... loading ...
... loading ...
سرکاری ملازمین میں کرپشن کرکے کروڑ پتی‘ ارب پتی بننے اور پھر سیاست میں آنے کی بنیاد سابق بیورو کریٹ امتیاز شیخ نے ڈالی۔ جنہوں نے 1986 ء میں سرکاری ملازمت اسسٹنٹ کمشنر کے طو رپر شروع کی اور پھر 2002 ء میں استعفیٰ دے کر سیاست کی وہ سولہ سالوں میں کھرب پتی بنے اور پھر مہنگے وکیل کرکے عدالت سے اجازت نامہ لے لیا کہ اب وہ سرکاری ملازم نہیں رہے اور پھر سیاست میں آگئے۔ پہلے سندھ ڈیموکریٹک الائنس بنایا۔ پھر اس کو مسلم لیگ (ق) میں ضم کیا ‘ پھر مسلم لیگ فنکشنل میں گئے اور اب وہ پی پی میں شامل ہوکر ’’ترقی ‘‘کا سفر جاری رکھے ہوئے ہیں۔
امتیاز شیخ کو آئیڈیل بنا کر پولیس افسر یا پھر سویلین افسر بھی اس دوڑ میں شامل ہوگئے۔ انہوں نے پیٹرول پمپ بنائے‘ شاپنگ سینٹر بنائے‘ زرعی زمینیں حاصل کیں۔ دبئی‘ امریکا‘ کینیڈا‘ ملیشیا میں سرمایہ کاری کی۔ اس وقت سندھ کے 250 سے زائد ایسے افسران ہیں جو سرکاری پیسہ لے کر ملک سے بھاگ گئے اور وہاں کاروبار کرکے بقیہ زندگی عیاشی سے گزاررہے ہیں۔ ان میں ثاقب سومرو‘ فرحان نبی جونیجو‘ لئیق میمن ایسے نام شامل ہیں جو ملازمت کے دوران میں کرپشن کر کے ملک سے فرار ہونے میں بھی کامیاب ہو گئے اور اب وہاں مزے سے کاروبار کررہے ہیں۔ اس دوڑ میں پولیس افسران بھی پیچھے نہیں ہیں۔ آج سے دس سال قبل چند پولیس افسران کے نام درجنوں پیٹرول پمپ سامنے آئے تب ان پولیس افسران کو پیٹرولیم سروس آف پاکستان (پی ایس پی کا مخفف بگاڑ کر) پکارا جانے لگا۔ حالانکہ پی ایس پی کا مخفف پولیس سروس آف پاکستان ہے۔ جب وفاقی حکومت اور حکومت سندھ نے ان کے خلاف کارروائی نہ کی تو پھر وہ پولیس افسر تو شیر بنے ہی تھے مگردوسروں کی بھی حوصلہ افزائی ہونے لگی۔ بعدمیں ایک نئی کھیپ نے کرپشن کلب کی رکنیت حاصل کی ۔سندھ کے آئی جی پولیس غلام حیدر جمالی کی اس کی سب سے شرمناک مثال ہے۔ اس کی دیدہ دلیری دیکھیں کہ سکھر کے ایک پیٹرول پمپ کا بل منظور کیا کہ اس پیٹرول پمپ سے سات کروڑ روپے کا جہاز کا تیل خریدا گیا۔ اس سے بڑا لطیفہ اور کیا ہوسکتا ہے کہ سکھر میں 7 کروڑ روپے کا ہیلی کاپٹر وہاں کیا کررہا تھا؟ جب سپریم کورٹ نے اسپر اُن کی سخت گوشمالی کی ، تب کہیں جاکر انہوں نے عہدے کی جان چھوڑی خیر سے اب غلام حیدر جمالی نے اپنے بیٹے کو ملیشیا میں کاروبار منظم کرکے دیا ہے۔ وہ اس سال میں ریٹائرڈ ہوجائیں گے اس کے بعد وہ یا تو کاروبار کریں گے یا پھر سیاست کریں گے۔ اسی طرح کراچی پولیس میں بھی ایسے افسران آگے بڑھتے جارہے ہیں جو خیر سے غلام حیدر جمالی کی کرپشن کو ابھی سے مات دے رہے ہیں۔ ایسے کئی ناموں میں دو اشرافیہ کے نام پیر محمد شاہ اور اظفر مہیسر بھی ہیں۔ اظفر مہیسر کا ایک کاروباری شراکت دار سندھ بلڈنگ کنٹرول اتھارٹی میں اسسٹنٹ ڈائریکٹر بنا تھا مگر سپریم کورٹ نے ان کا آئوٹ آف ٹرن پروموشن ختم کرکے انسپکٹر بنا دیا۔ خیر پیر محمد شاہ اور اظفر مہیسر کا ایک فرنٹ میں صحافی بھی ہے جو شاید زمینوں‘ فلیٹوں اور بنگلوں پر قبضے کرنے کے لئے صحافت میں آیا ہے، ورنہ اس کو تو ایک صفحہ بھی لکھنا نہیں آتا۔ یہ صحافی پچھلے تین سالوں سے گلستان جوہر میں ظلم کی رات گرم کیے ہوئے ہیں۔
آج سے چھ ماہ قبل محکمہ اینٹی کرپشن نے آصف شیخ کو گرفتار کیا تو اظفر مہیسر خیرپور سے کراچی آئے اور اس صحافی کو لے کر چیئرمین اینٹی کرپشن کے گھر گئے اور وہاں نذرانہ پیش کیا۔ اس وقت چیئرمین اینٹی کسی اور ہی دنیا میں مگن تھے مگر جیسے ہی لکشمی کا دیدار ہوا تو ان کا خمار ٹوٹ گیا۔ اظفر مہیسر اور پیر محمد شاہ زمینوں پر قبضوں‘ گھروں پر قبضوں‘ فلیٹوں پر قبضوں میں اس صحافی کو آگے رکھتے ہیں۔ آج سے ایک ہفتہ قبل پیر محمد شاہ اور اظفر مہیسر نے ایک شہری حسین میاں سے رابطہ کیا اور ملیر کینٹ کے قریب چار کروڑ روپے کا ایک پلاٹ 45 لاکھ روپے میں خریدنا چاہا۔ حسین میاں کی اولاد اور اہل خانہ نے مزاحمت کی تو دونوں ایس ایس پیز نے مذکورہ صحافی کو ملیر کینٹ تھانے بھیج دیا اور ایس ایچ او رائو دلشاد نے حسین میاں کو گرفتار کرلیا اور اس پر پوری رات دبائو ڈالا گیا کہ وہ فوری طور پر یہ پلاٹ دونوں ایس ایس پیز اور صحافی کو فروخت کریں لیکن اس نے انکار کیا۔ ایس ایچ او رائو دلشاد نے حسین میاں کو مقابلہ میں مارنے کی دھمکی دی۔ علی الصبح قائم مقام ایڈیشنل آئی جی کراچی پولیس ثناء اللہ عباسی نے حکم جاری کرکے حسین میاں کو رہا کرا دیا اور تحقیقات کرکے دو روز بعد ایس ایچ او رائو دلشاد کو معطل کردیا۔ تحقیقات میں یہ بات سامنے آگئی کہ دونوں ایس ایس پیز اور صحافی کے 45 لاکھ روپے ڈوب گئے۔ مذکورہ صحافی نے درجنوں مرتبہ ایڈیشنل آئی جی ثناء اللہ عباسی کو فون کیے۔ ایس ایم ایس بھیجے مگر ثناء اللہ عباسی نے اس کا جواب نہیں دیا۔ اب اس پورے واقعہ کی تحقیقات ایس ایس پی ایسٹ فیصل چاچڑ کو دے دی گئی ہے جس کے بعد دونوں ایس ایس پیز اور صحافی کی نیندیں حرام ہوگئی ہیں۔ الزام کی زد میں آنے والے مذکورہ صحافی مشتاق سرکی سے رابطہ کرنے کی متعدد بار کوشش کی گئی مگر اس نے تاحال کوئی جواب نہیں دیا۔ اطلاعات کے مطابق وہ اس وقت ثناء اللہ عباسی کو راضی کرنے میں مصروف ہیں۔
نوٹس میں مزید خبردار کیا گیا ہے کہ قانونی تقاضے پورے نہ کرنے کی صورت میں مدرسے کی عمارت کو سیل کیا جا سکتا ہے مولانا فضل الرحمان کی جماعت جمعیت علمائے اسلام (ف) سے منسلک مدرسہ اختر العلوم کو قانونی خلاف ورزیوں پر سی ڈی اے کا نوٹس جاری کر دیا گیا۔ کیپیٹل ڈویلپمنٹ اتھارٹی کے ڈائ...
ہیگستھ کے خلاف مواخذے کی کوششوں میں تیزی آنے اور مزید ری پبلکن ارکان کی حمایت ملنے کا امکان امریکی وسط مدتی انتخابات میں ایوانِ نمائندگان پر ڈیموکریٹس کے ممکنہ کنٹرول سے وزیرِ جنگ پیٹ ہیگستھ کے لیے مشکلات بڑھ سکتی ہیں۔ امریکی میڈیا کے مطابق ڈیموکریٹس کی کامیابی سے ہیگستھ کے خل...
تین سال سے جاری فسادات میں اب تک تین سو ترانوے افراد ہلاک ہوچکے ہیں، تحقیقاتی رپورٹ بھارتی ریاست منی پور میں بی جے پی حکومت کے خلاف احتجاجی مظاہرے جاری ہیں، تازہ جھڑپوں میں مزید پانچ افراد ہلاک ہوگئے. تحقیقاتی رپورٹ کے مطابق تین سال سے جاری فسادات میں اب تک تین سو ترانوے افراد...
ایران سے لڑنے والا اسکی قیمت میدان جنگ سے اپنی دہلیز تک چکائے گا، بیان ایران کی قومی سلامتی کونسل کے سربراہ محسن رضائی نے کہا ہے کہ جو بھی ایران سے ٹکرائے گا، قیمت چکائے گا۔امریکا کے مڈٹرم نتائج پر ردعمل دیتے ہوئے انہوں نے کہا کہ ایرانی قوم نے ڈونلڈ ٹرمپ کو میدان جنگ اور ہرمز ...
بانی سے ملاقاتوں کا سلسلہ چلتا رہتا تو سیاسی تناؤ نہیں ہوتا اور نہ ایمرجنسی یا گورنر راج کی نوبت آتی، گفتگو پاکستان تحریک انصاف کے چیئرمین بیرسٹر گوہر نے کہا ہے کہ بانی پی ٹی آئی خیبرپختونخوا میں گورنر راج اور ایمرجنسی کے نفاذ سے مکمل باخبر تھے ، انہوں نے حکومت کے خاتمے کو خوش...
صدر کے پاس ایوانِ نمائندگان یا سینیٹ کی حمایت نہ ہونے کی صورت میں بھی حکومت چلانے کی مثالیں موجود ہیں،انٹرویو امریکی صدر ڈونلڈ ٹرمپ نے خبردار کیا ہے کہ اگر وسط مدتی انتخابات میں ڈیموکریٹک پارٹی ایوانِ نمائندگان اور سینیٹ دونوں میں اکثریت حاصل کرنے میں کامیاب ہو گئی تو میں مسٹر...
ہلاک ہونے والے ملاح کی شناخت گجرات سے تعلق رکھنے والے گندھر نعیم عجیز کے نام سے ہوئی،حکام عمان کے ساحل کے قریب بھارتی پرچم بردار کارگو جہاز کو نامعلوم فضائی شے سے نشانہ بنایا گیا، جس کے نتیجے میں ایک بھارتی ملاح ہلاک ہوگیا، جبکہ جہاز پر سوار دیگر 13 افراد کو بحفاظت ریسکیو کرلی...
مختلف یورپی ممالک میں سائبر حملوں کے نتیجے میں سپرمارکیٹس کے فریج اور کولنگ سسٹم خراب ہوگئے، جس کے باعث خوراک کو محفوظ رکھنے اور اس کی فراہمی متاثر ہونے کا خدشہ پیدا ہوگیا ہے۔ عرب ٹی وی کے مطابق سائبر حملوں سے سویڈن، بیلجیم اور لکسمبرگ کے اسٹورز متاثر ہوئے ہیں۔ آئرلینڈ کے 13 اور ...
سپریم کورٹ، سندھ ہائی کورٹ اور وفاقی ہائر ایجوکیشن کمیشن کے نمائندوں پر مشتمل تین رکنی کمیٹی بنائی گئی ہےخستہ حال پوائنٹس کی فی الفور مرمت کے ساتھ کلاسز کی ابتر صورتحال کو بہتر کیا جائے، طلبہ جامعہ کراچی سے الحاق شدہ لا کالجز کے سیکنڈ ایئر کے امتحانی نتائج اور مارکس شیٹس سے مت...
سرمایہ کاروں نے ڈالر پر انحصار کم کرنا شروع کردیا ہے، جس کے باعث یورو سمیت دیگر بڑی کرنسیوں کو تقویت مل رہی ہے عالمی مالیاتی منڈی میں امریکی ڈالر کی قدر میں نمایاں کمی ریکارڈ کی گئی ہے اور ڈالر ایک ماہ کی کم ترین سطح پر پہنچ گیا ہے۔ امریکا اور ایران کے درمیان کشیدگی میں کمی او...
گریڈ 18 کے افسر شہزاد اکبر کو اضافی چارج سونپ دیا گیا، تین ماہ یا مستقل تعیناتی تک ذمہ داریاں انجام دیں گے نیشنل سائبر کرائم انویسٹی گیشن ایجنسی (این سی سی آئی اے) کراچی میں اہم انتظامی تبدیلی عمل میں لائی گئی ہے، جہاں گریڈ 18 کے افسر طارق نواز نے ایڈیشنل ڈائریکٹر کا عہدہ چھوڑ...
سابق پروجیکٹ ڈائریکٹر ضمیر احمد عباسی سمیت چار افسران نامزد، ٹھیکیداروں کو اربوں روپے کی پیشگی ادائیگیوں اور قواعد کی خلاف ورزیوں کا الزام صوبائی اینٹی کرپشن عدالت میں یلو لائن منصوبے میں مبینہ مالی بے ضابطگیوں کے مقدمے میں اینٹی کرپشن حکام نے سابق پروجیکٹ ڈائریکٹر ضمیر احمد ع...
