... loading ...
... loading ...
سول عدالتوں کی تقسیم اوروکلاء پر دہشت گری کی دفعات کے تحت مقدمات کے اندراج کے خلاف احتجاج شدید ہنگامہ آرائی میں تبدیل ہوگیا،لاہور ہائیکورٹ میں داخل ہونے کے معاملے پر وکلاء اور پولیس کے درمیان تصادم کے نتیجے میں جی پی او چوک میدان جنگ بن گیا ، پولیس کی جانب سے وکلاء پر لاٹھی چارج ، آنسو گیس کی شیلنگ اور واٹر کینن کا استعمال کیا گیا جبکہ وکلاء نے پولیس پر پتھرائو کیا پانی کی بوتلیں اور ڈنڈے پھینکے ، پولیس اور وکلاء میں جھڑپوں کے نتیجے میں دونوں اطراف سے متعدد زخمی ہو گئے جبکہ پولیس نے 50سے زائد وکلاء کو حراست میں لے لیا ، پاکستان بار کونسل نے آج ( جمعرات) کے روز ملک گیر ہڑتال اور ریلیاں نکالنے کا اعلان کر دیا ۔ تفصیلات کے مطابق وکلاء کی جانب سے سول عدالتوں کی ماڈل ٹائون کچہری منتقلی اور وکلاء پر دہشتگردی کی دفعات کے تحت مقدمات کے اندراج کے خلاف لاہور بار ایسوسی ایشن میں جنرل ہائوس کا مشترکہ اجلاس منعقد کیا گیا جہاں طے پایا کہ مزید اجلاس لاہور ہائیکورٹ بار میں منعقد کیا گیا ،وکلاء بڑی ریلی کی صورت میں لاہور ہائیکورٹ جی پی او چوک پہنچے تاہم پولیس نے خاردار تاریں اور بیرئیر لگا کر وکلاء کو لاہور ہائیکورٹ کے احاطے میں داخل ہونے سے روک دیا ،وکلاء کی جانب سے دھکم پیل کی گئی جس سے بیرئیر گر گئے اور پولیس نے وکلاء پر لاٹھی چارج اور آنسو گیس کی شیلنگ شروع کر دی ،پولیس کی جانب سے احتجاجی وکلاء کو منتشر کرنے کیلئے واٹرکینن کا بھی بھرپور استعمال کیا گیا،پولیس کی طرف سے مزید نفری طلب کر لی گئی جبکہ لاہور ہائیکورٹ کے تمام دروازوں کو بھی بند کر دیا گیا ۔ تصادم کے دوران وکلاء کی جانب سے بھی پولیس پر پتھرائو کیا گیا ، پانی کی بوتلیں اور ڈنڈے پھینکے گئے ۔ پولیس اور وکلاء کے درمیان تصادم کی وجہ سے جی پی او چوک میدان جنگ بن گیا جس سے مال روڈ اور ملحقہ شاہراہوں پر ٹریفک کا نظام درہم ہونے سے گاڑیوں کی قطاریں لگ گئیں ۔ لاہورہائیکورٹ کے دروازے بند ہونے کی وجہ سے اپنے کیسز کی سماعتوں کے لئے آنے والے سائلین بھی محصور ہو کر رہ گئے ۔ پولیس اور وکلاء کے درمیان وقفے وقفے سے جھڑپوں کا سلسلہ جاری رہا جس سے کشیدگی بر قرار رہی ۔ ڈی آئی جی آپریشنز اور دیگر اعلیٰ پولیس افسران بھی موقع پر پہنچ گئے ،ایس ایس پی آپریشنز لاہور کے مطابق وکلا ء کے پتھراؤ کے بعد پولیس نے شیلنگ کی، وکلا ء کو پرامن ریلی نکالنے کی اجازت ہے ، وکلا ء نے پولیس پر تشدد کیا، وکلا ء نے قانون کو ہاتھ میں لینے کی کوشش کی، کسی کو قانون ہاتھ میں لینے کی اجازت نہیں دے سکتے۔ پولیس کے مطابق وکلاء نے اعلان کیا تھا کہ وہ لاہور ہائیکورٹ کے ججز کی عدالتوں کا گھیرائوکریں گے ، حفاظتی اقدامات کے تحت سکیورٹی کے انتظامات کئے گئے ۔ وزیراعلیٰ پنجاب مریم نواز شریف نے پولیس اور وکلاء میں تصادم کی اطلاع پر آئی جی پنجاب کو محاذآرائی سے گریز کرنے کی ہدایت کی ۔ سماجی رابطے کی ویب سائٹ پر پیغام میں مریم نواز نے آئی جی کو ہدایت کی ہے کہ وکلا ء کے خلاف طاقت کے استعمال سے گریز کریں، وکلا کو بھی چاہیے کہ وہ اپنے معاملات لاہور ہائیکورٹ کے ساتھ خوش اسلوبی سے حل کریں۔مریم نواز نے کہ لاہور کے شہریوں کے تحفظ کے لیے محاذ آرائی سے گریز کیا جائے ۔وکلا جوائنٹ ایکشن کمیٹی کے چیئرمین احسن بھون نے بتایا کہ پاکستان بار کونسل نے پورے پاکستان میں آج ( جمعرات) کے روز ہڑتال کی کال دے دی ہے ، آج نہ صرف پورے پاکستان میں ہڑتال ہوگی بلکہ ریلیاں بھی نکلیں گی، وکلاء عدالتوںمیںپیش نہیں ہوں گے ۔پولیس کی طرف سے ججز گیٹ پر پولیس کی بھاری نفری تعینات کر دی گئی جبکہ لاہور ہائیکورٹ کے احاطے میں بھی پولیس کی بھاری نفری موجود رہی ۔نجی ٹی وی کے مطابق پولیس تشدد کی اطلاع پر لاہور ہائیکورٹ کے اندر موجود وکلاء نے عدالتیں خالی کروائیں،وکلا ء کی جانب سے سائلین کو عدالتوں سے باہر نکال دیا گیا۔پولیس کے مطابق صورتحال تب خراب ہوئی جب وکلا ء نے لاہور ہائیکورٹ میں گھسنے کی کوشش کی اور پتھرا ئوکیا۔سینئر سپرنٹنڈنٹ پولیس آپریشن علی رضا نے بتایا کہ سپرنٹنڈنٹ پولیس ماڈل ٹائون اخلاق اللہ تارڑ ، دو ایس ایس ایچ اوز سمیت متعدد اہلکار زخمی ہوئے ، زخمی اہلکاروں کو طبی امداد کے لیے ہسپتال منتقل کیا گیا ہے ۔جبکہ وکلاء رہنمائوں کا کہنا ہے کہ پولیس کے لاٹھی چارج ،آنسو گیس کی شیلنگ اور واٹر کینن کے استعمال سے متعدد وکلاء شدید زخمی ہوئے جنہیں پولیس نے گرفتار کر لیا ۔ اطلاعات کے مطابق پولیس 50سے زائد وکلاء کو حراست میں لے کر قیدیوں کی وین میں ڈال کر وہاں سے لے گئی ۔صدر لاہور ہائیکورٹ بار اسد منظور بٹ نے کہا کہ جب تک مطالبات نہیں مانے جاتے احتجاج جاری رہے گا، پولیس نے وکلا ء کے پر امن مارچ پر تشدد کر کے زیادتی کی ہے ۔اسد منظور بٹ نے کہا آنسو گیس کی شیلنگ سے درجنوں وکیل زخمی ہوئے ہیں، عدالتوں کے تقسیم کے نوٹیفکیشن کو فوری واپس لیا جائے ، وکلا ء پر دہشت گردی کی دفعات کے تحت درج مقدمات خارج کیے جائیں، مطالبات تسلیم ہونے تک احتجاج جاری رکھیں گے ۔
عالمی برادری افغان حکومت پر ذمہ داریوں کی ادائیگی کیلئے زور ڈالے،سماجی و اقتصادی ترقی اور عوام کی فلاح و بہبود پاکستان کی اولین ترجیح،موسمیاتی تبدیلیوں کی وجہ سے مشکلات کا سامنا ہے تنازعات کا پرامن حل پاکستان کی خارجہ پالیسی کا بنیادی ستون ،فلسطینی عوام اور کشمیریوں کے بنیادی حق...
حکومت نے 23شرائط مان لیں، توانائی، مالیاتی، سماجی شعبے، اسٹرکچرل، مانیٹری اور کرنسی وغیرہ شامل ہیں، سرکاری ملکیتی اداروں کے قانون میں تبدیلی کیلئے اگست 2026 کی ڈیڈ لائن مقرر کر دی ریونیو شارٹ فال پورا کرنے کیلئے کھاد اور زرعی ادویات پر 5 فیصد فیڈرل ایکسائز ڈیوٹی لگائی جائیگی، ہا...
پارٹی کے اندر لڑائی برداشت نہیں کی جائے گی، اگر کوئی ملوث ہے تو اس کو باہر رکھا جائے آزادکشمیر و گلگت بلتستان میں میرٹ پر ٹکت دیں گے میرٹ پر کبھی سمجھوتا نہیں کیا،صدر ن لیگ مسلم لیگ(ن)کے صدر نواز شریف نے کہا ہے کہ این ایف سی ایوارڈ بھیک نہیں ہے یہ تو حق ہے، وزیراعظم سے کہوں گا...
تمام سیاسی جماعتیں اپنے دائرہ کار میں رہ کر سیاست کریں، خود پنجاب کی گلی گلی محلے محلے جائوں گا، چیئرمین پیپلز پارٹی کارکن اپنے آپ کو تنہا نہ سمجھیں، گورنر سلیم حیدر کی ملاقات ،سیاسی صورتحال پر تفصیلی تبادلہ خیال کیا ،دیگر کی بھی ملاقاتیں پاکستان پیپلز پارٹی کے چیٔرمین بلاول...
منظوری کے بعد ایک لیٹر پیٹرول 263.9 ،ڈیزل 267.80 روپے کا ہو جائیگا، ذرائع مٹی کا تیل، لائٹ ڈیزلسستا کرنے کی تجویز، نئی قیمتوں پر 16 دسمبر سے عملدرآمد ہوگا پیٹرولیم مصنوعات کی قیمتوں میں ردوبدل، پیٹرول کی قیمت میں معمولی جبکہ ڈیزل کی قیمت میں بڑی کمی کی تجویز پیش کی گئی ہے۔ ذ...
عزت اور طاقت تقسیم سے نہیں، محنت اور علم سے حاصل ہوتی ہے، ریاست طیبہ اور ریاست پاکستان کا آپس میں ایک گہرا تعلق ہے اور دفاعی معاہدہ تاریخی ہے، علما قوم کو متحد رکھیں،سید عاصم منیر اللہ تعالیٰ نے تمام مسلم ممالک میں سے محافظین حرمین کا شرف پاکستان کو عطا کیا ہے، جس قوم نے علم او...
حالات کنٹرول میں نہیں آئیں گے، یہ کاروباری دنیا نہیں ہے کہ دو میں سے ایک مائنس کرو تو ایک رہ جائے گا، خان صاحب کی بہنوں پر واٹر کینن کا استعمال کیا گیا،چیئرمین بیرسٹر گوہر کیا بشریٰ بی بی کی فیملی پریس کانفرنسز کر رہی ہے ان کی ملاقاتیں کیوں نہیں کروا رہے؟ آپ اس مرتبہ فیڈریشن ک...
دہشت گردی اور معاشی ترقی کی کاوشیں ساتھ نہیں چل سکتیں،شہباز شریف فرقہ واریت کا خاتمہ ہونا چاہیے مگر کچھ علما تفریق کی بات کرتے ہیں، خطاب وزیراعظم شہباز شریف کا کہنا ہے کہ جادوٹونے سے نہیں ملک محنت سے ترقی کریگا، دہشت گردی اور معاشی ترقی کی کاوشیں ساتھ نہیں چل سکتیں۔ وزیراعظم شہ...
پی ٹی آئی ملک کو عدم استحکام کا شکار کرنے کے ایجنڈے پر عمل پیرا ہے،اختیار ولی قیدی نمبر 804 کیساتھ مذاکرات کے دروازے بندہو چکے ہیں،نیوز کانفرنس وزیراعظم کے کوآرڈینیٹر برائے اطلاعات و امور خیبر پختونخوا اختیار ولی خان نے کہا ہے کہ پی ٹی آئی ملک کو عدم استحکام کا شکار کرنے کے ...
وزیر اعلیٰ پنجاب سندھ آئیں الیکشن میں حصہ لیں مجھے خوشی ہوگی، سیاسی جماعتوں پر پابندی میری رائے نہیں کے پی میں جنگی حالات پیدا ہوتے جا رہے ہیں،چیئرمین پیپلزپارٹی کی کارکن کے گھر آمد،میڈیا سے گفتگو پاکستان پیپلز پارٹی کے چیئرمین بلاول بھٹو زرداری نے کہا ہے کہ ملک میں ایک سیاسی...
قراردادطاہر پرویز نے ایوان میں پیش کی، بانی و لیڈر پر پابندی لگائی جائے جو لیڈران پاکستان کے خلاف بات کرتے ہیں ان کو قرار واقعی سزا دی جائے بانی پی ٹی آئی پر پابندی لگانے کی قرارداد پنجاب اسمبلی سے منظور کر لی گئی۔قرارداد مسلم لیگ ن کے رکن اسمبلی طاہر پرویز نے ایوان میں پیش کی...
شہباز شریف نے نیب کی غیر معمولی کارکردگی پر ادارے کے افسران اور قیادت کی تحسین کی مالی بدعنوانی کیخلاف ٹھوس اقدامات اٹھانا حکومت کی ترجیحات میں شامل ، تقریب سے خطاب اسلام آباد(بیورورپورٹ) وزیراعظم شہباز شریف نے کہا کہ وفاقی حکومت نیب کے ذریعے کسی بھی قسم کے سیاسی انتقام اور کا...
