... loading ...
شہباز شریف کو مسلم لیگ کا صدر بنانے پر جماعت کی مجلس عاملہ اور تمام دیگر ارکان متفق اورپرجوش ہیں۔نوازشریف اس بارے میں پہلے ہی فیصلہ کر چکے ہیں۔عام تاثر یہی ہے کہ مسلم لیگ کے پاس شہباز شریف کو صدر بنانے کے علاوہ کوئی دوسرا آپشن یا چوائس موجود نہیں ہے۔نواز شریف پہلے ہی 2018ء کے عام انتخابات کے لیے شہبازشریف کو مسلم لیگ (ن)کی جانب سے وزیراعظم کے عہدے کے لیے امیدوار قرار دے چکے ہیں۔نواز شریف خود بھی ان کی صلاحیتوں اوراعلیٰ منتظم ہونے کے معترف ہیں ۔ انہوں نے اپنے بڑے بڑے جلسوں میں شہباز شریف کی بطور وزیراعظم کے امیدوار کے طور پر ایک طرح سے مہم شروع کررکھی ہے اور نواز شریف جلسوں میں ان کی تعریف کرتے ہوئے نظر آتے ہیں۔ عام تاثر یہ ہے کہ نواز شریف کی بوجہ غیر موجودگی میں شہباز شریف ہی وہ واحد شخصیت ہیں جو مسلم لیگ ن کو متحد رکھ اور ملک کو موجودہ بحران سے نکال کر اس کو منزل تک پہنچانے کی صلاحیت رکھتے ہیں۔
نواز شریف سمیت مسلم لیگی اس بات پر اتفاق رکھتے ہیں کہ 2013ء کے عام انتخابات میں پنجاب میں کیے گئے تعمیروترقی کے کام گڈگورننس کے باعث مسلم لیگ کو کامیاب حاصل ہوئی تھی۔ اب2013ء سے لے کر اب تک انہوں نے صوبے میں جس طرح تیز رفتاری اور ایک خاص وڑن کے تحت تعمیر وترقی کے کام کیے ہیں اس کی مثال ملنا مشکل ہے۔ چین میں ان کی برق رفتاری کو بے حد سراہا جاتا ہے۔ چینی حکومت اور بیوروکریسی میں شہباز شریف کی بے حد تعریف و توصیف کی جاتی ہے کہ جس برق رفتاری سے انہوں نے بجلی کے منصوبوں، میٹروبس اور اب اورنج لائن ٹرین کو تیز رفتاری سے مکمل کرنے کی سعی کی ہے اس پر چین میں تیز رفتار کام کرنے کوانہیں محاورتاً پنجاب سیڈ کہا جاتا ہے۔ شہباز شریف کی ایک خاص خوبی چین، سعودی عرب، ترکی کی اعلیٰ قیادت سے روابطہ اور تعلقا ت ہیں۔ اس بنا پر وہ ان حکومتوں سے پنجاب کے منصوبے اور رعاتیں بھی حاصل کر لیتے ہیں۔ مسلم لیگی اس بات پر مطمئن ہیں کہ شہباز شریف اپنے وژن اور بیانیے سے مسلم لیگ کو اور ساتھ ہی نواز شریف کو موجودہ مسائل اور مصائب سے نکالنے میں کامیاب ہو جائینگے، اس لیے کھلے دل کے ساتھ نواز شریف نے ان کو آگے لانے کا فیصلہ کیا ہے۔ خیال ہے کہ شہبا ز شریف اسٹیبلشمنٹ کے ساتھ تعلقات کو مزید بہتر بنانے میں کامیاب ہو جائینگے۔ان کی بطور صدر مسلم لیگ اور بطور امیدوار وزیراعظم کے طور پرنامزدگی کو بھی اسی حوالے سے دیکھا جا رہا ہے۔یاد رہے کہ ماضی میں بھی وہ ان تعلقات کے حوالے سے اہم کردار ادا کرتے رہے ہیں۔ عام تاثر ہے کہ وہ مسلم لیگ کو آج بنانے والی آزمائش اور امتحان سے نکالنے میں کامیاب ہو جائیں گے۔ اس سے پہلے دھرنا ون اور دھرنا ٹو سے نبردآزما ہونے میں ان کا کردار اہم تھا۔اس وقت عمران خان یہ تاثر دے رہے تھے کہ تھرڈ ایمپائر ان کے ساتھ ہے اور ایمپائر کی انگلی اٹھنے والی ہے۔ ماضی کے اس مشکل وقت سے برا وقت میں ہے حالات کو اب بھی کنٹرول کیا جا سکتا ہے یہ تبدیلی بھی ممکن ہے کہ صورتحال کو تبدیل اور حملہ آور قوتوں کو مطمئن کیا جائے۔
شہباز شریف کے بارے میں سب کو معلوم ہے کہ وہ اپنے بڑے بھائی کو باپ کی جگہ دیتے ہیں اور ان کو غیرمشروط اور بلا حیل و حجت اپنا لیڈر قرار دیتے ہیں تاہم موجودہ صورتحال میں کچھ لو کچھ دو کی پالیسی کے تحت موجودہ بحرانی کیفیت سے نکلا جا سکتا ہے۔ شہباز شریف نے مسلسل ملاقاتوں میں نواز شریف کو یقین دلایا ہے کہ وہ نواز شریف، مسلم لیگ اور ملک کے لیے ہر طرح سے اپنا کردار ادا کرنے کو تیار ہیں۔ یہ تو ظاہر ہے کہ نواز شریف کے بیانئے کو عوام میں بے حد پذیرائی مل رہی ہے لیکن بڑے بڑے جلسوں میں نوازشریف کے بیانئے کی مقبولیت سے ایک خطرہ بھی نظر آ رہا ہے کہ جن قوتوں نے ان کو آئوٹ کیا تھا وہ یہ منظر دیکھ کر کہیں عام انتخابات کے انعقاد میں کوئی رخنہ نہ ڈال دیں۔ان کو ڈر ہے کہ نوازشریف عام انتخابات میں کامیابی حاصل کرکے سویلین بالادستی اور ووٹ کے تقدس کی مہم کو عروج پر لے جائیں گے۔کہیں آئین میں ترامیم اور اس سلسلے میں قانون سازی نہ کر ڈالیں۔ سینیٹ میں مسلم لیگ (ن) کو اکثریت حاصل کرنے سے روکنے کی منصوبہ بندی بھی اس سلسلے کی ایک کڑی نظر آتی ہے۔بلوچستان اسمبلی اور حکومت اسی منصوبے کی ایک کڑی نظر آتی ہے۔عام خیال تھا کہ اس کے بعد یہ سلسلہ رک جائے گا لیکن اب پوری مسلم لیگ ن کو ان انتخابات میں سینٹ سے فارع کرنے کا فیصلہ ہو گیا ہے۔شہباز شریف اس چیلنج کو پنجاب میں قبول کر رہے ہیں۔ ان کا کہنا ہے کہ وہ پنجاب سے کوئی ایک نشست بھی نہیں کھوئیں گے۔
گو کہ شہباز شریف پر بعض نادیدہ قوتیں اس سے پہلے بھی حملہ آور ہو چکی ہیں۔ ملتان میٹرو پراجکیٹ کے حوالے سے ان پر منی لانڈرنگ کا الزام عائد کیا گیا لیکن چین کی حکومت نے روایت سے ہٹ کر ان کا دفاع کیا اور ایسی کسی کرپشن کی سختی سے تردید کی۔اس طرح ایک حال ہی میں شہباز شریف کی حکومت کو ہلانے کی کوشش کی گئی۔پیر حمید الدین سیالوی صاحب کو ایک خاص مسئلے پر دھرنے پر اکسایا گیا لیکن شہباز شریف نے مخصوص حکمت عملی اور مفاہمتی طرز عمل اختیار کرتے ہوئے اس منصوبہ بندی کو ناکام بنا دیا، اسی طرح مفاہمتی طرز عمل آئندہ بھی کام آسکتا ہے۔جہاں تک ان افواہوں یا پھیلائی ہوئی باتوں کا تعلق ہے کہ خاندان میں کسی طرح کی اقتدار یا پارٹی لیڈر شپ کے حوالے سے کوئی دو رائے یا اختلاف موجود ہے پچھلے چند دنوں کے مناظراور بیانات نے ان کو غلط ثابت کیا ہے۔ لودھراں میں نواز شریف، شہباز شریف کے علاوہ مریم نواز اور حمزہ شہباز کی موجودگی کوئی اتفاقی امر نہ تھا، یہ ایک واضح پیغام تھا۔ پچھلے دنوں مریم نواز نے بھی کہا کہ وہ اور حمزہ شہباز ایک ہی گھر کے باسی ہیں، کوئی فرق نہیں۔ دونوں بھائیوں کی والدہ پیرانہ سالی میں بھی دونوں کو سمجھانے اور جوڑ کر رکھنے میں ایک بنیادی کڑی ہیں۔ تمام مسلم لیگی بشمول شریف فیملی کے امید رکھتے ہیں کہ شہباز شریف اپنی خوبیوں، صلاحیتوں کو بروئے کار لا کر امتحان کی اس مشکل گھڑی میں مسلم لیگ (ن ) کو نہ صرف سرخرو کرینگے بلکہ آئندہ عام انتخابات میں کامیاب بھی کرائینگے اور ایسی مفاہمتی پالیسی تشکیل دینگے جس سے تمام ادارے مطمئن ہو جائیں اور ملک بحرانی کیفیت سے نکل آئے۔
جمعیت علمائے اسلام کے امیر مولانا فضل الرحمٰن نے پاکستان تحریک انصاف کے ساتھ اتحاد کا اشارہ دے دیا۔بھکر آمد پر میڈیا سے گفتگو کرتے ہوئے مولانا فضل الرحمن نے کہا کہ انتخابات میں حکومتوں کا کوئی رول نہیں ہوتا، الیکشن کمیشن کا رول ہوتا ہے ، جس کا الیکشن کے لیے رول تھا انہوں نے رول ...
وزیراعظم محمد شہبازشریف نے کہا ہے کہ آزاد کشمیر میں احتجاجی تحریک کے دوران شر پسند عناصر کی طرف سے صورتحال کو بگاڑنے اور جلائو گھیرائوں کی کوششیں ناکام ہو گئیں ، معاملات کو بہتر طریقے سے حل کر لیاگیا، آزاد کشمیر کے عوام پاکستان کے ساتھ والہانہ محبت کرتے ہیں، کشمیریوں کی قربانیاں ...
ہائی کورٹ کے جج جسٹس محسن اختر کیانی نے شاعر احمد فرہاد کی بازیابی کی درخواست پر سماعت کرتے ہوئے ریمارکس دیے ہیں کہ میری رائے ہے کہ قانون سازی ہو اور گمشدگیوں میں ملوث افراد کو پھانسی دی جائے ، اصل بات وہی ہے ۔ جمعرات کو اسلام آباد ہائی کورٹ کے جسٹس محسن اختر کیانی نے مقدمے کی سم...
رہنما ایم کیو ایم مصطفی کمال نے کہا ہے کہ جج کے پاس وہ طاقت ہے جو منتخب وزیراعظم کو گھر بھیج سکتے ہیں، جج کے پاس دوہری شہریت بہت بڑا سوالیہ نشان ہے ، عدلیہ کو اس کا جواب دینا چاہئے ۔نیوز کانفرنس کرتے ہوئے رہنما ایم کیو ایم مصطفی کمال نے کہا کہ کیا دُہری شہریت پر کوئی شخص رکن قومی...
شکارپور میں کچے کے ڈاکو2مزید شہریوں کواغوا کر کے لے گئے ، دونوں ایک فش فام پر چوکیدرای کرتے تھے ۔ تفصیلات کے مطابق ضلع شکارپور میں بد امنی تھم نہیں سکی ہے ، کچے کے ڈاکو بے لگام ہو گئے اور مزید دو افراد کو اغوا کر کے لے گئے ہیں، شکارپور کی تحصیل خانپور کے قریب فیضو کے مقام پر واقع...
سندھ کے سینئروزیرشرجیل انعام میمن نے کہاہے کہ بانی پی ٹی آئی کی لائونچنگ، گرفتاری، ضمانتیں یہ کہانی کہیں اور لکھی جا رہی ہے ،بانی پی ٹی آئی چھوٹی سوچ کا مالک ہے ، انہوں نے لوگوں کو برداشت نہیں سکھائی، ہمیشہ عوام کو انتشار کی سیاست سکھائی، ٹرانسپورٹ سیکٹر کو مزید بہتر کرنے کی کوشش...
پنجاب حکومت نے مزید مشاورت کرنے کیلئے ہتک عزت بل کی اسمبلی سے منظوری اتوار تک موخر کر دی جبکہ صوبائی وزیر وزیر اطلاعات عظمی بخاری نے کہا ہے کہ مریم نواز کی ہدایت پرمشاورت کے لئے بل کی منظوری کو موخر کیا گیا ہے ، ہم سوشل میڈیا سے ڈرے ہوئے نہیں لیکن کسی کو جھوٹے الزام لگا کر پگڑیاں...
سابق چیئرمین فیڈرل بورڈ آف ریونیو (ایف بی آر)شبر زیدی نے دبئی پراپرٹی لیکس پر ردعمل دیتے ہوئے کہا ہے کہ سیاستدان یہ بتائیں کہ جن پیسوں سے جائیدادیں خریدیں وہ پیسہ کہاں سے کمایا؟ایک انٹرویو میں دبئی میں پاکستانیوں کی جائیدادوں کی مالیت 20 ارب سے زیادہ ہے ، جن پیسوں سے جائیدادیں خر...
پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ اگر اپوزیشن 9 مئی کی معافی مانگنے پر تیار نہیں تو ان کا رونا دھونا جاری رہے گا۔قومی اسمبلی میں اظہار خیال کرتے ہوئے بلاول بھٹو نے کہا کہ ان کا لیڈر رو رہا ہے اور کہہ رہا ہے مجھے نکالو، مجھے نکالو، یہ انگلی ...
وزیراعلیٰ خیبرپختونخوا علی امین گنڈاپور نے صوبے میں بجلی کی لوڈشیڈنگ میں کمی کے لیے وفاقی حکومت کو ڈیڈ لائن دے دی۔علی امین گنڈاپور نے کہا ہے کہ وفاقی حکومت صوبے میں لوڈشیڈنگ کم کرنے کے لیے آج رات تک شیڈول جاری کرے ، اگر شیڈول جاری نہ ہواتو کل پیسکو چیف کے دفتر جاکر خود شیڈول دوں ...
اسلام آباد ہائی کورٹ نے 190ملین پاؤنڈ کرپشن کیس میں بانی پی ٹی آئی کی 10 لاکھ روپے کے مچلکوں پر ضمانت منظور کرلی۔تفصیلات کے مطابق اسلام آباد ہائی کورٹ کے چیف جسٹس عامر فاروق اور جسٹس طارق محمود جہانگیری پر مشتمل ڈویژن بینچ نے بانی پی ٹی آئی کی ضمانت منظور کرنے کا فیصلہ سنادیا۔ عد...
وزیر دفاع خواجہ آصف نے کہا ہے کہ اپوزیشن لیڈر کی جانب سے آرٹیکل 6 کے مطالبے کی حمایت کرتا ہوں اور ایوب خان کو قبر سے نکال کر بھی آرٹیکل 6 لگانا چاہیے اور اُسے قبر سے نکال کر پھانسی دینا چاہیے ۔قومی اسمبلی اجلاس میں وزیر دفاع خواجہ آصف نے گفتگو کرتے ہوئے کہا کہ اپوزیشن لیڈر عمر...