... loading ...
... loading ...
پی آئی اے فروخت کرنے کی تمام تیاریاں مکمل ہو چکی ہیں۔ باخبر ذرائع کے مطابق ایس ای سی پی (سیکورٹی اینڈ ایکسچینج کمیشن آف پاکستان) میں ایک نئی کمپنی اس سلسلے میں رجسٹرڈ کر ائی گئی ہے۔ پاکستان ائیر ویز لمیٹڈ نامی کمپنی ایس ای سی پی میں 19 فروری کو رجسٹرڈ کی گئی ہے۔
وجود ڈاٹ کام کو انتہائی ذمہ دار ذرائع سے معلوم ہوا ہے کہ پی آئی اے کے تمام اثاثہ جات اسی کمپنی کے نام منتقل کئے جائیں گے۔پی آئی اے کی نجکاری اور اثاثہ جات کی فروخت موجودہ دور حکومت کی سب سے برہنہ بدعنوانی سمجھی جارہی ہے جس میں واضح طور پر اثاثہ جات کی مالیت اور اُس کی قیمت ِ فروخت میں زمین آسمان کا فرق بتایا جا رہا ہے۔ پی آئی اے کی نجکاری میں پی آئی اے کے اثاثہ جات کی فروخت کے جو اندازے لگائے جارہے ہیں ، وہ اس ڈیل کو مشکوک ثابت کرنے کے لئے کافی ہے۔ مثلاً پی آئی اے کے کے ڈی اے اسکیم میں واقع ایک اسپتال کی مارکیٹ میں قیمت کا اندازہ 20 کروڑ کا لگایا جارہا ہے جبکہ اس کی نجکاری میں قیمت فروخت 3 کروڑ تک لگائی گئی ہے۔ اسی طرح کارساز روڈ پر واقع ایک کلینک کے متعلق بتایا جارہا ہے کہ اس کی مالیت کسی بھی طور دس کروڑ سے کم نہیں ، مگر اِسے ایک کروڑ کی مالیت میں شامل کیا گیا ہے۔ اسی طرح گلستان جوہر کراچی میں پی آئی اے کے ایک تین ہزار مربع گز کے پلاٹ کی مارکیٹ ویلیو دس سے پندرہ کروڑ کی سمجھی جارہی ہے جبکہ اِسے نجکاری میں صرف پانچ لاکھ روپے میں فروخت کیا جارہا ہے۔
ذمہ دار ذرائع کے مطابق پی آئی اے کی نجکاری کی صورت میں سب سے زیادہ جھٹکا نیویارک میں واقع روزویلٹ ہوٹل کی فروخت میں لگایا جارہا ہے۔ جس کی مالیت ایک ارب امریکی ڈالر کے لگ بھگ ہے۔ مگر یہ انتہائی کم قیمت پر نجکاری کی بولی میں فروخت کیا جارہا ہے۔ اگر پی آئی اے پر واجب الادا قرضوں کو دیکھا جائے تو یہ دوسو ارب روپے بنتے ہیں۔ جس میں اصل قرضہ 122 ارب روپے کا ہے۔ اس کے علاوہ جو رقم ہے وہ سود کی ہے۔ عام طور پر اس قسم کی ڈیل میں سود کی رقم معاف کرالی جاتی ہے۔ اس طرح مجموعی طور پر 122 ارب روپے کے قرضے رکھنے والے اس ادارے کے مجموعی اثاثوں کی مالیت کا مارکیٹ کی سب سے کم ترین بولیوں کی شکل میں اندازہ لگایا جائے تو یہ کسی بھی طرح سے 4 سو ارب روپے سے زیادہ کے بنتے ہیں۔ اس طرح پی آئی اے کوڑیوں کے مول فروخت کی جارہی ہے۔ مگر پاکستان میں ان دنوں اس قسم کی بدعنوانیوں کو نہایت ایمانداری کے ساتھ دھڑلے سے کیا جارہا ہے۔ واضح رہے کہ پی آئی اے کی نجکاری میں نوازحکومت پر پہلے سے ہی یہ الزام عائد کیا گیا ہے کہ یہ دراصل حکمرانوں کی طرف سے اُن کے اپنے ہی قریبی لوگوں کو اونے پونے فروخت کی جارہی ہے۔
پاکستان ائیرویز لمیٹڈ کی ایس ای سی پی میں رجسٹریشن کا عکس
ایک طرف اس قسم کی ننگی بدعنوانیاں جاری ہیں اور دوسری طرف نوازشریف نے نیب کو بدعنوانیوں کی تحقیقات میں گرمجوشی دکھانے پر نہایت سخت پیغام دے کر اپنے دفاع پر مجبور کردیا ہے۔وجود ڈاٹ کام کو ملنے والی اطلاعات کے مطابق حکومت نے پی آئی اے کی نجکاری کی تمام تیاریاں مکمل کر لی ہیں ۔ اوروہ اِسے کسی بھی قیمت پر حتمی شکل دینے پر بضد ہے۔پاکستان ائیر ویز لمیٹڈ نامی کمپنی کی ایس ای سی پی میں رجسٹریشن کو اس جانب ایک قدم سمجھا جارہا ہے۔
دوسری طرف پی آئی اے کے ترجمان نے کہا ہے کہ پاکستان ائیر ویز کو دراصل پی آئی اے کی ایک ذیلی تنظیم کے طور پر رجسٹرڈ کیا گیا ہے۔ تاکہ ادارے کی کارکردگی کو بہتر بنایا جا سکے۔ مگر ترجمان نے اس کی وضاحت نہیں کی کہ ایک نئی کمپنی کے قیام سے پی آئی اے کی کارکردگی میں بہتری کیسے آسکے گی؟ نیز ایک ادارے کی موجودگی میں نئی کمپنی کا قیام آخر کیوں اور کیسے کسی پرانے ادارے کی بہتری کا ضامن ماڈل ہو سکتاہے؟ ترجمان کی وضاحت سے یہ بھی پتہ نہیں چلتا کہ کیا اس نئی کمپنی کے رجسٹرڈ کرائے جانے کے بعد پی آئی اے کے اثاثے اس کمپنی کو منتل کئے جاسکیں گے یا نہیں؟ معاملہ کچھ بھی ہو پاکستان ائیرویز کے قیام کے سے پی آئی اے کی نجکاری کے حوالے سے شکوک وشبہات میں کمی آنے کے بجائے مزید اضافہ ہو گیا ہے۔
حکومت کی جانب سے بجٹ کے حوالے سے آئی ایم ایف کو مطمئن کرنے کی کوششیں ، دونوں فریقین میںمذاکرات کا جاری ، ممکنہ خسارے کے ازالے کیلئے متبادل ریونیو اقدامات پر مشاورت حکومت کا فنانس بل میں شامل مختلف ٹیکس رعایتوں کی مکمل تفصیلات جاری کرنے سے گریز، تنخواہ دار طبقے کو دیے گئے ٹیکس ر...
میری وزیراعلیٰ خیبر پختونخوا سہیل آفریدی سے بات ہوگئی ہے،صوبائی حکومت صرف 3 ماہ کا بجٹ پیپر پاس کرے گی، آئین کا آرٹیکل 125 اجازت دیتا ہے، آپ 3 ماہ کا بجٹ پیپر پیش کرسکتے ہیں بانی پی ٹی آئی سے ملاقات تک حتمی بجٹ پیش نہیں ہوگا،30 جون تک بانی سے ملاقات نہ ہوئی تو خیبر پختونخوا...
ملزمہ سادہ کوکین 20ہزار فی گرام جبکہ گولڈن اسٹف40ہزار فی گرام فروخت کرتی تھی مقدمے میں نامزد پانچ ملزمان مفرور قرار ،پولیس نے گرفتاری کیلئے کارروائیاں تیز کر دی کراچی میں منشیات فروشی کے مبینہ بڑے نیٹ ورک کی مرکزی ملزمہ انمول عرف پنکی اور دیگر کے خلاف منشیات کے مقدمے کا عبوری...
منشیات کی ترسیل کے لیے انڈوں کے خول استعمال کیے جاتے تھے،ملزم شاہ فہد سہراب گوٹھ سے مختلف رائیڈرز کے ذریعے مختلف علاقوں میں سپلائی کیا جاتا تھا کراچی سائوتھ زون پولیس نے کارروائی کرتے ہوئے منشیات سپلائی کرنے والے ایک اور مبینہ منظم نیٹ ورک کا سراغ لگانے کا دعوی کیا ہے۔ گرفتار...
رواں سال ڈبل ڈیکر اور جدید الیکٹرک بسوں کی بڑی تعداد کراچی پہنچ جائے گی،شرجیل میمن نئی ڈبل ڈیکر اور ماحول دوست ای وی بسیں مرحلہ وار مختلف روٹس پر چلائی جائیں گی،گفتگو سندھ کے سینئر وزیر شرجیل انعام میمن نے کراچی کے شہریوں کے لیے پبلک ٹرانسپورٹ کے شعبے میں ایک اہم پیش رفت کا ا...
ایک شخص کی وجہ سے ملکی تناؤ ہے تو اسے باہر نکالیں، مجھے کہا جاتا ہے آپ تو عمران خان کیخلاف تھے، مخالف جیل میں ہاتھ پاؤں بندھا پڑا ہو تو اس کیخلاف بات نہیں کرتے،سربراہ جے یو آئی اسمبلی میں اپوزیشن لیڈروں کی تقریروں کو بلیک آؤٹ کیا جا رہا ہے، ہم نے کشمیریوں کی ماؤں بہنوں کی...
81ہزار ٹن خریداری ہدف سے کم، مقامی مارکیٹ اور پاسکو سے مزید گندم خریدنے کا فیصلہ ہاریوں کو مقررہ امدادی قیمت کی ادائیگی ہر صورت یقینی بنائی جائے،اجلاس میں تفصیلی جائزہ وزیراعلیٰ سندھ سید مراد علی شاہ کی زیر صدارت وزیراعلی ہاؤس میں محکمہ خوراک اور محکمہ زراعت کا مشترکہ اجلاس ...
عوام بخوبی جانتے ہیں کہ کس نے اسے بوری بند لاشوں کے تحفے دیے،سینئر صوبائی وزیر کراچی ملک کا معاشی حب اور سندھ کا دارالخلافہ ہے، خالد مقبول کے بیان پر سخت ردعمل سینئر صوبائی وزیر شرجیل انعام میمن کا خالد مقبول صدیقی کے بیان پر سخت ردعمل دیتے ہوئے کراچی کے عوام بخوبی جانتے ہیں ...
تحریکِ انصاف کی قیادت اور اپوزیشن اتحاد 16 جون بروز منگل دوپہر 3 بجے سے شام 7 بجے تک اڈیالہ جیل کے باہر ایک مضبوط اور پرامن عوامی طاقت کا مظاہرہ کرنے جارہے ہیں،خصوصی بیان اس احتجاج کے پیچھے کوئی سیاسی مقاصد یا توڑ پھوڑ نہیں بلکہ خالصتاً قانونی اور انسانی بنیادیں شامل ہیں، احتجاج...
پارٹی میں موجود بدعتوں کو اب نکالنا ہوگا جس کے دل میں پارٹی کی ذمہ داری کا شوق آیا وہ کچھ نہیں کر سکتا، ہم استعمال نہیں ہورہے کوئی اور استعمال ہو رہا ہے ، خالد مقبول صدیقی کی مصطفی کمال پر تنقید ایکسٹینشن والا لیڈر قوم کو کبھی ان کے حقوق نہیں دلوا سکتا جس لیڈر کا کریکٹر نہیں و...
حکومت اب بھی ایک لیٹر پیٹرول پر120 روپے سے زائد پیٹرولیم لیوی وصول کررہی ہے بہت تماشا ہوگیا وسائل پر قابض اشرافیہ عوام کے راستے سے ہٹ جائے،تقریب سے خطاب امیر جماعت اسلامی پاکستان حافظ نعیم الرحمن نے کہا ہے بجٹ میں آئی ٹی کے فروغ کے لیے کوئی جامع منصوبہ شامل نہیں۔ سات دہائیوں...
امریکا اور ایران کے درمیان مفاہمتی یادداشت پر دستخط اتوار کو نہیں ہوں گے جنگ کے خاتمے پر توجہ مرکوز کرنے والے اسلام آباد میمورنڈم پر عمل کیا جا رہا ہے ایرانی وزارت خارجہ کے ترجمان اسماعیل بقائی نے کہا ہے کہ امریکا سے معاہدے پرآج دستخط نہیں کر رہے ہیں۔ایک بیان میں اسماعیل بق...
