... loading ...
... loading ...
جنسی اور تولیدی صحت کے ادارے اقوام متحدہ کے پاپولیشن فنڈ (یو این ایف پی اے) نے سیلاب سے متاثر ہونے والی خواتین کی تاریک تصویر پیش کرتے ہوئے کہا ہے کہ ان علاقوں میں کم از کم ساڑھے 6 لاکھ حاملہ خواتین کو، جن میں سے 73 ہزار کے ہاں آئندہ ماہ ولادت متوقع ہے، زچگی کی صحت کی خدمات کی اشد ضرورت ہے۔ میڈیا رپورٹ کے مطابق اقوام متحدہ کے ادارے نے یہ بھی متنبہ کیا کہ بہت سی خواتین اور لڑکیاں صنفی بنیاد پر تشدد کے بڑھتے ہوئے خطرے میں ہیں کیونکہ سیلاب میں تقریباً 10 لاکھ مکانات کو نقصان پہنچا ہے۔ ادارے نے کہا کہ اگلے مہینے تک 73 ہزار خواتین کے ہاں پیدائش متوقع ہے اور ان کو ماہر دائی، نوزائیدہ بچوں کی دیکھ بھال اور مدد کی ضرورت ہوگی۔ ادارے نے کہا کہ حمل اور بچے کی پیدائش ہنگامی حالات یا قدرتی آفات کے ختم ہونے کا انتظار نہیں کر سکتی کیونکہ ایسے میں ایک عورت اور بچے کو سب سے زیادہ دیکھ بھال کی ضرورت ہوتی ہے۔یو این ایف پی اے پاکستان کے قائم مقام نمائندے ڈاکٹر بختیار قادروف نے کہا کہ یو این ایف پی اے اس بات کو یقینی بنانے کے لیے کہ حاملہ خواتین اور نئی ماؤں کو انتہائی مشکل حالات میں بھی زندگی بچانے والی خدمات ملیں، شراکت داروں کے ساتھ کام کر رہا ہے۔اقوام متحدہ کے ادارے کے مطابق سندھ میں ایک ہزار سے زائد صحت کی سہولیات کو جزوی یا مکمل طور پر نقصان پہنچا، جب کہ بلوچستان کے متاثرہ اضلاع میں صحت کی 198 سہولیات کو نقصان پہنچا۔ ادارے نے کہا کہ سڑکوں اور پلوں کو پہنچنے والے نقصان نے لڑکیوں اور خواتین کی صحت کی سہولیات تک رسائی کو اور متاثر کردیا ہے۔ ڈاکٹر بختیار قادروف نے کہا کہ ہم انسانی ہمدردی کے چیلنج والے حالات کے باوجود مکمل طور پر کام کرنے کے لیے آلات اور انسانی وسائل کے ساتھ صحت کی سہولیات کی حمایت جاری رکھیں گے۔ اپنے ہنگامی ردعمل کو تیز کرنے کیلئے یو این ایف پی اے پاکستان نے سندھ، بلوچستان، خیبر پختونخواہ اور پنجاب میں فوری ترسیل کے لیے8 ہزار 311 ڈگنٹی کٹس، 7 ہزار 411 نوزائیدہ بچوں کی کٹس، اور 6 ہزار 412 کلین ڈیلیوری کٹس خریدیں۔اقوام متحدہ کے ادارے نے کہا ہے کہ وہ صنفی بنیاد پر تشدد کی روک تھام اور ردعمل کی خدمات کو بھی ترجیح دے رہی ہے، جس میں طبی اور نقسیاتی مدد بھی شامل ہے۔اقوامِ متحدہ کمیشن برائے انسانی حقوق نے بلوچستان اور خیبر پختونخوا کے سب سے زیادہ متاثرہ علاقوں میں امدادی سامان پہنچایا ہے۔اقوام متحدہ کے ہائی کمشنر برائے مہاجرین فلیپو گرانڈی نے عالمی برادری سے کہا کہ وہ اس تباہی سے نمٹنے کے لیے پاکستان کے ردعمل میں اپنا تعاون بڑھائے۔یو این ایچ آر سی نے پناہ گزین دیہاتوں کے ساتھ ساتھ میزبان کمیونٹیز کو 71 ہزار سے زیادہ ہنگامی امدادی اشیا فراہم کی ہیں، جن میں خیمے، پلاسٹک کی ترپالیں، سینیٹری مصنوعات، کھانا پکانے کے چولہے، کمبل، شمسی لیمپ اور سونے کی چٹائیاں شامل ہیں۔ایک بیان میں کہا گیا کہ مزید برآں ادارے نے 10 ہزار بوریاں بھی فراہم کیں تاکہ گھرانوں کو ان کے گھروں کے ارد گرد دفاعی تحفظ فراہم کیا جا سکے، اب تک 15 لاکھ ڈالر سے زیادہ کی امداد فراہم کی جاچکی ہے لیکن مزید امداد کی ضرورت ہے۔
چیف جسٹس آف پاکستان نے فیصل واوڈا کی تاحیات نا اہلی کے خلاف کیس میں ریمارکس دیتے ہوئے کہا کہ فیصل واوڈا کیس میں تسلیم کیا گیا غلطی ہوئی، نااہلی بنتی ہے مگر تاحیات نہیں۔ جمعرات کو سپریم کورٹ آف پاکستان میں فیصل واوڈا کی تاحیات نا اہلی کے خلاف کیس کی سماعت چیف جسٹس پاکستان کی سربرا...
افریقی ملک گیمبیا میں بھارتی دوا استعمال کرنے سے 66 بچے ہلاک ہوگئے، افریقی ملک گیمبیا میں 66 بچوں کی ہلاکت کے بعد عالمی ادارہ صحت نے بھارتی دوا میں آلودگی سے خبردار کر دیا۔ بھارتی میڈیا کے مطابق بھارت میں تیار کردہ سردی اور کھانسی کے 4 سیرپ میں آلودگی کی تحقیقات کی جا رہی ہے۔ عال...
چیف جسٹس اسلام آباد ہائی کورٹ جسٹس اطہر من اللہ نے پی ٹی آئی ارکان کے استعفوں سے متعلق کیس کی سماعت کے دوران ریمارکس دیے ہیں کہ عوام نے بھروسا کرکے نمائندوں کو پارلیمنٹ بھجوایا ہے جن کے استعفے منظور نہیں ہوئے وہ تو پارلیمنٹ جا کر بیٹھیں، یہ عدالت اسپیکر قومی اسمبلی کو ہدایات جاری...
سابق وزیراعظم اور چیئرمین پی ٹی آئی عمران خان کے ممکنہ دھرنے کی کال سے نمٹنے کے لیے اسلام آباد انتظامیہ نے تیاریاں مکمل کرلیں۔ نجی ٹی وی کے مطابق اسلام آباد پولیس نے 1100 سے زائد کنٹینر اکٹھے کر لیے جو کہ فیض آباد پہنچا دیے گئے۔ دھرنے کے اعلان کے بعد اسلام آباد کو ایک ہفتے کے لیے...
حیدر آباد میں انڈس ہائی وے پر ٹریفک حادثے میں 11 افراد جاں بحق اور 13 زخمی ہو گئے۔ ایس ایس پی جامشورو جاوید بلوچ کے مطابق انڈس ہائی وے پر ٹرک اور بس میں تصادم کے نتیجے میں 11 افراد جاں بحق اور13 زخمی ہو گئے، لاشوں اور زخمیوں کو جامشورو ہسپتال منتقل کردیا گیا۔ ایس ایس پی جامشورو ن...
پاک فوج کے سربراہ جنرل قمر جاوید باجوہ دورہ امریکا مکمل کرنے کے بعد وطن واپس روانہ ہو گئے۔ نجی ٹی وی کے مطابق آرمی چیف جنرل قمر جاوید باجوہ نے اپنے دورے کے دوران امریکی انتظامیہ کے اعلیٰ عہدیداران کے ساتھ ملاقاتیں کیں۔ امریکی دورے کے دوران آرمی چیف جنرل قمر جاوید باجوہ نے افغانست...
نیشنل بینک آف پاکستان میں اربوں روپے کا ایک اور اسکینڈل سامنے آ گیا، ایگری ٹیک کمپنی کے شیئرز مہنگے داموں خریدنے سے قومی ادارے کو 2 ارب 33 کروڑ روپے کا نقصان ہوا۔ بینک انتظامیہ ذمہ داران کے خلاف کارروائی میں ناکام ہو گیا۔ دستاویزات کے مطابق نیشنل بینک کی انتظامیہ نے سال 2012 س...
وائٹ ہاؤس نے تصدیق کی ہے کہ ایران کے ساتھ سفارت کاری فی الحال کام نہیں کر رہی ہے۔ اگر ایران کے ساتھ سفارت کاری ناکام ہوتی ہے تو ہم خطے میں اپنی فوجی تیاری کو یقینی بنانے کیلیے تیار ہیں۔ امریکی حکومت کے اندر اور باہر کے ذرائع نے متفقہ طور پر اس بات کی تصدیق کی کہ جوبائیڈن کے پاس ت...
پارلیمنٹ کی پبلک اکاؤنٹس کمیٹی میں انکشاف ہوا ہے کہ کراچی پورٹ ٹرسٹ کی 1261 ایکڑ سے زائد اراضی ڈی ایچ اے اور دیگر کو بالترتیب 18 پیسے اور 10 پیسے فی مربع فٹ لیز پر دے دی گئی۔ اب تک قومی خزانے کو 104 ارب روپے سے زائد کا نقصان ہو چکا ہے۔ پی اے سی نے یہ معاملہ نیب کے سپرد کر دیا اور...
پارلیمینٹ کے مشترکہ اجلاس میں ماضی کے گو بابا گو کے نعرے کی طرح آج جمعرات کو ،،گوعلوی گو،، کا نعرہ لگ سکتا ہے۔ ذرائع کے مطابق ایک اتحادی جماعت کی صفوں میں گوعلوی گو کے نعرہ کی چہ مگوئیاں ہو رہی ہیں۔ ممکنہ طورپر یہ نعرہ آج مشترکہ اجلاس میں لگ سکتا ہے۔ ماضی میں سابق صدور غلام اسحاق...
امریکی سیکریٹری دفاع کا کہنا ہے کہ آرمی چیف جنرل قمر جاوید باجوہ کی مہمان نوازی ایک اعزاز رہا۔ پینٹاگون میں آرمی چیف جنرل قمرجاوید باجوہ سے ملاقات کے بعد امریکی سیکریٹری دفاع لائیڈ جے آسٹن کا کہنا تھا کہ ملاقات میں طویل مدت دفاعی شراکت داری پر بات ہوئی۔ سماجی رابطہ کی ویب سائٹ ٹو...
افغانستان کے دارالحکومت کابل میں وزارت داخلہ کے دفتر کے قریب مسجد میں بم دھماکے کے نتیجے میں 3 افراد جاں بحق جبکہ 25 سے زائد زخمی ہو گئے۔ غیر ملکی خبر رساں ایجنسی کے مطابق کابل میں وزارت داخلہ کی عمارت کے قریب دھماکا،3 افراد جاں بحق،25 سے زائد زخمی ہو گئے ہیں۔ افغانستان کی وزارت...
