... loading ...
... loading ...
صوبہ خیبر پختونخوا کے ضلع چار سدہ میں واقع باچا خان یونیورسٹی میں دہشت گردوں کی جانب سے حملے میں اب تک کی اطلاعات کے مطابق ایک پروفیسر سمیت 20 افراد ہلاک ہو گئے ہیں ۔ جبکہ بیس سے زائد افراد زخمی ہیں۔اطلاعات کے مطابق تاحال یونیورسٹی کے اندر سیکیورٹی فورسز اور مسلح افراد کے درمیان فائرنگ کا تبادلہ جاری ہے۔جبکہ یونیورسٹی سے آنے والی بعض اطلاعات کے مطابق اب تک دو دھماکوں کی آوازیں بھی سنی گئی ہیں۔
چارسدہ یونیورسٹی میں قوم پرست رہنما باچا خان کی برسی کے موقع پر مشاعرے کا اہتمام کیا گیا تھا جس میں شرکت کے لئے طلبہ، اساتذہ اور عملے کی بڑی تعداد موجود تھی کہ اچانک فائرنگ کا سلسلہ شروع ہو گیا ۔یونیورسٹی کے وائس چانسلرڈاکٹر فضل الرحیم کے مطابق یونیورسٹی میں تین ہزار کے قریب طالب علم موجود تھے جبکہ چھ سو کے قریب مہمان بھی یونیورسٹی میں اُس وقت تھے۔ قانون نافذ کرنے والے اداروں کے مطابق اب تک کے آپریشن میں طلبا کی 70 فیصد تعداد کو بحفاظت باہر نکال دیا گیا ہے۔
جبکہ یونیورسٹی کا کل نوے فیصد حصہ بھی دہشت گردوں سے محفوظ کر لیا گیا ہے۔ تاہم دہشت گرد اب بھی یونیورسٹی میں موجود ہیں اور وہ دھند کا فائدہ اُٹھا رہے ہیں۔ جبکہ اسی دھند کے باعث قانون نافذ کرنے والے اداروں کو آپریشن میں مشکلات پیش آرہی ہیں۔اس دوران میں ایدھی ذرائع نے تصدیق کی ہے کہ اس حملے میں اب تک 20 افراد ہلاک ہو چکے ہیں۔ جن میں ایک پروفیسر بھی شامل ہیں ۔ جن کانام پروفیسر حامد حسین بتایا جا رہا ہے۔ ایک اطلاع کے مطابق دہشت گرد بوائز ہاسٹل کے کمروں میں چھپے ہوئے ہیں۔ پاک فوج کے شعبہ تعلقات عامہ آئی ایس پی آر کے مطابق چارسدہ یونی ورسٹی میں حملے کے بعد پاک فوج کے دستے بھی وہاں پہنچ گئے ہیں جب کہ یونی ورسٹی سے طلبہ کو بحفاظت باہر نکالنے کا کام ابھی تک جاری ہے۔
واضح رہے کہ گزشتہ روز بھی پشاور کے کارخانو بازار میں خاصہ دار فورس کی چیک پوسٹ پر خود کش حملے میں متعدد اہلکاروں سمیت 12 افراد جاں بحق اور 39 زخمی ہو گئے تھے۔
یہ پہلو اس اعتبار سے انتہائی پریشان کن ہے کہ صوبہ خیبرپختونخوا میں دہشت گردوں کی طرف سے تعلیمی اداروں پر حملوں کا رجحان کسی بھی دوسرے صوبے سے زیادہ ہے۔مگر اب تک اس پر کوئی ٹھوس معلومات میسر نہیں آسکی اور نہ ہی ذرائع ابلاغ نے اس پر سنجیدگی سے کام کرنے کی کوشش کی ہے کہ دہشت گرد اس صوبے میں تعلیمی اداروں کو نشانہ کیوں بنا رہے ہیں؟ گزشتہ ہفتے بھی سیکیورٹی خدشات اور دھمکی آمیز خطوط ملنے کے بعد پشاور میں کینٹ کے علاقہ نوتھیہ اور شہر میں واقع سرکاری اور نجی اسکولوں کو بند کردیا گیا تھا۔افسوس ناک طور پر اس کے بعد بھی پورے صوبے میں مطلوبہ درجے کی حساسیت پیدا نہیں ہو سکی۔
صوبے میں اب تک کا سب سے دل دہلا دینے والا واقعہ 16دسمبر 2014 کو پیش آیا تھا جب پشاور میں آرمی پبلک اسکول پر دہشت گردوں کے حملے میں 130 بچوں سمیت 150 افراد ہلاک ہوگئے تھے۔ مگر اب تک اس اندوہ ناک واقعے کے اصل اسباب کا سراغ نہیں لگایا جاسکا۔ آرمی پبلک اسکول پر حملے سے دو ماہ قبل یکم اکتوبر 2014ء کو بھی پشاور میں ایک اسکول پر دستی بم سےحملہ کیا گیا تھا جس میں ایک خاتون استاد ہلاک اور دومعصوم بچے زخمی ہو گئے تھے۔ آرمی پبلک اسکول سے پہلے ایک اور واقعہ 18 نومبر 2014ء کو پاک افغان سرحد پر واقع کرم ایجنسی کے ہیڈ کوارٹر پارا چنار میں پیش آیا تھا جب ایک اسکول وین کو بم سے نشانہ بنایا گیا تھا جس میں گاڑی کے ڈرائیور سمیت ایک بچہ ہلاک ہو گیا تھا۔
آرمی پبلک اسکول واقعے کے بعد بھی اس نوع کے واقعات ختم نہیں ہو سکے۔ اور 2015ء میں بھی دہشت گردی کے واقعات میں تعلیمی اداروں کو نشانہ بنانے کے واقعات پیش آتے رہے۔ جس میں سےایک واقعہ 29 اکتوبر 2015ء کو چارسدہ میں ہی شبقدر کے علاقے میں پیش آیا تھا۔ جب سرکاری اسکولوں کے باہر فائرنگ کی گئی تھی ۔ اسی طرح 3 نومبر 2015ء کو بھی نوشہرہ میں تین حملہ آوروں نے ایک گرلز اسکول کے باہر فائرنگ کی تھی۔ مگر ان واقعات میں سے کسی ایک واقعے میں بھی ملوث افراد کا کوئی سراغ نہیں لگایا جاسکا۔
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
سندھ کابینہ نے رینجرز کی کراچی میں تعیناتی کی مدت میں 180 دن کے اضافے کی منظوری دے دی۔ترجمان حکومت سندھ نے بتایا کہ رینجرز کی کراچی میں تعیناتی 13 جون 2024 سے 9 دسمبر 2024 تک ہے ، جس دوران رینجرز کو انسداد دہشت گردی ایکٹ 1997 کے تحت اختیارات حاصل رہیں گے ۔کابینہ نے گزشتہ کابینہ ا...
بھارتی وزیراعظم نریندر مودی انتخابات میں کامیابی کے لیے بھارتی مسلمانوں اور پاکستان کو دھمکی دے رہے ہیں ۔ دی وائر کے مطابق بی جے پی نے آفیشل انسٹاگرام ہینڈل کے ذریعے مودی کی ایک ویڈیو جاری کی ہے جس میں مودی کہتے ہیں کہ اگر کانگریس اقتدار میں آئی تو وہ ہندؤں کی جائیداد اور دولت م...
اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔غیرملکی خبررساں ادارے کے مطابق امریکی وزیر خارجہ انٹونی بلنکن سے ملاقات میں انہوں نے کہا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔اسرائیلی وزیراعظم کا کہنا تھا کہ حماس نے جنگ ...
جمعیت علمائے اسلام (جے یو آئی)کو کراچی میں جلسے کی اجازت نہیں ملی اس حوالے سے ڈپٹی کمشنر شرقی نے بتایا کہ جے یو آئی کو ایس ایس پی ایسٹ کی رپورٹ پر جلسہ کرنے کی اجازت نہیں دی گئی۔ ایس ایس پی ایسٹ کی رپورٹ میں کہا گیا ہے کہ شہر میں حالیہ دہشت گردی کے واقعات کے پیش نظر بڑے عوامی اجت...
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
غزہ میں مظالم کے خلاف اسرائیل کی مبینہ حمایت کرنے والی کمپنیوں کے بائیکاٹ کی مہم میں شدت آتی جا رہی ہے ۔ معروف امریکی فوڈ چین کے ایف سی نے ملائیشیا میں اپنے 100 سے زائد ریستوران عارضی طور پر بند کرنیکا اعلان کر دیا۔غیر ملکی میڈیا کے مطابق ملائیشیا میں امریکی فوڈ چین کی فرنچائز کم...
جمعیت علمائے اسلام کے سربراہ مولانا فضل الرحمان نے وزیراعظم شہباز شریف اور وزیراعلیٰ پنجاب مریم نواز کے شوہر کیپٹن (ر) صفدر کو طنز کا نشانہ بنایا ہے ۔لاہور میں فلسطین کانفرنس سے خطاب میں مولانا فضل الرحمان کا کہنا تھاکہ یہاں بلاوجہ شہباز شریف کی شکایت کی گئی اس بیچارے کی حکومت ہی...
وزیراعظم شہباز شریف نے کہا ہے کہ کرپشن کا ملک سے خاتمہ ہونے والا ہے ، ہم سب مل کر پاکستان کو انشااللہ اس کا جائز مقام دلوائیں گے اور جلد پاکستان اقوام عالم میں اپنا جائز مقام حاصل کر لے گا۔لاہور میں عالمی یوم مزدور کے موقع پر اپنی ذاتی رہائش گاہ پر تقریب سے خطاب کرتے ہوئے وزیرِ ا...
غیر قانونی طور پر بھارت کے زیر قبضہ جموں و کشمیر میں بی جے پی کے رہنما راجوری اور پونچھ میں مسلمانوں کو دھمکیاں دے رہے ہیں کہ وہ یا تو سنگھ پریوار کے حمایت یافتہ امیدوار کو ووٹ دیں یا1947 جیسی صورتحال کا سامنا کرنے کے لیے تیار رہیں۔ کشمیرمیڈیاسروس کے مطابق 1947میں جموں خطے میں ہن...
پی ٹی آئی نے جمعیت علما اسلام کے سربراہ مولانا فضل الرحمان سے فوری رابطے کا فیصلہ کیا ہے ۔ذرائع کے مطابق تحریک انصاف نے مولانا فضل الرحمان سے فوری رابطے کا فیصلہ کیا ہے ، جے یو آئی ف کے سربراہ کو احتجاجی تحریک میں شامل ہونے کے لیے باقاعدہ دعوت دی جائے گی۔ذرائع کے مطابق مذاکراتی ک...
