوامی معاہدوں کی خلاف ورزی کے نتائج 2ممالک تک محدود نہیں رہتے،پاکستان امن کا داعی ہے اور ہم...
20 بچوں کو نکال لیا گیا، ملبے میں مزید بچے دبے ہونے کا خدشہ۔پولیس نے مالک دو بھائیوںفیضان اور ریحان کو حراست میں لے لیا، ایک سال سے ٹیوشن سنٹر چل رہا تھا کمرے کی چھت پر مزدور کام کررہے تھے جس کی وجہ سے چھت گری، 5گرفتار،صدر ووزیراعظم کا اظہار افسوس،وزیراعلیٰ کا صوبے کے اسکولوں کی...
ہم کسی بھی صورت بنیادی حق سے دستبردار نہیں ہوں گے ، پی ٹی آئی رہنما اختر مینگل اتحادی ہیں انہیں ساتھ لے کر چلیں گے،پریس کانفرنس سے خطاب سابق اسپیکر قومی اسمبلی اور پی ٹی آئی رہنما اسد قیصر نے دعوی کیا ہے کہ تحریک انصاف کے دور حکومت میں 400 لاپتا افراد کو بازیاب کرایا گیا۔ ا...
اسٹیٹ بینک نے بغیر قانونی اجازت بینک اکائو نٹس بلاک کرنے سے روک دیا عدالتی حکم پرعملدرآمدکی رپورٹ اسلام آباد ہائیکورٹ میں جمع کرا دی ،اعلامیہ سٹیٹ بینک آف پاکستان نے بغیر قانونی وجہ، مجاز اتھارٹی کی منظوری اور تصدیق کے اکائونٹس بلاک کرنے سے روک دیا ۔عدالتی حکم پر اسٹیٹ بینک ...
مصنوعی قلت پیدا کرنے اور مارکیٹ میں ہیرا پھیری کسی صورت برداشت نہیں کی جائے گی سندھ میں گندم اور آٹے کی مناسب قیمت پر بلا تعطل فراہمی یقینی بنائی جائے،سید مراد علی شاہ وزیراعلیٰ سندھ سید مراد علی شاہ نے محکمہ خوراک اور ضلعی انتظامیہ کو گندم کی ذخیرہ اندوزی اور ناجائز منافع خو...
رینجرز کیمپ پر حملے کی مذمت،شہید اہلکاروں کو خراج عقیدت، لواحقین سے تعزیت کا اظہار پاکستانی قوم اپنے وطن کی حفاظت اور دشمن کے مذموم عزائم کو خاک میں ملانے کیلئے پُرعزم چیئرمین پیپلزپارٹی بلاول بھٹو زرداری نے کراچی میں رینجرز کے کیمپ پر حملے کی مذمت کرتے ہوئے کہا کہ عالمی سطح ...
حملہ آوروں کا تعلق اسی تنظیم سے تھا، پاکستانی حکام بھارتی حمایت یافتہ دہشت گرد گروہ قرار دیتے ہیں جماعت الاحرار کی بنیاد اگست 2014میں رکھی گئی ، بانی عمر خالد خراسانی صحافت سے وابستہ رہے،ماہرین کراچی کے یونیورسٹی روڈ پر پاکستان رینجرز (سندھ)کے کیمپ پر ہونے والے دہشت گرد حملے ...
احتجاج ان کی خواہش نہیں بلکہ آخری آپشن ہے، دوبارہ احتجاج کرنا پڑا توپہلی گولی میرے سینے پر لگے گی، وزیراعلیٰ حکومت نے ہمیشہ عوامی خدمت کو ترجیح دی، اسی لیے عوام نے انہیں تیسری مرتبہ حکومت کرنے کا موقع دیا،خطاب وزیراعلیٰ سہیل آفریدی نے کہا ہے کہ بانی پی ٹی آئی سے ملاقات نہ...
شہباز شریف کا ملک کیخلاف دشمن کے ناپاک عزائم ناکام بنانے کے آہنی عزم کا اعادہ،پاکستان آج دنیا میں امن کے علمبردار کا کردار ادا کر رہا ہے، قوم اپنی افواج کے شانہ بشانہ کھڑی ہے پاکستان کی پرخلوص ثالثی کاوشوں کے نتیجے میں امریکا اور ایران کے درمیان تاریخی اسلام آباد مفاہمتی یادداشت...
