... loading ...
... loading ...
امریکا کے خفیہ ادارے سی آئی اے نے 2010ء ہی میں تسلیم کیا تھا کہ وہ جعلی “جہادی” وڈیوز پر کام کر چکا ہے اور اب تو ماہرین بھی معروف صحافی جیمز فولی کے سر قلم کیے جانے کی وڈیو کو “ڈرامہ” قرار دے رہے ہیں۔ اس میں حقیقت کتنی ہے اور افسانہ کتنا، کچھ روشنی 2010ء میں واشنگٹن پوسٹ میں شائع ہونے والا ایک مضمون کرے گا، جسے امریکی فوج کے سابق انٹیلی جنس افسر جیف اسٹین نے لکھا تھا۔ انہوں نے تفصیلاً بیان کیا تھا کہ سی آئی اے نے کس طرح 2003ء کی عراق جنگ سے پہلے اسامہ ان لادن کی جعلی وڈیوز بنائی تھیں۔ یہ مضمون بتاتا ہے کہ ایجنسی نے کس طرح متعدد متنازع پہلوؤں کو نمایاں کرنے کے لیے عراق کے حوالے سے وڈیوز بنانے کی منصوبہ بندی کی تھی۔ اس مضمون میں سی آئی اے کے عراق آپریشنز گروپ کے مختلف ذرائع سے حاصل کیے گئے تبصرے بھی شامل کیے گئے تھے۔ جس کے مطابق ایک ایسی وڈیو بھی بنائی گئی تھی جس میں اسامہ بن لادن اور ان کے ساتھیوں کو آتش دان کے قریب شراب سے لطف اندوز ہوتے اور لڑکوں کے ساتھ جشن مناتے دکھایا گیا تھا اور یہ سب ڈرامہ تھا۔ اس میں موجود تمام افراد ذرا گہری رنگت رکھنے والے سی آئی اے ملازمین تھے۔ دیگر حکام نے بھی متعدد جعلی وڈیوز بنانے کی منصوبہ بندی کا اقرار کیا جن میں سابق عراقی صدر صدام حسین کو نو عمر لڑکوں کے ساتھ بدفعلی کرتے دکھایا جانا تھا۔ سابق افسران کہتے ہیں کہ اس وڈیو کو اس طرح بنایا جانا تھا جیسے کسی خفیہ اور جاسوسی کیمرے نے اس کی ریکارڈنگ کی ہو۔ لیکن ایک تیسرے اہلکار کا کہنا تھا کہ صدام حسین کا لڑکوں کے ساتھ بدفعلی کرنا شاید مشرق وسطیٰ میں اتنا ہنگامہ نہ پیدا کرے۔ “ہمیں ایسی کوئی بھی مہم چلانے سے پہلے ہدف کو بہت دھیان میں رکھنا چاہیے۔ ہم سے ہمیشہ یہی غلطی ہوئی ہے کہ جس چیز کو ہم اپنے معاشرے میں معیوب سمجھتے ہیں، تصور کرلیتے ہیں کہ وہ دنیا بھر میں کریہہ فعل سمجھا جاتا ہوگا۔”
گو کہ ایسی وڈیوز کبھی جاری نہیں کی گئیں لیکن یہ سی آئی اے کی اس شعبے میں قابلیت اور ذہنیت کو ظاہر کرنے کے لیے کافی ہے۔ ایسے ڈراموں کو قبولیت عام ملنے سے نفسیاتی برتری حاصل کرنے کی کوشش ضرور کی گئي ہوگي اور یہی وجہ ہے کہ داعش کی جانب سے سر قلم کیے جانے کی وڈیوز پر سوالات اٹھے اور آئندہ بھی اٹھتے رہیں گے۔
معروف صحافی جیمز فولی کے سر قلم کیے جانے کے چند ہی دنوں بعد برطانیہ کے معروف فرانزک ماہرین نے کہہ دیا کہ یہ وڈیو جعلی سی لگتی ہے۔ کیمرے کی حرکات اور پروڈکشن کی تکنیک سے اسے پیش تو کردیا گیا ہے لیکن بغور اور بارہا دیکھنے کے بعد ہمیں اندازہ ہوا کہ اس میں خون کا ایک قطرہ تک نہیں دکھایا گیا۔ خوش گمانی کرتے ہوئے ماہرین نے اتنا ضرور کہا کہ “ہو سکتا ہے کہ کیمرا بند کرنے کے بعد فولی کا سر قلم کیا گیا ہو۔”
داعش کی جانب سے سامنے آنے والی بیشتر وڈیوز کم معیار کی اور موبائل کیمرے سے بنائی گئی ہوتی ہیں لیکن سر قلم کرنے کی وڈیوز میں “اصل منظر” نہ دکھانے کے باوجود اس کی ایڈیٹنگ کی جدید تکنیک اور ایچ ڈی کیمرے چغلی کھانے کے لیے کافی ہوتے ہیں۔ گو کہ ماہرین نے فولی اور اسٹیون سوٹلوف کی المناک موت پر سوال نہیں اٹھائے لیکن جس پہلو پر دیدۂ بینا رکھنے والوں کی نظریں وہ ان وڈیوز کو دریافت کرنے والا ادارہ ہے۔ چند وڈیوز سائٹ انٹیلی جنس گروپ نے جاری کی ہیں، جس کے بانیوں میں سے ایک ریٹا کاٹز ہیں۔ یہ خاتون دہشت گردی کے حوالے سے معروف تجزیہ کار ہیں اور ان کے اسی شعبے میں امریکا کے سابق اہم اہلکار رچرڈ کلارک اور وائٹ ہاؤس میں ان کے عملے اور ساتھ ساتھ محکمہ انصاف، محکمہ خزانہ اور ہوم لینڈ سیکورٹی میں قریبی تعلقات ہیں۔
پھر سب سے اہم بات داعش کی تخلیق میں امریکا کے مبینہ ہاتھ کی شمولیت ہے، اس طرف خود امریکا کے معروف جرنیل تھامس میک انرنی اشارہ کر چکے ہیں۔ جن کا کہنا رہا ہے کہ “میرے خیال میں ہم نے چند معاملات میں غلط لوگوں کی حمایت کی ہے، یہ آزاد شامی افواج کا حصہ نہ تھے اور ذہنی طور پر الجھے ہوئے لوگ تھے۔ اس لیے ہم سے غلط افراد کی حمایت سرزد ہوئی ہے۔” اس دوران جب اوباما انتظامیہ تسلیم کرتی ہے کہ ان کے پاس داعش کے مقابلے کے لیے کوئی حکمت عملی موجود نہیں، داخلی ذرائع دعویٰ کرتے ہیں کہ حکومت کو ان کے منظر عام پر آنے کا پہلے سے علم تھا۔
خیبر پختونخوا حکومت فوج پر ملبہ ڈالنا چاہتی ہے، جرگہ کے بعد صوبائی حکومت کی طرف سے نوٹیفکیشن جاری کیا گیا صوبائی حکومت کے مفادات ٹی ٹی پی کے ساتھ جڑے ہوئے ہیں،وزیر دفاع کی پریس کانفرنس وفاقی وزیر دفاع خواجہ آصف نے کہا ہے کہ وادی تیراہ میں نقل مکانی معمول کی بات ہے، خیبر پختو...
وادی تیراہ کے جس علاقے میں آپریشن کیا جا رہا ہے وہاں برفباری کے باعث جانور زندہ نہیں رہ سکتے آفریدی قوم نے کمیٹی ممبران سے اتفاق نہیں کیا،وزیراعلیٰ خیبرپختونخوا کی فوجی آپریشن کی سختی سے مخالفت خیبرپختونخوا کے وزیراعلیٰ محمد سہیل آفریدی نے وادی تیراہ میں فوجی آپریشن کی س...
متاثرہ عمارت کے اطراف میں پولیس اور رینجرز اہلکار تعینات کر دیے گئے دکانداروں کو بھی حفاظتی اقدامات کے ساتھ اندر لے کر جائیں گے،ڈی سی (رپورٹ: افتخار چوہدری)سانحہ گل پلازہ میں سرچنگ آپریشن اور ملبہ اٹھانے کا کام مکمل بند کردیا گیاہے، انتظامیہ نے متاثرہ عمارت کو کراچی بلڈنگ کن...
کراچی مسائل کا حل صوبائی یا وفاقی کنٹرول نہیں، بااختیار کراچی سٹی گورنمنٹ ہے، حافظ نعیم یکم فروری کو شاہراہ فیصل پر جینے دو کراچی مارچ کیا جائے گا، پریس کانفرنس سے خطاب امیر جماعت اسلامی پاکستان حافظ نعیم الرحمٰن نے منگل کے روز ادارہ نورحق میں پریس کانفرنس سے خطاب کرتے ہوئے ک...
دہشت گرد ثناء اللہ کو سرنڈر کرنے کا موقع دیا مگر اس نے انکار کر کے فائرنگ شروع کر دی راکٹ لانچر، کلاشنکوف،ہینڈ گرنیڈز، ایس ایم جیز اور بھاری مقدار میں گولہ بارود برآمد بلوچستان کے ضلع پشین کے علاقے کلی کربلا میں کاؤنٹر ٹیررازم ڈیپارٹمنٹ (سی ٹی ڈی) نے پیر کی رات ایک طویل اور...
اسرائیلی ڈرون حملوں میںسیکڑوں افراد تاحال ملبے تلے دبے ہوئے ہیں اسرائیلی فوج نے مقبوضہ مغربی کنارے کے متعددا سکولوں کو خالی کروا لیا اسرائیلی فورسز کی غزہ میں جارحیت کا سلسلہ بدستور جاری ، تازہ حملوں میں مزید 3فلسطینی شہید جبکہ اسرائیلی ڈرون حملوں میں 20افراد زخمی بھی ہوئے۔غی...
کسی صورت 8 فروری کے احتجاج کی کال واپس نہیں لیں گے، محمود خان اچکزئی کی شیریں مزاری سے ملاقات، بیٹی ایمان مزاری اور ان کے شوہرکے ساتھ اظہار یکجہتی کیلئے ان کے گھر آمد لوگوں کے لئے آواز اٹھانے والے اس ملک میں محفوظ نہیں ہیں(مصطفیٰ نواز کھوکھر ) ایمان اور ہادی کو جس انداز سے سزا...
5 لاکھ گل پلازہ کے ہردکاندار کو دیں گے تاکہ 2 ماہ تک گھر کا کچن چلا سکے، وزیراعلیٰ سندھ ایک کروڑ کا قرضہ دینگے جس کا سود سندھ حکومت ادا کرے گی،مراد علی شاہ میڈیا سے گفتگو وزیراعلیٰ سندھ مراد علی شاہ نے سانحہ گل پلازہ کے متاثرین کو 2 ماہ میں دکانیں تیار کرکے دینے کا اعلان کردی...
وفاقی حکومت کی جانب سے وفاقی فنڈزکی عدم ادائیگی مالی بحران کاباعث بن رہی ہے،وزیراعلیٰ وفاقی قابل تقسیم پول سے 658 ارب کے مقابلے میں صرف 604 ارب ملے،لکھے گئے خط کا متن وزیراعلیٰ خیبر پختونخوا سہیل آفریدی نے وفاقی رقوم کی عدم ادائیگی پر وزیراعظم پاکستان شہباز شریف کو خط ارسال ...
پختون قوم کا جرگہ بلاؤں گا اور معاملہ رکھوں گا،مکینوں کا ازخود جانے کا دعویٰ جھوٹ ہے، مکینوں سے پوچھیں گے، بات جھوٹی ہوئی تو ہم خود انہیں واپس لائیں گے،وزیراعلیٰ خیبرپختونخوا مجھے ہٹانے کیلئے تین آپشن ، گورنر راج ، نااہل ورنہ مجھے مار دیا جائے،کمیٹی کو ڈرایا دھمکایا گیا، بیانی...
کم سے کم درجہ حرارت 8.5ڈگری سینٹی گریڈجبکہ پارہ سنگل ڈیجٹ میں ریکارڈ کیاگیا شمال مشرقی سمت سے 20تا 40کلومیٹر فی گھنٹہ کی رفتار سے ہوائیں متوقع، محکمہ موسمیات کراچی میں بلوچستان کی یخ بستہ ہوائوں کے باعث سردی کی شدت برقرار ہے جس کے سبب شہر میں اتوارکو بھی پارہ سنگل ڈیجٹ میں ری...
مزید ایک لاش کا ڈی این اے،متاثرہ عمارت کے ملبے سے انسانی باقیات نکلنے کا سلسلہ جاری دہلی کالونی کے 4 افراد کی نمازِ جنازہ ادا، دو تاحال لاپتا، متاثرہ خاندان شاپنگ کیلئے پلازہ گیا تھا (رپورٹ:افتخار چوہدری)سانحہ گل پلازہ میں ڈی این اے کے ذریعے مزید ایک لاش کی شناخت کرلی گئی، شن...
