... loading ...
... loading ...
انسائیڈ ٹریڈنگ، ٹیکس فراڈ اور منی لانڈرنگ میں ملوث پاکستان کے بدعنوانوں کی فہرست میں اول درجے میں شمار کیے جانے والے جہانگیر صدیقی کے” الٹے سیدھے” اور تمام گندے کاموں کے نگراں عمران شیخ کی پچھلے دنوں گرفتاری اور پانچ دنوں کے بعد پراسرار رہائی نے کراچی پولیس ، ایف آئی اے اور کچھ سیاست دانوں سمیت بیشتر کاروباری شخصیات کو تاحال پریشانی میں مبتلا رکھا ہوا ہے۔ یہ پریشانی دراصل اس سبب سے ہے کہ آخر عمران شیخ نے حساس ادارے کی تحویل میں کس کس کے متعلق کیا کیا کچھ زبان سے اُگلا ہے؟ عمران شیخ ہر بدعنوان شخص کی طرح رہائی کے بعد اپنے مقربین اور اُن پر انحصار کرنے والے پولیس افسران اور دیگر سرکاری اداروں کے اہم افراد کو یہی تاثر دے رہے ہیں کہ “سب خیریت سے ہے۔”اور کسی کے بارے میں اُن سے کچھ نہیں پوچھا گیا۔ مگر درحقیقت عمران شیخ کی گرفتاری کے بعد خود جہانگیر صدیقی اور اُن کے سمدھی میر شکیل الرحمان کے قریبی حلقے کے لوگ بھی ان دنوں نہایت پریشان ہیں اور وہ اب عمران شیخ کو ایک “اثاثے” کے بجائے “بوجھ” سمجھنے لگے ہیں، جواُن کے بہت سے اُلٹے سیدھے دھندوں کے انتہائی اہم ثبوتوں اور شواہد کے نگران کے طور پر اُن کے لیے کسی بھی وقت بڑی مصیبت پیدا کرنے کا باعث بن سکتا ہے۔
وجود ڈاٹ کام کو ملنے والی انتہائی اہم اطلاعات کے مطابق عمران شیخ کو اگرچہ جہانگیر صدیقی اور ڈائریکٹر ایف آئی اے سندھ شاہد حیات کے متعلق بعض متعین نکات پر معلومات حاصل کرنے کے لیے حراست میں لیا گیا تھا۔ مگر اُن سے ملنے والی معلومات نے حساس حلقوں کے تمام متعلقہ افراد کو چونکا دیا ہے کہ کس طرح کراچی پولیس کے ڈی آئی جیز ، ریٹائرڈ سرکاری افسران ، اہم کاروباری شخصیات اور سیاست دانوں سمیت متعدد حلقوں کے مختلف افراد بدعنوانیوں کی ایک آکاس بیل میں لپٹے ہوئے ہیں؟ یہ تمام لوگ کس طرح ملک سے پیسہ بٹور کر بیرون ملک بھیجتے ہیں؟
انتہائی باخبر ذرائع کے مطابق عمران شیخ نے شاہد حیات کے علاوہ اُن پولیس افسران اوربالخصوص “خواجگان” کا تمام کچاچٹھہ کھول کر رکھ دیا ہے جو “اوپر” کی لامحدود کمائی کو بیرون ملک بھیجنے کے لیے مختلف ذرائع سے متعلق ہیں۔ اس ضمن میں معلوم ہو ا ہے کہ عمران شیخ کے ارد گردموجود لوگ دراصل ایان علی کی طرح ہی مختلف ماڈل گرلز پر انحصار کرتے تھے جو اُن کی رقوم کو بیرون ملک بھیجنے کے لیے استعمال کی جاتی تھیں ۔ اُن ماڈل گرلز کا ایک “دوسرا استعمال” بھی تھا جو یہاں زیر بحث نہیں۔ وجود ڈاٹ کام کو دستیاب اُن ماڈل گرلز کے ناموں کے ساتھ تفصیلات کو کسی اور موقع پر شائع کیا جائے گا۔
انتہائی باخبر ذرائع کے مطابق عمران شیخ نے اُن تمام افراد کے متعلق تمام معلومات مہیا کردی ہیں جو جہانگیر صدیقی کے علاوہ ایک اور اہم “صحافتی شخصیت “کے بہت سے غیر قانونی ذرائع پر انحصار کی کہانی سناتی ہے۔ یہ معلوما ت جہانگیر صدیقی کی بدعنوانیوں کے ایک ایسے گورکھ دھندے پر روشنی ڈالتی ہے جو اسٹاک ایکسچینج سے لے کر منی لانڈرنگ تک غیر قانونی ذرائع سے دولت جمع کرنے کے مختلف ہتھکنڈوں کو واضح کرتی ہیں۔ اس ضمن میں حساس حلقے اس نتیجے پر پہنچے ہیں کہ سندھ پولیس اور ایف آئی اے کے بعض اہم افسران کی بے پناہ دولت کے متعلق چھان بین ضروری ہے۔ اس کےعلاوہ اُن افسران کی دولت کن کن ممالک میں موجود ہے ، اُس کا خاموش جائزہ بھی لینے کا فیصلہ کر لیا گیا ہے۔ ایک ذمہ دار ذریعے کے مطابق جہانگیر صدیقی نے جس طرح سرکاری افسران کو بدعنوان بنانے کے لیے اُنہیں مختلف سہولیات مہیا کی ہیں، اُس کا بھی جائزہ لیا جارہا ہے۔ تاہم جہانگیر صدیقی کی پہلو دار بدعنوانیوں کا مکمل احاطہ کرنے کے لیے مبینہ طور پر تین افراد پر نظر رکھنے کی اطلاعات گردش کررہی ہیں جن میں نجم علی ، مناف ابراہیم اور سلیمان لالانیہ کے نام شامل ہیں۔
جہانگیر صدیقی کے قریبی حلقوں میں اب یہ رائے تقویت پکڑ رہی ہے کہ عمران شیخ کی گرفتاری نے بدعنوانیوں کے اس پورے گورکھ دھندے کو تقریباًعریاں کردیا ہے۔ اور اب عمران شیخ پر زیادہ انحصار نہایت خطرناک ثابت ہوگا۔ دیکھنا یہ ہے کہ پاکستان میں بدعنوانیوں کی سب سے خطرناک ملزم جہانگیر صدیقی کا انجام کیا ہوتا ہے؟ اور وہ اپنے انجام کے بدترین اثرات کی لپیٹ میں سندھ پولیس اور مختلف سرکاری اداروں کے افسران سمیت پاکستان کے سب سے بڑے ابلاغی ادارے کے سربراہ اور اپنے سمدھی کو کتنا لپیٹ میں لیتے ہیں؟
ٹیلی کام آپریٹرز کے پاس ایک کروڑ 60لاکھ ری سائیکل نمبرز موجود ،پی ٹی اے نے ایک کروڑ نمبرز کی تفصیلات میٹا کو بھجوائی تھیں میٹا نے پاکستان ٹیلی کمیونیکیشن اتھارٹی کی درخواست پر ایک لاکھ 76ہزار اکائونٹس بند کر دئیے۔ حکام کے مطابق غیر فعال نمبرز پر واٹس ایپ اکائونٹس سائبر فراڈ کا...
خواتین کے جائیداد حقوق سے متعلق محتسب اور پشاور ہائی کورٹ کے فیصلے کالعدم قرار سپریم کورٹ آف پاکستان نے وفاقی محتسب کے اختیارات سے متعلق اہم فیصلہ جاری کرتے ہوئے قرار دیا ہے کہ محتسب کو پیچیدہ جائیداد تنازعات اور متنازعہ ملکیتی حقوق کا حتمی فیصلہ کرنے کا اختیار حاصل نہیں، ایسے...
گوشوارے جمع کروانا الیکشنز ایکٹ 2017 کی دفعہ 137 کے تحت ایک لازمی قانونی تقاضا ہے،الیکشن کمیشن اراکینِ پارلیمنٹ و صوبائی اسمبلی کے لیے مالی سال 26ـ2025 کے اثاثہ جات و واجبات کے گوشوارے جمع کرانے کی آخری تاریخ 31 دسمبر مقررکردی گئی۔ الیکشن کمیشن کی جانب سے کہاگیاہے کہ مالی سال ...
نوٹس میں مزید خبردار کیا گیا ہے کہ قانونی تقاضے پورے نہ کرنے کی صورت میں مدرسے کی عمارت کو سیل کیا جا سکتا ہے مولانا فضل الرحمان کی جماعت جمعیت علمائے اسلام (ف) سے منسلک مدرسہ اختر العلوم کو قانونی خلاف ورزیوں پر سی ڈی اے کا نوٹس جاری کر دیا گیا۔ کیپیٹل ڈویلپمنٹ اتھارٹی کے ڈائ...
ہیگستھ کے خلاف مواخذے کی کوششوں میں تیزی آنے اور مزید ری پبلکن ارکان کی حمایت ملنے کا امکان امریکی وسط مدتی انتخابات میں ایوانِ نمائندگان پر ڈیموکریٹس کے ممکنہ کنٹرول سے وزیرِ جنگ پیٹ ہیگستھ کے لیے مشکلات بڑھ سکتی ہیں۔ امریکی میڈیا کے مطابق ڈیموکریٹس کی کامیابی سے ہیگستھ کے خل...
تین سال سے جاری فسادات میں اب تک تین سو ترانوے افراد ہلاک ہوچکے ہیں، تحقیقاتی رپورٹ بھارتی ریاست منی پور میں بی جے پی حکومت کے خلاف احتجاجی مظاہرے جاری ہیں، تازہ جھڑپوں میں مزید پانچ افراد ہلاک ہوگئے. تحقیقاتی رپورٹ کے مطابق تین سال سے جاری فسادات میں اب تک تین سو ترانوے افراد...
ایران سے لڑنے والا اسکی قیمت میدان جنگ سے اپنی دہلیز تک چکائے گا، بیان ایران کی قومی سلامتی کونسل کے سربراہ محسن رضائی نے کہا ہے کہ جو بھی ایران سے ٹکرائے گا، قیمت چکائے گا۔امریکا کے مڈٹرم نتائج پر ردعمل دیتے ہوئے انہوں نے کہا کہ ایرانی قوم نے ڈونلڈ ٹرمپ کو میدان جنگ اور ہرمز ...
بانی سے ملاقاتوں کا سلسلہ چلتا رہتا تو سیاسی تناؤ نہیں ہوتا اور نہ ایمرجنسی یا گورنر راج کی نوبت آتی، گفتگو پاکستان تحریک انصاف کے چیئرمین بیرسٹر گوہر نے کہا ہے کہ بانی پی ٹی آئی خیبرپختونخوا میں گورنر راج اور ایمرجنسی کے نفاذ سے مکمل باخبر تھے ، انہوں نے حکومت کے خاتمے کو خوش...
صدر کے پاس ایوانِ نمائندگان یا سینیٹ کی حمایت نہ ہونے کی صورت میں بھی حکومت چلانے کی مثالیں موجود ہیں،انٹرویو امریکی صدر ڈونلڈ ٹرمپ نے خبردار کیا ہے کہ اگر وسط مدتی انتخابات میں ڈیموکریٹک پارٹی ایوانِ نمائندگان اور سینیٹ دونوں میں اکثریت حاصل کرنے میں کامیاب ہو گئی تو میں مسٹر...
ہلاک ہونے والے ملاح کی شناخت گجرات سے تعلق رکھنے والے گندھر نعیم عجیز کے نام سے ہوئی،حکام عمان کے ساحل کے قریب بھارتی پرچم بردار کارگو جہاز کو نامعلوم فضائی شے سے نشانہ بنایا گیا، جس کے نتیجے میں ایک بھارتی ملاح ہلاک ہوگیا، جبکہ جہاز پر سوار دیگر 13 افراد کو بحفاظت ریسکیو کرلی...
مختلف یورپی ممالک میں سائبر حملوں کے نتیجے میں سپرمارکیٹس کے فریج اور کولنگ سسٹم خراب ہوگئے، جس کے باعث خوراک کو محفوظ رکھنے اور اس کی فراہمی متاثر ہونے کا خدشہ پیدا ہوگیا ہے۔ عرب ٹی وی کے مطابق سائبر حملوں سے سویڈن، بیلجیم اور لکسمبرگ کے اسٹورز متاثر ہوئے ہیں۔ آئرلینڈ کے 13 اور ...
سپریم کورٹ، سندھ ہائی کورٹ اور وفاقی ہائر ایجوکیشن کمیشن کے نمائندوں پر مشتمل تین رکنی کمیٹی بنائی گئی ہےخستہ حال پوائنٹس کی فی الفور مرمت کے ساتھ کلاسز کی ابتر صورتحال کو بہتر کیا جائے، طلبہ جامعہ کراچی سے الحاق شدہ لا کالجز کے سیکنڈ ایئر کے امتحانی نتائج اور مارکس شیٹس سے مت...
