... loading ...
... loading ...
سندھ اسمبلی نے ہفتہ کو اپوزیشن کی شدید ہنگامہ آرائی، احتجاج اور ہلڑ بازی کے دوران سندھ بلدیاتی ترمیمی بل بعض نئی ترامیم کے ساتھ ایک مرتبہ پھر منظور کرلیا، پہلے منظور کئے جانے والے بل پرگورنر سندھ نے بعض اعتراضات لگاکر اسے واپس ایوان کو بھیجوادیا تھا جس کی ایوان نے آج اپنے ہنگامہ خیز اجلاس میں ایک بار پھر منظوری دی، بل وزیر بلدیات سید ناصر حسین شاہ نے پیش کیا تھا جس کی مرحلہ وار منظور ی دی گئی اس دوران اپوزیشن کے ارکان اسپیکر کی نشست کے سامنے جمع ہوکر مسلسل احتجاج اور نعرے بازی کرتے رہے وہ سندھ حکومت کا کالا قانون منظور نہیں کے نعرے لگائے رہے تھے او رانہوں نے اپنے ہاتھوں میں مختلف پوسٹرز اٹھا رکھے تھے جن پر سندھ حکومت کے خلاف نعرے درج تھے۔ان کے احتجاج کے دوران ایک موقع پر حکومت اور اپوزیشن ارکان ایک دوسرے سے گھتم گتھا بھی ہوگئے اور نوبت ہاتھا پائی تک جاپہنچی ۔شدید ہنگامہ آرائی کے دوران سندھ اسمبلی کا اجلاس برخاست کردیا گیا ۔سندھ اسمبلی کا اجلاس ہفتہ کو اسپیکر آغا سراج درانی کی زیر صدارت نصف گھنٹے کی تاخیر سے شروع ہوا ۔کارروائی کے آغاز ہی میں ایوان کا ماحول کشیدہ نظر آیا ۔ جب وزیر بلدیات سید ناصر حسین شاہ نے بلدیاتی ترمیمی بل بعض نئی ترامیم کے ساتھ ایوان میں پیش کیا تو اپوزیشن کی جانب سے زبردست احتجاج اور نعرے بازی کا سلسلہ شروع کردیا گیا ۔اپوزیشن ارکان اپنی نشستوں سے اٹھ کر اسپیکر کی نشست کے سامنے جاکر جمع ہوگئے جہاں انہوں نے نعرے بازی کی ، بل کی کاپیاں پھاڑ دیں۔وزیر بلدیات ناصر حسین شاہ نے اپنے کانوں میں ہیڈ فون لگارکھا تھا وہ اپوزیشن کے شور شرابے سے بے نیاز ہوکر بل پیش کرتے رہے ان کی جانب سے بل کی غرض و غائیت بھی بیان کی ۔بل کی منظوری کے وقت اسپیکر آغا سراج درانی نے اپوزیشن کے دو ارکان سدرا عمران اور ارسلان تاج کے نام پکارے کہ انہوں نے بل پر جو ترامیم پیش کی ہیں ان پر بات کریں لیکن اپوزیشن احتجاج میں مصروف تھی اور کسی نے اسپیکر کی بات پر دھیان نہ دیا بل کی منظوری کے دوران ہی اپوزیشن ایوان سے واک آٹ کرکے چلی گئی۔وزیر بلدیات ناصر حسین شاہ نے سندھ کے کچھ ڈویڑنل ہیڈکوارٹرز میں ٹاون بنانے کی ترمیمی شق پیش کی جسے منظور کرلیاگیا۔ شورشرابے کے دوران ہی سندھ سالڈ ویسٹ مینجمنٹ بورڈ ترمیمی بل کی بھی ایوان نے منظوری دے دی۔ایوان میں خطاب کرتے ہوئے وزیر بلدیات سید ناصر حسین شاہ نے کہا کہ بل پر گورنر سندھ نے اعتراض کیا تھا،سندھ حکومت نے گورنر سندھ کے دو اعتراضات دور کردئیے ،کراچی سمیت ڈویڑنل ہیڈکوارٹرز میں ٹاونز بنانے کی شق برقرار ہے ،پیدائش و اموات کی رجسٹریشن کا اختیار بلدیاتی کونسلز کو واپس دیدیاگیا ہے۔ترمیمی قانون میں کہا گہا ہے کہ ٹاونز,میونسپل کمیٹیز کے چیئرمینز کا انتخاب شو آف ہینڈ کے ذریعے ہوگا۔بلدیاتی کونسلز کے چیئرمینز کا الیکشن سیکرٹ بیلٹ سے کرا نے کی شق واپس لے لی گئی ہے ۔سندھ بھر میں بلدیاتی کونسلز کو 9صوبائی محکموں کے امور کی نگرانی اختیار دیدیاگیا ہے ۔انہوں نے کہا کہ گورنر کے اعتراض پر بلدیاتی کونسلز کی مدت کی شق میں بھی ترمیم کردی گئی ہے ۔بلدیاتی قانون و قواعد میں ترمیم کے اختیار کی شق کو واپس لے لیا گیا ہے ۔سندھ پولیس کے امور میں منتخب بلدیاتی کونسلز کو شامل کیاجائیگا۔سندھ لوکل گورنمنٹ ایکٹ کے شیڈول میں ترمی کے ذریعے ایس ایس پی متعلقہ بلدیاتی چیئرمین سے رابطے کا پابند ہوگا۔پولیس امور ,امن وامان سے متعلق رپورٹ پولیس افسران بلدیاتی کونسل کو دینگے ۔پراسیکیوشن,پولیس ایڈمنسٹریشن,کرمنل کیسز میں بلدیاتی نمائندوں کا اختیار نہیں ہوگا۔پرائمری سیکنڈری اسکولز,بنیادی مراکزصحت کے افسران سہ ماہی رپورٹ بلدیاتی کونسلز کو دینے کے پابند ہوں گے ۔محکمہ کھیل,محکمہ خصوصی افراد,زراعت,لائیو اسٹاک کیضلعی دفاتر بلدیاتی کونسلز کو رپورٹ دینگے ۔سندھ کی ہر بلدیاتی کونسل میں خواجہ سراوں کیلئے ایک فیصد نشست ہوگی ۔خصوصی افراد کیلئے بھی ایک فیصد نشستیں بلدیاتی کونسل میں مختص ہونگی ۔یونین کونسل,یونین کمیٹی,ٹاونز,میونسپل کمیٹیز میں بھی خواجہ سراوں کی نمائندگی ہوگی ۔کراچی میٹروپولیٹن کارپوریشن میں خواجہ سراوں کے لئے نشستیں مختص ہونگی۔ کارروائی کے دوران اپوزیشن ارکان جب دوبارہ ایوان میں آئے تو انہوں نے ایک مرتبہ پھر شور شرابہ شروع کردیا اور ان کے ہنگامہ آرائی کے دوران سندھ اسمبلی نے سندھ فیکٹریز ترمیمی ایکٹ اور سندھ سول کورٹس آرڈیننس ترمیمی بل متفقہ طور پر منظور کرلیا ۔اس موقع پر اپوزیشن ارکان اسپیکر کی نشست کے سامنے زبردست احتجاج کرتے رہے اور انہوں نے بل کی کاپیاں پھاڑ کر اچھال دیں۔اس موقع پر مکیش کمار چالہ نے کہا کہ ایسا مت کرو بدتمیز۔ اسپیکر نے اپوزیشن ارکان کا متنبہ کیا کہ ان کایہ طریقہ درست نہیں ہے ، مستی کرنی ہے تو باہر چلے جائیں اپوزیشن نے اسپیکر کی بات پر کوئی توجہ نہ دی اور وہ ہنگامہ آرائی میں مصروف رہے ۔ اس دوران پی ٹی آئی اور پیپلزپارٹی اراکین آپس میں دست و گریبان بھی ہوگئے جس کے دوران ارکان نے ایک دوسرے کے خلاف مخلظات کا استعمال بھی کیا ۔ ہنگامہ آرائی کے دوران پیپلز پارٹی کے ارکان نے پی ٹی آئی کے خلاف شدید نعرے بازی کی ۔اسی ہنگامہ آرائی کے دوران سندھ اسمبلی کا اجلاس برخاست کردیا گیا۔قبل ازیں ایوان کی کارروائی کے دوران پی ٹی آئی کے رکن محمد علی عزیز کی ایک تحریک استحقاق جوصوبائی پبلک سیفٹی اینڈ پولیس کمپلینٹس کمیشن کے غیر موثر ہونے سے متعلق تھی ۔وزیر پارلیمانی امور مکیش کمار چالہ کی یقین دہانی پر واپس لے لی گئی ۔
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔ذرائع کے مطابق وزیراعظم شہباز شریف کی جانب سے بنائی گئی تحقیقاتی کمیٹی کا اجلاس ہوا۔ذرائع کے مطابق تحقیقاتی کمیٹی نے اجلاس میں نگراں دور کے سیکریٹری فوڈ محمد محمود کو بھی طلب کیا تھا، جوکمیٹ...
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
وفاقی وزیر اطلاعات و نشریات عطا اللہ تارڑ نے کہا ہے کہ کسی سوشل میڈیا پلیٹ فارم کی بندش کے حق میں نہیں۔نجی ٹی وی سے گفتگو کرتے ہوئے وفاقی وزیر عطا تارڑ کا کہنا تھا کہ سوشل میڈیا پلیٹ فارمز پاکستان میں کیوں دفتر نہیں کھولتے ، سوشل میڈیا پلیٹ فارمز کو پاکستان میں دفاتر کھولنے چاہئی...
یوم صحافت پر خضدار میں دھماکا، صحافی صدیق مینگل سمیت 3 افراد جاں بحق ہوگئے ۔پولیس کے مطابق خضدار میں قومی شاہراہ پر سلطان ابراہیم خان روڈ پر ریموٹ کنٹرول دھماکے سے ایک گاڑی کو نشانہ بنایا گیا۔ایس ایچ او خضدار سٹی کے مطابق ریموٹ کنٹرول دھماکے میں ایک شخص جاں بحق اور 10 افراد زخمی ...
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
