... loading ...
دوسو بلین سے زائد کی بدعنوانیوں میں دھنسے جہانگیر صدیقی کے رازداں عمران شیخ اپنی پراسرار رہائی کے بعد گزشتہ دنوں اچانک دبئی فرار ہو گیے۔ عمران شیخ جنگ او رجیو گروپ کے سربراہ میر شکیل الرحمان کے سمدھی جہانگیر صدیقی کے تمام کرتوتوں سے آگاہ تھے۔ جہانگیر صدیقی کے سرکاری مسائل کو حل کرنے اور اُن کے مختلف فراڈز کو سرکاری اداروں میں چھان بین سے روکنے کے کاموں پر مامور عمران شیخ سندھ پولیس ، ایف آئی اے اور نیب میں خاصا اثرورسوخ رکھتے ہیں۔ اپنے تعلقات پر نازاں اور سرکاری اداروں کو جہانگیر صدیقی کی مرضی کے مطابق ڈھالنے کے ماہر عمران شیخ کو جب اچانک گرفتار کیا گیا تو وہ جہانگیر صدیقی کے بیٹے علی جہانگیر کے گھر سے نکلے تھے۔ اُن کی گرفتاری کی پشت پر دراصل ایف آئی اے کے ڈائریکٹر سندھ شاہد حیات سے اُن کے تعلقات اور اُنہیں مختلف مواقع پر فوائد پہنچانے کی چھان بین کا محرک تھا۔مگر دوران حراست اُنہوں نے اُن سے بھی بڑھ کر سندھ پولیس ، ایف آئی اے کے دیگر افسران اور نیب کے ذمہ داران سے اپنے منفعت بخش تعلقات کے ذریعے مختلف ناجائز کام کرانے کی ہوشربا تفصیلات اُگل دیں۔
اُن سے تفتیش کے بعد یہ بھی انکشاف ہوا تھا کہ وہ سندھ پولیس کے پانچ ڈی آئی جیز کی رقوم بیرون ملک بھیجنے کے ایک سلسلے سے بھی پوری طرح آگاہ ہیں۔ خود عمران شیخ کو جہانگیر صدیقی سے متعارف کرانے والے سلطان خواجہ کے متعلق بھی بعض حقائق پہلی مرتبہ منکشف ہوئے جس نے کراچی میں ایماندار پولیس افسران کی ایمانداری کا پول کھول کر رکھ دیا۔ عمران شیخ نے جہانگیر صدیقی کی بدعنوانیوں پر پھیلے مافیائی طرز کے پورے کھیل کو بے نقاب کردیا۔ ان تمام تفصیلات کے بعد عمران شیخ کی پراسرار رہائی کے بعد محسوس یہ ہورہا تھا کہ اب تحقیقات کا دائرہ بتدریج وسیع ہوگا۔ قانون نافذ کرنے والے اداروں سےیہ امید کی جارہی تھی کہ وہ عمران شیخ کے انکشافات کی روشنی میں شاہد حیات کے خلاف تحقیقات کا آغاز کریں گے۔ مزید برآں جہانگیر صدیقی کے دوسو بلین کی بدعنوانیوں کے حقائق پر اب قانون نافذ کرنے والے ادارے حرکت میں آئیں گے۔ جہانگیر صدیقی کے بھارت کےکاروباری حلقوں سے تعلقات کے متعلق ہونے والے انکشاف کی روشنی میں یہ چھان بین کی جاسکے گی کہ آخر کیوں بھارت سے آنے والے اکثر وفود کی میزبانی جہانگیر صدیقی کے کہنے پر عمران شیخ کیا کرتے ہیں؟سندھ پولیس کے وہ افسران جنہوں نے اپنی جعلی ایمانداری کا تاثر نقش کرنے کے لیے غیر معمولی محنت اور ڈرامے بازیاں کی ہیں، اُن کی منی لانڈرنگ اور اربوں روپے کی بدعنوانیوں کے ذرائع کیا ہیں؟ اور اُس میں جہانگیر صدیقی کے گاڈ فاڈر طرز کا عمل دخل کتنا ہے؟
ابتدا میں بعض حلقوں میں یہ سوال اُٹھا تھا کہ عمران شیخ کے سنسنی خیز انکشافات کے بعد اُن کی رہائی آخر عمل میں ہی کیوں آئی؟ تاہم یہ ایک غیر معمولی پہلو تھا کہ عمران شیخ نے رہائی کے بعد اُن سے ہونے والی تفتیش کے متعلق خود اپنے ادارے کے لوگوں کو بھی کچھ نہیں بتایا۔ سندھ پولیس کے افسران بھی اُن سے ابتدا میں کچھ لاتعلق اور فاصلے پر دکھائی دیے۔ یہاں تک کہ خود جہانگیر صدیقی کے قریبی افراد بعض حلقوں میں یہ چھان بین کرتے ہوئے پائے گیے کہ عمران شیخ نے دوران حراست انکشافات کی کتنی قے کی ہے۔ مگر عمران شیخ نے اپنے قریبی حلقوں کو بھی بس یہی کہنے پر اکتفا کیا کہ اُن کے ساتھ خیر کا معاملہ ہوا، اور کسی کے متعلق کوئی پوچھ گچھ نہیں کی گئی۔ اُن کےاس موقف پر خود اُن کے اپنے ادارے کے ذمہ داران اور ایف آئی اے اور نیب کے افسران نے بھی اعتماد نہیں کیا۔جہانگیر صدیقی کےباخبر قریبی حلقوں کے مطابق ان حالات میں عمران شیخ کو پاکستان سے کچھ عرصے کے لیے بیرون ملک نکالنے کا فیصلہ کیا گیا تاکہ آئندہ پیش آنے والے غیر متوقع حالات میں عمران شیخ سے متعلق کسی اندیشے سے بچا جاسکے۔
ان حالات کے باوجود دوسری طرف قانون فافذ کرنے والے اداروں کے متعلق یہ سوال اُٹھ رہا ہے کہ آخر اتنے سنسنی خیز انکشافات اور اُس کےمقفل ثبوتوں کی چابی رکھنے والے عمران شیخ کو کراچی سے دبئی فرارہونے کا موقع کیوں دیا گیا؟اس پیش رفت پر نگاہ رکھنے والے ذہنوں میں یہ سوال بھی موجود ہے کہ کیا ا س معاملے میں بھی اداروں پر سیاسی دباؤ نے کام دکھا یا ہے؟ وجوہات کچھ بھی ہوں، مگر عمران شیخ کے کراچی ائیرپورٹ سے منظور کاکا کی طرح فرار ہونے کے واقعے نے قانون نافذ کرنے والے اداروں کی ساکھ کو نقصان پہنچایا ہے!!!!
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
سندھ کابینہ نے رینجرز کی کراچی میں تعیناتی کی مدت میں 180 دن کے اضافے کی منظوری دے دی۔ترجمان حکومت سندھ نے بتایا کہ رینجرز کی کراچی میں تعیناتی 13 جون 2024 سے 9 دسمبر 2024 تک ہے ، جس دوران رینجرز کو انسداد دہشت گردی ایکٹ 1997 کے تحت اختیارات حاصل رہیں گے ۔کابینہ نے گزشتہ کابینہ ا...
بھارتی وزیراعظم نریندر مودی انتخابات میں کامیابی کے لیے بھارتی مسلمانوں اور پاکستان کو دھمکی دے رہے ہیں ۔ دی وائر کے مطابق بی جے پی نے آفیشل انسٹاگرام ہینڈل کے ذریعے مودی کی ایک ویڈیو جاری کی ہے جس میں مودی کہتے ہیں کہ اگر کانگریس اقتدار میں آئی تو وہ ہندؤں کی جائیداد اور دولت م...
اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔غیرملکی خبررساں ادارے کے مطابق امریکی وزیر خارجہ انٹونی بلنکن سے ملاقات میں انہوں نے کہا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔اسرائیلی وزیراعظم کا کہنا تھا کہ حماس نے جنگ ...
جمعیت علمائے اسلام (جے یو آئی)کو کراچی میں جلسے کی اجازت نہیں ملی اس حوالے سے ڈپٹی کمشنر شرقی نے بتایا کہ جے یو آئی کو ایس ایس پی ایسٹ کی رپورٹ پر جلسہ کرنے کی اجازت نہیں دی گئی۔ ایس ایس پی ایسٹ کی رپورٹ میں کہا گیا ہے کہ شہر میں حالیہ دہشت گردی کے واقعات کے پیش نظر بڑے عوامی اجت...
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
غزہ میں مظالم کے خلاف اسرائیل کی مبینہ حمایت کرنے والی کمپنیوں کے بائیکاٹ کی مہم میں شدت آتی جا رہی ہے ۔ معروف امریکی فوڈ چین کے ایف سی نے ملائیشیا میں اپنے 100 سے زائد ریستوران عارضی طور پر بند کرنیکا اعلان کر دیا۔غیر ملکی میڈیا کے مطابق ملائیشیا میں امریکی فوڈ چین کی فرنچائز کم...
جمعیت علمائے اسلام کے سربراہ مولانا فضل الرحمان نے وزیراعظم شہباز شریف اور وزیراعلیٰ پنجاب مریم نواز کے شوہر کیپٹن (ر) صفدر کو طنز کا نشانہ بنایا ہے ۔لاہور میں فلسطین کانفرنس سے خطاب میں مولانا فضل الرحمان کا کہنا تھاکہ یہاں بلاوجہ شہباز شریف کی شکایت کی گئی اس بیچارے کی حکومت ہی...
وزیراعظم شہباز شریف نے کہا ہے کہ کرپشن کا ملک سے خاتمہ ہونے والا ہے ، ہم سب مل کر پاکستان کو انشااللہ اس کا جائز مقام دلوائیں گے اور جلد پاکستان اقوام عالم میں اپنا جائز مقام حاصل کر لے گا۔لاہور میں عالمی یوم مزدور کے موقع پر اپنی ذاتی رہائش گاہ پر تقریب سے خطاب کرتے ہوئے وزیرِ ا...
غیر قانونی طور پر بھارت کے زیر قبضہ جموں و کشمیر میں بی جے پی کے رہنما راجوری اور پونچھ میں مسلمانوں کو دھمکیاں دے رہے ہیں کہ وہ یا تو سنگھ پریوار کے حمایت یافتہ امیدوار کو ووٹ دیں یا1947 جیسی صورتحال کا سامنا کرنے کے لیے تیار رہیں۔ کشمیرمیڈیاسروس کے مطابق 1947میں جموں خطے میں ہن...
پی ٹی آئی نے جمعیت علما اسلام کے سربراہ مولانا فضل الرحمان سے فوری رابطے کا فیصلہ کیا ہے ۔ذرائع کے مطابق تحریک انصاف نے مولانا فضل الرحمان سے فوری رابطے کا فیصلہ کیا ہے ، جے یو آئی ف کے سربراہ کو احتجاجی تحریک میں شامل ہونے کے لیے باقاعدہ دعوت دی جائے گی۔ذرائع کے مطابق مذاکراتی ک...