... loading ...
... loading ...
متحدہ قومی موومنٹ کے قائد الطاف حسین کی تصویر پرمشتمل 2016ء کا ایک کیلنڈر ایم کیوایم کی جانب سے شائع کیاگیا ہے‘ جس میں فاٹا اور گلگت بلتستان کے علاوہ ملک کے27ڈویژن اور ان کی آبادی ظاہر کی گئی ہے۔ یہ آبادی1998ء کی مردم شماری کے مطابق ہے۔ پاکستان میں گزشتہ 17برس سے نئی مردم شماری کا معاملہ زیرالتواء ہے۔ حکومت نے مختلف وجوہات کے سبب مردم شماری ایک بار پھر ملتوی کردی ہے حالانکہ قومی اسمبلی میں وزیراعلیٰ سندھ سید قائم علی شاہ کی صاحبزادی ڈاکٹر نفیسہ شاہ کی جانب سے پیش کردہ قرارداد متفقہ طور پر منظور کرلی گئی ہے جس میں حکومت سے کہاگیا ہے کہ ملک میں فی الفور مردم شماری کرائی جائے۔ وزیراعلیٰ سید قائم علی شاہ فی الوقت مردم شماری کے سب سے بڑے وکیل ہیں۔
وہ فوری طور پر مردم شماری کرانے کیلئے وفاق پر دباؤ ڈال رہے ہیں۔ دوسری طرف سندھ کی شہری قیادت کو خدشہ ہے کہ نئی مردم شماری میں شہری سندھ کی آبادی مزید کم کرکے قومی وصوبائی اسمبلیوں میں سیٹیں کم کردی جائیں گی۔ ایم کیوایم کے مطالبات میں اب پاکستان میں 20صوبوں کا مطالبہ سرفہرست ہوگیا ہے۔ متحدہ کے کیلنڈر میں1998ء کی مردم شماری کے مطابق کراچی‘ حیدرآباد‘ سکھر اور میرپورخاص کی آبادی4کروڑ54لاکھ سے تجاوزبتائی گئی ہے جو گزشتہ 17برس میں بڑھ کر7کروڑ تک جاپہنچی ہے۔ کیلنڈرکے مطابق افغانستان کی آبادی3کروڑ18لاکھ اور 34صوبے‘ ملائشیا کی آبادی3کروڑ3لاکھ اور13صوبے‘ کویت کی آبادی40لاکھ45ہزار اور5صوبے‘ انگلینڈ کی آبادی 6کروڑ41لاکھ اور92صوبے‘ آسٹریلیا کی آبادی 2کروڑ 37لاکھ اور16صوبے‘ سری لنکا کی آبادی 2کروڑ3لاکھ اور9صوبے اور سوئیڈن کی آبادی 97لاکھ 17 ہزار اور وہاں 25صوبے ہیں۔
ایم کیوایم کے مطابق شہری سندھ سخت زیادتیوں کا شکار ہے۔ سندھ اسمبلی میں55نشستوں کی بھرپور نمائندگی کے باوجود ایم کیوایم کسی بھی قسم کی قانون سازی سے محروم ہے۔ ناانصافی بغاوت کو جنم دیتی ہے۔ نفرتوں کو پروان چڑھاتی ہے۔ دشمن اس صورتحال کو اپنے فائدے کیلئے استعمال کرتا ہے۔ تضادات کو ہوا دیتا ہے‘ امن واستحکام کو تہہ وبالا کرتا ہے ایم کیوایم کے بطن سے جنم لینے والی پاک سرزمین پارٹی کے سربراہ مصطفےٰ کمال نے کہا ہے کہ سندھ میں آباد مہاجر ’’را‘‘ کے ایجنٹ نہیں ہیں‘ محب وطن ہیں‘ انہوں نے بالکل درست کہا ہے‘ پاکستان بنانے والے کبھی اس کے خلاف نہیں ہوسکتے‘ اس سے غداری نہیں کرسکتے‘ ضرورت اس بات کی ہے کہ ہم اپنا گھر بھی ٹھیک کریں۔ ناانصافیوں اور زیادتیوں کا خاتمہ کریں۔
برصغیر میں پائی جانے والی نسلی‘ علاقائی‘ مذہبی اور لسانی تضادات نے تاریخی طور پر حملہ آوروں اور مستقل مفاد کے حامل حکمران طبقات کی مدد کی ہے۔ مختلف علاقوں میں آباد مقامی باشندوں کو آپس میں لڑواکر اپنا اقتدار مضبوط کرنے کا سلسلہ صدیوں پر محیط ہے۔ انگریز سامراج نے ’’لڑاؤ اور حکومت کرو‘‘ فلسفہ کے تحت 150 سال تک برصغیر کو محکوم رکھا۔ ہزاروں میل سے آنے والے پانچ ہزار انگریزوں نے 40کروڑ ہندوستانیوں کو غلام بناکر رکھا تھا۔ جنگ عظیم دوئم میں عظیم نقصانات کے باعث غلامی کا یہ سلسلہ جاری نہ رہ سکا۔ 1947ء میں برصغیر کو آزادکرنا پڑا لیکن اس طرح کہ علاقے میں بھارت کی بالادستی قائم رہے‘ پاکستان کو مفلوج اور محروم رکھا جائے۔ خدا بھلا کرے ڈاکٹر قدیر خان اور ذوالفقار علی بھٹو کا‘ کہ انہوں نے ایٹم بم بنالیا اور علاقے میں طاقت کا توازن قائم ہوگیا۔ لیکن بھارت کے جنونیوں کو چین کہاں‘1962ء میں چین‘ بھارت اور1965ء میں پاک‘ بھارت جنگوں کے فوری بعد1968ء میں نئی انٹیلی جنس ایجنسی ’’را‘‘ تشکیل دی گئی۔ ریسرچ اینڈ اینالیس ونگ (R.A.W۔را) سے قبل ملکی اورغیرملکی انٹیلی جنس کاکام انٹیلی جنس بیورو (آئی بی) کے ذمہ تھا لیکن مذکورہ بالا دونوں جنگوں میں آئی بی کی کارکردگی انتہائی مایوس کن رہی تھی جس کے بعد آنجہانی وزیراعظم اندراگاندھی کے دور میں ’’را‘‘ کو بالخصوص پاکستان‘ چین‘ نیپال اور سری لنکا وغیرہ میں جاسوسی اور تخریب کاری ودہشت گردی کیلئے تیار کیاگیا اور کروڑوں امریکی ڈالرز فنڈ مقرر ہوا۔ گزشتہ دنوں بلوچستان سے پکڑے گئے ’’را‘‘ کے جاسوس کلبھوشن یادیو نے بہت سے خفیہ پہلو بے نقاب کردیئے ہیں۔ بھارت نے ابتداء سے ہی کبھی پاکستان کی حقیقت کو تسلیم نہیں کیا۔ اپنے سے10گنا چھوٹے پڑوسی ملک کو دبانے اور کچلنے کا ہر ہتھکنڈہ استعمال کیا۔ متحدہ پاکستان کے ایک بازو (مشرقی پاکستان) میں نفرتوں کے ایسے بیچ بوئے کہ تقسیم سے قبل قائداعظم محمد علی جناح کے جلسے میں ڈھاکہ سے کلکتہ سائیکل پر جانے والا شیخ مجیب الرحمان باغی ہوگیا اور1971ء میں پاکستان پر آری چلاکر اسے دو ٹکڑے کردیا۔ آج بنگلہ دیش میں کسی جگہ بھی اردو زبان میں کوئی سائن بورڈ نظر نہیں آتا اور تعلیمی اداروں میں اردو زبان ممنوع ہے۔
کلبھوشن یادیو کا بھی یہی مشن تھا۔ وہ بلوچستان میں نفرتوں اور علیحدگی کے بیج بورہا تھا۔ غیر ریاستی عسکریت اور علیحدگی پسندوں سے مراسم تھے۔ انہیں فنڈز ‘ہتھیار اور معلومات فراہم کرتا تھا۔ کوئٹہ میں اس کی جیولری کی دُکان علیحدگی پسندوں کا گڑھ تھی اوروہاں سے ہدایات جاری کی جاتی تھیں۔ اس کا نیٹ ورک کراچی تک دراز تھا‘ کراچی میں لیاری گینگ وار اور مسلح گروپوں سے اس کے مراسم تھے اور وہ انہیں فنڈز فراہم کرتا تھا۔ ’’را‘‘ کا نیٹ ورک یوں تو پوری دنیا میں پھیلا ہوا ہے لیکن اس کا خاص ہدف چین اور پاکستان ہیں۔ بالخصوص چین اور پاکستان کے درمیان اکنامک راہداری منصوبہ بھارت کی آنکھوں میں بری طرح کھٹک رہا ہے۔ وہ اسے تباہ وبرباد کرنے پر تلا ہوا ہے۔ ’’را‘‘ نے پاکستان میں اپنی سرگرمیوں میں زبردست اضافہ کردیا ہے۔ بھارت کو معلوم ہے کہ45ارب ڈالر کے پاک چین اقتصادی راہداری منصوبہ کی تکمیل کے بعد پاکستان ایشین ٹائیگر بن جائے گا۔ اس کے دباؤ اور قابو میں نہیں آئے گا۔ پاکستان میں تخریب کاری اور دہشت گردی کیلئے جال بچھانے کی بھرپور کوشش کی جارہی ہے‘ بھارت نے پاکستان میں ڈیموں کی تعمیر بھی متنازع بنانے کی پوری کوشش کی ہے۔ پاکستان اور بھارت کے درمیان کشمیر سے 6 دریا بہتے تھے۔ پاکستان کے ابتدائی برسوں میں بھارت نے ان پر اپنا مکمل حق جتانے کی کوشش کی۔ اقوام متحدہ کی مداخلت اور عالمی بینک کے فنڈ سے پاکستان کے حصے میں تین دریا آئے۔ دو عدد ڈیم منگلا اور تربیلا تعمیر ہوئے لیکن اس کے بعد کسی نئے ڈیم کی تعمیر مشکل بنادی گئی۔ سیاسی دباؤ کے ہتھکنڈے اور پراپیگنڈے کا ہتھیار استعمال کیاگیا۔ اور کالاباغ ڈیم سے لے کر بھاشا ڈیم تک کوئی بھی ڈیم تعمیر نہ ہوسکا۔ معاملے کی تہہ میں جاکر دیکھا جائے تو اس میں بھی ’’را‘‘ کا کردار نظر آئے گا۔ پاکستان میں سیاسی‘ معاشی اور اقتصادی عدم استحکام ’’را‘‘ کاایجنڈا اسے ناکام بنانے کیلئے اپنا گھر ٹھیک کرنے کی اشد ضرورت ہے۔ آرمی چیف جنرل راحیل شریف کی شروع کردہ ’’ضرب عضب‘‘ میجرجنرل بلال اکبر کی سربراہی میں کراچی آپریشن اور لیفٹیننٹ جنرل عاصم باجوہ کی سرکردگی میں ’’پراپیگنڈہ آپریشن‘‘ نے پاکستان دشمنوں کی کمر توڑ دی ہے۔ یہ کام بہت پہلے شروع ہوتا تو بہت سی خرابیوں سے بچا جاسکتا تھا۔
متحدہ قومی موومنٹ پاکستان نے الیکشن کمیشن کی قانونی حیثیت کو سندھ ہائی کورٹ میں چیلنج کردیا ہے۔ بدھ کوسندھ ہائیکورٹ نے ایم کیو ایم پاکستان کی درخواست پرفریقین کو نوٹس جاری کرتے ہوئے اٹارنی جنرل پاکستان، الیکشن کمیشن اور دیگر سے جواب طلب کرلیا۔ جسٹس جنید غفار نے نوٹیفکیشن فوری معط...
بانی متحدہ الطاف حسین دہشت گردی پر اُکسانے کے الزام سے بری ہوگئے۔ برطانوی عدالت میں بانی متحدہ پر دہشت گردی پر اکسانے کا جرم ثابت نہ ہوسکا۔ نجی ٹی وی کے مطابق بانی متحدہ کو دہشت گردی کی حوصلہ افزائی کے حوالے سے دو الزامات کا سامنا تھا، دونوں الزامات 22 اگست 2016 کو کی جانے والی ...
کنگ اپون تھیم کراؤن کورٹ میں دہشت گردی کی حوصلہ افزائی کرنے سے متعلق اشتعال انگیز تقاریر کیس میں بانی ایم کیو ایم الطاف حسین کے خلاف دلائل مکمل کر لیے گئے، عدالت فیصلہ کرے گی کہ الطاف حسین کو سزا سنائی جائے گی یا الزامات سے بری کردیا جائے گا۔ میڈیا رپورٹ کے مطابق بانی ایم کیو ایم...
بھارت میں اقلیتوں پر ظلم بے نقاب ہونے کے بعد نئی چال سامنے آگئی، "را" مودی سرکار کو دباؤ سے نکالنے کیلئے سرگرم ہوگئی اوربھارت میں تحریک طالبان انڈیا کے قیام کا اعلان کر دیا گیا۔ میڈیا رپورٹس کے مطابق بھار ت میں تحریک طالبان انڈیا کے قیام کا اعلان نامعلوم مقام پر ایک میٹنگ کے بعد ...
آج ہم سب یہاں ریاست کے تمام اداروں سے یہ سوال کرنے آئے ہیں کہ کیا سندھ کے شہری علاقوں کو تباہ کرنے کی کوئی قومی اتفاق رائے پائی جاتی ہے کیا مہاجروں کو دیوار سے لگانے کا کوئی ایسا ارادہ ہے کہ جس پے عملدرآمد کا سلسلہ شروع کردیا گیا ہے۔ان خیالات کا اظہار ڈاکٹر خالد مقبول صدیقی نے ای...
کوئٹہ پولیس ٹریننگ مرکز پر حملے کی نگرانی افغانستان سے کی گئی، مقامی نیٹ ورک کو استعمال کیا گیا حساس اداروں نے تفصیلات جمع کرنا شروع کردیں ، افغانستان سے دہشت گردوں کی حوالگی کا مطالبہ کیا جاسکتا ہے بھاری ہتھیاروں کے ساتھ کوئٹہ پولیس کے تربیتی مرکز پر ہونے والے خود کش حم...
امریکاکے بعد برطانیہ نے بھی پاکستان کودہشت گردوں کی پناہ گاہ قراردینے کا بھارتی دعویٰ یکسر مسترد کردیا برطانیہ میں مقیم بھارتیوں کی آن لائن پٹیشن پر پاکستان کی قربانیوں کے برطانوی اعتراف نے بھارتی غبارے سے ہوا نکال دی امریکا اوربرطانیہ دونوں ممالک نے بھارتی حکومت کے اشارے اور ...
بھارتی فوج کی جانب سیکنٹرول لائن پر دراندازی کے واقعے کے بعدجسے اس نے سرجیکل اسٹرائیک کانام دینے کی ناکام کوشش کی، بھارتی فوج کے سربراہ نے عالمی سطح پر بھارت کی اس مذموم کارروائی کی مذمت سے بچنے کیلیے اعلان کیاتھا کہ کنٹرول لائن پر جو واقعہ ہوا، اس کے بعد اب بھارت پاکستان کے خلاف...
اپوزیشن کی تمام جماعتوں نے گزشتہ روز وزیراعظم کی دعوت پر لبیک کہتے ہوئے آل پارٹیز کانفرنس میں شرکت کی اور بھارت کے جنگی جنون سے نمٹنے اور مقبوضہ کشمیر کے مظلوم عوام کی بھرپور مدد کرنے کے حوالے سے کوششوں کیلیے وزیر اعظم کابھر پور ساتھ دینے کا اعلان کیا۔اپوزیشن کے رہنماؤں نے اس ناز...
یوں توآج کل پورا برصغیر آپریشنوں اور اسٹرائیکوں کے شور سے پریشان ہے مگر کشمیر براہ راست ان کی زد میں ہے۔ یہاں حکومت نے آپریشن ’’کام ڈاؤن‘‘کا آغاز کرتے ہو ئے پورے کشمیر کو بالعموم اور جنوبی کشمیر کو بالخصوص سیکورٹی ایجنسیوں کے رحم و کرم پر چھوڑا ہے۔ انھیں مکمل طور پر کھلی چھوٹ ہے۔...
بھارت کنٹرول لائن پر در اندازی کی کوشش کو پاکستان کے خلاف سرجیکل اسٹرائیک کا نام دے کر دنیا بھر میں پاکستان کو بدنام کرکے مقبوضہ کشمیر کے عوام پر اپنے سفاکانہ مظالم پر پردہ ڈالنے کی کوششوں میں ناکامی اور اس ناکامی کے بعد سے مسلسل سرحدوں پر چھیڑ چھاڑ میں مصروف ہے، جس کا اندازہ اس ...
وفاقی دارالحکومت اسلام آباد ان دنوں زبردست سفارتی اور سیاسی سرگرمیوں کا مرکز بنا ہو اہے ۔ گزشتہ دو ہفتوں سے پاکستان اور بھارت کے درمیان جاری کشیدگی نے سفارتی حلقوں کو بہت زیادہ سرگرم کیا ہواہے ۔ پاکستان کے دفاعی اور سفارتی حلقوں کی شبانہ روز کاوشوں نے بھارت کو سفارتی اور دفاعی لح...
