وجود

... loading ...

وجود
وجود

’’تنقید‘‘ کواَب اِتنا بھی بُرا مت سمجھیں

پیر 21 نومبر 2022 ’’تنقید‘‘ کواَب اِتنا بھی بُرا مت سمجھیں

اگر آپ کا کوئی دوست یا بزرگ آپ کے کسی کام میں غلطی کی نشاندہی کرتا ہے یا آپ پر کوئی تنقید کرتا ہے تو کیا آپ اُس سے خفا ہوجاتے ہیں ؟ اگر ایسا ہے تویہ رویہ اس بات کا اظہار ہے کہ آپ خود پسندی کا شکار ہیں لیکن اگر آپ اپنے اوپر ہونے والی تنقید کے جواب میں اپنا ناقدانہ جائزہ لیتے ہیں اور جس غلطی کی جانب آپ کی توجہ مبذول کروائی جارہی ہوتی ہے اُسے درست کرنے کی اپنی سی مقدور بھر کوشش کرتے ہیںاور اپنے ناقد کو اپنا دشمن سمجھنے کے بجائے اُسے ایک مہربان شخص تصور کرتے ہیں تو پھر یقینا آپ عام لوگوں سے مختلف اور ایک عقلمند انسان ہیں اور اگر ایساہو کہ آپ کسی کی تنقید کو سرے سے محسوس ہی نہیں کر پاتے ہوں تو یہ اس بات کا علامت ہے کہ آپ ایک غبی یا بے وقوف شخص ہیں۔ہم میں سے اکثر نوجوان نہیں جانتے کہ تنقید ہوتی کیا ہے اور تنقید کا نشانہ بننے کے بعد کسی قسم کے ردعمل کا اظہار کرنا اُن کے لیئے فائدہ کا باعث ہوسکتا ہے ۔عام طور پر دیکھا گیا ہے کہ وہ انسان جو دوسروں کی تنقید کو پوری خندہ پیشانی اور صبر سے سنتا ہے اور اُس کی روشنی میں اپنے اطوار اور اعمال کا جائزہ لیتا ہے اور اگر تنقید جائز ہو تو پھر اپنی خامیوں کا دور بھی کرنے کی کوشش کرتا ہے تو یقینا ایسا انسان اپنی زندگی کے ہرقدم پر کامیاب و کامران رہتا ہے کیونکہ وہ یہ جانتا ہے کہ تنقید کرنے والا ہمیشہ غلط ہی نہیں بلکہ کبھی کبھار صحیح بھی ہوتاہے ۔ اس لیئے وہ رکتا ہے اور سوچتا ہے کہ مجھ سے کس مقام پر غلطی ہوئی یا کہاں میں نے غلط قدم اُٹھایا جو مجھے تنقید کا نشانہ بنایا جارہا ہے۔
ایک تحقیق کے مطابق ہم میں سے ہر شخص ہر روز 27 بار دوسرے شخص کو تنقید کا نشانہ ضرور بناتا ہے اب ہماری یہ تنقید کہاں تک درست ہوتی اور کہاں تک غلط ۔ہمارے لیئے عموماً اس سوال کی کوئی اہمیت نہیں ہوتی کیونکہ ہم میں سے ہرشخص کے اپنے اپنے خیالات ہوتے ہیں اور ان کے اظہار کا ہر ایک کے پاس اپنا وضع کردہ مکمل طریقہ کار بھی ہوتا ہے۔ جس طرح ہم دوسروں کے تنقیدی خیالات کی وجہ سے اکثر منہ بنا لیتے ہیں بالکل اُسی طرح ہمارے تنقیدی خیالات سے دوسرے بھی تکلیف محسوس کرتے ہوں گے ۔تنقید ہماری ہو یا پھر کسی دوسرے کی، زیادہ تر غیر ارادی ہی ہوتی ہے یعنی ہمارا مقصد ہر گز یہ نہیں ہوتا کہ ہم کسی کی خامیاں بیان کر کے اُس کو ذہنی اذیت پہنچائیں ۔بس یونہی کوئی بات ہوئی ،کسی نے کوئی کام کیا ،کسی نے اپنی پسند کا اظہار کیا،ہم نے اپنے خیالات ،اپنی پسند ناپسند کو الفاظ کا جامہ پہنا دیا اب یہ عموماً سننے والے پر ہے کہ وہ ہماری باتوں کو کس انداز میں لیتا ہے ۔زیادہ حساس افراد تنقید پر چیخ اُٹھتے ہیں کہ’’مجھے تمہارے الفاظ نے دُکھ پہنچایا‘‘اور تنقید کرنے والا جھٹ سے کہہ دیتا ہے کہ ’’ میں تو دوستانہ رائے دے رہا تھا تم تو یونہی بگڑ رہے ہو‘‘ لیکن تنقید سننے والا عام طور اس طرح کے جملوں پر کان نہیں دھرتا کیونکہ اُس کی ’’انا‘‘ اند ر سے اُسے چیخ چیخ کر کہتی ہے کہ اُس کے دوست کا مقصد اُسے تکلیف پہنچانا اور اذیت میں مبتلا کرنا تھا۔ہماری انا تو یہ ہی چاہتی ہے کہ ہم ہمیشہ ہر قسم کی تنقیدکی سختی سے مخالفت کریں اس طرح ہمار ی ’’انا ‘‘ ہم سے اپنا تحفظ کرواتی ہے لیکن جب یہ احساس حد سے زیادہ بڑھ جاتا ہے توہماری ’’انا ‘‘ طاقتور ہوتی جاتی ہے اور ہماری ’’عقل ‘‘میں کمزوری آنا شروع ہو جاتی ہے اور یوں ہم رفتہ رفتہ سمجھنے لگتے ہیں کہ ساری دنیا ہماری دشمن بن گئی ہے اور ہر شخص صرف ہمیں ہی مٹانا چاہتا ہے اس خیال کے زیرِ اثر آکر ایک دن اچانک ہم پوری دنیا کے خلاف اعلان جنگ کردیتے ہیں اور پھر اس جنگ کا انجام ہماری شکست پر آکر منتج ہوتا ہے۔بقول شاعر
انا کی جنگ میں ہم جیت تو گئے لیکن
پر اس کے بعد بہت دیر تک نڈھال رہے
جو شخص ہمارے جتنا قریب ہوتا ہے اُتنا ہی اُسکی تنقید ہمارے لیے تکلیف کا باعث بنتی ہے ۔اس کے مقابلے میں اگرکوئی اجنبی شخص ہماری جھوٹی تعریف میں ایک لفظ بھی کہہ دیتا ہے تو ہم پھولے نہیں سماتے ۔یہ تجزیہ کیے بغیر کے آیا یہ شخص جو کچھ کہہ رہا ہے یہ خوبی ہم میں واقعی پائی بھی جاتی ہے یا نہیں جبکہ اس کے مقابلے میں دوست کے الفاظ ،خواہ ان میں کتنا ہی خلوص اور سچ کوٹ کوٹ کر بھرا ہو اگر ہماری ’’انا ‘‘ کی تسکین اور خواہش کے مطابق نہیں تو ہم سخت صدمہ کا شکار ہو جاتے ہیں اور ہمیں عجیب عجیب گمان اور خیالات لاحق ہونے لگتے ہیںکہ یہ شخص ہمارے دوست کی شکل میں کہیں آستین کا سانپ تو نہیں ۔حالانکہ ہمیں اپنے قریب رہنے والے ہر شخص کی تنقید کی عزت کرنی چاہئے اور اس پر توجہ دے کرکم ازکم ایک بار اپنے دامن کو ضرور ٹٹولنا چاہئے کہ واقعی کہیں ہمارا ہی دامن تو کانٹوں سے بھرا ہوا نہیں ہے۔ ہم سے محبت کرنے والا اور ہمارے قریب رہنے والا ہوسکتا ہے کہ ہمارے بھلے کے لیے ہی ہم سے کچھ کہنے کی کوشش کر رہا ہو۔ہمیں یہ نہیں بھولنا چاہئے کہ ہم میں سے زیادہ ترافراد ہمیشہ اپنے آپ کو مظلوم سمجھتے ہیں ایسی خود رحمی اور خود ترسی کاشکار افراد آپ کو بہت ملیں گے یہ لوگ خود اپنے آپ پر ترس کھانے کے عادی ہوتے ہیں ،اپنی صحت پر ،اپنے ماحول پر اور اپنے حالات پر ۔وہ عموماً ہر وقت یہ ہی سمجھتے رہتے ہیں کہ اگر ان کے پاس بھی پیسے کی ریل پیل ہوتی ،حالات ساز گار ہوتے تو وہ کچھ اور ہی ہوتے لیکن کیا کریں قدرت بھی ہمیشہ ان کے ساتھ ناانصافی کرتی ہے اور دنیا بھی قدم قدم پر انہیں ہی باربار دھوکہ دیتی ہے۔خود رحمی و خود ترسی کا یہ مہلک رویہ اُن کی ’’ذہنی نشوونما‘‘ اور ’’کامیابی ‘‘کو خطرے میں ڈال دیتا ہے لیکن کیا کریں اپنے ساتھ مظلومانہ رویہ اختیار کرنے میں ہماری ’’انا ‘‘ کو بڑی تسکین ملتی ہے اور رفتہ رفتہ یہ ہماری فطرت کا ناگزیر حصہ بن جاتی ہے پھر ہم سوچنے لگ جاتے ہیں کہ ہم تو پیدا ہی اس لیئے ہوئے ہیں کہ ہم پر ظلم ڈھایا جائے ۔
اس طرح کے خیالات سے چھٹکارے کا ایک ہی طریقہ ہے کہ ہم اپنے پیاروں کی تنقید کو اپنی بہتری کا انتہائی بہترین وسیلہ سمجھیں اور اس سے اپنی خامیاں دور کرنے میں مدد حاصل کریں ۔اگر ہمارا کوئی پیار کرنے والا ہمارا بزرک یا دوست ہماری کسی کمزوری کی طرف اشارہ کرتا ہے تو اس کی تنقید میں ہمیں ’’محبت کی جھلک ‘‘ ضرور نظر آنی چاہئے ۔اُس کے اعتراض میں ہی ہمارے لیے ہمدردی اور محبت پوشیدہ ہے وہ آپ کو اپنا سمجھتا ہے جب ہی تو چاہتا ہے کہ آپ میں یہ بدنما کمزوری نہ رہے ۔اگر دوست ہی دوست سے بے تکلف نہ ہوتو پھر ایسی دوستی کس کام کی ۔یعنی کیا آپ اپنے آپ کو شیشہ کا بنا ہوا سمجھتے ہیں کہ ہمارے پیار کرنے والے ہر وقت ہم سے بات کرتے وقت ڈرتے ہی رہیں کہ کہیں اُن کے منہ سے نکلا ہوا کوئی لفظ ہماری ’’انا ‘‘ پر قہر بن کر نہ گر جائے اور یوں ہماری شیشے کی بنی شخصیت ٹوٹ کر ریزہ ریزہ نہ ہوجائے ۔اگر ہمارے اردگرد رہنے والے افراد اسی ڈر کے اثیر ہو کر رہ جائیں گے تو پھر ہم سے کوئی بھلا بات ہی کیوں کرے گااور یوں رفتہ رفتہ ہمارے اردگرد سجی ہوئی رنگین محفلیں ویران ہوکر بہت جلد شامِ غریباں کا منظر پیش کرنے لگیںگی ۔کیا اس سے بہتر یہ نہیں ہے کہ ہم اپنے پیاروں کی تنقید پر اُن کی شکر گزاری کریں کہ جن کی وجہ سے ہمیں اپنی خامیاں پر نظر کرنے کا ایک موقع میسر آرہا ہے وگرنہ کسی غیر کو کیا مطلب کہ جو وہ اپنا قیمتی وقت آپ کی کتابِ زیست کے مطالعے میں صرف کرکے آپ کو اس میں درج آپ کی غلطیاں اور خامیاں بتا تا پھرے ۔اس لیے ہمیشہ یہ بات گرہ باندھ لیں کہ جو شخص بھی آپ پر تنقید کرتا ہے وہ آپ کا حقیقی ہمدرد ہے اور اُس کی طرف سے کی جانے والی تنقید آپ سے بے پناہ محبت کے جذبہ کا اظہار ہی ہے۔کسی کے لفظوں کو سُن کربظاہر نہ آپ کا خون بہتا ہے اور نہ آپ کے ہاتھ پاؤں ٹوٹتے ہیں مگر اُسکے باوجود الفاظ کے زخموں کو برداشت کرناکسی بھی شخص کے لیے مشکل ترین کام ہوتاہے۔الفاظ کی چوٹ وہی شخص برداشت کرسکتا ہے جو ظاہری سطح سے بلند ہوکر چیزوں کو دیکھنے کا عادی ہو۔اس زاویہ نگا ہ سے اگر آپ بھی سوچیں گے تو آپ کے پیاروں کے ’’تنقید کے نشتر ‘‘ آپ کے لیے’’ احسانات کے تحفے ‘‘بن جائیں گے ۔الفاظ تو ایسی بے رنگ کی تصویروں کی مانند ہوتے ہیں جن میں آپ اپنی پسند کے کوئی بھی رنگ بھر سکتے ہیں ۔اپنے پیاروں کے تنقیدی الفاظ میں ہمیشہ ’’بھلائی کے رنگ‘‘بھریں آپ دیکھیں گے اس طرزعمل سے آپ کی زندگی رنگین ہوجائے گی جو نہ صرف آپ کو بھلی معلوم ہوگی بلکہ دوسروں کے لیے بھی قابل تعریف اور قابل تقلید بن جائے گی۔
٭٭٭٭٭٭٭


متعلقہ خبریں


مضامین
پڑوسی اور گھر گھسیے وجود جمعه 29 مارچ 2024
پڑوسی اور گھر گھسیے

دھوکہ ہی دھوکہ وجود جمعه 29 مارچ 2024
دھوکہ ہی دھوکہ

امریکہ میں مسلمانوں کا ووٹ کس کے لیے؟ وجود جمعه 29 مارچ 2024
امریکہ میں مسلمانوں کا ووٹ کس کے لیے؟

بھارتی ادویات غیر معیاری وجود جمعه 29 مارچ 2024
بھارتی ادویات غیر معیاری

لیکن کردار؟ وجود جمعرات 28 مارچ 2024
لیکن کردار؟

اشتہار

تجزیے
پاک ایران گیس پائپ لائن منصوبہ وجود منگل 27 فروری 2024
پاک ایران گیس پائپ لائن منصوبہ

ایکس سروس کی بحالی ، حکومت اوچھے حربوں سے بچے! وجود هفته 24 فروری 2024
ایکس سروس کی بحالی ، حکومت اوچھے حربوں سے بچے!

گرانی پر کنٹرول نومنتخب حکومت کا پہلا ہدف ہونا چاہئے! وجود جمعه 23 فروری 2024
گرانی پر کنٹرول نومنتخب حکومت کا پہلا ہدف ہونا چاہئے!

اشتہار

دین و تاریخ
رمضان المبارک ماہ ِعزم وعزیمت وجود بدھ 13 مارچ 2024
رمضان المبارک ماہ ِعزم وعزیمت

دین وعلم کا رشتہ وجود اتوار 18 فروری 2024
دین وعلم کا رشتہ

تعلیم اخلاق کے طریقے اور اسلوب وجود جمعرات 08 فروری 2024
تعلیم اخلاق کے طریقے اور اسلوب
تہذیبی جنگ
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی وجود اتوار 19 نومبر 2023
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی

مسجد اقصیٰ میں عبادت کے لیے مسلمانوں پر پابندی، یہودیوں کو اجازت وجود جمعه 27 اکتوبر 2023
مسجد اقصیٰ میں عبادت کے لیے مسلمانوں پر پابندی، یہودیوں کو اجازت

سوئیڈش شاہی محل کے سامنے قرآن پاک شہید، مسلمان صفحات جمع کرتے رہے وجود منگل 15 اگست 2023
سوئیڈش شاہی محل کے سامنے قرآن پاک شہید، مسلمان صفحات جمع کرتے رہے
بھارت
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا وجود پیر 11 دسمبر 2023
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا

بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی وجود پیر 11 دسمبر 2023
بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی

بھارتی ریاست منی پور میں باغی گروہ کا بھارتی فوج پر حملہ، فوجی ہلاک وجود بدھ 22 نومبر 2023
بھارتی ریاست منی پور میں باغی گروہ کا بھارتی فوج پر حملہ، فوجی ہلاک

راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات وجود جمعه 27 اکتوبر 2023
راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات
افغانستان
افغانستان میں پھر شدید زلزلے کے جھٹکے وجود بدھ 11 اکتوبر 2023
افغانستان میں پھر شدید زلزلے کے جھٹکے

افغانستان میں زلزلے سے تباہی،اموات 2100 ہوگئیں وجود اتوار 08 اکتوبر 2023
افغانستان میں زلزلے سے تباہی،اموات 2100 ہوگئیں

طالبان نے پاسداران انقلاب کی نیوز ایجنسی کا فوٹوگرافر گرفتار کر لیا وجود بدھ 23 اگست 2023
طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شخصیات
معروف افسانہ نگار بانو قدسیہ کو مداحوں سے بچھڑے 7 سال بیت گئے وجود اتوار 04 فروری 2024
معروف افسانہ نگار بانو قدسیہ کو مداحوں سے بچھڑے 7 سال بیت گئے

عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

معروف شاعرہ پروین شاکر کو دنیا سے رخصت ہوئے 29 برس بیت گئے وجود منگل 26 دسمبر 2023
معروف شاعرہ پروین شاکر کو دنیا سے رخصت ہوئے 29 برس بیت گئے
ادبیات
عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

سولہویں عالمی اردو کانفرنس خوشگوار یادوں کے ساتھ اختتام پزیر وجود پیر 04 دسمبر 2023
سولہویں عالمی اردو کانفرنس خوشگوار یادوں کے ساتھ اختتام پزیر

مارکیز کی یادگار صحافتی تحریر وجود پیر 25 ستمبر 2023
مارکیز کی یادگار صحافتی تحریر