... loading ...
... loading ...
عمران خان کا علاج ذاتی معالجین کی نگرانی اور فیملی کی موجودگی میں شفاء انٹرنیشنل اسپتال میں فوری طور پر کرایا جائے
تحریک انصاف کی منزل حقیقی آزادی ہے اور اس کے حصول تک جدوجہد جاری رہے گی،پریس کانفرنس سے خطاب
وزیر اعلیٰ خیبرپختونخوا محمد سہیل آفریدی نے مطالبہ کیا ہے کہ سابق وزیر اعظم اور پاکستان تحریک انصاف کے چیٔرمین عمران خان کا علاج ان کے ذاتی معالجین کی نگرانی اور فیملی کی موجودگی میں شفاء انٹرنیشنل اسپتال میں فوری طور پر کرایا جائے۔ تحریک انصاف کی منزل حقیقی آزادی ہے اور اس کے حصول تک جدوجہد جاری رہے گی۔خیبر پختونخوا ہاؤس اسلام آباد میں پریس کانفرنس سے خطاب کرتے ہوئے وزیر اعلیٰ نے کہا کہ پریس کانفرنس کا واحد ایجنڈا عمران خان کی صحت کا معاملہ ہے۔انہوں نے کہا کہ ملک پر مسلط ٹولہ دراصل ہیکرز کی طرح ہے جس نے عدلیہ اور پارلیمنٹ کو بھی ہیک کر رکھا ہے۔ عمران خان کی صحت کے حوالے سے مسلسل تشویش پائی جا رہی ہے اور اس سلسلے میں ہر ممکن کوشش کی گئی ہے کہ انہیں مناسب طبی سہولیات فراہم کی جائیں۔ سہیل آفریدی نے کہا کہ عمران خان کے علاج کے لیے آئینی، قانونی، جمہوری اور سیاسی تمام راستے اختیار کیے گئے تاکہ انہیں ان کی فیملی کی موجودگی میں اور ذاتی معالجین کی نگرانی میں شفاء انٹرنیشنل اسپتال میں علاج کی سہولت فراہم کی جا سکے تاہم تمام دستیاب قانونی اور آئینی راستے اپنانے کے باوجود یہ جائز مطالبہ اب تک پورا نہیں کیا جا رہا۔وزیر اعلیٰ نے کہا کہ عمران خان کوئی معمولی شخصیت نہیں بلکہ پاکستان کے سابق وزیر اعظم اور ملک کی سب سے بڑی سیاسی جماعت کے چیٔرمین ہیں۔ انہوں نے کہا کہ عمران خان کو نہ صرف پاکستان بلکہ اسلامی دنیا میں بھی ایک اہم سیاسی رہنما کے طور پر دیکھا جاتا ہے اور کروڑوں پاکستانی ان پر اعتماد کرتے ہیں۔ انہوں نے موجودہ حکومت کو تنقید کا نشانہ بناتے ہوئے کہا کہ ملک پر مسلط ٹولے کے پاس نہ واضح خارجہ پالیسی ہے اور نہ ہی داخلی معاملات کے لیے کوئی مؤثر حکمت عملی۔انہوں نے کہا کہ ملک کو معاشی اور انتظامی بحرانوں سے نکالنے کے بجائے ان کی توجہ عمران خان کو فیملی سے ملنے اور علاج کی سہولت فراہم نہ کرنے پر مرکوز ہے۔ سہیل آفریدی نے کہا کہ پاکستان کو اس وقت معاشی ترقی، زرعی بہتری، صنعتی فروغ اور نوجوانوں کے لیے روزگار کے مواقع پیدا کرنے کی ضرورت ہے، کیونکہ نوجوان ملک کی تقریباً ساٹھ فیصد آبادی پر مشتمل ہیں۔تاہم حکومت کی ترجیحات اس کے برعکس دکھائی دیتی ہیں۔ انہوں نے کہا کہ پاکستان تحریک انصاف کی قیادت اور منتخب نمائندوں کو سیاسی دباؤ اور مختلف پابندیوں کا سامنا ہے۔ ان کا کہنا تھا کہ خیبرپختونخوا کی حکومت عوامی مینڈیٹ کے ذریعے قائم ہوئی ہے مگر اس کی قیادت کو نااہل کرنے کے لیے مختلف طریقے اختیار کیے جا رہے ہیں۔ وزیر اعلیٰ خیبرپختونخوا نے ایک بار پھر مطالبہ کیا کہ عمران خان کو ان کے ذاتی معالجین کی نگرانی اور فیملی کی موجودگی میں شفاء انٹرنیشنل اسپتال منتقل کر کے فوری طبی سہولیات فراہم کی جائیں۔وزیر اعلیٰ نے خبردار کیا کہ خدانخواستہ اگر عمران خان کو کچھ ہوا تو اس کی ذمہ داری جعلی حکومت اور اس کے ہینڈلرز پر عائد ہوگی۔ انہوں نے کہا کہ اس وقت پورے ملک کی نظریں عدلیہ پر لگی ہوئی ہیں اور عدلیہ کو چاہیے کہ وہ اس معاملے کی حساسیت کو سمجھے کیونکہ تحریک انصاف کے مطالبات جائز ہیں اور ان کا مقصد صرف یہ ہے کہ عمران خان کو مناسب طبی سہولت فراہم کی جائے۔انہوں نے کہا کہ عوام کے مینڈیٹ پر ڈاکہ ڈالا گیا، جھوٹے مقدمات قائم کیے گئے اور تحریک انصاف کو دیوار سے لگانے کی کوشش کی جا رہی ہے تاہم عمران خان کی رہائی کے لیے رہائی فورس اور پوری قوم اپنا کردار ادا کرے گی۔ وزیر اعلیٰ نے کہا کہ اگر اس بار تحریک انصاف نے کال دی تو حالات کو سنبھالنا کسی کے لیے ممکن نہیں ہوگا۔ انہوں نے واضح کیا کہ تحریک انصاف کی منزل حقیقی آزادی ہے اور اس کے حصول تک جدوجہد جاری رہے گی۔محمد سہیل آفریدی نے کہا کہ جو سٹریٹ موومنٹ جہاں روکی گئی تھی وہیں سے دوبارہ شروع کی جائے گی اور اس حوالے سے مکمل تیاری کی جا رہی ہے۔ انہوں نے بتایا کہ عمران خان رہائی فورس کے حوالے سے گزشتہ روز بھی ایک اجلاس منعقد ہوا ہے اور تحریک انصاف مکمل منصوبہ بندی کے ساتھ آگے بڑھے گی۔وزیر اعلیٰ کا کہنا تھا کہ ملک پر مسلط ٹولہ دراصل ہیکرز کی طرح ہے جس نے عدلیہ اور پارلیمنٹ کو بھی ہیک کر رکھا ہے۔انہوں نے کہا کہ تمام تر وسائل اور سہولیات کے باوجود اگر حکمران عوام کو ریلیف دینے اور ملک کو آگے بڑھانے میں ناکام ہیں تو انہیں یہ سوچنا چاہیے کہ وہ کس کے لیے نظام کو ہیک کر رہے ہیں۔وزیر اعلیٰ نے اس موقع پر لکی مروت میں پولیس پر ہونے والے دہشت گرد حملے کی شدید مذمت کرتے ہوئے شہداء کے درجات کی بلندی اور زخمیوں کی جلد صحت یابی کیلئے دْعا کی اور کہا کہ وہ آزمائش کی اس گھڑی میں لواحقین کے غم میں برابر کے شریک ہیں۔
مقبوضہ جموں و کشمیر پر بھارتی فوجی قبضے کے 79 برس مکمل ہو گئے، بھارت کے ناجائز قبضے کے خلاف لائن آف کنٹرول کے دونوں اطراف اور پاکستان سمیت دنیا بھر میں کشمیری آج یوم سیاہ منا رہے ہیں۔ بھارتی جبر کے خلاف کُل جماعتی حریت کانفرنس اور دیگر آزادی پسند تنظیموں کی مقبوضہ وادی میں کال...
اسٹیل مینوفیکچررز کو 30 دسمبر 2026 تک جدید مانیٹرنگ سسٹم نصب اور فعال کرنے کی ہدایت کردی گئی سیلز ٹیکس چوری کی روک تھام اور سٹیل کی پیداوار و ترسیل کی مؤثر نگرانی کے لیے فیڈرل بورڈ آف ریونیو (ایف بی آر) نے سٹیل سیکٹر میں مانیٹرنگ کا نظام سخت کرنے کا فیصلہ کرلیا، سٹیل مینوفیکچر...
صوبے میں مردوں کی شرح خواندگی 68 اور خواتین کی 47 فیصد ریکارڈ پنجاب 68 فیصد کے ساتھ سرفہرست، ملک کی مجموعی شرح خواندگی 63 فیصد تک پہنچ گئی پاکستان میں شرح خواندگی کے حوالے سے سندھ نے دوسری پوزیشن حاصل کرلی، جہاں مجموعی شرح خواندگی 58 فیصد ہوگئی ہے۔ صوبے میں مردوں کی شرح خوا...
کورنگی جام صادق پُل پر ٹریلر کی ٹکر سے موٹر سائیکل سوار 40 سالہ وقار ولد مسکین جاں بحق، 35 سالہ اہلیہ شدید زخمی ہو گئی کراچی کے مختلف علاقوں میں ٹریفک حادثات کے نتیجے میں 2 افراد جاں بحق اور 2 زخمی ہو گئے۔ریسکیو سروس کے مطابق کورنگی جام صادق پُل پر ٹریلر کی ٹکر سے موٹر سائیکل ...
دل کی صحت، جسمانی قوت اور وزن کو قابو میں رکھنے میں مددگار، مونگ پھلی میں پروٹین، فائبر، وٹامنز اور اہم معدنیات موجود مونگ پھلی کو غذائیت سے بھرپور اور کم قیمت خشک میوہ جات میں شمار کیا جاتا ہے، جس میں پروٹین، صحت بخش چکنائیاں، وٹامنز، معدنیات اور اینٹی آکسیڈنٹس پائے جاتے ہیں۔...
قطر ائیر کی کراچی اسلام آباد کی دونوں پروازوں نے شیڈول کے مطابق محفوظ لینڈ کیا، ذرائع ایران پر امریکی حملے کی دھمکی کے بعد مشرق وسطی میں جی پی ایس سگنلز میں مداخلت سے فلائٹ ٹریکنگ میں خلل آگیا۔ ذرائع کے مطابق دوحہ سے کراچی اور اسلام آباد کی قطر ائیر کی 2 پروازوں کے نمبرز اور ل...
بیٹا خوف کے باعث خاموش رہا، ٹیچر کیخلاف کیس سامنے آنے پر پوچھ گچھ کی تو مبینہ زیادتی کا انکشاف ہوا، والد سرکاری اسکول میں بچوں سے مبینہ زیادتی اور نازیبا ویڈیوز بنانے کا کیس، اہم پیش رفت سامنے آ گئی۔ پولیس کے مطابق انگلش ٹیچر صفدر عباس کے خلاف ایک اور مقدمہ درج، مقدمات کی تعدا...
حوثیوں کے اہم کمانڈ اینڈ کنٹرول مراکز، انتظامی تنصیبات، مورچوں اور جنگجوں کے اجتماعات کو نشانہ بنایا گیا، ترجمان یمن میں حکومتی فورسز نے 750 سے زائد کارروائیوں میں حوثیوں کو بھاری نقصان پہنچانے کا دعوی کردیا دوسری جانب حوثیوں نے سعودی عرب کے اہم ہوائی اڈوں اور نیول بیس کو نشان...
فیصلہ سعودی عرب کے ہوائی اڈوں اور اہم تنصیبات پر حوثی میزائلوں اور ڈرون حملوں کے بعد کیا گیاامریکا نے سعودی عرب میں سکیورٹی خدشات کے پیشِ نظر اپنے غیر ہنگامی سرکاری ملازمین اور ان کے اہلِ خانہ کو ملک چھوڑنے کی ہدایت کردی۔ عرب ٹی وی کی رپورٹ کے مطابق ریاض میں امریکی سفارت خانے ...
چیئرمین پاکستان تحریک انصاف بیرسٹر گوہر نے فیصلہ سازی میں کور کمیٹی اور سیاسی کمیٹی کو مائنس کرنے کی خبر پر اپنے ردعمل کا اظہار کر تے ہوئے کہاہے کہ فیصلہ سازی میں کور کمیٹی اور سیاسی کمیٹی کو مائنس کرنے کی خبر درست نہیں۔ نجی ٹی وی کے مطابق بیرسٹر گوہر نے تردید کی کہ فیصلہ سازی می...
اینٹی کرپشن حیدرآباد نے مقدمہ درج کرلیا، چیف اکاؤنٹنٹ فواز اشرف شیخ اور جونیئر اکاؤنٹنٹ وقاص بھٹی نامزد، معاملے کی مزید تفتیش جاریحیدرآباد(این این آئی) سندھ زرعی یونیورسٹی ٹنڈو جام میں جنوری 2025 سے اگست 2026 کے دوران پنشن کی مد میں 7 کروڑ 10 لاکھ روپے سے زائد کی مبینہ غیر مجاز ا...
رجسٹرار آفس کے ذریعے درخواست کم از کم 15 روز قبل جمع کرانا ہوگیمہمانوں کو براہِ راست دعوت نامے جاری کرنے پر پابندی، خلاف ورزی پر کارروائی کا انتباہجامعہ کراچی کی انتظامیہ نے یونیورسٹی میں تمام پروگرامز، سیمینارز، کانفرنسز اور دیگر تقریبات کے انعقاد کے لیے وائس چانسلر کی پیشگی منظ...
