... loading ...
... loading ...
سپریم کورٹ آف پاکستان نے بحریہ ٹاؤن کراچی عملدرآمد کیس میں ڈائریکٹر جنرل اور پراسیکیوٹر جنرل نیب سے تحقیقاتی رپورٹ طلب کرتے ہوئے اسپارکو کو ایڈیشنل اٹارنی جنرل سے تفصیلات لینے کا حکم دیدیا۔ پیر کو جسٹس شیخ عظمت سعید کی سربراہی میں تین رکنی بنچ نے کیس کی سماعت کی۔دوران سماعت بحریہ ٹاؤن سے متعلق نیب کی جانب سے عدم تعاون پر عدالت نے اظہار برہمی کیا۔جسٹس شیخ عظمت سعید شیخ نے ریمارکس دیے کہ بحریہ ٹاؤن سے متعلق جو رپورٹ جمع کروانی تھی وہ کیوں نہیں کروائی گئی؟ کام نہیں ہوتا تو بتادیں۔
انہوں نے نیب کے خصوصی پراسیکیوٹر سے مکالمہ کیا کہ تین ماہ کا وقت دیا گیا تھا تاہم دھیلے کا کام نہیں کیا، اس پر نیب پراسیکیوٹر نے جواب دیا کہ ایسی بات نہیں ہے۔اس پر جسٹس عظمت سعید شیخ نے کہا کہ یہ ایک حقیقت ہے کسی قسم کا تعاون نہیں کیا جارہا، آپ ریاست پاکستان کی نمائندگی کر رہے ہیں، مگر آپ نے ابھی تک کچھ نہیں کیا۔سماعت کے دوران جسٹس عظمت سعید نے جعلی بینک اکاؤنٹس کی جے آئی ٹی کا ذکر کرتے ہوئے کہا کہ کراچی والے بحریہ ٹاؤن کا ایک اور جگہ حوالہ دیا گیا، جے آئی ٹی اس پر اپنی تحقیقات مکمل کر لیں آپ کیا کر رہے ہیں۔
انہوں نے کہا کہ دوسری عدالت میں رپورٹ پیش کردی گئی، یہاں کیوں نہیں کی جارہی؟ اس معاملے پر کیوں نہ آپ کے خلاف توہین عدالت کی کارروائی کریں۔جسٹس عظمت سعید شیخ نے ریمارکس دیے کہ اسپارکو نے بھی اپنی رپورٹ پیش نہیں کی، اس معاملے پر اسپارکو کو توہین عدالت کا نوٹس کیوں نہ جاری کریں۔دوران سماعت جسٹس عظمت سعید نے ریمارکس دیے کہ ہم نے فیصلہ تو کرنا ہے، تنخواہ کون دیگا؟ ریاست کے ادارے ریاست کے ماتحت نہیں، اگر کسی کو کوئی مسئلہ ہے تو وہ بتانے کیلئے تیار نہیں۔ جسٹس عظمت سعید شیخ نے ریمارکس دیے کہ بحریہ ٹاؤن اپنا کیس ہار چکا، نظر ثانی بھی خارج ہوئی، اپنے موکل کو سمجھائیں کہ عدالت کے ساتھ تعاون کریں۔اس پر ملک ریاض کے وکیل علی ظفر نے بتایا کہ بحریہ ٹاؤن نے تمام تفصیلات جمع کروادی ہیں جس پر جسٹس عظمت سعید شیخ نے کہا کہ اگر الاٹیز کے حقوق متاثر ہوئے تو ذمہ دار ملک ریاض ہونگے۔انہوں نے کہا کہ نیب کی جانب سے پیش رفت نہیں ہو رہی، جس پر ہمیں مایوسی ہے۔جسٹس عظمت سعید شیخ نے ریمارکس دیے کہ ہمارا صبر ختم ہورہا ہے، مجھے معلوم ہے کہ اسپارکو کے ڈی جی میجر جنرل ہیں۔
انہوں نے ریمارکس دیے کہ تھرڈ پارٹی کے تحفظ کا آپشن اختیاری ہے، مجبور نہ کریں کہ ہم سختی کریں۔جسٹس عظمت سعید شیخ نے کہا کہ آپ کہہ دیں کہ عمل نہیں ہوسکتا تو ہم ابھی دے دیتے ہیں۔بعد ازاں عدالت نے آئندہ سماعت پر ڈی جی اسپارکو کو طلب کرتے ہوئے بحریہ ٹاؤن کراچی عملدرآمد کیس میں ڈائریکٹر جنرل اور پراسیکیوٹر جنرل نیب سے تحقیقاتی رپورٹ طلب کرلی۔ عدالت نے اسپارکو کو بھی ایڈیشنل اٹارنی جنرل سے تفصیلات لینے کا حکم دے دیا۔عدالت نے ریمارکس دیے کہ نیب اپنے ایکشن سے پیش رفت بتائے، جس کے بعد مذکورہ کیس کی سماعت بدھ تک ملتوی کردی گئی۔
وفاقی اردو یونیورسٹی کے شیخ الجامعہ ڈاکٹر ضابطہ خان شنواری کا مؤقف درست تسلیم حکومت، وزارت تعلیم اور ایچ ای سی کو فریق بنانے کی ہدایت ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سندھ ہائی کورٹ نے وفاقی اردو یونیورسٹی برائے فنون، سائنس و ٹیکنالوجی کے شیخ الجامعہ پروفیسر ڈاکٹر...
میزائل حملے کی کوشش کو مسلمانوں کے لیے کھلی اشتعال انگیزی اور شہریوں کی جانوں سے خطرناک کھیل ہے،قطر قطر، کویت، بحرین اور اردن نے یمن کے حوثی گروپ کی جانب سے سعودی عرب کے مدینہ منورہ کے علاقے کو بیلسٹک میزائل سے نشانہ بنانے کی مبینہ کوشش کی شدید مذمت کرتے ہوئے سعودی عرب کے ساتھ...
چین 22 ارب 40 کروڑ ڈالر کے ساتھ سب سے بڑا قرض خواہ، عالمی بینک اور ایشیائی ترقیاتی بینک بھی بڑے قرض دہندگان میں شامل گزشتہ 10 سال کے دوران پاکستان کا بیرونی قرض تقریباً دگنا ہوکر 135 ارب 10 کروڑ ڈالر تک پہنچ گیا ہے، جبکہ چین پاکستان کا سب سے بڑا انفرادی قرض خواہ ہے۔ عالمی بینک...
وکلا کی درخواست پر سماعت، بجلی کی بندش سے عدالتی امور متاثر ہونے کا مؤقف کے الیکٹرک نے فیڈر تبدیل کرنے اور لوڈشیڈنگ ختم کرنے کی یقین دہانی کرادی سندھ ہائیکورٹ کے آئینی بینچ نے اسد چیمبرز میں غیر اعلانیہ لوڈشیڈنگ کے خلاف وکلا کی درخواست پر کے الیکٹرک سے تحریری رپورٹ طلب کرلی...
ٹیلی کام آپریٹرز کے پاس ایک کروڑ 60لاکھ ری سائیکل نمبرز موجود ،پی ٹی اے نے ایک کروڑ نمبرز کی تفصیلات میٹا کو بھجوائی تھیں میٹا نے پاکستان ٹیلی کمیونیکیشن اتھارٹی کی درخواست پر ایک لاکھ 76ہزار اکائونٹس بند کر دئیے۔ حکام کے مطابق غیر فعال نمبرز پر واٹس ایپ اکائونٹس سائبر فراڈ کا...
خواتین کے جائیداد حقوق سے متعلق محتسب اور پشاور ہائی کورٹ کے فیصلے کالعدم قرار سپریم کورٹ آف پاکستان نے وفاقی محتسب کے اختیارات سے متعلق اہم فیصلہ جاری کرتے ہوئے قرار دیا ہے کہ محتسب کو پیچیدہ جائیداد تنازعات اور متنازعہ ملکیتی حقوق کا حتمی فیصلہ کرنے کا اختیار حاصل نہیں، ایسے...
گوشوارے جمع کروانا الیکشنز ایکٹ 2017 کی دفعہ 137 کے تحت ایک لازمی قانونی تقاضا ہے،الیکشن کمیشن اراکینِ پارلیمنٹ و صوبائی اسمبلی کے لیے مالی سال 26ـ2025 کے اثاثہ جات و واجبات کے گوشوارے جمع کرانے کی آخری تاریخ 31 دسمبر مقررکردی گئی۔ الیکشن کمیشن کی جانب سے کہاگیاہے کہ مالی سال ...
نوٹس میں مزید خبردار کیا گیا ہے کہ قانونی تقاضے پورے نہ کرنے کی صورت میں مدرسے کی عمارت کو سیل کیا جا سکتا ہے مولانا فضل الرحمان کی جماعت جمعیت علمائے اسلام (ف) سے منسلک مدرسہ اختر العلوم کو قانونی خلاف ورزیوں پر سی ڈی اے کا نوٹس جاری کر دیا گیا۔ کیپیٹل ڈویلپمنٹ اتھارٹی کے ڈائ...
ہیگستھ کے خلاف مواخذے کی کوششوں میں تیزی آنے اور مزید ری پبلکن ارکان کی حمایت ملنے کا امکان امریکی وسط مدتی انتخابات میں ایوانِ نمائندگان پر ڈیموکریٹس کے ممکنہ کنٹرول سے وزیرِ جنگ پیٹ ہیگستھ کے لیے مشکلات بڑھ سکتی ہیں۔ امریکی میڈیا کے مطابق ڈیموکریٹس کی کامیابی سے ہیگستھ کے خل...
تین سال سے جاری فسادات میں اب تک تین سو ترانوے افراد ہلاک ہوچکے ہیں، تحقیقاتی رپورٹ بھارتی ریاست منی پور میں بی جے پی حکومت کے خلاف احتجاجی مظاہرے جاری ہیں، تازہ جھڑپوں میں مزید پانچ افراد ہلاک ہوگئے. تحقیقاتی رپورٹ کے مطابق تین سال سے جاری فسادات میں اب تک تین سو ترانوے افراد...
ایران سے لڑنے والا اسکی قیمت میدان جنگ سے اپنی دہلیز تک چکائے گا، بیان ایران کی قومی سلامتی کونسل کے سربراہ محسن رضائی نے کہا ہے کہ جو بھی ایران سے ٹکرائے گا، قیمت چکائے گا۔امریکا کے مڈٹرم نتائج پر ردعمل دیتے ہوئے انہوں نے کہا کہ ایرانی قوم نے ڈونلڈ ٹرمپ کو میدان جنگ اور ہرمز ...
بانی سے ملاقاتوں کا سلسلہ چلتا رہتا تو سیاسی تناؤ نہیں ہوتا اور نہ ایمرجنسی یا گورنر راج کی نوبت آتی، گفتگو پاکستان تحریک انصاف کے چیئرمین بیرسٹر گوہر نے کہا ہے کہ بانی پی ٹی آئی خیبرپختونخوا میں گورنر راج اور ایمرجنسی کے نفاذ سے مکمل باخبر تھے ، انہوں نے حکومت کے خاتمے کو خوش...
