... loading ...
بھارت کے شہروں اور قصبوں میں زہرآلود فضا سے ہر سال پانچ سال سے کم عمر ایک لاکھ بچے موت کے منہ میں چلے جاتے ہیں۔ میڈیا رپورٹس کے مطابق اس بات کا انکشاف ماحولیات کے عالمی دن کے موقع پر ایک رپورٹ میں کیا گیا۔یہ رپورٹ مرکز برائے سائنس اور ماحول (سی ایس ای) نے تیار کی ہے۔اس میں بتایا گیا ہے کہ بھارت کے پانی مہیا کرنے کے 86 فی صد ادارے خطرناک حد تک آلودہ ہیں۔اس نے ملک کی قابل تجدید توانائی کے لیے پیش رفت کو بھی مایوس کن قرار دیا ہے۔بھارت اپنے شہروں میں آلودگی کے مسئلے سے نمٹنے میں بری طرح ناکام رہا ہے۔ گزشتہ سال اقوام متحدہ نے دنیا کے پندرہ آلودہ ترین شہروں کی ایک فہرست جاری کی تھی۔ان میں چودہ شہر بھارت کے تھے۔دنیا بھر میں ماحولیاتی آلودگی سے نمٹنے کے لیے آوازیں زور پکڑ رہی ہیں لیکن بھارت میں حال ہی میں منعقدہ عام انتخابات میں سیاسی لیڈروں نے اس اہم مسئلے کی جانب کوئی توجہ دی تھی اور نہ سیاسی جماعتوں نے اپنے منشور میں ماحول کے تحفظ کو کوئی نمایاں جگہ دی تھی۔بھارت میں ماحول کی صورت حال کی رپورٹ کے مطابق ملک میں تمام اموات میں سے 12.5 فی صد فضائی آلودگی کے سبب ہوتی ہیں۔اس سے بھارت کی حالیہ حکومتوں کے ماحول کے تحفظ کے حوالے سے ایک منفی ریکارڈ کی نشان دہی ہوتی ہے۔گزشتہ ماہ تک بھارت میں دولاکھ 80 ہزار برقی گاڑیاں سڑکوں پر آچکی تھیں جبکہ حکومت نے فضائی آلودگی کے مسئلے پر قابو پانے کے لیے 2020ء تک ڈیڑھ کروڑ سے ایک کروڑ ساٹھ لاکھ تک برقی گاڑیوں کا ہدف مقرر کر رکھا ہے۔بھارت میں 2010ء سے 2014ء کے دوران میں گرین ہاؤس گیسوں کے اخراج میں 20 فی صد سے زیادہ اضافہ ہوا تھا جبکہ اس کے قدرتی گیس سے چلنے والے اور پن بجلی کے پلانٹ ناگفتہ بہ حالت میں تھے۔رپورٹ کے مطابق قدرتی گیس سے چلنے والے پلانٹ اپنی صلاحیت سے بہت کم اور صرف 24 فی صد تک کام کررہے تھے اور پن بجلی کے منصوبے صرف 19 فی صد تک چل رہے تھے۔سی ایس ای نے اپنی رپورٹ میں کہا ہے کہ بھارت میں 2018-19میں قابل تجدید توانائی کے شعبے میں پیش رفت مایوس کن رہی ہے۔اس سال ہوا سے چلنے والے منصوبوں کا صرف 6.3 فی صد ہدف حاصل کیا جاسکا ہے۔شمسی توانائی کے منصوبوں کا صرف 5.86 فی صد ہدف حاصل ہو سکا۔بھارت میں 2009ء سے 2017ء تک خطرناک فضلہ پیدا کرنے والی صنعتوں میں ریکارڈ 56 فی صد اضافہ ہوا ہے۔2011ء سے 2018ء تک مکمل طور پر آلودگی پھیلانے والی صنعتوں کی تعداد میں ہوشربا 136 فی صد اضافہ ہوا ہے۔بھارت میں آبادی میں بھی تیزی سے اضافہ ہورہا ہے اور یہ پیشن گوئی کی گئی ہے کہ 2050ء تک شہروں اور قصبوں کے مکینوں کی تعداد میں مزید 41 کروڑ 60 لاکھ کا اضافہ ہوجائے گا۔حال ہی میں دوبارہ وزیراعظم منتخب ہونے والے نریندر مودی نے اپنے سابقہ دور حکومت میں ماحول کے تحفظ اور آلودگی کے خاتمے کے لیے تو کوئی قابل ذکر اقدامات نہیں کیے تھے اور انھوں نے اپنی حالیہ انتخابی مہم کے دوران میں بھی موسمیاتی تبدیلی کا شاید ہی کوئی ذکر کیا تھا۔اب انھوں نے ماحول کے عالمی دن کے موقع پر ایک ٹوئٹ میں لوگوں سے یہ ضرور اپیل کی کہ وہ فطرت کے ساتھ ہم آہنگی سے رہیں۔انھوں نے مزید لکھاکہ اس دن کی مناسبت سے ہم سب کو یہ سوچنے کا وقت نکالنا چاہیے کہ ہم اپنے کرہ ارض کو صاف اور سبز رکھنے کے لیے کیا اقدامات کرسکتے ہیں۔
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
سندھ کابینہ نے رینجرز کی کراچی میں تعیناتی کی مدت میں 180 دن کے اضافے کی منظوری دے دی۔ترجمان حکومت سندھ نے بتایا کہ رینجرز کی کراچی میں تعیناتی 13 جون 2024 سے 9 دسمبر 2024 تک ہے ، جس دوران رینجرز کو انسداد دہشت گردی ایکٹ 1997 کے تحت اختیارات حاصل رہیں گے ۔کابینہ نے گزشتہ کابینہ ا...
بھارتی وزیراعظم نریندر مودی انتخابات میں کامیابی کے لیے بھارتی مسلمانوں اور پاکستان کو دھمکی دے رہے ہیں ۔ دی وائر کے مطابق بی جے پی نے آفیشل انسٹاگرام ہینڈل کے ذریعے مودی کی ایک ویڈیو جاری کی ہے جس میں مودی کہتے ہیں کہ اگر کانگریس اقتدار میں آئی تو وہ ہندؤں کی جائیداد اور دولت م...
اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔غیرملکی خبررساں ادارے کے مطابق امریکی وزیر خارجہ انٹونی بلنکن سے ملاقات میں انہوں نے کہا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔اسرائیلی وزیراعظم کا کہنا تھا کہ حماس نے جنگ ...
جمعیت علمائے اسلام (جے یو آئی)کو کراچی میں جلسے کی اجازت نہیں ملی اس حوالے سے ڈپٹی کمشنر شرقی نے بتایا کہ جے یو آئی کو ایس ایس پی ایسٹ کی رپورٹ پر جلسہ کرنے کی اجازت نہیں دی گئی۔ ایس ایس پی ایسٹ کی رپورٹ میں کہا گیا ہے کہ شہر میں حالیہ دہشت گردی کے واقعات کے پیش نظر بڑے عوامی اجت...
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
غزہ میں مظالم کے خلاف اسرائیل کی مبینہ حمایت کرنے والی کمپنیوں کے بائیکاٹ کی مہم میں شدت آتی جا رہی ہے ۔ معروف امریکی فوڈ چین کے ایف سی نے ملائیشیا میں اپنے 100 سے زائد ریستوران عارضی طور پر بند کرنیکا اعلان کر دیا۔غیر ملکی میڈیا کے مطابق ملائیشیا میں امریکی فوڈ چین کی فرنچائز کم...
جمعیت علمائے اسلام کے سربراہ مولانا فضل الرحمان نے وزیراعظم شہباز شریف اور وزیراعلیٰ پنجاب مریم نواز کے شوہر کیپٹن (ر) صفدر کو طنز کا نشانہ بنایا ہے ۔لاہور میں فلسطین کانفرنس سے خطاب میں مولانا فضل الرحمان کا کہنا تھاکہ یہاں بلاوجہ شہباز شریف کی شکایت کی گئی اس بیچارے کی حکومت ہی...
وزیراعظم شہباز شریف نے کہا ہے کہ کرپشن کا ملک سے خاتمہ ہونے والا ہے ، ہم سب مل کر پاکستان کو انشااللہ اس کا جائز مقام دلوائیں گے اور جلد پاکستان اقوام عالم میں اپنا جائز مقام حاصل کر لے گا۔لاہور میں عالمی یوم مزدور کے موقع پر اپنی ذاتی رہائش گاہ پر تقریب سے خطاب کرتے ہوئے وزیرِ ا...
غیر قانونی طور پر بھارت کے زیر قبضہ جموں و کشمیر میں بی جے پی کے رہنما راجوری اور پونچھ میں مسلمانوں کو دھمکیاں دے رہے ہیں کہ وہ یا تو سنگھ پریوار کے حمایت یافتہ امیدوار کو ووٹ دیں یا1947 جیسی صورتحال کا سامنا کرنے کے لیے تیار رہیں۔ کشمیرمیڈیاسروس کے مطابق 1947میں جموں خطے میں ہن...
پی ٹی آئی نے جمعیت علما اسلام کے سربراہ مولانا فضل الرحمان سے فوری رابطے کا فیصلہ کیا ہے ۔ذرائع کے مطابق تحریک انصاف نے مولانا فضل الرحمان سے فوری رابطے کا فیصلہ کیا ہے ، جے یو آئی ف کے سربراہ کو احتجاجی تحریک میں شامل ہونے کے لیے باقاعدہ دعوت دی جائے گی۔ذرائع کے مطابق مذاکراتی ک...