... loading ...
... loading ...
آج بہت دنوں بعد کسی کو خط لکھنے کے لئے قلم اٹھایا، تو خیال آیا کہ ہمیں دوست کا پتہ ہی معلوم نہیں ۔ سستی، بے پروائی اور وقت کی کمی کے بہانے تو پہلے بھی تھے، پھر بھی ہم طوعاً وکرہاً خط لکھ ہی لیا کرتے تھے۔ برق گرے اس ای میل پر جب سے ہم اپنے کمپیوٹر کے ذریعے انٹرنیٹ سے متصل ہوئے ہیں، ہمیں دوستوں کا پتہ نہیں اُن کا برقی پتہ محفوظ رکھنا پڑتا ہے۔ اور موبائل کی آمد کے بعد سے تو گویا قلم و کاغذ سے رہا سہا تعلق بھی جا تا رہا۔ خط و کتابت اب ماضی بعید کا قصہ بن چکا ہے۔ کورے کاغذ کی خوشبو ناک سے ٹکرائے اک عرصہ بیت گیا، زبان گوند کا ذائقہ ہی بھول گئی ہے اور آنکھوں نے ڈاکیے کی راہ تکنا چھوڑ دی ہے۔ اس برقی نامے نے خط و کتابت سے وابستہ سارا رومان ملیامیٹ کردیا ہے۔ اب تو آپ نے اپنا کھاتہ کھولا، پیغامات پڑھے، فوراً ہی ایڈیٹر پر جواب لکھا اور دے مارا۔ نہ خیالات صحیح سے مجتمع ہو پاتے ہیں، اور نہ ہی القاب و آداب کا اہتمام ہوتا ہے۔ حقیقت تو یہ ہے کہ انٹرنیٹ اور موبائل کے اپنے طریق اور آداب ہیں، جن کو etiquette کے وزن پر netiquette (یعنی نیٹ کے آداب) کہا جاتا ہے۔ پھر یہ بھی کہ تختہ کلید (کی بورڈ، کی پیڈ) میں وہ بات کہاں جو قلم و قرطاس کی گرفت میں ہوتی ہے۔ اور جس “رومن اردو” سے ہمارا مستقل سابقہ پڑتا ہے، اس سے متعلق ہمیں اپنے دوست رضا صاحب کی رائے سے مکمل اتفاق ہے کہ بندہ پاجامے پر ٹائی پہن لے، جان کو ’’jan‘‘ نہ لکھے۔
جی ہاں، بے چارے شاعروں کے لئے طبع آزمائی کا ایک اور باب بند ہو چلا ہے۔ اب کون نامہ برکو یوں کوسے گا:
چاند، بالا خانے، پنگھٹ اور رفو وغیرہ جیسے موضوعات، ٹیکنالوجی کی آمد کے باعث پہلے ہی متروک ہوچکے ہیں۔ اب تو نہ وہ انتظار کی تشنگی، نہ خط ملنے پر نشاط ، نہ فاصلے کا گمان اور نہ ہی نامہ گم ہونے کا اندیشہ، ور نہ تو:
اسے رجعت پسندی کہیں یا یادش بخیریا۔ مجھے کئی بار دوستوں کی طرف سے ایسا برقی رقعہ پڑھنے کو ملا جس میں انہوں نے اپنی پچھلی mail سے لاتعلقی کا اظہار کیا تھا۔ یعنی ’’میں جلدی میں تھا، نہ جانے کیا کیا لکھ گیا‘‘، یا ’’میرا ہرگز یہ مطلب نہیں تھا‘‘ یا ’’ پچھلے پیغام کو نظر انداز کردیں‘‘، وغیرہ وغیرہ۔
انٹرنیٹ پر باہمی دلچسپی پر قائم کئی برقی گروہوں میں ممبران بحث میں الجھتے ہیں، پھر وضاحتیں کرتے ہیں، پلٹتے ہیں، پھر جھپٹتے ہیں۔ یہ مانا کہ خط و کتابت کے دنوں میں بھی دنیا امن کا گہوارہ نہیں تھی پر دشمنیاں لمحوں میں نہیں بڑھتی تھیں، نہ دوستیاں چند ساعتوں میں سمٹتی تھیں۔ پہلے دشمنیوں پر فاصلے کی روک تھی، اب فاصلے صرف محبت میں ہی نہیں رقابتوں میں بھی سمٹ گئے ہیں۔ برقی زندگی آپ سے برقیانہ تقاضے کرتی ہے، ابھی ہم سوچ ہی رہے ہوتے ہیں کہ خود کو ’’send‘‘ کا بٹن دباتے ہوئے پاتے ہیں۔ اور کمان سے نکلے تیر کی طرح یہ باتیں واپس نہیں آتیں بلکہ حافظے کے ساتھ ساتھ کسی اور جگہ بھی محفوظ ہو جاتی ہیں اور سند کے طور پر دوبارہ پیش کی جا سکتی ہیں۔ موبائل کے روز افزوں استعمال نے، موبائل ہو یا انٹرنیٹ، برقی رقعے ہوں یا سماجی ابلاغ (social media)، ہر جگہ سوچ اور ابلاغ کا فاصلہ گھٹتا جا رہا ہے بلکہ اب ہمارے جہری خیالات (loud thinking) بھی مفاد عامہ کے لئے نہ جانے کہاں تک پھیل جاتے ہیں۔
پچھلے دنوں ہمارے ایک دوست نے نہ جانے کس ترنگ میں آکر اپنی منگیتر کو’’ پتہ پتہ، بوٹا بوٹا حال ہمارا۔۔۔‘‘ کا انگریزی ترجمہ برقی پیغام میں لکھ بھیجا یہ کام یعنی انہوں نے شاید پانچ منٹ میں کیا ہو۔ لیکن تھوڑی ہی دیر میں انہیں خیال آیا کہ اس اللہ کی بندی کو میری انگریزی اور شاعری کی کیا سمجھ آئے گی، کچھ کا کچھ مطلب نہ نکال لے۔ فوراً ہی دوسرا نامہ بھیجا کہ ’’ میری گزشتہ میل کو نظر انداز کردیں۔ یہ میرے خیالات نہیں تھے۔‘‘ ابھی یہ نامہ بھیجا ہی تھا کہ سوچنے لگے ’’یہ میرے خیالات نہیں تھے! کیا یہ میرے خیالات نہیں تھے، کیا میں واقعی یہ کہنا چاہتا تھا؟ وہ آخر کیا سوچے گی۔‘‘ اور انہوں نے دس منٹ کے اندر تیسری میل کی اس کے بعد دیر تک یہ سوچتے رہے کہ ان کے خیالات اصل میں ہیں کیا۔ خود بتاتے ہیں کہ کچھ عرصے پہلے تک وہ خط لکھتے تھے، پھاڑتے تھے، پھر لکھتے، پھاڑتے، حتیٰ کہ صبح سے شام ہوجاتی ۔ لیکن ان کے مخاطب کو ان کے خیالات کی بھنک نہیں پڑتی تھی۔
اب تک کم از کم خط و کتابت کے معاملے میں ہم بجلی کے محتاج نہ تھے، چاہے کتنے ہی دنوں کے لیے بجلی غائب ہو، ہمیں یاروں کو خط لکھنے اور انہیں وصول کرنے سے کوئی نہ روک سکتا تھا، علاوہ ڈاکیے کے ۔کچھ لوگ یوں نکتہ آرائی کرتے ہیں کہ اب پیغام رسانی کے لیے ہمیں انسانوں کی ضرورت نہیں، انسان تو انسان کسی بھی جاندار کے محتاج نہیں۔ صحیح بات ہے، اب ہمارے رقعے انسانی ہاتھوں سے نہیں بلکہ مشینوں سے گزر کر منزل تک پہنچتے ہیں اور مشینیں ان کے ساتھ کوئی سلوک نہیں کرتیں، من و عن پہنچا دیتی ہیں۔
اب یہ سہولت بھی برقی رقعے میں ہی ہے کہ اپنی تحریر کی کاربن کاپی بیسیوں لوگوں کو بیک وقت بھیجی جاسکتی ہے۔ گویا آپ کئی لوگوں سے بیک وقت کسی بھی طرح کا اظہار خیال کرسکتے ہیں اور ایسے کہ ہر کوئی یہ سمجھے کہ اس اظہار کا اکلوتا مخاطب وہ ہی ہے۔
مجھے اپنے کھاتے میں روز بے شمار پیغام وصول ہوتے ہیں، جن کا مخاطب ’’میں‘‘ نہیں بلکہ ایک مخفی گاہک ہوتا ہے، کسی کو میرا جلد رشتہ کرنے کی فکر، کوئی مجھے میرے قرض سے چھٹکارا دلانا چاہتا ہے۔ کوئی ٹھیک 90 دن کے اندر وزن دس پاؤنڈ تک گھٹانے کا نسخہ بتلاتا ہے اور کوئی میری نفسانی خواہشات کو چارہ ڈالتا ہے۔ غرض یہ کہ لگتا ہے اپنا ای میل اکاؤنٹ نہیں کھولا بلکہ بازار کا رخ کرلیا ہے۔ جہاں سب اپنی اپنی بولیاں بول رہے ہیں بلکہ لگا رہے ہیں۔ کانٹوں بھری راہ پر تو بندہ دامن بچالے، ماؤس کیونکر بچائے۔
جیسا کہ عرض کیا برقی خط تو اب پرانا قصہ ہو گیا۔ اب تو ہم اپنا ڈاکخانہ ساتھ لیے گھومتے ہیں ۔ جی ہاں ہمارا اشارہ موبائل کی جانب ہے۔
وفاقی حکومت کے منی بجٹ میں ٹیلی کام سروسز پر ایڈوانس ٹیکس کی شرح 10 فیصد سے بڑھا کر 15 فیصد کیے جانے سے 100 روپے کا بیلنس چارج کرنے والے صارفین کو اب 72.80 روپے کا بیلنس ملے گا۔ منی بجٹ کی تجویز کے مطابق اب صارفین کے 100 روپے کے بیلنس میں سے ایڈوانس ٹیکس کی مد میں 13 روپے کی کٹوت...
زندہ قومیں اپنی زبان کو قومی وقار اور خودداری کی علامت سمجھا کرتی ہیں اور اسی طرح قومی لباس کے معاملے میں بھی نہایت حساسیت کا مظاہرہ کرتی ہیں ۔ روس‘ جرمنی‘ فرانس اور چینی رہنما کسی بھی عالمی فورم پر بدیسی زبان کو اپنے خیالات کے اظہار کا ذریعہ نہیں بناتے، بلکہ اپنی ہی زبان میں...
وزیر اعظم نواز شریف کے مشیر عرفان صدیقی نے قومی زبان اردو کے سرکاری زبان کے طور پر نفاذ کے حوالے یہ اعتراف کیا ہے کہ اس میں صرف بیورو کریسی ہی رکاوٹ نہیں بلکہ اس سلسلے میں عدالتی فیصلے کے نفاذ کے خلاف مختلف وزراء بھی ہیں۔ان خیالات کا اظہار اُنہوں نے پاکستان قومی زبان تحریک کے زیر...
مجاہد بک اسٹال، کراچی کے راشد رحمانی نے لکھا ہے کہ آپ کو پڑھ کر ہم نے اپنی اردو درست کی ہے لیکن 11 اپریل کے اخبار میں مشتاق احمد خان کے کالم نقارہ کا عنوان ’’لمحہ فکریہ‘‘ ہے۔ ہے نا فکر کی بات! صحیح ’لمحہ فکریہ‘ ہے یا ’لمحہ فکر‘؟ عزیزم راشد رحمانی، جن لوگوں نے سید مودودیؒ کو ن...
ایک دوست کی فرمائش پر اردوڈائجسٹ خریدنے اسلام آبادکے ایک کتاب گھر جانا ہوا۔ غیر ارادی طور پرمالک سے گپ شپ شروع ہوگئی۔ کہنے لگا کہ ابھی بھی اردو ڈائجسٹ کے کافی قارئین ہیں لیکن سب معمر افراد ہیں۔ نوجوانوں میں خال خال ہی کوئی ڈائجسٹ خریدتا ہے حتیٰ کہ سب رنگ اور خواتین ڈائجسٹ کے ب...
جناب پرویز رشید وفاقی وزیر اطلاعات ہیں اور اس لحاظ سے تمام صحافیوں کے سرخیل ہیں۔ ان کا فرمانا ہمارے لیے سند ہے۔ لاہور کا معرکہ جیتنے پر وہ فرما رہے تھے کہ فلاں کی تو ضمانت تک ضَبَطْ (بروزن قلق‘ شفق‘ نفخ وغیرہ یعنی ضَ۔بَط) ہوگئی۔ اب جو مثالیں ہم نے دی ہیں نجانے ان کا تلفظ وہ کیا ک...
عدالتِ عظمیٰ کے حکم پر آئین کے مطابق قومی زبان اردو کو اس کا جائز مقام دینے کی کوششیں شروع ہوگئی ہیں۔ 1973ء کے آئین میں اردو کو سرکاری زبان بنانے کے لیے غالباً 10 سال کی مدت طے ہوئی تھی۔ ایسے کئی دس سال گزر گئے۔ لیکن اب عدالت نے نہ صرف حکم جاری کیا ہے بلکہ نئے منصفِ اعلیٰ نے اپنا...
روس چند ایسے تجربات کررہا ہے جن کے ذریعے وہ دیکھے گاکہ وہ ورلڈ وائیڈ ویب سے نکل سکتا ہے یا نہیں تاکہ ملک کے اندر اور بیرون ملک معلومات کی ترسیل کو گھٹایا جا سکے۔ ماہرین نے برطانیہ کے روزنامہ ٹیلی گراف کو بتایا ہے کہ یہ تجربات کسی بھی ممکنہ مقامی سیاسی بحران کی صورت میں معلوما...
پاکستان اور ترکی کے درمیان ثقافتی تعاون اب ایک نئے سنگ میل پر پہنچ گیا ہے کیونکہ دونوں ملک ترکی میں اردو تدریس کے 100 سال مکمل ہونے کا جشن منا رہے ہیں۔ 1915ء میں ترکی کی جامعہ استنبول کے دار الفنون، یعنی کلیہ ادبیات، میں اردو زبان و ادب کی تدریس کا باضابطہ آغاز ہوا تھا۔ اس تاریخی...
لسانی اعتبار سے امریکا کو دنیا پر ایک برتری حاصل ہے، ملک میں سب سے زیادہ بولی جانے والی زبانیں یعنی انگریزی اور ہسپانوی، دنیا بھر میں بھی سب سے زیادہ بولی جاتی ہیں۔ یہ سوال پیدا ہوتا ہے کہ کیا امریکی طلباء کو نئی زبانیں سیکھنے کی ضرورت نہیں ہے؟ ماڈرن لینگویج ایسوسی ایشن کی تحقیق...
بھارت کی مرکزی وزیر تعلیم اسمرتی ایرانی اپنے تیکھے تیوروں کے باعث مسلسل تنازعات میں رہتی ہیں۔ اب اُن کا تازہ تنازع ’’اردو دشمنی‘‘ کی شکل میں سامنے آیا ہے۔تفصیلات کے مطابق یوپی کے دارالحکومت لکھنؤ میں مرکزی وزیر اسمرتی ایرانی ایک اجلاس کے بعد جب ڈاکٹر منوہر میڈیکل یونیورسٹی سے نک...
بہترین تنخواہ اور معاشرے میں اعلیٰ مقام، بس آجکل دوڑ اِسی کی ہے۔ یہ ملازمتیں آپ کو ایک کامیاب اور بہتر زندگی تو دے سکتی ہیں لیکن یہ آپ کو تنہا کردیں گی۔ اگر آپ تنہائی پسند ہیں، تو یہ 10 ملازمتیں آپ کا بہترین انتخاب ہوسکتی ہیں۔ کھلاڑی کھلاڑی اپنے دن کا بیشتر وقت جم یا کھیل ک...
