... loading ...
... loading ...
پاکستان تحریک انصاف کے چیئرمین عمران خان نے کہا ہے کہ ایجنسیز ہمارے لوگوں کو توڑ رہی تھیں لیکن جنرل (ر) باجوہ کہہ رہے تھے کہ ہم نیوٹرل ہیں، اب ساری چیزیں سامنے آ گئی ہیں، مجھے کچھ دیگر اشارے بھی ملے لیکن میں جنرل (ر) باجوہ پر اعتماد کرتا تھا، مجھے جنرل باجوہ کو ایکسٹینشن نہیں دینی چاہیے تھی، ایسے حالات بنا دیے گئے فوج میں سیاست شروع ہو جائے گی، جنرل باجوہ کی جانب سے ایکسٹینشن کے لیے پیغام بھجوایا گیا، ہم نے ان کو کہا صاف اور شفاف انتخابات کرا دیں آپ کو ایکسٹینشن دے دیں گے، جب ہمیں ہٹانے کا پلان بنا تو فوج کو کہا آپ کو ایکسٹینشن دے دیتے ہیں، ان کا منصوبہ 2021 کی گرمیوں میں بن گیا تھا، حسین حقانی کو ہماری حکومت میں ہائر کیا گیا اور اسے جنرل (ر) باجوہ نے ہائر کیا، جس نے امریکہ میں پوری مہم چلائی کہ عمران خان امریکہ مخالف ہے اور جنرل (ر) باجوہ کی تعریفیں کیں، ہمیں تو پتہ ہی نہیں تھا کہ ہماری حکومت میں دفتر خارجہ کے نیچے حسین حقانی کو اکتوبر 2021 میں ہائر کیا تھا، مجھے تو یہ بھی سمجھ نہیں آرہی تھی کہ ہوا کیا؟ یہ کہنا شروع ہو گئے کہ میں جنرل (ر)فیض کو آرمی چیف بنانا چاہتا ہوں لیکن میں نے ابھی تک سوچا بھی نہیں تھا جس کی وجہ سے آرمی چیف بننے کی دوڑ میں شامل امیدوار میرے خلاف ہو گئے، میرے ساتھ عوام اس لیے آئی کیونکہ انہیں ان تینوں کی شکلیں دیکھ کر غصہ آتا ہے، جیسے ہی ہمیں ہٹایا عوام نے ان لوگوں کو مسترد کر دیا، میں نے ڈیل نہیں کرنی تھی جنرل (ر) باجوہ نے این آر او ٹو دیا، ملک کی سب سے بڑ ی جماعت کو ختم اور ایم کیو ایم کو دوبارہ اکٹھا کیا جارہا ہے۔ نجی ٹی وی سے انٹر ویو میں گفتگو کرتے ہوئے عمران خان نے کہا کہ مجھ پر ہر روز کیسز پر کیسز بننا شروع ہوئے اور آڈیوز نکلنا شروع ہو گئیں، میں نے کہا میں نے تو کبھی نہ کہا تھا کہ میں کوئی فرشتہ تھا، گناہگار آدمی تھا، وزیر اعظم کی محفوظ لائن کون ٹیپ کر رہا تھا یہ آفیشل سیکریٹ ایکٹ کے خلاف ہے۔ انہوں نے کہا کہ گزشتہ عام انتخابات میں سندھ میں پیپلز پارٹی کو کھلا ہاتھ دیا گیا، 2018ء میں چیف سیکریٹری نے کہا کہ نگران حکومت کے ہوتے ہوئے وہاں پیپلز پارٹی کا کنٹرول ہے، سارے سندھ میں پولنگ اسٹیشنز پر پیپلزپارٹی کا کنٹرول ہے۔ انہوں نے کہا کہ شریفوں نے لندن میں چار فلیٹس بنائے جو یہاں سے چوری کیے گئے پیسے سے بنائے گئے ، وہ بتا نہیں سکے پیسہ آیا کہاں سے، کہا کہ قطریوں نے ہمیں فلیٹس گفٹ کر دیے ہیں، ان کو این آر او ٹو ملا، ملک کے یہ حالات پہلے کبھی نہیں تھے۔ انہوں نے کہا کہ میرے ساتھ ملک دشمن والا سلوک کیا گیا، دو ماہ پہلے کہہ دیا تھا مذہب کے نام پر قتل کر دیا جا ئے گا، جے آئی ٹی میں سب کچھ سامنے آ جائے گا۔انہوں نے کہا کہ اپنی ایف آئی آر درج نہیں کرا سکا کیونکہ یہاں جنگل کا قانون ہے۔ انہوں نے کہا کہ ضروری ہے کہ عوام اور فوج ایک پیج پر ہوں، آزادی کے لیے مضبوط فوج نا گزیر ہے۔ انہوں نے کہا کہ پاکستان میں دو کرپٹ خاندانوں نے ملکی اداروں کو نقصان پہنچایا، پاکستان میں کرپٹ لوگوں کو پکڑا نہیں جاتا، چوروں کو مسلط کر کے این آر او ٹو دیا گیا۔ جنرل (ر) باجوہ نے ایک دم کہنا شروع کر دیا معیشت پر توجہ دیں، ملک کے مسائل کا حل شفاف انتخابات ہیں۔ انہوں نے کہا کہ ایجنسیز ہمارے لوگوں کو توڑ رہی تھیں لیکن جنرل (ر) باجوہ کہہ رہے تھے کہ ہم نیوٹرل ہیں، اب ساری چیزیں سامنے آ گئی ہیں، یہ منصوبہ 2021 کی گرمیوں میں بن گیا تھا۔ شروع میں کافی شک تھے کہ کیا ہو رہا ہے، ہمیں سمجھ نہیں آرہا تھا ایک بات جنرل (ر)باجوہ کہتے تھے، ایک گراؤنڈ پر ہو رہی تھی۔ انہوں نے دعویٰ کیا کہ حسین حقانی کو ہماری حکومت میں ہائر کیا گیا اور اسے جنرل (ر) باجوہ نے ہائر کیا، جس نے امریکہ میں پوری مہم چلائی کہ عمران خان امریکہ مخالف ہے اور جنرل (ر) باجوہ کی تعریفیں کیں، حسین حقانی کی ٹوئٹ بھی ہے، ہمیں تو پتہ ہی نہیں تھا کہ ہماری حکومت میں دفتر خارجہ کے نیچے حسین حقانی کو اکتوبر 2021 میں ہائر کیا تھا، جب سے یہ سازش شروع ہوئی، اس کے ساتھ سی آئی اے کا بھی کوئی آدمی تھا، ہمارے دورے میں بطور لابسٹ ہائر ہوا تھا وہ میرے خلاف امریکہ میں کام کر رہا تھا۔ مجھے تو یہ بھی سمجھ نہیں آرہی تھی کہ ہوا کیا؟ یہ کہنا شروع ہو گئے کہ میں جنرل (ر) فیض کو آرمی چیف لگانا چاہتا ہوں، میں نے اس وقت اس حوالے سے سوچا ہی نہیں تھا، میں نے سنا کہ اس وجہ سے آرمی چیف بننے کی دوڑ میں شامل امیدوار میرے خلاف ہو گئے ہیں، مجھے اس کا بھی اندازہ نہیں تھا، یہ گیم چلائی گئی جس کی مجھے پوری طرح سمجھ نہیں آئی۔سابق وزیراعظم نے کہا کہ بعد ازاں، آہستہ آہستہ سمجھ آنا شروع ہوا کہ اس کے پیچھے پورا پلان تھا، اور پلان یہی تھا کہ شہباز شریف کو لانا ہے۔ اتحادیوں کے ساتھ حکومت کرنا مشکل ہوتی ہے اس لیے (ق) لیگ کو کہا پی ٹی آئی میں شامل ہو جائیں۔ اگر ملک میں انتخابات نہ ہوئے تو سری لنکا جیسی صورتحال پیدا ہو جائے گی۔ انہوں نے کہا کہ ملک کو کوئی نقصان پہنچتا ہے تو مجھے اور اسٹیبلشمنٹ کو دکھ پہنچے گا۔ عمران خان کہا کہ میں سوچتا تھا جو اسٹیبلشمنٹ ہے وہ میری طرح سوچتی ہو گی۔ میری جنرل باجوہ سے آخری ملاقات اگست کے قریب ہوئی۔ انہوں نے عجیب بات کی کہ آپ کے لوگوں کی فائلیں میرے پاس ہیں، آپ کے لوگوں کی آڈیوز اور ویڈیوز ہمارے پاس ہیں۔ جنرل (ر) باجوہ نے مجھے بھی کہا آپ بھی پلے بوائے تھے۔ میں نے جواب دیا میں نے تو کبھی یہ نہیں کہا میں فرشتہ تھا۔ انہوں نے کہا کہ شہباز شریف کو قبائلی علاقوں کا پتہ ہی نہیں، رانا ثنا اللہ کو بٹھا دیا ہے اسے بھی ان معاملات کا کچھ پتہ نہیں، یہ چھوٹا بدمعاش ہے جسے بٹھا دیا گیا ہے۔ ملک کے حالات سب کے سامنے ہیں، ٹیکنو کریٹ حکومت حالات نہیں سنبھال سکے گی۔ علاوہ ازیں عمران خان کی زیر صدارت پارٹی ترجمانوں کا اجلاس ہوا جس میں حکومت کے خلاف پارٹی بیانیے کو مزید موثر بنانے کی ہدایت کی گئی۔ ذرائع کے مطابق اجلاس کے دوران سابق وزیر اعظم عمران خان نے پارٹی ترجمانوں کو ہدایت جاری کرتے ہوئے کہا کہ عوام کو حکومت کی ناکامیوں سے متعلق آگاہی دی جائے، تباہ حال معیشت اور مہنگائی کے پس پردہ حقائق کو بھی عوام تک پہنچایا جائے۔ عمران خان نے ترجمانوں کو مزید تاکید کرتے ہوئے کہا کہ انسانی حقوق کی پامالیوں سے متعلق موثر آواز بلند کی جائے اور ملک بھر میں ہونے والی مہنگائی ریلیوں میں عوام کو متحرک کیا جائے، عوام کو یہ بھی بتائیں انہوں نے کس طرح این آر او ٹو سے فائدہ لیا ہے۔
سپریم کورٹ آف پاکستان نے سنی اتحاد کونسل کی مخصوص نشستوں کی درخواست پر پشاور ہائی کورٹ کا فیصلہ معطل کردیا۔پیر کو سنی اتحاد کونسل کی مخصوص نشستوں کے لیے دائر اپیل پر سماعت جسٹس منصور علی شاہ کی سربراہی میں جسٹس محمد علی مظہر اور جسٹس اطہر من اللہ پر مشتمل تین رکنی بینچ نے کی۔وفاق...
سپریم کورٹ آف پاکستان کے چیف جسٹس قاضی فائز عیسیٰ نے فیض آباد دھرنا کمیشن رپورٹ کے غیر مستند ہونے پر برہمی کا اظہارکرتے ہوئے ریمارکس دیے ہیں کہ انکوائری کمیشن کی رپورٹ پر مایوسی ہی ہوئی ہے ،فیض آباد دھرنا فیصلے پر عمل کرتے تو 9 مئی کا واقعہ بھی شاید نہ ہوتا،کہتے ہیں بس آگے بڑھو، ...
وفاقی وزیر پٹرولیم و فوکل پرسن پاک سعودی شراکت داری ڈاکٹر مصدق ملک نے کہا ہے کہ 30 سے 35 سعودی کمپنیوں کے نمائندے پاکستان میں توانائی ،ریفائنری ، زراعت، انفارمیشن ٹیکنالوجی اور دیگر شعبوں میں سرمایہ کاری کے لئے بات چیت کررہے ہیں،پہلے حکومت سے حکومت کی سطح پر معاہدے ہوئے ،اب بزنس ...
قومی اسمبلی کی پبلک اکائونٹس کمیٹی (پی اے سی)کے چیئرمین کا تنازع شدت اختیار کرگیا ہے اور اس نے پاکستان تحریک انصاف کی سیاسی کمیٹی کی جانب سے شیر افضل خان مروت کی جگہ شیخ وقاص اکرم کو کمیٹی کا چیئرمین بنانے کیلئے ووٹ دینے پر جماعت کے اعلیٰ عہدیداران کے درمیان اختلافات کو اجاگر کرد...
وزیر اعظم شہباز شریف نے ’ہر قیمت پر کسانوں کے مفادات کا تحفظ‘کرنے کا عہد کیا ہے ، جبکہ وفاقی حکومت میگا اسکینڈل کی جامع تحقیقات کرنے اور ذمہ داروں کے خلاف کارروائی کرنے سے گریزاں نظر آتی ہے ۔تفصیلات کے مطابق گزشتہ ہفتے درآمدات میں بے ضابطگیوں کی تحقیقات کے لیے بنائی گئی کمیٹی کے...
سعودی تجارتی وفد سرمایہ کاری کے باہمی تعاون کیلئے پاکستان پہنچ گیا۔ سعودی عرب کے نائب وزیر سرمایہ کاری ایچ ای ابراہیم المبارک کی قیادت میں 50ارکان پر مشتمل اعلیٰ سطحی تجارتی وفد پاکستان پہنچا۔ سرمایہ کاروں کے وفد کے دورہ پاکستان کے دور ان 10 ارب ڈالر تک کی سرمایہ کاری کے معاہدوں ...
اسرائیلی فوج کی وحشیانہ کارروائیاں جاری ہیں ، طولکرم میں مزید5 فلسطینی شہید کردئیے ، رفح میں ماں دو بچوں سمیت شہید جبکہ3 فلسطینی زخمی ہو گئے ۔ فلسطینی وزارت صحت کے مطابق اسرائیلی فورسز نے مقبوضہ مغربی کنارے کے شہر طولکرم کے قریب ایک قصبے میں رات کو کارروائی کے دوران 5 فلسطینیوں ک...
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
