وجود

... loading ...

وجود
وجود
ashaar

ایوانکا اور ان کے شوہر ایک ارب دس کروڑ ڈالر مالیت اثاثوں کے مالک

جمعه 04 جنوری 2019 ایوانکا اور ان کے شوہر ایک ارب دس کروڑ ڈالر مالیت اثاثوں کے مالک

امریکی صدر ڈونلڈ ٹرمپ کی بیٹی ایوانکا اور ان کے داماد جیئرڈ کشنر کی دولت کا تخمینہ ایک ارب دس کروڑ ڈالر لگایا گیاہے ۔ایوانکا ٹرمپ اور ان کے شوہر جیئرڈ کشنر رئیل اسٹیٹ کے کاروبار سے وابستہ نیو یارک کی دو معروف فیملیز سے تعلق رکھتے ہیں۔غیرملکی خبررساں ادارے کے مطابق صدارتی انتخاب میں ٹرمپ کی کامیابی کے بعد واشنگٹن آنے سے پہلے ہی وہ متاثر کن گھروں اور عادتوں کے مالک تھے۔وائٹ ہاؤس میں یہ جوڑا بطور مشیر کام کرنے کی کوئی تنخواہ نہیں لیتا ، صدر ٹرمپ کے دورِ صدارت کے پہلے سال میں ان کی مبینہ آمدنی کم از کم آٹھ کروڑ تیس لاکھ ڈالر رہی۔

رپورٹ کے مطابق ذرائع کا کہنا تھا کہ ایوانکا ٹرمپ کی خالص دولت کا تخمینہ تیس کروڑ ڈالر ہے جبکہ جیئرڈ کشنر کی خالص دولت اسی کروڑ ڈالر کے لگ بھگ ہوسکتی ہے۔ جہاں تک اخراجات کی بات ہے تو ایوانکا اور جیئرڈ کشنر واشنگٹن کے علاقے کیلو راما میں سات ہزار مربع فٹ مکان کے کرائے کی مد میں ماہانہ پندرہ ہزار ڈالر ادا کرتے ہیں۔واشنگٹن آنے سے پہلے ان کی رہائش گاہ نیویارک میں ٹرمپ بلڈنگ میں چار بیڈ روم کا پینٹ ہاؤس تھا ، توقع ہے کہ وائٹ ہاوس سے ان کی واپسی یہیں ہوگی۔دستاویزات سے ظاہر ہوتا ہے کہ ایوانکا اور کشنر کے پاس موجود آرٹ کلیکشن کی مالیت ڈھائی کروڑ ڈالر ہے۔یہ جوڑا نہ صرف فلاحی کاموں کے لیے بھی وقتاً فوقتاً رقم عطیہ کرتا رہتا ہے بلکہ سیر و تفریح خصوصاً اسکیٹنگ کا بھی شوقین ہے ۔


متعلقہ خبریں