... loading ...
... loading ...
اقوامِ متحدہ کی ایک نئی رپورٹ میں پیش گوئی کی گئی ہے کہ 2050 کے اختتام تک دنیا کی آبادی 10 ارب ہوجائے گی۔رپورٹ میں کہا گیا ہے کہ آئندہ سات برسوں کے دوران بھارت کی آبادی چین سے بڑھ جائے گی جو اس وقت آبادی کے اعتبار سے دنیا کا سب سے بڑا ملک ہے۔عالمی ادارے کے شعبہ برائے معاشی و سماجی امور کی جانب سے جمعرات کو جاری کی جانے والی رپورٹ میں کہا گیا ہے کہ دنیا کی موجودہ آبادی ساڑھے سات ارب ہے جو 2030 تک ساڑھے آٹھ ارب اور 2050تک 10 ارب تک جاپہنچے گی۔
رپورٹ کے مطابق دنیا کی آبادی میں ہر سال آٹھ کروڑ 30 لاکھ افراد کا اضافہ ہورہا ہے اور یہ اضافہ عالمی شرحِ پیدائش میں آنے والی مسلسل کمی کے باوجود آئندہ برسوں میں جاری رہے گا۔رپورٹ میں دنیا کے 233 ملکوں اور علاقوں کی آبادی سے متعلق معلومات موجود ہیں اور مستقبل میں ان کی آبادی میں آنے والی تبدیلیوں کے متعلق دلچسپ پیش گوئیاں بھی کی گئی ہیں۔رپورٹ میں کہا گیا ہے کہ آئندہ سات برسوں کے دوران بھارت کی آبادی چین سے بڑھ جائے گی جو اس وقت آبادی کے اعتبار سے دنیا کا سب سے بڑا ملک ہے۔فی الوقت چین کی آبادی ایک ارب 40 کروڑ جب کہ بھارت کی آبادی ایک ارب 30 کروڑ کے لگ بھگ ہے۔رپورٹ میں یہ پیش گوئی بھی کی گئی ہے کہ 2050 سے قبل نائیجیریا امریکا کو پیچھے چھوڑ کر دنیا کا تیسرا بڑا گنجان آباد ملک بن جائے گا۔نائیجیریا اس وقت آبادی کے اعتبار سے دنیا کا ساتواں بڑا ملک ہے اور رپورٹ کے مطابق دنیا کے 10 بڑے گنجان آباد ملکوں میں نائیجیریا آبادی میں اضافے کے اعتبار سے پہلے نمبر پر ہے۔جمعرات کو ایک پریس کانفرنس میں رپورٹ کا اجرا کرتے ہوئے عالمی ادارے کے پاپولیشن ڈویژن کے سربراہ جان ولموتھ نے بتایا کہ سالِ رواں اور 2050 کے درمیان دنیا میں پیدا ہونے والے کل بچوں کی نصف تعداد افریقہ میں جنم لے گی۔ان کے بقول اس عرصے کے دوران افریقہ کے 26 ملکوں کی آبادی تقریباً دُگنی ہونے کی پیش گوئی بھی کی گئی ہے۔اس کے برعکس یورپی ملکوں کی آبادی میں آئندہ چند دہائیوں کے دوران مزید کمی آئے گی۔عالمی ادارے کی رپورٹ میں مزید کہا گیا ہے کہ 2050 تک دنیا کی آبادی میں ہونے والے کل اضافے کا 50 فیصد پاکستان سمیت 10ممالک میں آباد ہوگا۔غیر ملکی میڈیا کے مطابق اقوام متحدہ کی رپورٹ میں کہا گیا ہے کہ دنیا کی موجودہ آبادی 7 ارب 60 کروڑ ہے، جو 2030 تک 8 ارب 60 کروڑ تک پہنچ جائے گی ۔2050 تک مجموعی آبادی 9 ارب 80 کروڑ جبکہ اس صدی کے آخر تک یہ 11 ؍ارب سے بھی تجاوز کرجائے گی۔ایک اندازے کے مطابق آبادی میں ہر سال 8 کروڑ 30 لاکھ کا اضافہ ہو رہا ہے۔
رپورٹ میں کہا گیا ہے کہ 233 ممالک کی اس آبادی کا نصف صرف دس ممالک میں آباد ہے.ان دس ممالک میں بھارت، نائیجریا، کانگو، پاکستان ، ایتھوپیا، تنزانیہ، امریکا یوگنڈا اور انڈونیشیا شامل ہیں۔رپورٹ کے مطابق 2024 تک بھارت چین کو پیچھے چھوڑتے ہوئے دنیا کا سب سے زیادہ آبادی والاملک بن جائیگا۔صرف نو ملکوں یعنی بھارت، نائیجیریا، کانگو، پاکستان، ایتھوپیا، تنزانیہ، امریکہ، یوگینڈا اور انڈونیشیا میں ہوگا۔رپورٹ میں کہا گیا ہے کہ دنیا کے تقریباً تمام علاقوں میں حالیہ برسوں کے دوران شرحِ پیدائش میں نمایاں کمی آئی ہے البتہ ترقی پزیر ملکوں میں یہ شرح اب بھی خاصی بلند ہے۔شرحِ پیدائش میں مسلسل کمی کے باعث دنیا میں بزرگوں کی تعداد میں اضافہ ہورہا ہے۔ رپورٹ میں پیش گوئی کی گئی ہے کہ 2050کے اختتام تک دنیا میں 60 سال یا اس سے زائد عمر کے افراد کی تعداد دو ارب 10 کروڑ تک جاپہنچے گی جو اس وقت 95 کروڑ کے لگ بھگ ہے۔رپورٹ میں کہا گیا ہے کہ یورپی ملکوں میں شرحِ پیدائش دنیا میں سب سے کم ہے جہاں کی 25 فی صد آبادی 60 سال یا اس سے زائد عمر کی ہے۔رپورٹ کے مطابق 2050تک یورپ میں بزرگوں کی تعداد کل آبادی کا 35 فی صد ہوجائے گی۔
رپورٹ میں پیش گوئی کی گئی ہے کہ اگر آبادی میں اضافے کی موجودہ شرح برقرار رہی تو 2060 میں دنیا میں مسلمانوں کی تعداد تین ارب تک جا پہنچے گی۔امریکہ کے ایک معروف تحقیقی ادارے نے بھی پیش گوئی کی ہے کہ 2060تک دنیا میں مسلمانوں کی تعداد مسیحیوں کے برابر ہوجائے گی۔’پیو ریسرچ سروے’ کی جانب سے گزشتہ دنوںجاری کی جانے والی رپورٹ کے مطابق مسلمانوں میں شرحِ پیدائش دیگر مذاہب کے ماننے والوں سے کہیں زیادہ ہے جس کی وجہ سے ان کی آبادی میں تیزی سے اضافہ ہورہا ہے۔رپورٹ میں پیش گوئی کی گئی ہے کہ اگر آبادی میں اضافے کی موجودہ شرح برقرار رہی تو 2060ء میں دنیا میں مسلمانوں کی تعداد تین ارب تک جا پہنچے گی جو کل آبادی کا 31 فی صد ہوں گے۔رپورٹ کے مطابق 2060میں دنیا میں مسیحیوں کی تعداد تین ارب 10 کروڑ کے لگ بھگ ہوگی اور کل آبادی میں ان کا تناسب 32 فی صد ہوگا۔دوسال قبل ‘پیو ریسرچ سینٹر’ نے اپنی ایک تحقیق میں بتایا تھا کہ اسلام دنیا میں سب سے تیزی سے پھیلنے والا مذہب ہے اور امکان ہے کہ رواں صدی کے اختتام تک دنیا میں مسلمانوں کی تعداد مسیحیوں سے بڑھ جائے گی۔’پیو’ کے محققین اور ماہرین نے یہ رپورٹ دنیا کے مختلف ملکوں میں ہونے والی مردم شماری، جائزوں اور پیدائش اور اموات کے ریکارڈ کے ڈھائی ہزار سے زائد نمونوں کی مدد سے مرتب کی تھی۔’پیو’ کی 2015میں سامنے آنے والی اس رپورٹ کے مطابق دنیا کی کل آبادی چھ ارب 90 کروڑ ہے جس میں عیسائیت کے ماننے والوں کی تعداد سب سے زیادہ (دو ارب 20 کروڑ یعنی دنیا کی کل آبادی کا 31 فی صد) ہے۔رپورٹ کے مطابق مسلمان دنیا میں تعداد کے اعتبار سے دوسرے نمبر (ایک ارب 60 کروڑ یعنی دنیا کی کل آبادی کا 23 فی صد) ہیں۔گزشتہ دنوںجاری کی جانے والی تازہ رپورٹ کے مطابق 2060ء تک دنیا کے دوسرے بڑے مذاہب کے ماننے والوں خصوصاً ہندو وں اور یہودیوں کی تعداد میں بھی نمایاں اضافہ ہوگا لیکن یہ اضافہ دنیا کی کل آبادی میں ہونے والے مجموعی اضافے کے تناسب سے
ہوگا جس کے باعث ان مذاہب کے ماننے والوں کی شرح پر کوئی خاص فرق نہیں پڑے گا۔رپورٹ میں پیش گوئی کی گئی ہے کہ 2060 میں کسی بھی مذہب کو نہ ماننے والوں یعنی دہریوں کی تعداد میں کمی آئے گی جس کی بنیادی وجہ ان میں شرحِ پیدائش کم ہونا ہے۔
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...
وزیرستان میں تعینات سیشن جج شاکر اللہ مروت کو نامعلوم افراد نے اغوا کرلیا جبکہ وزیراعلی نے نوٹس لے کر آئی جی کو بازیاب کرانے کی ہدایت جاری کردی۔تفصیلات کے مطابق سیشن جج وزیرستان کو ٹانک اور ڈیرہ اسماعیل خان کے سنگم سے نامعلوم افراد نے اسلحے کے زور پر اغوا کیا اور اپنے ہمراہ لے گ...
پاکستان تحریک انصاف میں پبلک اکانٹس کمیٹی کی چیئرمین شپ کے لیے پارٹی رہنمائوں کے درمیان اختلافات شدت پکڑتے جارہے ہیں۔تفصیلات کے مطابق چیئرمین پبلک اکانٹس کمیٹی کی تقرری کے معاملے پر تحریک انصاف کے رہنمائوں میں اختلافات اب منظر عام پر آگئے ہیں۔پی ٹی آئی رہنما اور سینیٹر شبلی فرا...
پاکستان مسلم لیگ (ن)کے رہنما اور سابق وفاقی وزیر خواجہ سعد رفیق نے کہا ہے کہ تحریک انصاف اسٹیبشلمنٹ سے مذاکرات کا مطلب اور خواہش پوری کرلے جبکہ پاکستان پیپلزپارٹی کے رہنما نے کہا ہے کہ تحریک انصاف ایک بار پھر فوج کو سیاسی میں دھکیل رہی ہے۔تحریک انصاف کے بانی چیئرمین کی جانب سے پا...
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...
